بارخان بلوگ

ئۇيغۇر ئانا
تۇغدى ئۇيغۇر ئوغۇل.
ئوغۇز سۈتىدە
ئوغۇز روھى سىڭدۈرۈپ.
چوڭ قىلىدۇ ئۇنى
جەسۇرلۇقتا گويا
ئاتىللادەك،
ئاپراسىياپتەك.
تۇنۇتىدۇ ئۇيغۇرلىقىنى،
تۇنۇتىدۇ غەيۇرلىقىنى،
جەڭگە چىقسا قالقان نەھاجەت
بۇيۇك ھونلانىڭ ئەۋلادلىقىنى.
ئوغۇل
چوڭ بولىدۇ ئالدىراش،
چىپىپ كەينىدىن
مۇھەببەتنىڭ،
خىزمەتنىڭ
يەنە نۇرغۇن نىمەتنىڭ.
بىلمەيدۇ كىملىكىنى
ئۇنتۇغان ھەتتا قەۋمىنى.

چۈش كۆرىدۇ ئانا
بەربات بولغان ئارزۇسى
قېنى ئۇ
ئوغۇز روھى سىڭگەن ئۇيغۇر يىگىتى
ئاتىللادەك
........
ئوغۇل
چوڭ بولىدۇ بىركۈنى.
بۈگۈن ،
يا ئەتە،
......؟