قۇرۇق ئىسسىق مىزاج كىشىلەرنىڭ ئالامەتلىرى

   تەبىئىي جۇغراپىيەلىك مۇھىتنىڭ كىشىلەر رەڭگى - رويىغا بولغان تەسىرىنى ھېسابقا ئالماي بەلكى بەدەندىكى تەبئىي سۈپەتلىك پەرقىنى ئۆلچەم قىلغاندا، ئادەتتە قۇرۇق ئىسسىق مىزاج كىشىلەر كۆز ئېقى ساغۇچراق، ئېغىز تەمى ئاچچىق، تىلى قۇرۇغراق، كۆپ ئۇسسايدىغان، بەدەنلىرى قىززىق، سۇغۇق ھاۋادا يۈرۈش ۋە سۇغۇق يېمەك - ئېچمەكلەرنى ئىستېمال قىلىشنى خالايدىغان بولىدۇ. تومۇرى كۈچلۈك ۋە تېزراق سوقۇدىغان، سۈيدۈكى قىزىلغا مايىل سېرىق بولىدۇ. يوقىرىقى ئالامەتلەردىن تاشقىرى، قۇرۇق ئىسسىق مىزاج ئادەملەرنىڭ خۇلقى مىجەزى ۋە روھىي ھالىتىدە ئالاھىدە پەرقلەر بولىدۇ. بۇ بەلگىلەرنى شۇ كىشىلەرنىڭ تۇغما مىجەزىدىن ئايرىپ قارىغىلى بولمايدۇ. ئۇيغۇر تېبابەت ئىلمىنىڭ ئۇزۇن يىللىق ئەمەلىي كۈزىتىشىدىن قارىغاندا قۇرۇق ئىسسىق مىزاج ئادەملەر ئاچچىغى يامان، غەزەپلىنىشكە مايىل، نېرۋىسى ئىتتىك، ھەرىكىتى تېز، سەزگۈر ھەم ئالدىراڭغۇ، ھېسسىياتى كۈچلۈك، ئۆزىنى تۇتۇۋېلىش قابىلىيىتى تۆۋەن، ئۇيقۇسى ئازراق بولىدۇ.

ھەمبەھىرلىنىڭ