ئازغۇن تور تۇراسى

版权声明：转载时请以超链接形式标明文章原始出处和作者信息及本声明
http://www.blogbus.com/azgun1-logs/41089703.html

بىزنى  تەقەززا قىلغان خەنزۇتىلى سەۋىيە سىناش ئىمتىھان نەتىجىسى بۈگۈن(2009-يىلى6-ئاينىڭ 15-كۈنى)ئاخىرى    چىقىپتۇ.بۇ ئىمتىھان قارىماققا مۇنداق ئادىلا كۆرۈنگەن بىلەن بىزنىڭ بىر يىل ۋاقتىمىزنىڭ زايا بولۇش بولماسلىقى مۇشۇ ئىمتىھانغا باغلىق بولۇپ قالغان ئىدى. ئەگر بىز مۇشۇ ئىمتىھاندا مەكتەپنىڭ بەلگىلىگەن ئۆلچىمىگە توشساق ئاندىن كەسىپكە چىقالايىتتۇق ئەگەر مەكتەپنىڭ ئۆلچىمىگە توشمىساق پەقەت ئىككىلا يول قالاتتى بىرى تەييارلىقتا بىر يىل قايتا ئوقۇش،يەنە بىرى ئەمدى باشلانغان ئالىي مەكتەپ ھاياتىنى ئاخىرلاشتۇرۇپ ئۆيگە قايتىپ كىتىش ئىدى. بۇ ئىككىلا يول ئادەمگە ئازاپ ئىلىپ كىلەتتى، مەغلۇبىيەتكە قىستايىتتى. ئ
ەگەر ئالىي مەكتەپ ھاياتى بىلەن خوشلىشىپ ئۆيگە قايتىش يولىنى تاللىسام دادامنىڭ يوقلۇقىنى چاندۇرماي مەن ئۈچۈن قىلمىغانلىرى قالمىغان بىچارە ئانامغا يۈز كىلەلمەيىتتىم. چۈنكى مەن  ئالىي مەكتەپكە كەلگۈچە ۋە كەلگەندىن كىيىن ئانامغا نىمە جاپالارنى سالمىدىم!؟ يەنە بىر تەرەپتىن ئەل-ئاغىنە، ئۇرۇق-تۇغقان، ئەللە-مەھەللە، قۇلۇم قوشنىلارنىڭ ئالدىدا سۆز-چۆچەككە قىلىشتىن ، يۈزۈم چۈشۈپ كىتىشتىن قورقاتتىم.
      ئىككىنچى يول يەنى تەييارلىقتا يەنەبىر يىل قايتا ئوقۇشنى تاللىسام بىر يىل ۋاقىت، كەم بولغاندا ئون نەچچە مىڭ يۈەن پۇل دىگەنلەرنى بەدەل تۆلىەەندىن سىرىت يەنە تونۇش-بىلىشلەرنىڭ ئالدىدا يۈزۈم پولا ئاش بولاتتى.
      بۈگۈن چۈشتىن كىيىنلىك دەرىسكە كىرىشنىڭ ئالدىدا بىر قىز ساۋاقدىشىم :
_تۇرسۇنجان مەن خەنزۇتىلى سەۋىيە سىناش ئىمتىھانىدا 6-دەرىجىدىن ئۆتۈپتىمەن دېدى.  ھەم ھەيران قالغان ھالدا سورىدىم
_ قانداق بىلدىڭىز؟ ئوقۇتقۇچى بىزگە 24-چىسلا چىقىدۇ دىگەن ئىدىغۇ.
_ ھازىر تېلىفۇنغا چىقىرىپتۇ.
_ھە مەنمۇ سۈرشتۈرۈپ باقاي ئەمىسە.
      ياتاققا يۈگۈرگەن پىتى كىرىپ ئىمتىھانغا قاتنىشىش كىنشكەمنى قولۇمغا ئالدىم_دە، تىلفۇنخانىغا قاراپ چاپتىم. بۇ ۋاقىتتا تىلفۇنخاندانەتىجىسىنى سۈرۈشتۈرگىلى كىرگەنلەر خلى كۆپ ئىدى. مەن تونۇيدىغان بىر-نەچچەيلەندىن قانچىنىچى دەرىجىدىن ئۆتكەنلىكىنى سورىسام بەزىلىرى 6_دەرىجىنى ئاپتۇ بەزىلىرى 5-دەرىجىنى ئاپتۇ. مەن ئۇلارغا شۈنچە ھەۋەس قىلىپ قالدىم چۈنكى بۇ ئىمتىھاندا ئۆزۈمگە ئانچە ئىشەنچىم يوق ئىدى. شۇنداق بولسىمۇ ئۆز-ئۆزۈمگە تەسەللىي بىرىپ تېلىفۇن تورۇپكىسنى قولۇمغا ئالدىم. لىكن شۇنداق قورقىۋاتتىم. تىلفۇندىن 5-دەرىجە دىگەن سۆزنى ئاڭلاپ قۇلىقىمغا ئىشەنمەي قالدىم. مەندىن سورىغانلارغا ئۆزۈمنى تۇتالمىغان ھالدا ئۈنلۈك ئاۋازدا ۋارقىراپ "5-دەرىجە" دەپ جاۋاپ بەردىم. ئۇلارمىنى مۇبارەكلىدى. چۈنكى  مەكتەپنىڭ ئۆلچىمىمۇ دەل 5-دەرىجە ئىدى. 5-دەرىجنى ئالدىم دىگەن گەپ ئوڭۇشلۇق كەسىپكە چىقتىم دىگەن گەپ.
    مەن ئۆز-ئۆزۈمگە قەسەم قىلدىم: كەسىپكە چىقاندىن كىيىن چوقۇم ياخشى ئوقۇيمەن...