ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/40621620.html

1
ھەسەت - بۇ تارىختىن بېرى نەتىجە قازانغۇچىلارغا قەبىھ قەلىب ئىگىللىرى تەرىپىدىن بېرىلگەن << تۆھمەت خاراكتىرلىك ئىقرار >> دىن ئىبارەت .  

2  

ھەسەتخۇرنىڭ قولىدىن دوزاخ ، تىلىدىن قىيامەت ئاپېرىدە بولىدۇ .  

3  

ھەسەت ئانچە كۆڭىل قۇيۇپ كەتكۈدەك نەرسە ئەمەس . جامائەت بۇ خۇنىك ئىللەتنى چۈشەنگەندە ، ئۇ لەنەتكە مەھكۇم بولىدۇ .  

4  

سۈيقەسىت ، پىتنە - ئىغىۋاگەرچىلىك ، تىل بىرىكتۈرىۋېلىش ، پارىخۇرلۇق ، خۇشامەتچىلىك قاتارلىقلار كىشىلەر ئارسىدىكى مۇناسىۋەت گۈزەللىكىنى بۇلغايدۇ . ئۇ ئەخلاقىي چۈشكىنلىكنىڭ ھەرخىل مۇناسىۋەتتىكى ئىپادىللىرىدىن ئىبارەت .  

5  

سەنئەت كارلارنىڭ ، يازغۇچىلارنىڭ ئەسەرلىرىنى يۇقۇلاڭ باھالاش ، ئارقىلىق پىتنە قوزغاش ، ئۇنى باشقىلارغا يامان كۇرسىتىشكە ئۇرۇنۇش ، سەۋيەسى تۈۋەن ئىچى قۇتۇر يارىماس قەلەم ساھىبىللىرىنىڭ ئىشى ...  

6  

كېيىنكى ئوتتۇرا ئەسىر ئۇيغۇر مەدەنىيىتىنىڭ خاراپلىشىشى ئاپپاق خۇجا ۋە ئۇنىڭ ئىت - غالچىللىرىنىڭ ھەسەتخۇرلىقى ، پىتنە - ئىغۋالىرى ۋە تۆھمەتلىرىدىن بۇلغان . بۇ چېكىدىن ئاشقان بۇزغۇنچىلىقنىڭ تۈپ يىلتىزى - ھەسەت .  

7  

ھەسەت ۋە ھەسەت گۇرۇھۋازلىق مىللەتنى نابۇت قىلىدۇ .  

8  

ھەسەتخۇرلۇق - نامەرىت ، كۆڭلى قارا ، خيانەتكار روھ ، ھەسەت بىلەن ۋىجدان بىللە بىر قەلىپتە ياشىيالمايدۇ .  

9  

قارىسىغا سۆزلەش ، باشقىلارنىڭ ئىغۋالىرى ، قەسەملىرىگە ئىشىنىپ جىنايەت يۇلىغا مېڭىش ، تەلۋە - ئەسەبىيلىككە يۈزلىنىش ، قاپقانغا چۈشىپ قېلىشلار تەنتەكلىكنىڭ ئالاماتى .  



10  

شۆھرەتپەرەسلىك بىرخىل ھاماقەتلىك ...!  

11  

قارا نىيەتلىك ۋە قۇلى يەتمەسلىك ھەسەتخۇرلۇقنىڭ باشلىنىشىدىن ئىبارەت .  

12  

بىلىمنى قەلبى كۇرسى ۋە كامالەت كۇرسىغا يەتكۈزمىگەن << ئۆلىما - زىيالىي >> ئۆز مىللىتىدىن ھەقىقىي تەپەككۇر ۋە بىلىم ئىگىللىرىنىڭ چىقىشىنى كۆرەلمەدۇ .  

13  

ھەم قۇلى قىسقا ناقابىل ھەم قارا نىيەت ھەم غەيۋەتخۇر بولۇش بىرخىل زىدىيەتچىل روھىي كىسەللىك بولۇپ ، ئىبلىس تەسۋىرىگە ئۇخشايدۇ .  

14  

پىتنە تۇغدۇرۇپ ، تۆھمەت قىلىش يولى بىلەن سېسىتقۇچىلارنىڭ مۇقەرەرر سېسىپ كېتىشى بۇ بىر ھەقىقەت . مانا بۇ تارىخنىڭ نۇرانە يۆلىنىشى . ئەگەر ئۇنداق بۇلمىغاندا تەڭرىمۇ بۇلمىغان ، ئىستىقبالمۇ بۇلمىغان ، ئىشەنىچ ۋە ئالىي ھىممەتمۇ بۇلمىغان بولار ئىدى .  

15  

ھەسەتخۇرلۇق شۇنداق كىسەلكى ، بىرىنچىدىن ، ئۆزىنى ھالاك قىلىدۇ ؛ ئىككىنچىدىن ، يۇقتۇرىۋالغان كىشىلەرنى ھااك قىلىدۇ ؛ ئۈچۈنچىدىن ، مىلەتنىڭ ئۇيۇشۇش كۈچىنى تارقاقلاشتۇرۇپ ، روھىي ئۇيۇشتۇرغۇچى ئاقىل كىشىلەرنىڭ ئابروي نۇۇپۇزىنى داۋاملىق قىرقىپ ، مىلەتنىڭ ھالاك بۇلۇش جەريانىنى تېزلەشتۈرىدۇ ...  

16  

ھەسەتخۇرنىڭ تەپەككۇرى ، ھىسىياتى ، تىلى ، قەلبى خۇنىكلىك بىلەن تۇلغاچقا ، تىنىقى ۋە يۈرەك سۇقۇشى ھەمىشە ھەسەت زەھىرى ، بوھتان ئوتى ۋە قۇرقۇش تەشۋىشىدە تۇرۇدۇ ، ئۇنىڭ روھىي كىسەللىكى جىسمانىي ئاجىزلىقىنى كەلتۈرىپ چىقىرىدۇ . ھەسەتخۇرلۇقنى يۇقتۇرىۋالغان كىشى ئۆزىگە << جەڭگاھ >> ئېچىۋالغان يەنە بىر ھەسەتخۇرلۇق .  

17  

ھەسەتخۇرلۇق تەرىپىدىن چىرمىۋېلىنغان مىللەت گەرچە تىل بىرلىكى بىللەن بىرلىشىپ تۇرسىمۇ ، قەلبى پارچىلانغان مىلەتتىن ئىبارەت  

18  

قەلەم ئەھلىنىڭ شان - شەرىپى ، مەرىتلىكى ۋە ئەركەكلىكى ھەسەتخۇرلىقتىن مۇتلەق خالىي بۇلۇشتا .  

19  

مىللەتنىڭ روناق تېپىشى ، ھەتتا رىقابەتچان دۇنيادا ساقلىنىپ تۇرىشى ئۈچۈن ئىلىم - پەن بىلەن نادانلىقنى تازلاش ، ئىتىپاقلىق ، ئىناقلىق ، ھەمجەھەتلىك بىلەن ھەسەتخۇرلۇقنى تازلاشتىن باشقا يول يۇق ! بۇ جەھەتتىن ھەسەتخۇرلۇق مىلەتنىڭ تەقتىرىگە ئالاقىدار چوڭ مەسىلە .  

20  

ھەسەتخۇر باشقىلارنىڭ سۈرىتىنى تامغا ئېسىپ قۇيۇپ ، ئۇنىڭ بەدىنىگە چاڭگال سېلىپ ، گۆشىنى تىتىپ يىگەندەك خىيالى كۆرىنىشتىن ئۆز - ئۆزىنى بەزلەپ ، ئەمەلدە ھەر دەقىقە ئۆز - ئۆزىگە چاڭگال سېلىپ ، ئۆز گۆشىنى ئۆزى يىگۈچىدۇر .