ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/40621012.html

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﺗﻪﺭﻩﻗﻘﯩﻴﭙﻪﺭﯞﻩﺭﻟﯩﻚ ﺋﯩﺪﯨﻴﯩﺴﻰ ﺋﯘﻧﯩﯔ << ﺑﺎﺭﺩﯗﺭ >> ﻧﺎﻣﻠﯩﻖ ﺷﯧﺌﯩﺮﯨﺪﺍ ﺋﻪﯓﺭﻭﺷﻪﻥ ﺋﯩﭙﺎﺩﯨﺴﯩﻨﻰ ﺗﺎﭘﻘﺎﻥ:

ﺟﺎﮬﺎﻟﻪﺕ ﺳﻪﻣﻪﺭﯨﺴﯩﺪﯨﻦ ﺑﯩﺰﮔﻪ ﺑﯩﺮ ﻛﯜﻥ ﻛﯚﭖ ﺟﺎﭘﺎﺑﺎﺭﺩﯗﺭ،
ﺋﯧﻴﺘﯩﯖﯩﺰﭼﯘ، ﺑﯜﮔﯜﻧﻜﻰ ﮬﺎﻟﯩﻤﯩﺰﻧﯩﯔ ﻗﺎﻳﺴﯩﺒﯩﺮﯨﺪﻩ ﺳﺎﭘﺎﺑﺎﺭﺩﯗﺭ.

ﺯﺍﻣﺎﻧﻨﯩﯔ ﮬﺎﻟﯩﺪﯨﻦ ﯞﺍﻗﯩﭗ ﺑﻮﻟﯘﭖ ﺗﯘﺭﻣﺎﻗﻨﯩﯔ ﺋﻮﺭﻧﯩﻐﺎ،
ﺑﯩﺮﯨﻨﻰ ﺷﺎﯕﻴﯘ ﺳﺎﻳﻼﭖ ﺋﺎﺭﻗﯩﺪﯨﻦ ﺩﻩﯞﺍﻳﯩﻤﯩﺰ ﺑﺎﺭﺩﯗﺭ.

ﺋﯩﻠﯩﻤﻨﯩﯔ ﺋﯩﺠﺘﯩﮭﺎﺩﯨﻐﺎ ﻛﯚﯕﯜﻟﻨﻰ ﻗﻮﻳﻤﯩﺪﯗﻕ ﺑﯩﺰﻟﻪﺭ،
ﺋﻮﻗﯘﺭﻣﯩﺰ، ﺋﻮﻗﯘﺗﯘﺭﻣﯩﺰ ﺳﯧﻐﯩﺰ ﭼﺎﻳﻨﺎﺷﯩﻤﯩﺰ ﺑﺎﺭﺩﯗﺭ.

ﺗﻪﺋﺎﯞﯗﻧﯘ- ﺗﻪﻧﻪﺳﯘﺭ ﺋﻮﺭﻧﯩﻐﺎ ﺑﯩﺰﻟﻪﺭﺩﻩ ﺑﯩﺮ ﺋﺎﺩﻩﺕ،
ﻳﯧﯖﻰ ﺑﺎﺷﻨﻰ ﻛﯚﺗﯜﺭﮔﻪﻧﻨﻰ ﺋﯘﺭﯗﭖ ﻳﯩﻘﯩﺘﻘﺎﻧﯩﻤﯩﺰ ﺑﺎﺭﺩﯗﺭ.

ﻳﻪﻧﻪ ﻳﯘﺭﺕ ﭘﺎﻳﺪﯨﺴﯩﻐﺎ ﺟﻪﻣﺌﯩﻲ ﺑﻮﻟﻤﺎﻗﻠﯩﻖ ﺑﻪﺳﻰ ﻣﯜﺷﻜﯜﻝ،
ﺋﻪﮔﻪﺭ ﺑﯩﺮ ﻳﻪﺭﺩﻩ ﺗﻮﻱ ﺑﻮﻟﺴﺎ، ﺑﯧﺮﯨﭗ ﻳﺎﺗﻘﺎﻧﯩﻤﯩﺰﺑﺎﺭﺩﯗﺭ.

ﺋﻮﻣﯘﻣﻨﯩﯔ ﭘﺎﻳﺪﯨﺴﯩﻐﺎ ﻳﯜﺯ ﻳﯩﻠﺪﺍ ﮬﻪﻡ ﺋﻪﺳﻼﭼﯜﺷﻪﻧﻤﻪﻳﻤﯩﺰ،
ﺯﯨﻴﺎﻥ ﻗﯩﻠﻤﺎﻕ ﺋﯜﭼﯜﻥ ﺑﻮﻟﺴﺎ ﺋﻪﺟﻪﺏ ﭼﺎﻗﻘﺎﻧﯩﻤﯩﺰ ﺑﺎﺭﺩﯗﺭ.

ﺑﯩﺮﻯ ﺑﯩﺮ ﻳﺎﺧﺸﯩﻠﯩﻖ ﻗﯩﻠﺴﺎ، ﺋﯘﻧﯩﯔ ﻳﺎﺩﯨﻨﻰ ﻗﯩﻠﻤﺎﻕ ﻳﻮﻕ،
ﺋﯧﭙﻰ ﻛﻪﻟﺴﻪ ﺑﯧﺮﯨﭗ ﺋﻪﯞﺭﻩﺗﻠﯩﺮﯨﻦ ﺋﺎﭼﻘﺎﻧﯩﻤﯩﺰ ﺑﺎﺭﺩﯗﺭ.

ﺋﻪﮔﻪﺭ ﻣﯩﻠﻠﻪﺕ ﺋﯜﭼﯜﻥ ﺑﯩﺮ ﭘﯘﻝ ﭼﯩﻘﯩﺶ ﻛﻪﻟﺴﻪﺗﺎﭘﺎﻟﻤﺎﺳﻤﯩﺰ،
ﭼﯩﻘﯩﻤﻰ ﻳﻮﻕ ﻧﺎﯞﺍ ﭘﯘﻟﻐﺎ ﺗﻮﻻ ﺋﯩﺨﻼﺳﯩﻤﯩﺰ ﺑﺎﺭﺩﯗﺭ.

ﺋﯩﺨﯟﺍﻥ ﮬﻪﻡ ﺑﯘﺭﺍﺩﻩﺭﻟﯩﻚ ﻧﯩﺸﺎﻧﻰ ﻗﺎﻟﻤﯩﺪﻯ ﺑﯩﺰﺩﻩ،
ﻣﻪﮔﻪﺭ ﺩﻭﺳﺖ ﺑﻮﻟﺴﺎﻗﻤﯘ ﺋﻪﺳﻠﻰ، ﺑﯚﻟﻪﻙ ﻣﯘﺩﺩﺍﻳﯩﻤﯩﺰﺑﺎﺭﺩﯗﺭ.

ﺧﺎﻧﺎﺋﻪﻥ ﺩﻭﺳﺘﯩﻤﯩﺰﺩﺍ ﺑﯩﺮ ﺋﻪﻳﯩﭗ ﺯﺍﮬﯩﺮ ﺑﻮﻟﯘﭖ ﻗﺎﻟﺴﺎ،
ﻳﯘﺷﯘﺭﻣﺎﻱ ﺑﯩﺮﯨﮕﻪ ﺋﻮﻧﻨﻰ ﺗﯧﭙﯩﭗ ﻗﺎﺗﻘﺎﻧﯩﻤﯩﺰ ﺑﺎﺭﺩﯗﺭ.

ﺑﺎﺑﺎﻻﺭ ﺷﯚﮬﺮﯨﺘﯩﻨﻰ، ﻏﻪﻳﺮﯨﺘﯩﻨﻰ ﮬﯧﭻ ﺳﯧﻐﯩﻨﻤﺎﺳﻤﯩﺰ،
ﻗﯧﻠﯩﭗ ﻏﻪﭘﻠﻪﺕ ﺟﺎﮬﺎﻟﻪﺗﺘﻪ ﻳﯘﻣﯘﭖ ﻛﯚﺯ، ﭘﻮ ﺋﺎﺗﻘﺎﻧﯩﻤﯩﺰﺑﺎﺭﺩﯗﺭ.

ﻛﯧﺮﻩﻛﺴﯩﺰ ﻣﯘﺳﺘﻪﮬﻪﭖ ﺋﯩﺸﻼﺭ ﺋﯜﭼﯜﻥ ﺟﺎﻧﻨﻰ ﭘﯩﺪﺍ ﻗﯩﻠﻤﺎﻕ،
ﯞﻩ ﻟﯧﻜﯩﻦ ﮬﻪﺟﮕﻪ ﺑﺎﺝ ﺋﺎﻟﺴﺎ، ﺗﻮﺯﯗﭖ ﻗﺎﭼﻘﺎﻧﯩﻤﯩﺰﺑﺎﺭﺩﯗﺭ.

ﺋﻮﻳﯘﻥ-ﭼﺎﻗﭽﺎﻕ ﺗﯜﭘﻪﻳﻠﯩﺪﯨﻦ ﺋﯚﺯﺋﺎﺭﺍ ﺑﯩﺌﻪﺕ ﺑﻮﻟﺴﺎﻕ،
ﻳﺎﺭﺍﺷﺘﯘﺭﯗﭖ ﻗﻮﻳﯘﺵ ﻧﻪﺩﻩ، ﺋﺎﺭﯨﻐﺎ ﺋﻮﺕ ﻳﺎﻗﻘﺎﻧﯩﻤﯩﺰ ﺑﺎﺭﺩﯗﺭ.

ﺧﯘﺷﺎﻣﻪﺕ ﺑﺎﺑﯩﺪﺍ ﺑﯩﺰﺩﯨﻦ ﺑﯚﻟﻪﻙ ﺋﯘﺳﺘﯩﺴﻰ ﮬﻪﻡ ﻳﻮﻗﺘﯘﺭ،
ﻗﯘﯞﻟﯘﻏﯘ، ﺷﯘﻣﻠﯘﻕ ﺑﯩﻠﻪﻥ ﺭﻩﯕﻤﯘﺭﻩﯓ ﻳﺎﻟﻐﺎﻧﯩﻤﯩﺰ ﺑﺎﺭﺩﯗﺭ.

<<ﺋﯩﺖ ﺋﯘﺭﻏﺎﻧﻨﻰ ﺗﻮﻧﯘﺭ>> ﺩﻩﭖ ﺑﺎﺭ ﺋﯩﺪﻯ ﺑﯩﺮ ﺗﻪﻣﺴﯩﻠﻰ،
ﻟﻮﻳﻰ، ﺋﺎﻣﺒﺎﻝ ﯞﻩ ﺩﺍﺭﯦﻦ ﺩﻩﭖ ﺳﯧﻤﯩﺰ ﺑﺎﻗﻘﺎﻧﯩﻤﯩﺰﺑﺎﺭﺩﯗﺭ.

ﺋﯩﻠﯩﻢ-ﭘﻪﻧﮕﻪ ﻳﯜﺭﯛﺵ ﻗﯩﻠﻐﺎﻥ ﺋﯘﭼﺎﺭ ﻛﯚﻛﺘﻪ، ﺋﯜﺯﻩﺭ ﺳﯘﺩﺍ،
ﻣﯩﻨﯩﺸﻜﻪ ﻗﻮﺗﯘﺭ ﺋﯧﺸﻪﻙ ﻳﻮﻕ، ﭘﯩﻴﺎﺩﻩ ﻗﺎﻟﻐﺎﻧﯩﻤﯩﺰﺑﺎﺭﺩﯗﺭ.

ﮔﯜﺭﻛﯩﺮﻩﭖ ﻛﻪﻟﺴﻪ ﺋﺎﭘﺘﻮﻣﻮﺑﯩﻞ، ﻧﯧﻤﻪ ﺑﯘ ﺋﻪﻱ ﺧﯘﺩﺍﻳﯩﻢﺩﻩﭖ،
ﺋﻪﻗﯩﻠﻨﻰ ﺋﯩﺸﻠﯩﺘﻪﻟﻤﻪﻱ، ﮬﺎﯓ-ﺗﺎﯓ ﻗﯧﺘﯩﭗ ﻗﺎﻟﻐﺎﻧﯩﻤﯩﺰﺑﺎﺭﺩﯗﺭ.

ﮬﯜﻧﻪﺭ ﺑﯩﻠﻪﻥ ﺳﺎﻧﺎﺋﻪﺗﺘﻪ <<ﻳﯧﺘﯩﺸﺘﯘﻕ>> ﺋﻪﻣﺪﻯ ﺋﯩﺶ ﭘﯜﺗﺘﻰ،
ﺋﯘﻣﺎﭺ ﺋﯩﭽﻤﻪﻛﻜﻪ ﺧﯘﻣﺪﺍﻧﺪﺍ ﻏﯧﺪﯨﺮ ﻗﯘﻳﻐﺎﻧﯩﻤﯩﺰ ﺑﺎﺭﺩﯗﺭ.

ﻣﯩﺴﻠﻰ ﺟﻪﻧﻨﻪﺕ ﺗﺎﻏﯘ-ﺩﻩﺭﻳﺎﻧﻰ ﺑﯧﺰﻩﺷﻜﻪ ﻳﻮﻕ ﻛﯩﺸﻰ،
ﻳﺎﺳﺘﯘﻗﻨﻰ ﻗﯩﺮﻻﭖ ﻗﻮﻳﯘﭖ ﺑﯩﻐﻪﻡ ﻳﺎﺗﻘﺎﻧﯩﻤﯩﺰ ﺑﺎﺭﺩﯗﺭ.

ﻣﯘﻧﻪﺟﺠﯩﻢ ﮬﻪﻡ ﺋﯩﻨﮋﯦﻨﯧﺮ، ﺋﺎﻟﯩﻤﻼﺭﻧﯩﯔ ﺋﻮﺭﻧﯩﻐﺎ،
ﺗﻮﻧﯘ-ﺳﻪﻟﻠﻪ، ﻧﻪﭘﺴﻰ ﺑﺎﻻ ﻣﻮﻟﻠﯩﻤﯩﺰ، ﺳﯘﻟﺘﺎﻧﯩﻤﯩﺰﺑﺎﺭﺩﯗﺭ.

ﻗﯩﺰﯨﻞ ﻛﯚﺯﻟﯜﻙ، ﻛﯚﺭﻩﻟﻤﻪﺳﻠﯩﻚ ﯞﻩ ﻳﺎ ﺋﯚﺯﻯ ﻗﯩﻼﻟﻤﺎﺳﻠﯩﻖ،
ﻗﯩﻼﻱ ﺩﻩﭖ ﺑﻪﻝ ﺑﺎﻏﻠﯩﻐﺎﻧﻼﺭﻏﺎ ﺗﯜﺭﻟﯜﻙ-ﺗﯜﻣﻪﻥﺑﯚﮬﺘﺎﻧﯩﻤﯩﺰ ﺑﺎﺭﺩﯗﺭ.

ﺋﻪﻝ-ﻳﯘﺭﺗﻨﯩﯔ ﺩﻩﺭﺩﯨﮕﻪ ﻗﯩﻠﭽﯩﻤﯘ ﺩﻩﺭﻣﺎﻥ ﺑﻮﻟﻤﯩﺪﯗﻕﺑﯩﺰﻟﻪﺭ،
ﻛﯧﻠﯘﺭ ﺑﯩﺮ ﻛﯜﻥ ﺋﺎﺷﯘ ﭼﺎﻏﺪﺍ ﺋﻮﺭﻧﯩﻐﺎ ﻛﻪﻟﻤﻪﺱﭘﯘﺷﻤﺎﻧﯩﻤﯩﺰ ﺑﺎﺭﺩﯗﺭ.

ﺋﺎﺑﺪﯗﺧﺎﻟﯩﻖ ﺑﻪﺱ، ﻳﯧﺘﻪﺭ ﺋﺎﯞﺍﺭﻩ ﺑﻮﻟﻤﺎ، ﻗﺎﻗﺸﯩﻤﺎ،
ﺷﯘ ﭼﺎﻍ ﻛﻪﻟﮕﻪﻧﺪﻩ ﺑﯩﺰﻟﻪﺭﺩﻩ ﺋﺎﺯﺍﺑﻘﺎ ﺗﻪﻳﻴﺎﺭﯞﯨﺠﺪﺍﻧﯩﻤﯩﺰ ﺑﺎﺭﺩﯗﺭ.

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﻳﯘﻗﯩﺮﯨﻘﻰ ﺷﯧﺌﯩﺮﻟﯩﺮﻯ ﺑﯩﻠﻪﻥﺧﻪﻟﻘﻨﻰ ﺋﯩﻠﻐﺎﺭﻟﯩﻘﻘﺎ ﭼﺎﻗﯩﺮﯨﭙﻼ ﻗﺎﻟﻤﺎﻱ ﺑﯩﺮ ﻗﺎﺗﺎﺭ ﺋﻪﻣﻪﻟﯩﻲ ﺧﯩﺰﻣﻪﺗﻠﻪﺭﻧﯩﻤﯘ ﺋﯩﺸﻠﯩﺪﻯ. ﺋﯘﺭﻭﺳﯩﻴﯩﺪﯨﻦ ﺋﺎﻟﻐﺎﻥ ﺗﻪﺳﯩﺮﺍﺗﯩﻐﺎ ﺋﺎﺳﺎﺳﻪﻥ ﻣﻪﺗﺒﻪﭼﯩﻠﯩﻚ، ﻧﻪﺷﯩﺮﯨﻴﺎﺗﭽﯩﻠﯩﻖ ﺋﯩﺸﻠﯩﺮﯨﻨﯩﯔﺧﻪﻟﻘﻨﻰ ﺗﻪﺭﺑﯩﻴﯩﻠﻪﺵ، ﺋﻮﻳﻐﯩﺘﯩﺸﺘﯩﻜﻰ ﺭﻭﻟﯩﻨﯩﯔ ﭼﻮﯓ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﮬﯧﺲ ﻗﯩﻠﯩﭗ، ﺗﯘﺭﭘﺎﻧﺪﺍﺑﯩﺮ ﺑﺎﺳﻤﺎ ﺯﺍﯞﯗﺗﻰ ﻗﯘﺭﯗﺵ ﻗﺎﺭﺍﺭﯨﻐﺎ ﻛﻪﻟﺪﻯ ﯞﻩ ﺭﻭﺳﯩﻴﯩﮕﻪ ﻣﺎﯕﻐﺎﻥ ﺳﻮﺩﺍ ﻛﺎﺭﯞﺍﻧﻠﯩﺮﻯﺋﺎﺭﻗﯩﻠﯩﻖ ﺭﻭﺳﯩﻴﯩﺪﯨﻦ ﺑﺎﺳﻤﺎ ﺋﯜﺳﻜﯜﻧﯩﻠﯩﺮﻯ ﺋﻪﻛﻪﻟﺪﯛﺭﺩﻯ.ﺋﻪﭘﺴﯘﺳﻜﻰ، ﺋﯜﺳﻜﯜﻧﯩﻠﻪﺭ 1927-ﻳﯩﻠﻰﺋﻪﺗﯩﻴﺎﺯﺩﺍ ﭼﯧﮕﺮﯨﺪﯨﻦ ﺋﯚﺗﯜﭖ، ﭼﯚﭼﻪﻛﻜﻪ ﻳﯧﺘﯩﭗ ﻛﻪﻟﮕﻪﻧﺪﻩ ﺑﯘﻧﯩﯖﺪﯨﻦ ﺧﻪﯞﻩﺭ ﺗﯧﭙﯩﭗ ﻗﺎﻟﻐﺎﻥﻳﺎﯓ ﺯﯦﯖﺸﯩﻦ ﺳﺎﺭﺍﺳﯩﻤﯩﮕﻪ ﭼﯜﺷﯜﭖ، ﺯﺍﯞﯗﺕ ﺋﯜﺳﻜﯩﻨﯩﻠﯩﺮﯨﻨﻰ ﺩﻩﺭﮬﺎﻝ ﻣﯘﺳﺎﺩﯨﺮﻩ ﻗﯩﻠﺪﻯ. ﻣﯘﺷﯘﻧﺪﺍﻕﺋﻪﮬﯟﺍﻟﺪﺍ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﮬﻪﺭ ﺧﯩﻞ ﺳﻮﺭﯗﻧﻼﺭﺩﺍ ﻧﯘﺗﯘﻕ ﺳﯚﺯﻟﻪﺵ، ﮬﻪﺭ ﺧﯩﻞ ﺳﻪﻧﺌﻪﺕﭘﺎﺋﺎﻟﯩﻴﻪﺗﻠﯩﺮﯨﻨﻰ ﺗﻪﺷﻜﯩﻠﻠﻪﺵ ﺋﺎﺭﻗﯩﻠﯩﻖ ﺧﻪﻟﻘﻨﻰ ﻳﯧﺘﻪﻛﻠﻪﺵ ﻳﻮﻟﯩﻨﻰ ﺗﯘﺗﺘﻰ. ﺋﯘ ﮬﻪﺭ ﺧﯩﻞﻳﯩﻐﯩﻠﯩﺸﻼﺭﺩﺍ، ﺑﺎﺯﺍﺭﺩﺍ، ﻛﻮﭼﯩﻼﺭﺩﺍ ﻧﯘﺗﯘﻕ ﺳﯚﺯﻟﻪﭖ، ﭼﻪﺕ ﺋﻪﻟﻠﻪﺭﺩﯨﻜﻰ ﻳﯧﯖﯩﻠﯩﻘﻼﺭﻧﻰﺗﻮﻧﯘﺷﺘﯘﺭﯗﭖ، ﻳﯘﺭﺗﯩﻤﯩﺰﺩﯨﻜﻰ ﻗﺎﻻﻗﻠﯩﻘﻼﺭﻧﻰ ﭘﺎﺵ ﻗﯩﻠﯩﭗ، ﺧﻪﻟﻘﻨﻰ ﺋﻮﻳﻐﯩﻨﯩﺸﻘﺎ، ﻧﺎﺩﺍﻧﻠﯩﻖ، ﺧﯘﺭﺍﭘﺎﺗﻠﯩﻘﺘﯩﻦﻗﯘﺗﯘﻟﯘﺷﻘﺎ ﭼﺎﻗﯩﺮﺩﻯ. ﺋﯚﺯﯨﻨﯩﯔ ﻣﯘﺷﯘ ﻣﻪﺯﻣﯘﻧﺪﯨﻜﻰ ﺷﯧﺌﯩﺮﻟﯩﺮﯨﻨﻰ ﻛﻪﯓ ﺋﺎﯞﺍﻣﻐﺎ ﺋﻮﻗﯘﭖ ﺑﯧﺮﯨﭗ، ﺧﻪﻟﻘﻨﯩﯔ ﻣﺎﻳﯩﻠﻠﯩﻘﯩﻨﻰ ﻗﻮﻟﻐﺎ ﻛﻪﻟﺘﯜﺭﺩﻯ، ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ ﺩﻭﺳﺘﻠﯩﺮﻯ ﺋﯘﻧﯩﯔﺷﯧﺌﯩﺮﻟﯩﺮﯨﻨﻰ ﻛﻮﭼﯩﻼﺭﻏﺎ ﭼﺎﭘﻼﭖ، ﻗﻮﻟﺪﯨﻦ ﻗﻮﻟﻐﺎ ﻛﯚﭼﯜﺭﯛﭖ ﺗﺎﺭﻗﯩﺘﯩﭗ، ﺋﯩﻠﻐﺎﺭﻟﯩﻘﻨﻰ، ﺗﻪﺭﻩﻗﻘﯩﻴﭙﻪﺭﯞﻩﺭﻟﯩﻜﻨﻰﺗﻪﺷﯟﯨﻖ ﻗﯩﻠﺪﻯ.

ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﻳﻪﻧﻪ ﻣﻪﺳﻠﻪﻛﺪﺍﺷﻠﯩﺮﻯ ﺑﯩﻠﻪﻥﻣﻪﺳﻠﯩﮭﻪﺗﻠﯩﺸﯩﭗ ﻳﯧﯖﯩﺸﻪﮬﻪﺭﺩﯨﻜﻰ ﻣﻪﻛﺘﻪﭘﺘﻪ ﺧﯘﺭﺍﭘﺎﺗﻠﯩﻖ، ﻧﺎﺩﺍﻧﻠﯩﻘﻨﻰ ﻗﺎﻣﭽﯩﻼﺵ ﻣﻪﺯﻣﯘﻥﻗﯩﻠﯩﻨﻐﺎﻥ ﻛﻮﻧﺴﯧﺮﺕ ﻛﯧﭽﯩﻠﯩﻜﻰ ﺋﯚﺗﻜﯜﺯﯛﺷﻨﻰ ﻗﺎﺭﺍﺭ ﻗﯩﻠﺪﻯ. ﺷﺎﺋﯩﺮ ﺗﺎﺷﻜﻪﻧﺖ ﺷﻪﮬﯩﺮﯨﺪﻩ ﻛﯚﺭﮔﻪﻥﻣﻪﺩﻩﻧﯩﻲ ﭘﺎﺋﺎﻟﯩﻴﻪﺗﻠﻪﺭﻧﻰ، ﺗﯩﻴﺎﺗﯩﺮ، ﻛﻮﻧﺴﯧﺮﺗﻼﺭﻧﻰ ﻛﯚﺯ ﺋﺎﻟﺪﯨﻐﺎ ﻛﻪﻟﺘﯜﺭﯛﭖ، ﺋﯘﻻﺭﻧﻰﻣﻪﻛﺘﻪﭖ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺗﻪﺗﺒﯩﻘﻠﯩﺪﻯ ﯞﻩ ﻛﯚﭖ ﻗﯧﺘﯩﻢ ﻣﻪﺳﻠﯩﮭﻪﺗﻠﯩﺸﯩﭗ ﺑﯩﺮ ﻗﺎﻧﭽﻪ ﻛﻮﻧﺴﯧﺮﺕﻧﻮﻣﯘﺭﻟﯩﺮﯨﻨﻰ ﻗﯘﺭﺍﺷﺘﯘﺭﯗﭖ ﭼﯩﻘﺘﻰ. ﺋﯘﻻﺭ ﺧﻪﻟﻖ ﺋﯩﭽﯩﺪﻩ ﺋﯧﻴﺘﯩﻠﯩﯟﺍﺗﻘﺎﻥ <<ﭘﻪﺭﻳﺎﺩﻩﻱ>>، <<ﺋﯧﮕﯩﺰ ﺗﺎﻍ ﺑﺎﺷﯩﺪﺍ>>، <<ﺭﺍﻱ-ﺭﺍﻱ>> ﻗﺎﺗﺎﺭﻟﯩﻖ ﻧﺎﺧﺸﯩﻼﺭﻧﯩﯔﺋﻪﺳﻠﻰ ﺗﯧﻜﯩﺴﺘﯩﻨﻰ ﺋﺎﺳﺎﺱ ﻗﯩﻠﯩﭗ ﺋﯩﺴﻼﮬ ﻗﯩﻠﺪﻯ ﯞﻩ ﺳﻪﮬﻨﯩﮕﻪ ﺋﯧﻠﯩﭗ ﭼﯩﻘﯩﺶ ﺋﯜﭼﯜﻥﺋﻮﻗﯘﻏﯘﭼﯩﻼﺭﻏﺎ ﺋﯚﮔﻪﺗﺘﻰ. ﺷﺎﺋﯩﺮ ﺋﯚﺯﻯ <<ﭘﯧﺮﯨﺨﻮﻥ>> ﻧﺎﻣﻠﯩﻖ ﺳﻪﮬﻨﻪ ﺋﻪﺳﯩﺮﯨﻨﻰﻳﯧﺰﯨﭗ ﭼﯩﻘﺘﻰ. ﺗﻪﻳﻴﺎﺭﻟﯩﻘﻼﺭ ﭘﯜﺗﻜﻪﻧﺪﯨﻦ ﻛﯧﻴﯩﻦ ﺋﻮﻳﻤﺎﻧﺪﻩﻧﻨﯩﯔ ﻏﻪﺭﺑﯩﻲ ﺗﻪﺭﯨﭙﯩﺪﯨﻜﻰﺋﺎﻳﯟﺍﻧﭽﯩﻠﯩﻚ ﺳﯘﭘﯩﺴﻰ ﺳﻪﮬﻨﻪ ﺋﻮﺭﻧﻰ ﻗﯩﻠﯩﻨﺪﻯ. ﻛﻮﻧﺴﯩﺮﺕ ﻛﯧﭽﯩﻠﯩﻜﯩﮕﻪ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﺗﺎ-ﺋﺎﻧﯩﻠﯩﺮﻯ، ﺳﺎﯞﺍﺕ ﭼﯩﻘﯩﺮﯨﺶ ﺳﯩﻨﯩﭙﯩﻨﯩﯔ ﺋﻮﻗﯘﻏﯘﭼﯩﻠﯩﺮﻯ ﺗﻪﻛﻠﯩﭗ ﻗﯩﻠﯩﻨﺪﻯ، ﺋﯩﺨﺘﯩﻴﺎﺭ ﻗﯩﻠﻐﯘﭼﯩﻼﺭﻏﺎ ﻛﻪﯓﻳﻮﻝ ﺑﯧﺮﯨﻠﺪﻯ. ﺋﻮﻳﻤﺎﻧﺪﻩﻧﮕﻪ ﻳﯜﺯﻟﯩﮕﻪﻥ ﺗﺎﻣﺎﺷﯩﺒﯩﻨﻼﺭ ﻳﯩﻐﯩﻠﯩﭗ، ﻛﻮﻧﺴﯩﯧﺮﺕ ﺑﺎﺷﻼﻧﺪﻯ. ﺋﻮﻗﯘﺗﻘﯘﭼﻰ-ﺋﻮﻗﯘﻏﯘﭼﯩﻼﺭ <<ﯞﯨﺠﺪﺍﻥ ﺋﺎﺯﺍﺑﻰ>> ﻧﺎﻣﻠﯩﻖ ﺷﯧﺌﯩﺮﯨﻨﻰ ﺩﯨﻜﻼﻣﺎﺗﺴﯩﻴﻪ ﻗﯩﻠﺪﻯ، ﺋﻪﭘﻴﯘﻧﻜﻪﺷﻠﻪﺭ ﺗﻪﻧﻘﯩﺪ ﻗﯩﻠﯩﻨﻐﺎﻥ <<ﺭﺍﻱ-ﺭﺍﻱ>> ﻧﺎﻣﻠﯩﻖ ﺋﯧﻴﺘﯩﺸﯩﺸﻨﻰ ﺋﻮﺭﯗﻧﺪﯨﺪﻯ، <<ﭘﻪﺭﻳﺎﺩﻩﻱ>> ﻧﺎﻣﻠﯩﻖ ﻧﺎﺧﺸﯩﻨﻰ ﺋﯧﻴﺘﺘﻰ، ﺧﯘﺭﺍﭘﺎﺗﻠﯩﻖ ﻗﺎﻣﭽﯩﻼﻧﻐﺎﻥ <<ﭘﯧﺮﯨﺨﯘﻥ>> ﻧﺎﻣﻠﯩﻖ ﺋﯧﺘﻮﺗﻨﻰ ﺋﯧﻠﯩﭗﭼﯩﻘﺘﻰ. ﻧﻮﻣﯘﺭﻻﺭ ﺑﯩﺮ-ﺑﯩﺮﯨﺪﯨﻦ ﻗﯩﺰﻏﯩﻦ ﻗﺎﺭﺷﻰ ﺋﯧﻠﯩﻨﯩﭗ، ﮬﻪﺭﺑﯩﺮ ﻧﻮﻣﯘﺭ 3-4 ﻗﯧﺘﯩﻤﺪﯨﻦﺋﻮﺭﯗﻧﺪﺍﻟﺪﻯ. ﺑﯘ ﻧﻮﻣﯘﺭﻻﺭﻧﯩﯔ ﺗﺎﻛﺎﻣﻤﯘﻟﻼﺷﻘﺎﻧﻠﯩﻘﻰ ﺑﻮﻟﻤﺎﺳﺘﯩﻦ ﺋﻮﻣﯘﻣﯩﻲ ﺧﻪﻟﻘﻨﯩﯔ ﺳﻪﻧﺌﻪﺗﻜﻪﺑﻮﻟﻐﺎﻥ ﺋﯩﻨﺘﯩﺰﺍﺭﻟﯩﻘﻰ، ﺧﻪﻟﻖ ﺳﻪﻧﺌﯩﺘﯩﻨﯩﯔ ﺗﯘﻧﺠﻰ ﻗﯧﺘﯩﻢ ﺳﻪﮬﻨﯩﮕﻪ ﺋﯧﻠﯩﭗ ﭼﯩﻘﯩﻠﯩﭗ، ﺧﻪﻟﻖﺑﯩﻠﻪﻥ ﻳﯜﺯ ﻛﯚﺭﯛﺷﻜﻪﻧﻠﯩﻜﯩﺪﯨﻦ ﺑﻮﻟﻐﺎﻧﯩﺪﻯ. ﻛﻮﻧﺴﯧﺮﺕ ﺋﺎﺧﯩﺮﻻﺷﻘﺎﻧﺪﺍ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﺳﻪﮬﻨﯩﮕﻪ ﭼﯩﻘﯩﭗ ﺳﯚﺯ ﻗﯩﻠﺪﻯ:<<ﺑﯩﺰ ﺑﯜﮔﯜﻥ ﺋﯚﻱ ﻣﻪﺷﺮﻩﭘﻠﯩﺮﯨﻨﻰ ﺳﻪﮬﻨﯩﮕﻪ ﺋﯧﻠﯩﭗ ﭼﯩﻘﺘﯘﻕ، ﺑﯩﺮ ﻣﯘﻧﭽﻪ ﻳﯧﯖﻰﻣﻪﺯﻣﯘﻧﻼﺭﻧﻰ ﻗﻮﺷﺘﯘﻕ، ﺧﻪﻟﻘﻨﻰ ﺋﻮﻳﻐﯩﺘﯩﭗ، ﻣﻪﺭﯨﭙﻪﺗﻜﻪ، ﻣﻪﺩﻩﻧﯩﻴﻪﺗﻜﻪ، ﺗﻪﺭﻩﻗﻘﯩﻴﺎﺗﻘﺎﺑﺎﺷﻠﯩﻤﺎﻗﭽﻰ ﺑﻮﻟﺪﯗﻕ. ﺑﯩﺰ ﺑﯘﻧﭽﯩﻠﯩﻚ ﺋﯩﺸﻼﺭﻧﻰ ﻗﯩﻠﻤﯩﺴﺎﻕ ﻳﺎﻛﻰ ﻗﯩﻠﯩﺸﻘﺎ ﺟﯜﺭﺋﻪﺕ ﻗﯩﻠﻤﯩﺴﺎﻕ، ﺑﯩﺰﻧﯩﯔﮬﺎﻟﯩﻤﯩﺰ ﻗﺎﻧﺪﺍﻕ ﺑﻮﻟﻤﺎﻗﭽﻰ؟ ﺩﯗﻧﻴﺎﺩﺍ ﻗﺎﻧﺪﺍﻕ ﺋﯩﺸﻼﺭ ﺑﻮﻟﯩﯟﺍﺗﯩﺪﯗ، ﻗﺎﻧﺪﺍﻕ ﺗﻪﺭﻩﻗﻘﯩﻴﺎﺗﻼﺭﻛﯧﺘﯩﯟﺍﺗﯩﺪﯗ، ﺑﯘﻧﯩﯖﺪﯨﻦ ﺧﻪﯞﻩﺭ ﺗﺎﭘﺎﻟﻤﺎﻱ ﺟﺎﮬﺎﻟﻪﺕ ﺋﯘﻳﻘﯘﺳﯩﺪﺍ ﻳﯩﺘﯩﯟﯦﺮﯨﺪﯨﻐﺎﻥ ﺑﻮﻟﺴﺎﻕ، ﮬﺎﻟﯩﻤﯩﺰﻏﺎﯞﺍﻱ، ﺧﺎﺭﺍﺏ ﺑﻮﻟﯩﻤﯩﺰ. ﻗﺎﻻﻗﻠﯩﻖ ﺋﯚﻟﯜﻡ ﺑﯩﻠﻪﻥ ﺑﺎﺭﺍﯞﻩﺭ. ﺩﺍﯞﺍﻣﻠﯩﻖ ﻗﺎﻻﻕ ﮬﺎﻟﻪﺗﺘﻪﻳﯩﺘﯩﯟﻩﺭﺳﻪﻙ، ﺑﯜﮔﯜﻧﻜﻰ ﺩﯗﻧﻴﺎﺩﺍ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺋﻮﯕﺎﻳﻼ ﻳﯧﻴﯩﻠﯩﭗ ﻛﯧﺘﯩﻤﯩﺰ، ﻣﯩﻠﻠﯩﺘﯩﻤﯩﺰﺗﺎﺭﯨﺦ ﺳﻪﮬﻨﯩﺴﯩﺪﯨﻦ ﺋﯩﺰﺳﯩﺰ ﻏﺎﻳﯩﺐ ﺑﻮﻟﯩﺪﯗ. ﻗﯘﻣﻐﺎ ﺳﯩﯖﮕﻪﻥ ﺳﯘﺩﻩﻙ ﺳﯩﯖﯩﭗ ﺗﯜﮔﻪﻳﻤﯩﺰ..... ﺑﯘﺋﯩﺸﻼﺭﻧﻰ ﻛﯚﺯ ﺋﺎﻟﺪﯨﻤﯩﺰﻏﺎ ﻛﻪﻟﺘﯜﺭﺳﻪﻙ ﻗﻮﺭﻗﻘﯩﻤﯩﺰ ﻛﯧﻠﯩﺪﯗ. ﺯﺍﻟﯩﻤﻼﺭ ﺑﯩﺰﻧﻰ ﻧﺎﺩﺍﻧﻠﯩﻖﺑﯚﺷﯜﻛﻠﯩﺮﯨﮕﻪ ﺑﯚﻟﻪﭖ ﻗﻮﻳﯘﭖ ﺋﯘﺯﺍﻕ ﻣﯘﺩﺩﻩﺕ ﺋﻪﻟﻠﻪﻱ ﻗﯩﻠﻤﺎﻗﭽﻰ ﺑﻮﻟﯩﺪﯗ. ﺋﻪﮔﻪﺭ ﺑﯩﺰﺯﺍﻟﯩﻤﻼﺭﻏﺎ ﺑﻮﺯﻩﻙ ﺑﻮﻟﻤﺎﻳﻤﯩﺰ ﺩﯦﺴﻪﻙ، ﻛﯚﺯﯨﻤﯩﺰﻧﻰ ﺋﯧﭽﯩﺸﯩﻤﯩﺰ، ﺗﻪﺭﻩﻗﻘﯩﻴﺎﺗﻘﺎ ﻗﺎﺭﺍﭖﻣﯧﯖﯩﺸﯩﻤﯩﺰ ﻛﯧﺮﻩﻙ. ﺋﯚﺯﯨﻤﯩﺰﻧﻰ ﻏﻪﭘﻠﻪﺕ ﺋﯘﻳﻘﯘﺳﯩﺪﯨﻦ ﺋﻮﻳﻐﯩﺘﯩﭗ، ﻛﯚﺯﯨﻤﯩﺰﻧﻰ ﺋﺎﭼﯩﻤﯩﺰ ﺩﯦﺴﻪﻙ، ﻣﻪﻛﺘﻪﭖ ﺋﯧﭽﯩﭗ ﺑﺎﻟﯩﻠﯩﺮﯨﻤﯩﺰﻧﻰ ﺋﻮﻗﯘﺗﯘﺷﯩﻤﯩﺰ، ﺋﯚﺯ ﺗﻪﻗﺪﯨﺮﯨﻤﯩﺰﻧﻰ ﺋﯩﻠﯩﻢ-ﭘﻪﻥ ﺑﯩﻠﻪﻥ ﮬﻪﻝﻗﯩﻠﯩﭗ، ﺋﯩﻠﯩﻢ-ﺑﯩﻠﯩﻢ ﻳﻮﻟﯩﺪﯨﻦ ﺋﯩﺒﺎﺭﻩﺕ ﭘﺎﺭﻻﻕ ﺋﯩﺴﺘﯩﻘﺒﺎﻟﻨﻰ ﺗﯧﭙﯩﺸﯩﻤﯩﺰ ﻛﯧﺮﻩﻙ، ﺑﯘ ﺑﯩﺰﻧﯩﯔﺑﯩﺮﺩﯨﻨﺒﯩﺮ ﻳﻮﻟﯩﻤﯩﺰ. ﺋﻮﻗﯘﭖ، ﺋﯚﮔﯩﻨﯩﭗ ﺑﯩﻠﮕﻪﻧﺪﯨﻼ ﺩﯗﻧﻴﺎﻧﯩﯔ ﮬﺎﺯﯨﺮﻗﻰ ﺗﻪﺭﻩﻗﻘﯩﻴﺎﺗﯩﻐﺎﻳﯧﺘﯩﺸﯩﭗ ﻣﺎﯕﻐﯩﻠﻰ ﺑﻮﻟﯩﺪﯗ. ﺑﺎﺷﻘﺎ ﺋﻪﻟﻠﻪﺭ، ﺑﺎﺷﻘﺎ ﻣﯩﻠﻠﻪﺗﻠﻪﺭ ﺋﺎﺳﻤﺎﻧﺪﺍ ﻏﺎﺭﻗﯩﺮﺍﭖﺋﯘﭼﯩﯟﺍﺗﯩﺪﯗ. ﺋﻮﻗﯘﺳﺎﻕ، ﺑﯩﻠﺴﻪﻙ ﺑﯩﺰﻣﯘ ﺋﯘﭼﺎﻻﻳﻤﯩﺰ!>>

ﻣﺎﻧﺎ ﮬﺎﺯﯨﺮ 21- ﺋﻪﺳﯩﺮﺩﻩ، ﺋﯧﻠﯧﻜﺘﺮﻭﻥ، ﺋﯘﭼﯘﺭ ﺩﻩﯞﺭﯨﺪﻩﻳﺎﺷﺎﯞﺍﺗﯩﻤﯩﺰ. ﺑﯜﮔﯜﻧﻜﻰ ﺩﻩﯞﺭﺩﯨﻜﻰ ﮬﻪﺭ ﻗﺎﻳﺴﻰ ﻣﯩﻠﻠﻪﺗﻠﻪﺭ، ﺩﯙﻟﻪﺗﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﯩﻨﯩﯔﺳﯜﺭﺋﯩﺘﯩﻨﻰ ﺗﻪﺳﯟﯨﺮﻟﻪﺷﻜﻪ ﺗﯩﻞ ﺋﺎﺟﯩﺰﻟﯩﻖ ﻗﯩﻠﯩﺪﯗ. ﻣﯘﺷﯘﻧﺪﺍﻕ ﺋﺎﻻﮬﯩﺪﻩ ﺩﻩﯞﺭﺩﯨﻤﯘ ﻣﯩﻠﻠﯩﺘﯩﻤﯩﺰﺋﻪﺯﺍﻟﯩﺮﻯ ﺋﯩﭽﯩﺪﻩ ﻛﻮﻣﭙﻴﯘﺗﯧﺮﻧﯩﯔ ﻧﯧﻤﯩﻠﯩﻜﯩﻨﻰ ﺑﯩﻠﻤﻪﻳﺪﯨﻐﺎﻥ، ﻧﺎﺩﺍﻧﻠﯩﻖ، ﺧﯘﺭﺍﭘﺎﺗﻠﯩﻖﭘﺎﺗﻘﯩﻘﯩﺪﯨﻦ ﻗﯘﺗﯘﻻﻟﻤﺎﻳﯟﺍﺗﻘﺎﻥ، ﻳﯧﯖﯩﻠﯩﻖ، ﺗﻪﺭﻩﻗﻘﯩﻴﺎﺗﺘﯩﻦ ﺋﯚﻟﮕﯜﺩﻩﻙ ﻗﻮﺭﻗﯩﺪﯨﻐﺎﻥ ﻛﯩﺸﯩﻠﻪﺭﮬﯧﻠﯩﮭﻪﻡ ﻣﻪﯞﺟﯘﺕ. ﻣﺎﻧﺎ ﺑﯘﻻﺭﻧﻰ ﺑﯘﻧﯩﯖﺪﯨﻦ 80 ﻳﯩﻠﻼﺭ ﺑﯘﺭﯗﻥ ﻳﺎﺷﯩﻐﺎﻥ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﺑﯩﻠﻪﻥ ﺳﯧﻠﯩﺸﺘﯘﺭﻏﯩﻨﯩﻤﯩﺰﺩﺍ ﻗﺎﻧﭽﯩﻠﯩﻚ ﺋﻪﭘﺴﯘﺳﻠﯘﻗﻘﺎ، ﺋﯩﺰﺗﯩﺮﺍﭘﻘﺎ ﭼﯚﻛﻪﺭﻣﯩﺰ؟!

ﻣﺎﻧﺎ ﻳﯩﻠﻼﺭ ﺑﯩﺮ-ﺑﯩﺮﯨﻨﻰ ﻗﻮﻏﻠﯩﺸﯩﭗ ﮬﻪﺵ-ﭘﻪﺵ ﺩﯦﮕﯜﭼﻪﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﺗﯘﻏﯘﻟﻐﺎﻧﻠﯩﻘﯩﻐﺎ 100 ﻳﯩﻞ، ﯞﺍﭘﺎﺗﯩﻐﺎ 68 ﻳﯩﻞ ﺗﻮﺷﯘﭖ ﻗﺎﻟﺪﻯ. ﻣﻪﺭﮬﯘﻡﺑﻪﻛﻤﯘ ﻳﺎﺵ، ﮬﺎﻳﺎﺗﯩﻨﯩﯔ ﺋﻪﯓ ﻧﯚﯞﻩﺭ ﭼﺎﻏﻠﯩﺮﯨﺪﺍ ﺑﯘ ﺩﯗﻧﻴﺎﺩﯨﻦ ﻛﯧﺘﯩﭗ ﻗﺎﻟﺪﻯ. ﺑﻪﻟﻜﯩﻢ ﺑﯘﻣﯘﻗﯩﺴﻤﻪﺗﻨﯩﯔ ﺋﻮﺭﯗﻧﻼﺷﺘﯘﺭﯗﺷﯩﺪﯗ، ﺑﻪﻟﻜﯩﻢ ﺋﯘ ﻳﻪﻧﻪ ﻗﯩﻠﻤﺎﻗﭽﻰ ﺑﻮﻟﻐﺎﻥ ﻧﯘﺭﻏﯘﻥ ﺋﯩﺸﻠﯩﺮﯨﻨﻰﺋﻪﯞﻻﺩﻻﺭﻏﺎ ﺑﯩﺰﮔﻪ ﻗﺎﻟﺪﯗﺭﻏﺎﻧﺪﯗ؟ ﻳﯩﻠﻼﺭ ﺋﯚﺗﯜﭖ ﺋﻪﺳﻠﯩﻤﯩﻠﻪﺭ ﻛﻮﻧﯩﺮﯨﻐﺎﻧﭽﻪ ﺑﯘ ﺋﯘﻟﯘﻍ ﺯﺍﺗﻘﺎﺑﻮﻟﻐﺎﻥ ﺳﯧﻐﯩﻨﯩﺸﯩﻤﯩﺰ ﺑﺎﺭﻏﺎﻧﭽﻪ ﻛﯜﭼﻪﻳﻤﻪﻛﺘﻪ، ﺋﯘﻧﯩﯔ ﻗﻪﻟﺒﯩﻤﯩﺰﺩﯨﻜﻰ ﺋﻮﺑﺮﺍﺯﻯ ﺑﺎﺭﻏﺎﻧﭽﻪﻧﯘﺭﻻﻧﻤﺎﻗﺘﺎ، ﻳﯜﻛﺴﻪﻛﻠﯩﻜﻜﻪ ﻛﯚﺗﯜﺭﯛﻟﻤﻪﻛﺘﻪ. ﺋﯘ ﺋﯚﺯ ﮬﺎﻳﺎﺗﻰ ﺑﻪﺩﯨﻠﯩﮕﻪ ﻳﻮﺭﯗﺗﯘﭖ ﺑﻪﺭﮔﻪﻥﮬﻪﻗﯩﻘﻪﺗﻠﻪﺭ ﺑﯜﮔﯜﻧﻜﻰ ﻛﯜﻧﺪﻩ ﺑﺎﺭﻏﺎﻧﭽﻪ ﺋﯩﺴﭙﺎﺗﻠﯩﻨﯩﭗ، ﺑﯘ ﺯﺍﺗﻨﯩﯔ ﺭﻭﮬﯩﻐﺎ ﺑﻮﻟﻐﺎﻥﮬﯚﺭﻣﯩﺘﯩﻤﯩﺰﻧﻰ ﻳﻪﻧﯩﻤﯘ ﺋﺎﺷﯘﺭﻣﺎﻗﺘﺎ. ﺧﻪﻳﺮ، ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ ﺋﯩﻠﯩﻤﺨﯘﻣﺎﺭﻟﯩﻖ، ﻣﻪﺭﯨﭙﻪﺗﭙﻪﺭﯞﻩﺭﻟﯩﻚ، ﺗﻪﺭﻩﻗﻘﯩﻴﭙﻪﺭﯞﻩﺭﻟﯩﻚ ﺭﻭﮬﻰ ﺑﯩﺰﮔﻪ ﻣﻪﯕﮕﯜ ﻣﻪﺩﻩﺕ ﺑﻪﺭﮔﻪﻱ!
ﭘﺎﻳﺪﯨﻼﻧﻐﺎﻥ ﻣﻪﻧﺒﻪﻟﻪﺭ:
1. <<ﺑﺎﻟﺪﯗﺭ ﺋﻮﻳﻐﺎﻧﻐﺎﻥ ﺋﺎﺩﻩﻡ_ ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ>>، ﻣﯘﮬﻪﻣﻤﻪﺕ ﺷﺎﮬﻨﯩﻴﺎﺯ، ﺷﯩﻨﺠﺎﯓﻳﺎﺷﻼﺭ_ ﺋﯚﺳﻤﯜﺭﻟﻪﺭ ﻧﻪﺷﺮﯨﻴﺎﺗﻰ، 2001- ﻳﯩﻠﻰ ﻧﻪﺷﺮﻯ.
2.<<ﺑﺎﻟﺪﯗﺭ ﺋﻮﻳﻐﺎﻧﻐﺎﻥ ﺋﺎﺩﻩﻡ>>، ﺧﯧﯟﯨﺮﺗﯚﻣﯜﺭ، ﺷﯩﻨﺠﺎﯓ ﻳﺎﺷﻼﺭ_ ﺋﯚﺳﻤﯜﺭﻟﻪﺭ ﻧﻪﺷﺮﯨﻴﺎﺗﻰ، 1987- ﻳﯩﻠﻰ ﻧﻪﺷﺮﻯ.
3.<<ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭ ﺷﯧﺌﯩﺮﻟﯩﺮﻯ>>، ﺷﯩﻨﺠﺎﯓﺧﻪﻟﻖ ﻧﻪﺷﯩﺮﻳﺎﺗﻰ، 1986-ﻳﯩﻠﻰ ﻧﻪﺷﺮﻯ.

ﺋﺎﭘﺘﻮﺭﻯ_ <<ﺗﯘﺭﭘﺎﻥ ﮔﯧﺰﯨﺘﻰ>> ﺋﯘﻳﻐﯘﺭ ﺗﻪﮬﺮﯨﺮ ﺑﯚﻟﯜﻣﯩﺪﯨﻦ ﺋﯚﻣﻪﺭﺟﺎﻥ ﺳﯩﺪﯨﻖ.

ﻳﯜﺭﻩﻙ ﺳﻮﯞﻏﯩﺴﻰ_ ﺟﻪﺯﺑﺪﺍﺭ ﮔﯜﻟﺪﻩﺳﺘﯩﻠﻪﺭ ﺩﯦﮕﻪﻥﻛﯩﺘﺎﺑﺪﯨﻦ ﺋﯧﻠﯩﻨﺪﻯ.