2012-يىلى ئۈرۈمچىدە 15 مىڭدىن ئارتۇق ئادەمنىڭ يىللىق كىرىمى 120 مىڭ يۈەندىن ئاشتى

   1-ئايدىن ھازىرغىچە ، ئۈرۈمچىدە يىللىق كىرىمى 120 مىڭ يۈەندىن ئاشقان 33 كىشى ئۆز ئىختىيارلىقى بىلەن باج تۆلەشكە ئىلتىماس قىلغان . ئىگىلىنىشىچە ، يىلدا بىر قېتىم ئېلىپ بېرىلىدىغان يىللىق كىرىمى 120 مىڭ يۈەنلىكلەرنىڭ باج تۆلەشكە ئىلتىماس قىلىش خىزمىتى 1-ئايدا باشلىنىپ ، 3-ئاينىڭ ئاخىرىدا ئاخىرلىشىدىكەن . 6-فېۋرال ، ئۈرۈمچى شەھەرلىك يەرلىك باج ئىدارىسىدىكى ئالاقىدار خادىمنىڭ ئەسكەرتىشىچە ، يۇقىرى كىرىملىكلەر 3-ئايدىن بۇرۇن ئۆز ئىختىيارلىقى بىلەن باج تاپشۇرۇش خىزمىتىگە ئىلتىماس قىلىشى كېرەككەن .

    بۇ خادىمنىڭ ئېيتىشىچە ، بۇلتۇر يىللىق كىرىمى 120 مىڭ يۈەندىن ئاشقانلار 15 مىڭدىن ئاشقان بولۇپ ، بۇ يىل ئۇنىڭدىنمۇ كۆپرەك بولۇشىدا ئۈمىد زور ئىكەن . تونۇشتۇرۇلۇشىچە ، ئەمەلىيەتتە ، مەركەزنىڭ شىنجاڭ خىزمىتى يىغىنى ئېچىلغاندىن كېيىن ، شىنجاڭدا بولۇپمۇ مەركىزىي شەھەر ئۈرۈمچىدە يۇقىرى كىرىملىكلەرنىڭ كۆپىيىش سۈرئىتى تېز بولغان .

    بۇلتۇر، پۈتۈن شىنجاڭدا يىللىق كىرىمى 120 مىڭ يۈەندىن ئېشىپ ، ئۆزلىكىدىن باج تاپشۇرۇشقا تىزىملاتقانلار 27 مىڭ 235 بولۇپ ، ئالدىنقى يىلدىكىدىن 21 مىڭ 560 ئادەم كۆپ بولغان ، دېمەك 6000 غا يېقىن كىشى كۆپەيگەن . ۋاھالەنكى ، 2007-يىلى تۇنجى قېتىملىق ئىلتىماس قىلىش خىزمىتىدە ، پۈتۈن شىنجاڭدا پەقەت 7009 كىشى باج تاپشۇرۇشقا ئىلتىماس قىلغان . ئۇنىڭ ئىچىدە ئۈرۈمچىدىن ئىلتىماس قىلغۇچىلار 3517 ئادەمگە يەتكەن .