شىنخۇا تورى شىچاڭ 14 – ئاپرېل تېلېگراممىسى : 14 – ئاپرېل سائەت 14 دىن 11 مىنۇت ئۆتكەندە ، مەملىكىتىمىزنىڭ شىچاڭدىكى سۈنئىي ھەمراھ قويۇپ بېرىش مەركىزىدە ، ‹‹ئۇزۇن سەپەر –3 ››ناملىق توشۇغۇچى راكېتا بىلەن ‹‹شىمالىي قۇتۇپ يۇلتۇزى›› ناملىق يول باشلىغۇچى سۈنئىي ھەمراھنى مۇۋەپپەقىيەتلىك ھالدا ئالەم بوشلۇقىغا ئۇزىتىپ قويدى .

    شىئەن سۈنئىي ھەمراھ كۆزىتىش ۋە كونتورل قىلىش مەركىزىدىن كەلگەن سانلىق مەلۇماتلاردىن كۆرسىتىلىشىچە ، سۈنئىي ھەمراھ ئالدىن بېكىتىلگەن ئوربېتىغا مۇۋەپپەقىيەتلىك كىرگەن .

    مۇناسىۋەتلىك تارماقلارنىڭ مەسئۇلىنىڭ تونۇشتۇرۇشىچە ، بۇ قېتىم قويۇپ بېرىلگەن ‹‹شىمالىي قۇتۇپ يۇلتۇزى›› ناملىق يول باشلىغۇچى سۈنئىي ھەمراھ  (COMPASS—M1)  جۇڭگو شىمالىي قۇتۇپ يۇلتۇزى يول باشلاش سىستېمىسى (COMPASS) قۇرۇلۇشى پىلانىدىكى بىر سۈنئىي ھەمراھ بولۇپ ، يەر يۈزىدىن 21 مىڭ 500 كىلومېتىر ئېگىزلىكتىكى ئوتتۇرا ئايلانما ئوربېتىدا ئايلىنىدىكەن . بۇ سۈنئىي ھەمراھنىڭ مۇۋەپپەقىيەتلىك قويۇپ بېرىلىشى مەملىكىتىمىز ئۆزى تەتقىق قىلىپ ياساپ چىققان قۇتۇپ يۇلتۇزى سۈنئىي ھەمراھ  يول باشلاش سېستىمىسىنىڭ يېڭى تەرەققىيات قۇرۇلۇش باسقۇچىغا كىرگەنلىكىدىن دېرەك بېرىدۇ .

   سۈنئىي ھەمراھ يول باشلاش سېستىمىسى ئىنسانىيەتكە غايەت زور ئىجتىمائىي ۋە ئىقتىسادى مەنپەئەت ئېلىپ كېلىدۇ . نۆۋەتتە ، دۇنيادا پەقەت ئاز ساندىكى بىرنەچچە دۆلەتلا سۈنئىي ھەمراھ يول

    بۇ قېتىم قويۇپ بەرگەن سۈنئىي ھەمراھ  ۋە قويۇپ بېرىشتا ئىشلىتىلگەن ‹‹ئۇزۇن سەپەر –3›› ناملىق توشۇغۇچى راكېتانى ئايرىم – ئايرىم ھالدا جۇڭگو ئاۋىئاتسىيە پەن – تېخنىكا گۇرۇھى شىركىتى قارمىقىدىكى جۇڭگو بوشلۇق تېخنولوگىيىسى تەتقىقات ئورنى بىلەن جۇڭگو توشۇغۇچى راكېتا تەتقىقات ئورنى تەتقىق قىلىپ ياساپ چىققان .