ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/39792610.html

 ﺷﯘ ﺳﻪﯞﻩﭘﺘﯩﻦ ﺷﺎﻣﺎﻧﻠﯩﻖ - ﻳﻪﻟﯟﯨﻠﯩﻚ ﺋﯧﺘﯩﺒﺎﺭﻟﯩﻖ ﻛﻪﺳﯩﭙﻜﻪ ﺋﺎﻳﻠﯩﻨﯩﭗ ، ﺋﻪﯞﻻﺩﺗﯩﻦ - ﺋﻪﯞﻻﺩﻗﺎ ﻣﯩﺮﺍﺱ ﻗﯧﻠﯩﺶ ﺷﻪﻛﯩﻠﻠﻪﻧﮕﻪﻥ ﺋﯩﺪﻯ . ﺋﻪﺭ ﺷﺎﻣﺎﻥ ﺋﻮﻏﻠﯩﻐﺎ ، ﺋﺎﻳﺎﻝ ﺷﺎﻣﺎﻥ ﻛﯧﻠﯩﻨﯩﮕﻪ ﺋﯜﮔﯩﺘﻪﺗﺘﻰ . ﭘﻪﻗﻪﺕ ﺋﺎﺯ ﺳﺎﻧﺪﯨﻜﻰ < ﺗﯘﻏﻤﺎ > ﺳﯧﮭﯩﺮﻟﯩﻚ ﻛﺎﺭﺍﻣﯩﺘﯩﮕﻪ ﺋﯩﮕﻪ ﺑﻮﻟﻐﺎﻧﻼﺭ < ﭘﯩﺮ - ﺋﯘﺳﺘﺎﺯ ﺷﺎﻣﺎﻥ ﮬﯩﺴﺎﭘﻠﯩﻨﯩﭗ ، ﺋﻪﺭﯞﻩﺵ - ﺋﻪﭘﺴﯘﻥ ﯞﻩ ﺋﯩﺮﻕ - ﭘﺎﻝ ﮬﯜﻧﯩﺮﯨﻨﻰ ﺋﺎﻏﺰﺍﻛﻰ ﺋﯜﮔﻪﺗﻜﯜﭼﻰ > ﻛﻪﺳﭙﯩﻲ ﻳﻪﻟﯟﻯ ﺑﻮﻟﯘﭖ ﻗﺎﻻﺗﺘﻰ .
ﺷﺎﻣﺎﻧﻼﺭﻧﯩﯔ ﺩﻩﺳﻠﻪﭘﺘﻪ ﺋﯚﺯﻟﯩﺮﯨﻨﯩﯔ ﺗﯘﺗﯩﻤﻰ ﺑﻮﻻﺗﺘﻰ . ﺷﺎﻣﺎﻥ ﺋﯚﺯ ﺗﯘﺗﯩﻤﯩﻨﻰ ﻧﺎﮬﺎﻳﯩﺘﻰ ﻣﻪﺧﭙﻰ ﻳﻪﺭﺩﻩ ﺳﺎﻗﻼﻳﺘﻰ . ﭼﯜﻧﻜﻰ ، ﺗﯘﺗﯩﻤﻰ ﺋﯚﻟﺴﻪ ﺷﺎﻣﺎﻧﻤﯘ ﺋﯚﺯﯨﻨﻰ ﺋﯚﻟﮕﻪﻥ ﺩﻩﭖ ﺑﯩﻠﻪﺗﺘﻰ . ﺷﺎﻣﺎﻧﻨﯩﯔ ﺧﯘﺳﯘﺳﯩﻴﯩﺖ ﺋﯚﺯ ﺗﯘﺗﯩﻤﯩﻨﯩﯔ ﺧﯘﻟﻖ - ﭘﻪﻳﻠﯩﮕﻪ ﺑﺎﻏﻠﯩﻖ ﺋﯩﺪﻯ . ﺗﯘﺗﯩﻤﻰ ﺗﻮﺷﻘﺎﻥ ﺑﻮﻟﻐﺎﻥ ﺷﺎﻣﺎﻥ ﺋﯩﻨﺘﺎﻳﯩﻦ ﭼﻪﺑﺪﻩﺱ ، ﭼﺎﻗﻘﺎﻥ ﺑﻮﻻﺗﺘﻰ ؛ ﺗﯘﺗﯩﻤﻰ ﺗﯜﻟﻜﻪ ﺑﻮﻟﻐﺎﻥ ﺷﺎﻣﺎﻥ ﻧﺎﮬﺎﻳﯩﺘﻰ ﮬﯩﻴﻠﯩﮕﻪﺭ ﺑﻮﻻﺗﺘﻰ ؛ ﺗﯘﺗﯩﻤﻰ ﺋﺎﺭﺳﻼﻥ ﺑﻮﻟﻐﺎﻥ ﺷﺎﻣﺎﻥ ﻧﺎﮬﺎﻳﯩﺘﻰ ﺋﻪﺯﯨﻤﻪﺕ ، ﻳﯩﮕﯩﺘﺘﻪﻙ ﺑﻮﻻﺗﺘﻰ . ﺩﯨﻤﻪﻙ ، ﺷﺎﻣﺎﻥ ﺋﯚﺯ ﺗﯘﺗﯩﻤﯩﻨﯩﯔ ﺋﻪﻛﺲ ﺳﺎﺩﺍﺳﻰ ﯞﻩ ﺗﯩﻤﺴﺎﻟﻰ ﺋﯩﺪﻯ .
ﺋﺎﻧﯩﻠﯩﻖ ﺗﯘﺗﯩﻤﭽﯩﻠﯩﻖ ﺩﻩﯞﺭﯨﺪﻩ ، ﺋﺎﻧﯩﻠﯩﻖ ﺋﯘﺭﯗﻗﺪﺍﺷﻼﺭ ﺑﻮﻻﺗﺘﻰ . ﺋﯩﺠﺘﯩﻤﺎﺋﻰ ﺟﻪﻣﯩﻴﻪﺗﻨﯩﯔ ﺗﻪﺭﻩﻗﻘﯩﻴﺎﺗﻰ ﺟﻪﺭﻳﺎﻧﯩﺪﺍ ، ﺋﺎﻧﯩﻠﯩﻖ ﺗﯘﺗﯩﻤﭽﯩﻠﯩﻖ ﺑﯩﻠﻪﻥ ﺋﺎﻧﯩﻠﯩﻖ ﺋﺎﺗﺪﺍﺷﻼﺭﻣﯘ ﺋﺎﻳﺮﯨﻠﯩﺸﻘﺎ ﺑﺎﺷﻠﯩﻐﺎﻥ . ﺋﺎﻧﯩﻠﯩﻖ ﺋﺎﺗﺪﺍﺷﻼﺭ ﺑﯚﻟﯜﻧﮕﻪﻧﺪﯨﻦ ﻛﯧﻴﯩﻦ ، ﺷﺎﻣﺎﻧﻼﺭ ﺋﯚﺯﻟﯩﺮﻯ ﻣﻪﻧﺴﯜﭖ ﺑﻮﻟﻐﺎﻥ ﺋﺎﺗﺪﺍﺷﻼﺭﻧﯩﯔ ﺗﯘﺗﯩﻤﯩﻨﻰ ﺋﯚﺯﻟﯩﺮﯨﮕﻪ ﺧﺎﺱ ﻗﯩﻠﯩﭗ ﺋﯧﮕﯩﻠﯩﯟﺍﻟﺪﻯ . ﻧﻪﺗﯩﺠﯩﺪﻩ ، ﺷﺎﻣﺎﻧﻼﺭ ﺋﺎﻧﯩﻠﯩﻖ ﺗﯘﺗﯩﻤﭽﯩﻠﯩﻘﺘﯩﻦ ﻛﯜﭺ - ﻗﯘﯞﯞﻩﺕ ﺋﯧﻠﯩﺶ ﺑﯩﻠﻪﻥ ﺑﯩﻠﻠﻪ ، ﺋﺎﻧﯩﻠﻖ ﺋﺎﺗﺪﺍﺷﻼﺭﻧﯩﯔ ﺋﻮﺭﻧﯩﻨﻰ ﺑﺎﺳﺘﻰ . ﺷﺎﻣﺎﻧﻠﯩﻘﺘﺎ ﺧﻮﺗﯘﻧﻼﺭﻧﯩﯔ ﺋﻮﺭﻧﻰ ﻳﯘﻗﯘﺭﻯ ﺋﯩﺪﻯ . ﺋﺎﺳﺎﺳﻪﻥ ﺷﺎﻣﺎﻧﻼﺭ ﺧﻮﺗﯘﻧﻼﺭﺩﯨﻦ ﭼﯩﻘﺎﺗﺘﻰ . < ﺧﻪﻧﻨﺎﻣﻪ > ﻧﯩﯔ < ﮬﯘﻧﻼﺭ ﺗﻪﺯﻛﯩﺮﯨﺴﻰ > ﺩﻩ ، ﮬﯘﻧﻼﺭﺩﺍ < ﮬﻪﻣﯩﺸﻪ ﻛﺎﮬﯩﻨﻠﯩﻖ ﻗﯩﻠﯩﺶ ﺋﺎﺩﯨﺘﻰ ﺑﺎﺭ > ﺩﯨﻴﯩﻠﮕﻪﻥ . < ﻳﯩﻐﻼﯕﻐﯘ ﺧﺎﻧﺰﺍﺩﻩ ﺗﻪﺯﻛﯩﺮﯨﺴﻰ > ﺩﻩ ؛ < ﻏﯘﺯ ﺋﺎﻳﺎﻝ ﻛﺎﮬﯩﻦ ﺋﻮﺭﻣﺎﻧﺪﺍ ﺋﻪﺭﯞﻩﻳﺪﯗ ، ﮬﯘﻧﻼﺭﻧﯩﯔ ﺷﯘﻧﺪﺍﻕ ﺳﯧﮭﯩﺮﮔﻪﺭﻟﯩﻚ ﮬﯜﻧﯩﺮﻯ ﺑﺎﺭ > ، < ﺧﻪﻥ ﻗﻮﺷﯘﻧﻰ ﻛﯧﻠﯩﺪﯨﻜﻪﻥ ﺩﻩﭖ ﺋﺎﯕﻼﭖ ، ﮬﯘﻧﻼﺭ ﻛﺎﮬﯩﻨﻼﺭﻧﻰ ﺋﯩﺸﻘﺎ ﺳﯧﻠﯩﭗ ، ﻗﻮﺷﯘﻧﻨﯩﯔ ﻛﯧﻠﯩﺪﯨﻐﺎﻥ ﻳﻮﻟﻠﯩﺮﻯ ﯞﻩ ﺳﯘ ﻳﻮﻟﯩﻐﺎ ﻗﻮﻱ - ﻛﺎﻟﯩﻼﺭﻧﻰ ﻛﯚﻣﯜﭖ ، ﻗﻮﺷﯘﻧﻐﺎ ﺟﯘﺩﺍ ﻗﯩﻠﺪﯗﺭﺩﻯ > ( < ﺧﻪﻧﻨﺎﻣﻪ > ﻧﯩﯔ < ﻏﻪﺭﺑﯩﻲ ﻳﯘﺭﺕ ﺗﻪﺯﻛﯩﺮﯨﺴﻰ > ) ﺩﻩﭖ ﻳﯧﺰﯨﻠﻐﺎﻥ . < ﯞﯦﻴﻨﺎﻣﻪ > ﻧﯩﯔ 102 - ﺟﯩﻠﺪ ، < 90 - ﺗﻪﺯﻛﯩﺮﻩ > ﻧﯩﯔ < ﻏﻪﺭﺑﯩﻲ ﻳﯘﺭﺕ > ﺑﺎﺑﯩﺪﺍ ﮔﺎﯞﺟﯜﻳﻠﻪﺭ ( ﻗﺎﯕﻘﯩﻠﻼﺭ ، ﻳﻪﻧﻰ ﺋﯘﻳﻐﯘﺭﻻﺭ ) ﮬﻪﻗﻘﯩﺪﻩ ﺑﺎﻳﺎﻥ ﻗﯩﻠﯩﻨﻐﺎﻧﺪﺍ < ﻳﯧﺸﯩﻦ - ﭼﺎﻗﻤﺎﻗﻨﻰ ﻳﺎﺧﺸﻰ ﻛﯚﺭﯨﺪﯗ ، ﮬﻪﺭ ﻗﯧﺘﯩﻢ ﻳﯧﺸﯩﻦ ﭼﺎﻗﻨﯩﻐﺎﻧﺪﺍ ﯞﺍﺭﻗﯩﺮﯨﺸﯩﭗ ﻛﯚﻛﻜﻪ ﺭﻩﮬﻤﻪﺕ ﺋﯧﻴﺘﯩﭗ ، ﺗﯘﺭﻏﺎﻥ ﻳﻪﺭﻟﯩﺮﯨﻨﻰ ﺗﻪﺭﻙ ﺋﯧﻴﺘﯩﺪﯗ . ﻛﯜﺯ ﺑﻮﻟﻐﺎﻧﺪﺍ ، ﺋﺎﺕ - ﻳﯩﻠﻘﯩﻠﯩﺮﻯ ﺳﻪﻣﺮﯨﮕﻪﻧﺪﻩ ، ﻳﯧﺸﯩﻦ ﭼﺎﻗﻨﯩﻐﺎﻥ ﻣﺎﻛﺎﻧﻐﺎ ﻗﺎﻳﺘﯩﭗ ﻛﯧﻠﯩﺪﯗ . ﻗﻮﭼﻘﺎﺭﻧﻰ ﻛﯚﻣﯜﭖ ﺋﻮﺕ ﻳﺎﻗﯩﺪﯗ . ﻗﯧﻠﯩﭽﻠﯩﺮﯨﻨﻰ ﺋﻮﻳﻨﯩﺘﯩﺪﯗ . ﺋﺎﻳﺎﻝ ﻛﺎﮬﯩﻦ ﺋﻪﭘﺴﯘﻥ ﺋﻮﻗﯘﻳﺪﯗ ، ﭼﻪﯞﻩﻧﺪﺍﺯﻻﺭ ﺋﺎﺗﻠﯩﺮﯨﻨﻰ ﻗﯘﻳﯘﻧﺪﻩﻙ ﻳﯜﮔﯜﺭﺗﯜﭖ ﻳﯜﺯ ﻗﯧﺘﯩﻢ ﺋﺎﻳﻠﯩﻨﯩﺪﯗ . ﮬﻪﺭ ﺑﯩﺮﻯ ﺑﯩﺮ ﺑﺎﻏﻼﻣﺪﯨﻦ ﺗﺎﻝ ﺷﯧﺨﯩﻨﻰ ﻛﯧﺴﯩﭗ ﻛﯧﻠﯩﭗ ، ﺳﯜﺕ - ﺋﺎﻳﺮﺍﻥ ﺑﯩﻠﻪﻥ ﺳﯘﻏﯩﺮﯨﺪﯗ . . . > ﺩﻩﭖ ﻳﯧﺰﯨﻠﻐﺎﻥ .
ﺩﻭﺳﺴﯘﻧﻨﯩﯔ < ﻣﻮﯕﻐﯘﻟﻼﺭﻧﯩﯔ ﺗﺎﺭﯨﺨﻰ > ﺩﺍ ﻳﯧﺰﯨﻠﯩﺸﯩﭽﻪ ، < ﺋﯘﻳﻐﯘﺭﻻﺭ ﺑﯘﺭﯗﻥ ﺷﺎﻣﺎﻧﯩﺰﯨﻤﻐﺎ ﺋﯧﺘﯩﻘﺎﺩ ﻗﯩﻼﺗﺘﻰ ، ﻗﺎﻡ ( ﻛﺎﮬﯩﻦ ) ﻻﺭ ﺷﺎﻣﺎﻥ ﺩﯨﻴﯩﻠﻪﺗﺘﻰ . > ، < ﺷﺎﻣﺎﻧﻼﺭ ﺋﯩﭙﺘﯩﺪﺍﺋﻰ ﺩﯨﻨﻨﯩﯔ ﺋﯘﺳﺘﺎﺯﻟﯩﺮﻯ ﺋﯩﺪﻯ ، ﺋﯘﻻﺭ ﻳﻪﻧﻪ ﺋﻪﺭﯞﻩﺷﭽﻰ ( ﺋﻪﭘﺴﯘﻧﭽﻰ ) ، ﻳﯚﺭﯛﻛﭽﻰ ( ﭼﯜﺵ ﺗﻪﺑﯩﺮﭼﯩﺴﻰ ) ، ﭘﺎﻟﭽﻰ ، ﻳﯘﻟﺪﯗﺯﭼﻰ ( ﻣﯘﻧﻪﺟﺠﯩﻢ ) ، ﺋﻪﻣﭽﻰ ( ﺗﯧﯟﯨﭗ ) ﺋﯩﺪﻯ . ﺋﯘﻻﺭﻧﯩﯔ ﮬﻪﺭ ﺑﯩﺮﻯ ﺑﯩﺮﻩﺭﺩﯨﻦ ﺋﻪﺭﯞﺍﮬﻨﯩﯔ ﻣﯘﺋﻪﻛﻜﯩﻠﻰ ﺋﯩﺪﻯ . ﺋﯚﺗﻤﯜﺷﺘﯩﻦ ، ﺑﯜﮔﯜﻧﺪﯨﻦ ، ﻛﻪﻟﮕﯜﺳﯩﺪﯨﻦ ﺑﯩﺸﺎﺭﻩﺕ ﺑﯩﺮﻩﺗﺘﻰ . ﺩﯗﻣﺒﺎﻕ ﭼﯧﻠﯩﭗ ﺋﻪﺭﯞﻩﻳﺘﻰ ، ﺑﺎﺭﺍ - ﺑﺎﺭﺍ ﺋﻪﯞﺟﯩﮕﻪ ﻛﯚﺗﯜﺭﯛﻟﯜﭖ ، ﮬﯘﺷﯩﺪﯨﻦ ﻛﯧﺘﻪﺗﺘﻰ . ﺋﯧﺴﯩﺮ ﭼﺎﭘﻠﯩﺸﯩﭗ ، ﻛﯚﺯﯨﻨﻰ ﻳﯜﻣﯜﭖ ﺳﺎﻣﺎﻏﺎ ﭼﯜﺷﻪﺗﺘﻰ . ﻳﺎﺧﺸﯩﻠﯩﻖ - ﻳﺎﻣﺎﻧﻠﯩﻖ ﺗﻮﻏﯘﺭﺳﯩﺪﺍ ﺑﯩﻠﺠﯩﺮﻻﻳﺘﻰ . ﺋﺎﺩﻩﻣﻠﻪﺭ ﻛﯩﺸﯩﻠﯩﻚ ﮬﺎﻳﺎﺗﯩﺪﯨﻜﻰ ﭼﻮﯓ - ﭼﻮﯓ ﺋﯩﺸﻼﺭﻧﻰ ﺷﺎﻣﺎﻧﻼﺭﺩﯨﻦ ﺳﻮﺭﺍﻳﺘﻰ . ﺑﯘ ﺋﯩﺸﻪﻧﭻ ﻛﻪﯓ ﺗﺎﺭﻗﺎﻟﻐﺎﻥ ﺋﯩﺪﻯ . >
ﻣﻪﮬﻤﯘﺩ ﻗﻪﺷﻘﻪﺭﻯ < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ﺩﺍ ﻣﯘﻧﺪﺍﻕ ﻳﺎﺯﻏﺎﻥ ؛ < ﻗﺎﻣﻼﺭ ﻗﺎﻣﯘﻍ ﺋﻪﺭﯞﻩﺷﺘﻰ --- ﮬﻪﻣﻤﻪ ﻛﺎﮬﯩﻨﻼﺭ ﺋﻪﭘﺴﯘﻥ ﺋﻮﻗﯘﺩﻯ . ﻳﯜﺯ - ﻛﯚﺯﮔﻪ ﭼﯩﻘﻘﺎﻥ ﻳﺎﻣﺎﻥ ﺟﺎﺭﺍﮬﻪﺗﻠﻪﺭ ﯞﻩ ﺷﯘﻧﯩﯖﻐﺎ ﺋﻮﺧﺸﺎﺷﻼﺭﻏﺎ ﺳﯜﻑ - ﻛﯚﭺ ﻗﯩﻠﯩﺸﻘﯩﻤﯘ ﺷﯘﻧﺪﺍﻕ ﺩﯨﻴﯩﻠﯩﺪﯗ . >
< ﻗﺎﻡ > ﺳﯚﺯﻯ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ 10 - 11 - ﺋﻪﺳﯩﺮﻟﻪﺭﺩﯨﻤﯘ ﺋﻮﺗﺎﭼﻰ ( ﺗﯧﯟﯨﭗ ) ﺳﯚﺯﻯ ﺑﯩﻠﻪﻥ ﺑﯩﺮ ﻗﺎﺗﺎﺭﺩﺍ < ﺩﺍﺧﺎﻥ > ، < ﮬﻪﻛﯩﻢ > ﻣﻪﻧﯩﻠﯩﺮﯨﺪﻩ ﻗﻮﻟﻠﯩﻨﯩﻠﻐﺎﻥ . ﺑﯘﻧﻰ < ﻗﯘﺗﺎﺩﻏﯘ ﺑﯩﻠﯩﻚ > ﺗﯩﻜﻰ ﻣﯘﻧﯘ ﺑﯩﻴﯩﺘﻼﺭﺩﯨﻦ ﺑﯩﻠﯩﺶ ﻣﯜﻣﻜﯩﻦ ؛
ﻛﻪﺭﻩﻙ ﺗﯘﺕ ﺋﻮﺗﺎﭼﻰ ﻛﻪﺭﻩﻙ ﺋﻪﺭﺳﻪ ﻗﺎﻡ ،
ﺋﯚﻟﯚﻛﻠﯩﻜﻪ ﮬﻪﺭﮔﯩﺰ ﺋﺎﺳﯩﻎ ﻗﯩﻠﻤﺎﺱ ﺋﻪﻡ .
( ﻣﻪﻳﻠﻰ ﭼﺎﻗﯩﺮ ﺗﯧﯟﯨﭙﻨﻰ ، ﻣﻪﻳﻠﻰ ﻛﻪﻟﺴﯘﻥ ﻗﺎﻡ ،
ﺋﯚﻟﯜﻣﮕﻪ ﮬﻪﺭﮔﯩﺰ ﭘﺎﻳﺪﺍ ﻗﯩﻠﻤﺎﺱ ﺋﻪﻡ ) .

ﺑﯘ ﺑﯧﻴﯩﺘﺘﻪ < ﺋﻪﻡ > ﺳﯚﺯﻯ < ﺩﺍﺧﺎﻥ > ﻣﻪﻧﯩﺴﯩﺪﻩ ﻛﻪﻟﮕﻪﻥ .

ﻗﺎﻣﯘﻍ ﺋﯩﮕﻜﻪ ﺋﻮﺕ ﺋﯘﻝ ﺋﻪﻣﻰ ﺑﻪﻟﮕﯜﻟﯜﮒ ،
ﺋﯘﻝ ﺋﯩﮓ ﺋﻪﻣﻠﻪﮔﯜﭼﻰ ﻗﺎﻣﻰ ﺑﻪﻟﮕﯜﻟﯜﮒ .
( ﮬﻪﻣﻤﻪ ﻛﯧﺴﻪﻟﮕﻪ ﺩﻭﺭﺍ - ﺩﺍﯞﺍ ﺑﻪﻟﮕﯜﻟﯜﻙ ،
ﺋﯘ ﻛﯧﺴﻪﻟﮕﻪ ﺩﺍﯞﺍﻟﯩﻐﯘﭼﻰ ﺗﯧﯟﯨﭗ ﺑﻪﻟﮕﯜﻟﯜﻙ )

ﺑﯘ ﺑﯧﻴﯩﺘﺘﻪ < ﻗﺎﻡ > ﺳﯚﺯﻯ < ﺗﯧﯟﯨﭗ > ﺑﯩﻠﻪﻥ ﻣﻪﻧﯩﺪﺍﺵ ﺑﻮﻟﯘﭖ ﻛﻪﻟﮕﻪﻥ .

ﺳﯧﻨﯩﯖﺪﻩ ﺗﯘﺭ ﻛﯚﺭ ﺑﯘﻻﺭﻧﯩﯔ ﺋﻪﻣﻰ
ﺋﻮﺗﺎﻏﻠﻰ ﺩﺍﺭﯗ ﺑﯩﺮﻟﻪ ﺑﻮﻟﻐﯩﻞ ﻗﺎﻣﻰ
( ﺳﯧﻨﯩﯖﺪﻩ ﺗﯘﺭﯗﭘﺘﯘ ﺑﯘﻻﺭﻧﯩﯔ ﺋﻪﻣﻰ
ﺩﺍﯞﺍﻟﻰ ﺩﻭﺭﺍ ﺑﯩﻠﻪﻥ ﺑﻮﻟﻐﯩﻦ ﮬﻪﻛﯩﻤﻰ )

ﺑﯘ ﺑﯧﻴﯩﺘﺘﻪ < ﻗﺎﻡ > ﺳﯚﺯﻯ < ﮬﻪﻛﯩﻢ > ﻳﻪﻧﻰ ﺋﯘﺳﺘﺎ ﻣﻪﻧﯩﺴﯩﺪﻩ ﻛﻪﻟﮕﻪﻥ .

ﺗﻮﻳﯘﻧﻠﯘﻕ .
< ﺗﻮﻳﯘﻥ > -- ﻣﻪﮬﻤﯘﺩ ﻗﻪﺷﻘﻪﺭﯨﻲ < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ﺩﺍ < ﺗﻮﻳﯩﻦ > ﺩﻩﭖ ﻳﺎﺯﻏﺎﻥ . < ﺗﻮﻳﯩﻦ - ﺋﯩﺴﻼﻡ ﺩﯨﻨﯩﺪﺍ ﺑﻮﻟﻤﯩﻐﺎﻧﻼﺭﻧﯩﯔ ﺩﯨﻨﯩﻲ ﺑﺎﺷﻠﯩﻐﻰ . ﺑﯘ ﺑﯩﺰﻧﯩﯔ ﺋﯩﻤﺎﻡ ﯞﻩ ﻣﯘﻓﺘﯩﻼﺭﻏﺎ ﺋﻮﺧﺸﺎﻳﺪﯗ . ﺗﻮﻳﯩﻦ ﮬﻪﺭ ﯞﺍﻗﯩﺖ ﺑﯘﺕ ﺋﺎﻟﺪﯨﺪﺍ ﺑﻮﻟﯘﭖ ، ﻛﯩﺘﺎﭘﻼﺭﻧﻰ ﯞﻩ ﮬﯚﻛﯜﻣﻠﻪﺭﻧﻰ ﺋﻮﻗﯘﻳﺪﯗ . > ﯞ . ﺑﺎﯓ ﯞﻩ ﺋﺎ . ﻓﻮﻥ . ﮔﺎﺑﺎﺋﯩﻨﻼﺭ < ﺋﯘﻳﻐﯘﺭﺷﯘﻧﺎﺳﻠﯩﻖ ﺗﻪﺗﻘﯩﻘﺎﺗﻰ > ﺩﯨﮕﻪﻥ ﺋﻪﺳﯩﺮﯨﺪﻩ < ﺗﻮﻳﯩﻦ > ) ﺋﯧﮭﺘﯩﻤﺎﻝ ﺧﻪﻧﺰﯗﭼﯩﺪﯨﻜﻰ < ﺩﺍﯞﺭﯦﻦ >  道人  نىڭ ئاھاڭ تەرجىمىسى بولسا كېرەك ( ، ﺩﻩﭖ ﻳﺎﺯﻏﺎﻥ . ﺗﻮﻳﯘﻥ ( ﺗﻮﻳﯩﻦ ) ﺭﺍﮬﯩﭗ ﺩﯨﻤﻪﻛﺘﯘﺭ .
< ﺩﺍﯞ > ( ﺗﻮ ) ﻳﻮﻝ ، ﺋﯘﺳﯘﻝ ، ﮬﯜﻧﻪﺭ ، ﮬﯩﻜﻤﻪﺕ ﻣﻪﻧﯩﻠﯩﺮﯨﻨﻰ ﺑﯩﻠﺪﯛﺭﯨﺪﯗ . ﻗﻪﺩﯨﻤﻜﻰ ﺳﯧﮭﯩﺮﮔﻪﺭﻟﯩﻜﺘﯩﻦ ﺗﻪﺭﻩﻗﻘﯩﻲ ﻗﯩﻠﯩﭗ ، ﺑﻪﻟﮕﯜﻟﯜﻙ ﺩﯨﻨﯩﻲ ﺋﻪﺧﻼﻗﯩﻲ ﻛﯚﺯ ﻗﺎﺭﺍﺵ ، ﺩﯗﻧﻴﺎ ﻗﺎﺭﺍﺵ ﯞﻩ ﺋﯩﺪﯨﻴﻪ ﺳﯩﺴﺘﯩﻤﯩﺴﻰ ﺑﻮﻟﯘﭖ ﺷﻪﻛﯩﻠﻠﻪﻧﮕﻪﻥ . < ﺗﻮﻳﯩﻦ > ( ﺗﻮﻳﯘﻥ ) -- ﺋﻪﻧﻪ ﺷﯘ ﺗﻪﻟﯩﻢ ﯞﻩ ﻧﯘﻗﺘﯩﻨﻪﺯﻩﺭﻧﻰ ﮬﺎﺳﯩﻞ ﻗﯩﻠﻐﺎﻥ ﯞﻩ ﺗﻪﺭﻏﯩﭗ ﻗﯩﻠﯩﺪﯨﻐﺎﻥ ﭘﺎﺯﯨﻞ ﺷﻪﺧﯩﺲ .
ﻗﻪﺩﯨﻤﻜﻰ ﺋﻪﺟﺪﺍﺗﻠﯩﺮﯨﻤﯩﺰ ﺑﯘ ﺋﺎﺗﺎﻟﻐﯘﻧﻰ ﻗﻮﺑﯘﻝ ﻗﯩﻠﯩﭗ ، ﺋﯚﺯﻟﯩﺮﯨﻨﯩﯔ ﻣﻪﻟﯘﻡ ﺳﯩﺴﺘﯩﻤﯩﻐﺎ ﻛﯩﺮﮔﻪﻥ ﺩﯨﻨﯩﻲ ﻛﯚﺯ ﻗﺎﺭﺍﺵ ﯞﻩ ﺗﻪﻟﯩﻤﺎﺗﻠﯩﺮﯨﻨﻰ ﺑﯩﻠﮕﯜﭼﻰ ﯞﻩ ﺋﯜﮔﻪﺗﻜﯜﭼﻰ ﺑﯩﻠﯩﻜﻠﻪﺭﻧﻰ < ﺗﻮﻳﯩﻦ > ( ﺗﻮﻳﯘﻥ ) ﺩﻩﭖ ﺋﺎﺗﯩﻐﺎﻥ .
ﺗﻮﻳﯘﻧﻼﺭ ﺋﻪﺟﺪﺍﺩﻯ ﮬﯩﺴﺎﭘﻼﻧﻐﺎﻥ < ﻳﻪﺭ - ﺳﯘ > ﻣﯘﺋﻪﻛﻜﯩﻠﯩﮕﻪ ﻳﺎﻛﻰ ﺗﻪﯕﺮﯨﮕﻪ ﯞﻩ ﺋﯚﺯﻟﯩﺮﻯ ﺧﺎﺱ ﺑﻮﻟﻐﺎﻥ ﺗﻮﻳﺘﯧﻤﻠﯩﺮﯨﻐﺎ ﻳﺎﻛﻰ ﺭﻭﮬﻘﺎ ﺗﯧﯟﯨﻨﯩﭗ ، ﻣﯘﺭﺍﺟﯩﺌﻪﺕ ﻗﯩﻼﺗﺘﻰ . ﺷﺎﻣﺎﻧﻼﺭﻧﯩﯔ ﺗﯘﺗﯧﻢ ، ﺭﻭﮬﻼﺭ ﯞﻩ ﺗﻪﯕﺮﯨﻠﻪﺭ ﮬﻮﺯﯗﺭﯨﺪﯨﻜﻰ ﺗﻪﺳﯩﺮﻯ < ﺳﯧﮭﺮﯨﻲ ﺟﺎﭘﺎ ﯞﻩ ﻣﯜﺷﻜﯜﻟﻠﯜﻙ > ﺗﯩﻦ ﺋﯩﺒﺎﺭﻩﺕ ﺋﯩﺪﻯ .
ﺗﻮﻳﯘﻧﻠﯘﻕ < ﺋﻮﯓ > ﻗﻮﻟﻐﺎ ، ﺷﺎﻣﺎﻧﻠﯩﻖ < ﺳﻮﻝ > ﻗﻮﻟﻐﺎ ﻣﻪﻧﺴﯜﭖ ﺋﯩﺪﻯ . ﻳﻪﻧﻰ ﻗﻪﺩﯨﻤﻜﻰ ﺩﯨﻴﻦ < ﺋﻮﯓ > ﻧﻰ ﻗﯘﺗﻠﯘﻕ ﮬﯩﺴﺎﭘﻼﻳﺪﯗ . ﺷﺎﻣﺎﻧﻠﯩﻖ ﺑﻮﻟﺴﺎ < ﺳﻮﻝ > ﻧﻰ ﻗﯘﺗﻠﯘﻕ ﮬﯩﺴﺎﭘﻼﻳﺪﯗ . ﺗﻮﻳﯘﻧﻠﯘﻕ ﺋﯩﺮﺳﯩﻴﻪﺗﻠﯩﻚ ﺑﻮﻟﯘﭖ ، ﺗﻪﯕﺮﯨﻠﻪﺭ ﯞﻩ ﺑﺎﺷﻘﺎ ﺳﯩﻤﯟﻭﻟﻼﺭ ﺗﻮﻳﯘﻧﻼﺭﻧﯩﯔ ﺋﺎﺗﯩﻠﯩﺮﻯ ﮬﯩﺴﺎﭘﻠﯩﻨﺎﺗﺘﻰ . ﺷﺎﻣﺎﻧﻠﯩﻖ ﺑﻪﺯﯨﺪﻩ ﺋﯩﺮﺳﯩﻴﻪﺗﻠﯩﻚ ، ﺑﻪﺯﯨﺪﻩ ﻛﻪﺳﭙﯩﻲ ﯞﻩ ﺑﻪﺯﯨﺪﻩ ﺗﯘﻏﻤﺎ ﺑﻮﻻﺗﺘﻰ . ﻗﻪﺩﯨﻤﻜﻰ ﺩﯨﻴﻦ ﺋﻪﺳﻠﯩﺪﻩ < ﺳﯧﮭﯩﺮﮔﻪﺭﻟﯩﻚ ﺩﯨﻨﻰ > ﺋﯩﺪﻯ . ﺷﯘﯕﺎ ﺳﯧﮭﯩﺮﻧﻰ ﺩﯨﻴﻦ ﺋﯩﻨﻜﺎﺭ ﻗﯩﻠﻤﺎﻳﺘﻰ . ﺩﯨﻴﻦ ﺑﯩﻠﻪﻥ ﺳﯧﮭﯩﺮ ﺑﺎﺭﺍﯞﻩﺭ ﺑﻮﻟﯘﭖ ، ﺩﯨﻨﯩﻲ ﺋﯧﺘﯩﻘﺎﺩﻟﯩﺮﻯ ﺋﯩﻜﻜﻰ ﺗﯜﺯﯛﻣﮕﻪ ﺋﺎﻳﺮﯨﻠﻪﺍﻥ ﺋﯩﺪﻯ .
ﺗﻮﻳﯘﻧﻼﺭ ﺩﯨﻴﻨﻰ ﺑﺎﺷﻠﯩﻖ ﺑﻮﻟﯘﺵ ﺑﯩﻠﻪﻥ ﺑﯩﻠﻠﻪ ، ﺋﻪﻳﻨﻰ ﭼﺎﻏﺪﺍ ﺳﯩﻴﺎﺳﯩﻲ ﺑﺎﺷﻠﯩﻘﻼﺭ ﺋﯩﺪﻯ . ﻣﻪﺳﯩﻠﻪﻥ ؛ ﺋﻮﻏﯘﺯﻧﯩﯔ 24 ﻗﻪﺑﯩﻠﻪ ﺑﯧﮕﻰ ﺑﯩﻠﻪﻥ ﺋﻪﻝ ﺑﯧﮕﻰ ﺗﻮﻳﯘﻧﻼﺭﺩﯨﻦ ﺋﯩﺪﻯ . ﺩﯨﻤﻪﻙ ، ﺭﻭﮬﺎﻧﯩﻴﻼﺭ ﺋﻪﻳﻨﻰ ﯞﺍﻗﯩﺘﺘﺎ ﮬﯚﻛﯜﻣﯩﺮﺍﻧﻼﺭ ﺋﯩﺪﻯ . ﻗﻪﺩﯨﻤﻜﻰ ﻳﯘﻧﺎﻧﺪﯨﻤﯘ ﻗﻪﮬﺮﯨﻤﺎﻧﻼﺭ ﺗﻪﯕﺮﯨﻠﻪﺷﺘﯜﺭﯛﻟﮕﻪﻥ ﺷﻪﺧﯩﺴﻠﻪﺭ ﺑﻮﻟﻐﺎﻥ . ﺷﺎﻣﺎﻧﻼﺭ ﺑﻮﻟﺴﺎ ، ﺳﯧﮭﯩﺮﮔﻪﺭ ﮬﻪﻡ ﻛﺎﮬﯩﻦ ، ﺋﻪﺳﻪﺏ - ﻧﯧﺮﯞﺍ ( ﺗﯘﻳﻐﯘ ) ﻛﯧﺴﻪﻟﻠﯩﻜﻠﯩﺮﯨﻨﻰ ﺩﺍﯞﺍﻻﻳﺪﯨﻐﺎﻥ ، ﺑﯩﺮ ﺧﯩﻞ ﺭﻭﮬﺎﻧﯩﻲ ﺗﯧﯟﯨﭙﻼﺭ ﺋﯩﺪﻯ . ﺋﯘﺯﯞﯦﻲ ( ﺟﯩﺴﻤﺎﻧﯩﻲ ) ﻛﯩﺴﻪﻟﻠﯩﻜﻠﻪﺭﻧﻰ ﺩﺍﯞﺍﻟﯩﻐﯘﭼﯩﻼﺭﻧﻰ ﻗﻪﺩﯨﻤﻜﻰ ﺋﻪﺟﺪﺍﺩﻻﺭ < ﺋﻮﺗﺎﭼﻰ > ﯞﻩ < ﺋﺎﺗﺎﺳﺎﻏﯘﻥ > ﺩﻩﭖ ﺋﺎﺗﯩﻐﺎﻥ ﺋﯩﺪﻯ . ﺗﻮﻳﯘﻧﻼﺭﻧﯩﯔ ﺗﻪﯕﺮﯨﻠﻪﺷﻜﻪﻥ ﺋﺎﺗﯩﻠﯩﺮﻯ ﯞﻩ ﺧﺎﺳﻼﺷﻘﺎﻥ ﺗﯘﺗﯧﻤﻠﯩﺮﻯ ﮬﻪﻡ ﺋﻪﺭﯞﺍﮬﻠﯩﺮﯨﻨﯩﯔ ﮬﯩﻤﺎﻳﻪ ﻗﯩﻠﻐﯘﭼﯩﻠﯩﺮﻯ ﭘﯜﺗﯜﻧﻠﻪﻱ ﺋﻪﺭﻟﻪﺭﺩﯗﺭ . ﺷﺎﻣﺎﻧﻼﺭﻧﯩﯔ ﺋﯚﺯﻟﯩﺮﯨﮕﻪ ﺧﺎﺱ ﻗﯩﻠﯩﯟﺍﻟﻐﺎﻥ ﺗﯘﺗﯧﻤﻠﯩﺮﻯ ﯞﻩ ﮬﺎﻣﯩﻴﻠﯩﺮﻯ ﺋﺎﻳﺎﻟﻼﺭﺩﯗﺭ . ﺷﺎﻣﺎﻧﻼﺭ ﻣﻪﻧﯩﯟﯨﻲ ﺋﯩﻤﺘﯩﻴﺎﺯﻟﯩﺮﯨﻨﻰ ﺋﯘﺳﯘﻝ - ﻣﯘﺯﯨﻜﺎ ، ﺷﯧﺌﯩﺮ ﻗﻮﺷﺎﻗﻼﺭﻧﯩﯔ ﺳﯧﮭﺮﯨﻲ ﻛﯜﭼﻠﯩﺮﻯ ﺋﺎﺭﻗﯩﻠﯩﻖ ﻛﯚﺭﺳﯩﺘﻪﺗﺘﻰ . ﺗﻮﻳﯘﻧﻼﺭﻧﯩﯔ ﻣﯘﻗﻪﺩﺩﻩﺱ ﻛﯩﺘﺎﭘﻠﯩﺮﻯ ﺑﻮﻻﺗﺘﻰ ، ﺋﯘﻧﻰ < ﻧﻮﻡ > ﺩﻩﭖ ﺋﺎﺗﺎﻳﺘﻰ . ﺟﯘﯞﻩﻳﻨﯩﻨﯩﯔ < ﺗﺎﺭﯨﺨﯩﻲ ﺟﺎﮬﺎﻧﻜﯘﺷﺎﻱ > ﻛﯩﺘﺎﺑﯩﺪﺍ ﻳﯧﺰﯨﻠﯩﺸﯩﭽﻪ ، ﺗﯜﺭﻙ ﺩﯨﻨﯩﺪﻩ ﺑﻮﻟﻐﺎﻧﻼﺭ < ﻧﻮﻣﻰ ، ﻧﻮﻣﯩﻴﺎﻥ > ( ﻧﻮﻣﻰ ﺑﺎﺭﻻﺭ ) ﺩﯨﻴﯩﻠﮕﻪﻥ ؛ ﻗﺎﻏﺎﻥ ﮬﻮﺯﯗﺭﯨﺪﺍ ﻧﻮﻣﯩﻼﺭ ﺑﯩﻠﻪﻥ ﻗﺎﻡ ( ﺷﺎﻣﺎﻥ ) ﻻﺭ ﺑﻪﺳﻠﯩﺸﯩﭗ ﺳﯩﻨﺎﺷﻘﺎﻥ . ﺗﻮﻳﯘﻧﻼﺭ ﻗﻮﻟﯩﺪﯨﻜﻰ < ﻧﻮﻡ > ﻧﻰ ﺩﻩﺳﺘﻪﻙ ﻗﯩﻠﯩﭗ ، ﻣﯘﻧﺎﺯﯨﺮﯨﺪﻩ ﻗﺎﻣﻼﺭﻧﻰ ﻣﻪﻏﻠﯘﺏ ﻗﯩﻠﻐﺎﻥ . ﻧﻮﻡ ﮬﻪﻗﻘﯩﺪﻩ ﻣﻪﮬﻤﯘﺩ ﻗﻪﺷﻘﻪﺭﯨﻲ < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ﺩﺍ ﻣﯘﻧﺪﺍﻕ ﺩﻩﭖ ﻳﺎﺯﻏﺎﻥ : < ﻧﻮﻡ - ﺩﯨﻴﻦ ، ﺷﻪﺭﯨﺌﻪﺕ . ﺗﻪﯕﺮﻯ ﻧﻮﻣﻰ -- ﺗﻪﯕﺮﯨﻨﯩﯔ ﺩﯨﻨﻰ ﯞﻩ ﺷﻪﺭﯨﺌﯩﺘﻰ ﺩﯨﮕﻪﻥ ﺳﯚﺯ ﻣﯘﺷﯘﻧﯩﯖﺪﯨﻦ ﺋﯧﻠﯩﻨﻐﺎﻥ . ﮬﻪﻣﻤﻪ ﺩﯨﻴﻨﻼﺭﺩﺍ ﻧﻮﻡ ﺩﯨﻴﯩﻠﯩﺪﯗ . >
< ﺗﯜﺭﻛﭽﻪ ﺗﯘﺭﭘﺎﻥ ﺗﯧﻜﯩﺴﺘﻠﯩﺮﻯ > ﻧﻰ ﺗﻪﺗﻘﯩﻖ ﻗﯩﻠﻐﺎﻥ ﺋﺎﻟﯩﻤﻼﺭ < ﻧﻮﻡ ﺳﯚﺯﻯ ﻗﺎﻧﻮﻥ ، ﺩﯨﻴﻦ ، ﺋﻪﻗﯩﺪﻩ ، ﺋﯩﺸﻪﻧﭻ ، ﺩﯗﺋﺎ ، ﺩﯨﻴﻨﯩﻲ ﺋﻪﺳﻪﺭ ﺩﯨﮕﻪﻥ ﻣﻪﻧﯩﻠﻪﺭﻧﻰ ﺑﯩﻠﺪﯛﺭﯨﺪﯗ ؛ ﺳﻮﻏﺪﯨﭽﻪ ﻧﻮﻡ ، ﻳﯘﻧﺎﻧﭽﻪ ﻧﻮﻣﻮ ( nomos ) ﺩﯦﻴﯩﻠﯩﺪﯗ > ﺩﻩﭖ ﭼﯜﺷﻪﻧﺪﯛﺭﮔﻪﻥ .
5 . ﺧﺎﺳﯩﻴﻪﺗﻠﯩﻚ ﮬﯩﺴﺎﭘﻼﻧﻐﺎﻥ ﻧﻪﺭﺳﻪ ﯞﻩ ﺷﻪﺧﯩﺴﻠﻪﺭ

ﻗﻪﺩﯨﻤﻜﻰ ﺋﻪﺟﺪﺍﺩﻟﯩﺮﯨﻤﯩﺰ ﺗﻪﺑﯩﺌﻪﺗﻨﻰ ﺑﻮﻳﺴﯘﻧﺪﯗﺭﯗﺵ ﯞﻩ ﺗﻪﺑﯩﺌﻪﺕ ﻗﺎﻧﻮﻧﯩﻴﻪﺗﻠﯩﺮﯨﻨﻰ ﭼﯜﺷﯩﻨﯩﺶ ﺟﻪﮬﻪﺗﻠﯩﺮﯨﺪﯨﻦ ﻣﻪﯘﻡ ﻧﻪﺭﺳﻪ ﻳﺎﻛﻰ ﺷﻪﺧﯩﺴﻠﻪﺭﻧﻰ ﻗﺎﻧﺪﺍﻗﺘﯘﺭ ﺑﯩﺮ ﺧﺎﺳﯩﻴﻪﺗﻠﯩﻚ ، ﻛﺎﺭﺍﻣﻪﺗﻠﯩﻚ ، ﺩﻩﭖ ﺗﻮﻧﯩﻐﺎﻥ . ﺗﯚﯞﻩﻧﺪﻩ ﺗﺎﺭﯨﺨﯩﻲ ﻣﻪﻧﺒﻪﻟﻪﺭﮔﻪ ﺋﺎﺳﺎﺳﻪﻥ ﺑﯩﺮ ﻗﺎﻧﭽﯩﻨﻰ ﺗﻮﻧﯘﺷﺘﯘﺭﯗﭖ ﺋﯚﺗﯩﻤﻪﻥ .

ﻳﺎﺕ
< ﻳﺎﺕ - ﻳﺎﺩﺍ . ﺑﯘ ﺑﯩﺮ ﺧﯩﻞ ﺳﯧﮭﯩﺮﮔﻪﺭﻟﯩﻚ ﺑﻮﻟﯘﭖ ، ﻳﺎﻣﻐﯘﺭ ، ﺷﺎﻣﺎﻝ ﯞﻩ ﺑﺎﺷﻘﯩﻼﺭﻧﻰ ﺗﯩﻠﻪﺵ ﺋﯜﭼﯜﻥ ، ﻣﻪﺧﺴﯘﺱ ﺗﺎﺷﻼﺭ ( ﻳﺎﺩﺍ ﺗﺎﺷﻼﺭ ) ﻧﯩﯔ ﻳﺎﺭﺩﯨﻤﻰ ﺑﯩﻠﻪﻥ ﺳﯧﮭﯩﺮ ﻗﯩﻠﯩﻨﯩﺪﯗ . ﺑﯘ ﺋﺎﺩﻩﺕ ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﻛﻪﯓ ﺗﺎﺭﻗﺎﻟﻐﺎﻥ . ﻣﻪﻥ ﺑﯘﻧﻰ ﻳﺎﻏﻤﯩﻼﺭﺩﺍ ﺋﯚﺯ ﻛﯚﺯﯙﻡ ﺑﯩﻠﻪﻥ ﻛﯚﺭﺩﯛﻡ . ﺋﯘ ﻳﻪﺭﺩﻩ ﺑﯩﺮ ﻳﺎﻧﻐﯩﻦ ﺑﻮﻟﻐﺎﻧﺪﺍ ، ﻳﺎﻧﻐﯩﻨﻨﻰ ﺋﯚﭼﯜﺭﯛﺵ ﺋﯜﭼﯜﻥ ﺷﯘﻧﺪﺍﻕ ﻗﯩﻠﯩﻨﻐﺎﻥ ﺋﯩﺪﻯ ، ﺗﻪﯕﺮﯨﻨﯩﯔ ﺋﻪﻣﺮﻯ ﺑﯩﻠﻪﻥ ﻳﺎﺯﺩﺍ ﻗﺎﺭ ﻳﺎﻏﺪﻯ ، ﻛﯚﺯ ﺋﺎﻟﺪﯨﻤﺪﺍ ﺋﻮﺕ ﺋﯚﭼﯜﺭﯛﻟﺪﻯ > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ، 3 - ﺗﻮﻡ )
ﮬﺎﺯﯨﺮﻣﯘ ﺟﺎﻧﻠﯩﻖ ﺗﯩﻠﺪﺍ < ﻳﺎﺩﺍ ﻗﯩﻠﺪﻯ > ( ﺟﻮﺩﯗ ﻗﯩﻠﺪﻯ ) ، < ﻳﺎﺩﺍ ﻗﯩﻠﯩﭗ ﻳﺎﻣﻐﯘﺭ ﻳﺎﻏﺪﯗﺭﯗﻟﺪﻯ > ، ﺷﯘﻧﯩﯖﺪﻩﻙ ﻧﺎﮬﺎﻳﯩﺘﻰ ﻛﻪﭘﺴﯩﺰ ﺑﺎﻟﯩﻼﺭﻧﻰ < ﺋﯩﭽﯩﺪﻩ ﻳﺎﺩﺍ ﺗﯧﺸﻰ ﺑﺎﺭﻣﯩﻜﯩﻦ > ﺩﻩﻳﺪﯗ .

ﻳﯧﺸﯩﻦ ( ﭼﺎﻗﻤﺎﻕ ) ﯞﻩ ﻗﺎﺷﺘﺎﺵ .
ﻗﻪﺩﯨﻤﻜﻰ ﺋﯘﻳﻐﯘﺭﻻﺭﺩﯨﻦ ﮔﺎﯞﺟﯜﻱ ( ﮔﺎﯞﮔﯜﻱ ، ﻗﺎﯕﻘﯩﻠﻼﺭ ) ﺩﺍ ﻳﯧﺸﯩﻨﻨﻰ ﺋﯘﻟﯘﻏﻼﻳﺪﯨﻐﺎﻥ ﺩﯨﻨﯩﻲ ﭼﯜﺷﻪﻧﭽﻪ ﺑﻮﻟﻐﺎﻥ . ﮬﻪﺗﺘﺎ 10 - ﺋﻪﺳﯩﺮﻟﻪﺭﺩﯨﻤﯘ ﻣﯘﻧﺪﺍﻕ ﭼﯜﺷﻪﻧﭽﯩﻨﯩﯔ ﻛﻪﯓ ﺗﺎﺭﻗﺎﻟﻐﺎﻧﻠﯩﻐﯩﻨﻰ ﻣﻪﮬﻤﯘﺩ ﻗﻪﺷﻘﻪﺭﯨﻴﻨﯩﯔ ﻣﯘﻧﯘ ﻣﯩﺴﺎﻟﯩﺪﯨﻦ ﺑﯩﻠﯩﺸﻜﻪ ﺑﻮﻟﯩﺪﯗ .
< ﻳﺎﺷﯩﻦ - ﻳﯧﺸﯩﻦ ، ﭼﺎﻗﻤﺎﻕ . ﻛﯩﻤﯩﯔ ﺑﯩﻠﻪ ﻗﺎﺵ ﺑﻮﻟﺴﺎ ﻳﺎﺷﯩﻦ ﻳﺎﻗﻤﺎﺱ -- ﻛﯩﻤﻨﯩﯔ ﻳﯧﻨﯩﺪﺍ ﻗﺎﺷﺘﺎﺵ ﺑﻮﻟﺴﺎ ، ﺋﯘﻧﯩﯖﻐﺎ ﻳﯧﺸﯩﻦ ﻳﯧﻘﯩﻦ ﻛﻪﻟﻤﻪﺱ ( ﺗﻪﮔﻤﻪﺱ ) ﺩﯨﮕﻪﻥ ﺑﯩﺮ ﮬﯩﻜﻤﻪﺗﻠﯩﻚ ﺳﯚﺯ ﺑﺎﺭ . ﻗﺎﺷﺘﺎﺵ ﺋﺎﻕ ، ﺳﯜﺯﯛﻙ ﺑﻮﻟﯘﭖ ، ﻛﯩﺸﯩﻠﻪﺭ ﺋﯘﻧﻰ ﺋﯜﺯﯛﻙ ﻗﯩﻠﯩﭗ ﺳﺎﻟﯩﺪﯗ . ﺑﯘﻧﺪﺍﻕ ﺋﯜﺯﯛﻛﻨﻰ ﺳﯧﻠﯩﯟﺍﻟﻐﺎﻥ ﻛﯩﺸﯩﮕﻪ ﭼﺎﻗﻤﺎﻕ ﺗﻪﮔﻤﻪﻳﺪﯗ ، ﭼﯜﻧﻜﻰ ، ﺋﯘﻧﯩﯔ ﺗﻪﺑﯩﺌﯩﻴﺘﻰ ﺷﯘﻧﺪﺍﻕ . ﺑﯘ ﺗﺎﺷﻨﻰ ﺑﻮﺯﻏﺎ ﺋﻮﺭﺍﭖ ﺋﻮﺗﻘﺎ ﺗﺎﺷﻠﯩﻐﺎﻧﺪﺍ ، ﺑﻮﺯﻣﯘ ، ﺗﺎﺷﻤﯘ ﻛﯚﻳﻤﻪﻳﺪﯗ . ﺑﯘ ﺳﯩﻨﺎﻟﻐﺎﻥ . ﺋﯘﺳﺴﯩﻐﺎﻥ ﺋﺎﺩﻩﻡ ﺑﯘﻧﻰ ﺋﺎﻏﺰﯨﻐﺎ ﺳﺎﻟﺴﺎ ﺋﯘﺳﺴﯘﺯﻟﯘﻗﻨﻰ ﺑﺎﺳﯩﺪﯗ . > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ، 3 - ﺗﻮﻡ )
< ﻗﺎﺵ -- ﻗﺎﺷﺘﺎﺵ . ﺑﯘ ﺑﯩﺮﺧﯩﻞ ﺳﯜﺯﯛﻙ ﺗﺎﺵ ﺑﻮﻟﯘﭖ ، ﺋﺎﻕ ﯞﻩ ﻗﺎﺭﺍ ﺭﻩﯕﻠﻪﺭﺩﻩ ﻛﯚﺭﯛﻟﯩﺪﯗ . ﺋﯘﻧﯩﯔ ﺋﯧﻘﯩﻨﻰ ﮔﯜﻟﺪﯛﺭﻣﺎﻣﯩﺪﯨﻦ ، ﺋﯘﺳﺴﯘﺯﻟﯘﻗﺘﯩﻦ ، ﯞﺍ ﻳﯧﺸﯩﻦ ﭼﯜﺷﯜﺷﺘﯩﻦ ﺳﺎﻗﻠﯩﻨﯩﺶ ﺋﯜﭼﯜﻥ ﺋﯜﺯﯛﻛﻜﻪ ﻛﯚﺯ ﻗﯩﻠﯩﺪﯗ . > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ، 3 - ﺗﻮﻡ ) .

ﺋﻮﻣﺎﻱ
ﺋﻮﺭﻗﯘﻥ ﺋﺎﺑﯩﺪﯨﻠﯩﺮﯨﺪﯨﻤﯘ ﺑﯘ ﺳﯚﺯ ﻛﯚﭖ ﺋﯘﭼﺮﺍﻳﺪﯗ . < ﺋﻮﻣﺎﻱ > ﺳﯚﺯﯨﻨﻰ ﯞﯨﻠﮭﯧﻠﯩﻢ ﺗﻮﻣﺴﯘﻥ ( ﺩﺍﻧﯩﻴﻪﻟﯩﻚ ﺗﯜﺭﻛﻮﻟﻮﮒ ) ﺧﺎﺗﯘﻥ ﺗﻪﯕﺮﻯ ﻣﻪﻧﯩﺴﯩﻨﻰ ﺑﯩﻠﺪﯛﺭﯨﺪﯗ ، ﺩﻩﭖ ﺗﻪﮬﻠﯩﻞ ﻗﯩﻠﻐﺎﻥ . ﻗﻪﺩﯨﻤﻜﻰ ﺗﯜﺭﻛﯩﻲ ﺧﻪﻟﻘﻠﻪﺭﺩﻩ ﺗﺎﺭﻗﺎﻟﻐﺎﻥ ﺷﺎﻣﺎﻧﻠﯩﻘﻼﺭﻧﯩﯔ < ﺋﺎﻣﺎﻏﺎﺕ > ﺩﯨﮕﻪﻥ ﻣﯘﺋﻪﻧﻨﻪﺱ ( ﺋﺎﻳﺎﻟﻐﺎ ﺧﺎﺱ ) ﺑﯩﺮ ﺋﻪﻗﯩﺪﯨﺴﻰ ﺑﺎﺭ ﺋﯩﺪﻯ . ﺷﺎﻣﺎﻧﻨﯩﯔ ﺳﯧﮭﺮﯨﻲ ﮬﯜﻧﯩﺮﯨﻨﻰ ﺋﺎﻧﺎ ﻛﺎﻣﺎﻟﻪﺗﻜﻪ ﻳﻪﺗﻜﯜﺯﮔﻪﭼﻜﻪ ، ﺋﯘﻻﺭ < ﺋﺎﻣﺎﻏﺎﺕ > ﻧﻰ ﺋﯘﻟﯘﻏﻼﻳﺘﻰ . < ﺋﺎﻣﺎﻏﺎﺕ > ﻳﺎﻛﻰ < ﺋﻮﻣﺎﻱ > ﻏﺎ ﺗﯩﯟﯨﻨﯩﺶ ﻛﻪﯓ ﺗﺎﺭﻗﺎﻟﻐﺎﻥ ﺋﯩﺪﻯ .
< ﺋﻮﻣﺎﻱ -- ﺋﻪﺵ ، ﻳﻮﻟﺪﺍﺵ ، ﮬﻪﻣﺮﺍﮬ . ﺋﺎﻳﺎﻟﻠﺮﻧﯩﯔ ﻛﯚﺯﻯ ﻳﻮﺭﯗﻏﺎﻧﺪﺍ ، ﺑﺎﻟﯩﺪﯨﻦ ﻛﯧﻴﯩﻦ ﭼﯜﺷﯩﺪﯨﻐﺎﻥ ﻧﻪﺭﺳﻪ . ﻣﺎﻗﺎﻟﺪﺍ ﻣﯘﻧﺪﺍﻕ ﻛﻪﻟﮕﻪﻥ ؛ ﺋﻮﻣﺎﻳﻐﺎ ﺗﺎﺑﯩﻨﺴﺎ ﺋﻮﻏﯘﻝ ﺑﻮﻟﯘﺭ -- ﺋﻪﺷﻜﻪ ﺗﯧﯟﯨﻨﺴﺎ ﺋﻮﻏﯘﻝ ﺗﺎﭘﺎﺭ ؛ ﻛﯩﻢ ﺗﯘﻏﯘﺕ ﺋﯩﺸﯩﻐﺎ ﺧﯩﺰﻣﻪﺕ ﻗﯩﻠﺴﺎ ﺋﻮﻏﯘﻟﻠﯘﻕ ﺑﻮﻟﯩﺪﯗ . ﺧﻮﺗﯘﻧﻼﺭ ﺑﯘﻧﻰ ﻳﺎﺧﺸﯩﻠﯩﻘﻘﺎ ﺟﻮﺭﯛﻳﺪﯗ > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > 1 - ﺗﻮﻡ )
ﻣﻪﮬﻤﯘﺩ ﻗﻪﺷﻘﻪﺭﯨﻲ ﺑﯘ ﺋﯩﺰﺍﮬﻰ ﺑﯩﻠﻪﻥ < ﺋﻮﻣﺎﻱ > ﻧﯩﯔ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺗﯜﺭﻛﯩﻲ ﺧﻪﻟﯩﻘﻠﻪﺭﺩﻩ ، ﺧﺎﺳﯩﻴﻪﺗﻠﯩﻚ ﻧﻪﺭﺳﻪ ، ﺩﻩﭖ ﺋﻪﻗﯩﺪﻩ ﻗﯩﻠﯩﭗ ﺗﯩﯟﯨﻨﯩﺪﯨﻐﺎﻧﻠﯩﻐﯩﺪﯨﻦ ﺩﯦﺮﻩﻙ ﺑﻪﺭﮔﻪﻥ . ﺋﻪﻣﻤﺎ ، ﻣﻪﮬﻤﯘﺩ ﻗﻪﺷﻘﻪﺭﯨﻲ < ﺋﻮﻣﺎﻱ > ﻧﯩﯔ ﺋﻪﺵ - ﮬﻪﻣﺮﺍﮬ ﺩﯨﮕﻪﻥ ﻣﻪﻧﯩﺴﯩﻨﯩﻤﯘ ﻗﻪﻳﺖ ﻗﯩﻠﻐﺎﻥ ؛ < ﺋﻪﺵ - ﮬﻪﻣﺮﺍﮬ ، ﻳﻮﻟﺪﺍﺵ ؛ ﺩﻭﺳﺖ - ﺑﯘﺭﺍﺩﻩﺭ . ﺟﯩﻨﻰ ﺑﺎﺭ ﻛﯩﺸﯩﻤﯘ ﺋﻪﺷﻠﯩﮓ ﺩﯨﻴﯩﻠﯩﺪﯗ . > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > 1 - ﺗﻮﻡ ) .

ﺧﯘﻣﺎﺭﯗ ( ﻗﯘﻣﺎﺭﯗ )
ﻗﻪﺩﯨﻤﻜﯩﻲ ﺗﯜﺭﻛﯩﻲ ﺧﻪﻟﯩﻘﻠﻪﺭﻧﯩﯔ ﺩﯨﻨﯩﻲ ﺋﻪﻗﯩﺪﯨﺴﻰ ﺑﻮﻳﯩﭽﻪ ﺋﯘﻟﯘﻏﻼﺭ ﺋﯚﻟﮕﻪﻧﺪﯨﻦ ﻛﯧﻴﯩﻦ ، ﺋﯚﻟﮕﯜﭼﯩﻨﯩﯔ ﺋﯧﺴﯩﻞ ﻧﻪﺭﺳﯩﻠﯩﺮﯨﺪﯨﻦ ﻗﻪﻏﻪﻧﻐﺎ ﮬﻪﺩﯨﻴﻪ ﻗﯩﻠﯩﺶ ﺋﺎﺩﯨﺘﻰ ﺑﺎﺭ ﺋﯩﺪﻯ . < ﻗﯘﻣﺎﺭﯗ > ( ﺧﯘﻣﺎﺭﯗ ) ﻧﯩﯔ ﺋﻪﺳﻠﻰ ﻣﻪﻧﯩﺴﻰ < ﯞﻩﺳﯩﻴﻪﺕ > ﺩﯨﮕﻪﻧﻠﯩﻜﺘﯘﺭ . ﻣﻪﻣﯘﺭﯨﯩﻲ ﮬﯚﻛﯚﻣﯩﺮﺍﻧﻠﯩﻖ ﺟﻪﮬﻪﺗﺘﻪ ﻗﺎﻏﺎﻥ ﺑﻮﻟﻐﯘﭼﻰ ﺋﻪﻳﻨﻰ ﭼﺎﻏﺪﺍ ﺩﯨﻨﯩﻲ ﺟﻪﮬﻪﺗﺘﻪ ﺋﻮﻏﺎﻥ ﺋﯩﺪﻯ . ﺷﯘﯕﺎ ، ﺋﯘﻧﯩﯖﻐﺎ ﺋﯚﻟﮕﻪﻥ ﭼﻮﯓ ﻛﯩﺸﯩﻠﻪﺭﻧﯩﯔ ﺋﯧﺴﯩﻞ ﻧﻪﺭﺳﯩﺴﯩﻨﻰ ﻳﺎﺩﯨﻜﺎﺭ ﻗﯩﻠﯩﺶ < ﻣﯘﻳﺎﻥ > ( ﺳﺎﯞﺍﺏ ) ﺑﻮﻟﯩﺪﯗ ، ﺩﻩﭖ ﮬﯩﺴﺎﭘﻼﻳﺘﻰ .
< ﺧﯘﻣﺎﺭﯗ -- ﻳﺎﺩﯨﻜﺎﺭ ، ﺋﻪﺳﺘﯩﻠﯩﻚ ﺋﯜﭼﯜﻥ ﺑﯧﺮﯨﻠﮕﻪﻥ ﻣﺎﻝ ﻳﺎﻛﻰ ﻧﻪﺭﺳﻪ . ﭼﻮﯕﻼﺭﺩﯨﻦ ﺑﯩﺮﻯ ﺋﯚﻟﮕﻪﻧﺪﻩ ، ﺗﯜﺭﻛﻠﻪﺭﻧﯩﯔ ﺋﺎﺩﯨﺘﻰ ﺑﻮﻳﯩﭽﻪ ﺋﯘﻧﯩﯔ ﻣﯧﻠﯩﺪﯨﻦ ﺋﻪﯓ ﺋﯧﺴﯩﻞ ﺑﻮﻟﻐﺎﻥ ﺑﯩﺮﻩﺭ ﻧﻪﺭﺳﻪ ﻗﺎﻏﺎﻧﻐﺎ ﺗﻪﻗﺪﯨﻢ ﻗﯩﻠﯩﻨﯩﺪﯗ . ﺷﯘ ﻧﻪﺭﺳﻪ ﺧﯘﻣﺎﺭﯗ ﺩﯨﻴﯩﻠﯩﺪﯗ . ﺑﯘ ﺳﯚﺯ ﺋﻪﺭ - ﺋﺎﻳﺎﻟﻼﺭﻏﺎ ﺋﯩﺴﯩﻢ ﺑﻮﻟﯘﭘﻤﯘ ﻛﯧﻠﯩﺪﯗ ؛ ﺋﯘﺯﯗﻥ ﺳﻪﭘﻪﺭﮔﻪ ﻛﻪﺗﻜﻪﻥ ﻛﯩﺸﻰ ، ﺋﯘﺭﯗﻕ - ﺗﯘﻗﻘﺎﻥ ﻗﯧﺮﯨﻨﺪﺍﺷﻠﯩﺮﯨﻐﺎ ﻳﺎﺩﯨﻜﺎﺭﻟﯩﻖ ﻗﺎﻟﺪﯗﺭﻏﺎﻥ ﻧﻪﺭﺳﯩﻤﯘ ﺧﯘﻣﺎﺭﯗ ﺩﯨﻴﯩﻠﯩﺪﯗ > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > 1 - ﺗﻮﻡ ) .

ﻗﯘﻟﺒﺎﻕ
ﻗﻪﺩﯨﻤﻜﻰ ﺗﯜﺭﻛﯩﻲ ﺧﻪﻟﯩﻘﻠﻪﺭ ﺑﻪﺯﻯ ﻛﺎﺭﺍﻣﻪﺕ ﻛﯚﺭﺳﯩﺘﯩﺪﯨﻐﺎﻥ ﺋﻪﯞﻟﯩﻴﺎﻻﺭﻏﺎ ﺋﯩﺨﻼﺱ ﻗﯩﻼﺗﺘﻰ . ﺷﯘﻻﺭﺩﯨﻦ ﺋﯩﺴﻤﻰ ﯞﻩ ﻛﺎﺭﺍﻣﯩﺘﻰ ﺗﺎﺭﯨﺦ ﻳﯜﺯﯨﺪﻩ ﻗﺎﻟﻐﯩﻨﻰ < ﻗﯘﻟﺒﺎﻕ > ﺗﯘﺭ .
< ﻗﯘﻟﺒﺎﻕ -- ﺗﯜﺭﻛﻠﻪﺭﺩﯨﻦ ﺑﯩﺮ ﺋﻪﯞﻟﯩﻴﺎﻧﯩﯔ ﺋﯩﺴﻤﻰ ، ﺋﯘ ﺑﺎﻻﺳﺎﻏﯘﻥ ﺗﺎﻏﻠﯩﺮﯨﺪﺍ ﻳﺎﺷﺎﻳﺪﯨﻜﻪﻥ . ﺋﯧﻴﺘﯩﺸﻼﺭﻏﺎ ﻗﺎﺭﯨﻐﺎﻧﺪﺍ ، ﺋﯘ ﻗﺎﺭﺍ ﺗﺎﺷﻘﺎ ﺗﻪﯕﺮﻯ ﻗﯘﻟﻰ ﻗﯘﻟﺒﺎﻕ ﺩﻩﭖ ﻳﺎﺯﺳﺎ ، ﺋﺎﻕ ﺑﻮﻟﯘﭖ ﭼﯩﻘﯩﺪﯨﻜﻪﻥ ؛ ﺋﺎﻕ ﺗﺎﺷﻘﺎ ﻳﺎﺯﺳﺎ ، ﻗﺎﺭﺍ ﺑﻮﻟﯘﭖ ﭼﯩﻘﯩﺪﯨﻜﻪﻥ . ﺋﯘﻧﯩﯔ ﺋﯩﺰﻟﯩﺮﻯ ﺗﺎ ﮬﺎﺯﯨﺮﻏﯩﭽﻪ ﺑﺎﺭ ﺋﯩﻜﻪﻥ > ( < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ، 1 - ﺗﻮﻡ )
6 . ﺋﯚﻟﯚﻡ ﻣﻪﺭﯨﻜﯩﻠﯩﺮﻯ
ﻗﻪﺩﯨﻤﻜﻰ ﺯﺍﻣﺎﻧﻼﺭﺩﺍ ، ﺋﯚﻟﯚﻡ ﻣﻪﺭﯨﻜﯩﻠﯩﺮﻯ ﮬﻪﺭ ﺧﯩﻞ ﺷﻪﻛﯩﻠﻠﻪﺭﺩﻩ ﺗﻪﻧﺘﻪﻧﯩﻠﯩﻚ ﺋﯚﺗﻜﯜﺯﯨﻠﻪﺗﺘﻰ . ﺯﺍﻣﺎﻧﻼﺭﻧﯩﯔ ﺋﯚﺗﯚﺷﻰ ﺑﯩﻠﻪﻥ ، ﻗﻪﯞﯨﻤﻠﻪﺭﻧﯩﯔ ﺩﯨﻨﯩﻲ ﭼﯜﺷﻪﻧﭽﯩﻠﯩﺮﯨﮕﻪ ﻳﯧﯖﻰ ﻣﻪﺯﻣﯘﻧﻼﺭ ﻗﻮﺷﯘﻟﻐﺎﭼﻘﺎ ، ﺟﯩﻨﺎﺯﯨﻨﻰ ﺋﯘﺯﯗﺗﯘﺵ ﺷﻪﻛﯩﻠﻠﯩﺮﻯ ﺧﯩﻠﻤﯘ ﺧﯩﻞ ﺑﻮﻟﻐﺎﻥ . ﺟﻪﺳﻪﺩﻧﻰ ﻛﯚﻣﯚﺵ ﺷﻪﻛﯩﻠﻠﯩﺮﻯ ﯞﻩ ﺋﯚﻟﮕﯜﭼﯩﮕﻪ ﺋﺎﺗﺎﭖ ﻗﯩﻠﯩﻨﯩﺪﯨﻐﺎﻥ ﻧﻪﺯﯨﺮ - ﻧﯘﺯﺭﺍﺕ ﻳﯘﺳﯘﻧﻠﯩﺮﯨﻤﯘ ﺑﯩﺮ ﺗﻪﺭﯨﺰﺩﻩ ﺗﻮﺧﺘﺎﭖ ﻗﺎﻟﻤﯩﻐﺎﻥ . ﺗﯚﯞﻩﻧﺪﻩ ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﯨﻦ ﺑﻪﺯﻯ ﺑﺎﻳﺎﻧﻼﺭﻧﻰ ﻛﻪﻟﺘﯜﺭﯨﻤﻪﻥ .
< ﯞﯦﻴﻨﺎﻣﻪ > ﻧﯩﯔ 91 - ﺗﻪﺯﻛﯩﺮﯨﺴﯩﺪﻩ ﮔﺎﯞﺟﯜﻱ ( ﮔﺎﯞﮔﯜﻱ ، ﻗﺎﯕﻘﯩﻠﻼﺭ ) ﻧﯩﯔ ﺋﯚﻟﯚﻡ ﺋﯘﺯﯗﺗﯘﺵ ﻳﯘﺳﯘﻧﻰ ﻣﯘﻧﺪﺍﻕ ﻳﯧﺰﯨﻠﻐﺎﻥ ؛ < ﺋﯚﻟﮕﯜﭼﯩﻨﻰ ﺩﻩﭘﻨﻪ ﻗﯩﻠﯩﺸﺘﺎ ، ﻳﻪﺭﭼﯘ ( ﻗﻪﺑﺮﻩ ) ﻛﻮﻻﻳﺪﯗ . ﺟﻪﺳﻪﺩﻧﻰ ﻗﻮﻟﻠﯩﺮﯨﺪﺍ ﺋﻮﻗﻴﺎﻧﻰ ﻛﯧﺮﯨﭗ ﺗﯘﺭﻏﺎﻥ ﯞﻩ ﻗﯩﻠﯩﭻ ﺋﺎﺳﻘﺎﻥ ﮬﺎﻟﻪﺗﺘﻪ ﺧﯘﺩﺩﻯ ﺗﯩﺮﯨﻜﺘﻪﻙ ﺟﺎﺑﺪﯗﭖ ، ﻳﻪﺭﭼﯘ ﺩﺍ ﺋﻮﻟﺘﯘﺭﻏﯘﺯﯗﭖ ، ﻛﯚﻣﻤﻪﻱ ﺋﯜﺳﺘﯩﻨﻰ ﺋﻮﭼﯘﻕ ﻗﻮﻳﯩﺪﯗ ، ﻳﯧﺸﯩﻦ ﺗﯧﮕﯩﭗ ﺋﯚﻟﺴﻪ ﯞﻩ ﯞﺍﺑﺎ ﺗﺎﺭﻗﺎﻟﺴﺎ ، ﺑﻪﺧﯩﺖ ﺋﺎﻣﺎﻧﻠﯩﻖ ﺗﯩﻠﻪﻳﺪﯗ . ﺋﺎﻣﺎﻥ - ﺋﯧﺴﻪﻧﻠﯩﻚ ﺑﻮﻟﺴﺎ ، ﺷﯜﻛﺮﻯ ﺳﺎﻧﺎ ﺋﯧﻴﺘﯩﺪﯗ . ﻧﯘﺭﻏﯘﻥ ﻣﺎﻝ ﺳﻮﻳﯘﭖ ، ﺳﯚﯕﻪﻛﻠﯩﺮﯨﺪﻩ ﮔﯜﻟﺨﺎﻥ ﻳﺎﻗﯩﺪﯗ ، ﮔﯜﻟﺨﺎﻥ ﺋﻪﺗﺮﺍﭘﯩﻨﻰ ﻛﯚﭖ ﺑﻮﻟﺴﺎ ﺑﯩﺮ ﻗﺎﻧﭽﻪ ﻳﯜﺯ ﻗﯧﺘﯩﻢ ﺋﺎﺗﻠﯩﻖ ﺋﺎﻳﻠﯩﻨﯩﺪﯗ . ﺋﯘﻟﯘﻍ - ﺋﯘﺷﺸﺎﻕ ، ﺋﻪﺭ - ﺋﺎﻳﺎﻟﻼﺭ ﻳﯩﻐﯩﻠﯩﺪﯗ . ﺋﯚﻟﮕﯜﭼﯩﮕﻪ ﺑﯧﺘﯩﻢ ﺋﯩﺸﻰ ﺑﻮﻟﻤﯩﻐﺎﻥ ﺧﺎﺗﯩﺮﺟﻪﻣﻠﯩﺮﻯ ﻧﺎﺧﺸﺎ - ﺋﯘﺳﺴﯘﻝ ﺑﯩﻠﻪﻥ ﻧﻪﻏﻤﻪ - ﻧﺎﯞﺍ ﻗﯩﻠﯩﺪﯗ . ﻣﯘﺳﯩﻴﺒﻪﺗﻠﯩﻜﻠﻪﺭ ﺑﻮﻟﺴﺎ ، ﺋﺎﮬ - ﯞﺍﮬ ﻗﯩﻠﯩﺸﯩﭗ ﻳﯩﻐﻼﻳﺪﯗ . >
< ﺳﻪﻟﺘﻪﻧﻪﺕ ﻳﯜﺭﮔﯜﺯﯛﺵ ﺋﯚﺭﻧﻪﻛﻠﯩﺮﻯ > ( 221 - ﺗﻮﻡ ) ﺩﻩ ﻳﯧﺰﯨﻠﯩﺸﯩﭽﻪ ؛ < ﺋﯘﻳﻐﯘﺭ ﺑﯩﻠﮕﻪ ﻗﺎﻏﺎﻥ ﺋﯚﻟﮕﻪﻧﺪﻩ . . . ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﻳﯘﺳﯘﻧﻰ ﺑﻮﻳﯩﭽﻪ ، ﻧﯩﯖﮕﻮ ﺧﺎﻧﻘﯩﺰ ( ﺗﺎﯓ ﭘﺎﺩﯨﺸﺎﮬﯩﻨﯩﯔ ﺑﯩﻠﮕﻪ ﻗﺎﻏﺎﻧﻐﺎ ﻳﺎﺗﻠﯩﻖ ﺑﻮﻟﻐﺎﻥ ﻗﯩﺰﻯ ) ﻧﻰ ﺑﯩﻠﻠﻪ ﺩﻩﭘﻨﻪ ﻗﯩﻠﻤﺎﻗﭽﻰ ﺑﻮﻟﯩﺪﯗ . ﺧﺎﻧﻘﯩﺰ ؛ < ﺋﯘﻳﻐﯘﺭ ﻗﺎﻏﺎﻧﻰ ﺟﻮﯕﮕﻮﻧﯩﯔ ﺋﺎﺩﯨﺘﯩﻨﻰ ﻳﺎﺭﯨﺘﯩﭗ ، ﺟﻮﯕﮕﻮﻟﯘﻕ ﻗﯩﺰﻧﻰ ﺧﻮﺗﯘﻧﻠﯘﻗﻘﺎ ﺋﺎﻟﻐﺎﻥ ، ﺋﻪﮔﻪﺭ ﺋﯚﺯﯙﯕﻼﺭﻧﯩﯔ ﺋﺎﺩﯨﺘﻰ ﺑﯩﻠﻪﻥ ﺋﯩﺶ ﻗﯩﻠﻤﺎﻗﭽﻰ ﺑﻮﻟﺴﺎﯕﻼﺭ ، 10 ﻣﯩﯔ ﭼﺎﻗﯩﺮﯨﻢ ﻳﯩﺮﺍﻗﺘﯩﻜﻰ ﻳﺎﺕ ﻗﯩﺰ ﺑﯩﻠﻪﻥ ﺗﻮﻱ ﻗﯩﻠﻤﯩﺴﺎﯕﻼﺭ ﺑﻮﻟﻤﺎﻣﺘﻰ ؟ ﺩﻩﭖ ﻗﺎﺗﺘﯩﻖ ﻳﯩﻐﻠﯩﻐﺎﻥ > ﺑﯘﻧﯩﯖﺪﯨﻦ ﻗﺎﺭﯨﻐﺎﻧﺪﺍ ، ﻗﻪﺩﯨﻤﻜﻰ ﻗﻪﺩﯨﻤﻜﻰ ﺯﺍﻣﺎﻧﺪﺍ ﺋﯚﻟﮕﻪﻥ ﺋﻪﺭ ﺑﯩﻠﻪﻥ ﺗﯩﺮﯨﻚ ﺧﻮﺗﯘﻧﯩﻨﻰ ﺋﯚﻟﯚﻣﻠﯜﻙ ﻗﯩﻠﯩﭗ ﺑﯩﻠﻠﻪ ﻛﯚﻣﯚﺵ ، ﺷﯘﻧﯩﯖﺪﻩﻙ ﺋﯚﻟﮕﻪﻥ ﻛﯩﺸﯩﻨﯩﯔ ﮬﺎﻳﺎﺕ ﭼﯩﻐﯩﺪﺍ ﻳﺎﺧﺸﻰ ﻛﯚﺭﮔﻪﻥ ﻧﻪﺭﺳﯩﻠﯩﺮﯨﺪﯨﻦ ﺋﯜﻟﮕﯩﻠﻪﺭﻧﻰ ﺑﯩﻠﻠﻪ ﻛﯚﻣﯚﺵ ﺋﺎﺩﯨﺘﻰ ﺑﻮﻟﻐﺎﻥ . ﻧﯩﻴﻪ ﯞﻩ ﭼﺎﺭﻗﯩﻠﯩﻖ - ﻣﯩﺮﻩﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﺗﯧﭙﯩﻠﻐﺎﻥ ﻗﻪﺩﯨﻤﻜﻰ ﻗﻪﺑﺮﯨﻠﻪﺭﺩﻩ ﺑﯩﻠﻠﻪ ﻛﯚﻣﯚﻟﮕﻪﻥ ﺋﻪﺭ - ﺋﺎﻳﺎﻟﻼﺭﻧﯩﯔ ﺟﻪﺳﻪﺩﻟﯩﺮﻯ ﭼﯩﻘﻘﺎﻥ . < ﺗﺎﺭﯨﺨﯩﻲ ﺧﺎﺗﯩﺮﯨﻠﻪﺭ > ﻧﯩﯔ < ﮬﯘﻧﻼﺭ ﺗﻪﺯﻛﯩﺮﯨﺴﻰ > ﺩﻩ : < ﺋﯚﻟﯚﻛﻨﻰ ﺋﯘﺯﺍﺗﻘﺎﻧﺪﺍ ﻗﻪﺑﺮﯨﮕﻪ ﺋﺎﻟﺘﯘﻥ ﻛﯜﻣﯜﺵ ﺟﺎﺑﺪﯗﻗﻠﯩﺮﻯ ﯞﻩ ﻛﯩﻴﯩﻢ - ﻛﯩﭽﻪﻛﻠﯩﺮﯨﻨﻰ ﺑﯩﻠﻠﻪ ﻗﻮﻳﯩﺪﯗ > ﺩﯨﻴﯩﻠﮕﻪﻥ ﺷﯘﻧﯩﯖﺪﻩﻙ < ﺗﻪﯕﺮﯨﻘﯘﺕ ﺋﯚﻟﺴﻪ ، ﺋﯚﻟﯚﻣﯩﻨﻰ ﺋﯘﺯﺍﺗﻘﺎﻧﺪﺍ ﺳﺎﻧﺪﯗﻗﻠﯘﻕ ﻟﻪﮬﻪﺗﻜﻪ ﺳﯧﻠﯩﭗ ، ﺋﺎﻟﺘﯘﻥ - ﻛﯜﻣﯜﺵ ، ﺋﯩﮕﯩﻨﻠﯩﺮﯨﻨﻰ ﺑﯩﻠﻠﻪ ﻗﻮﻳﯩﺪﯗ ، ﻛﯧﭙﻪﻧﻠﯩﻤﻪﻳﺪﯗ . ﻳﯧﻘﯩﻦ ﺋﻪﻣﻪﻟﺪﺍﺭ ﯞﻩ ﻛﯩﭽﯩﻚ ﺧﻮﺗﯘﻧﻠﯩﺮﯨﺪﯨﻦ ﻛﯚﭖ ﺑﻮﻟﻐﺎﻧﺪﺍ ﻳﯜﺯﻟﯩﮕﻪﻥ ﺋﺎﺩﻩﻡ ﮬﻪﻣﺮﺍﮬ ﻗﯩﻠﯩﻨﯩﺪﯗ > ( < ﺗﺎﺭﯨﺨﯩﻲ ﺧﺎﺗﯩﺮﯨﻠﻪﺭ > ﻧﯩﯔ ﺷﻪﺭﮬﯩﻴﯩﺪﻩ ﺟﺎﯕﺨﯘﺍﻧﯩﯔ ﺩﯨﻴﯩﺸﯩﭽﻪ ، ﮬﯘﻧﻼﺭ ﻗﻪﺑﺮﯨﻨﻰ ﺗﯘﭘﺮﺍﻕ ﺩﻩﻳﺪﯨﻜﻪﻥ ) .
ﭼﯚﻟﻨﯩﯔ ﺷﯩﻤﺎﻟﯩﺪﯨﻜﯩﻠﻪﺭﻧﯩﯔ ﻳﯘﺳﯘﻧﻰ ﺑﻮﻳﯩﭽﻪ ، ﺋﯚﻟﮕﯜﭼﯩﻨﯩﯔ ﺟﻪﺳﯩﺪﻯ ﭼﯧﺪﯨﺮﺩﺍ ﺗﻮﺧﺘﯩﺘﯩﭗ ﻗﻮﻳﯩﻠﯩﺪﯗ . ﺑﺎﻻ - ﭼﺎﻗﺎ ﯞﻩ ﺋﯘﺭﯗﻕ - ﺗﯘﻗﻘﺎﻧﻠﯩﺮﯨﺪﯨﻦ ﺋﻪﺭ - ﺋﺎﻳﺎﻟﻼﺭﻧﯩﯔ ﮬﻪﺭ ﺑﯩﺮﻯ ﺋﺎﺕ - ﻛﺎﻻ ﺳﻮﻳﯘﭖ ، ﭼﯧﺪﯨﺮﻧﯩﯔ ﺋﺎﻟﺪﯨﻐﺎ ﻗﻮﻳﯘﭖ ﻧﻪﺯﯨﺮ ﻗﯩﻠﯩﺪﯗ . ﭼﯧﺪﯨﺮﻧﻰ ﺋﺎﺗﻠﯩﻖ ﻳﻪﺗﺘﻪ ﻗﯧﺘﯩﻢ ﺋﺎﻳﻠﯩﻨﯩﺪﯗ ، ﭼﯧﺪﯨﺮﻧﯩﯔ ﺋﯩﺸﯩﮕﻰ ﺋﺎﻟﺪﯨﺪﺍ ، ﻳﯜﺯﻟﯩﺮﯨﻨﻰ ﭘﯩﭽﺎﻗﺘﺎ ﺗﯩﻠﯩﭗ ﻳﯩﻐﻼﭖ ، ﻗﺎﻥ - ﻳﺎﺵ ﺋﺎﻗﻘﯘﺯﯨﺪﯗ . ﻣﯘﺷﯘﻧﺪﺍﻕ ﻳﻪﺗﺘﻪ ﻧﯚﯞﻩﺕ ﻗﯩﻠﯩﭗ ﺗﻮﺧﺘﺎﻳﺪﯗ > ( < ﺳﻪﻟﺘﻪﻧﻪﺕ ﻳﯜﺭﮔﯜﺯﯛﺵ ﺋﯚﺭﻧﻪﻛﻠﯩﺮﻯ > ، ﺧﯘ ﺳﻪﻧﺸﯩﯔ ﺷﻪﺭﮬﯩﻴﻰ ) .
ﺋﯘﻳﻐﯘﺭﻻﺭﻧﯩﯔ ﺋﯧﺘﻨﯩﻚ ﺗﻪﺭﻛﯩﺒﻰ ﻣﯘﺭﻩﻛﻜﻪﭖ ﺑﻮﻟﻐﺎﻧﻠﯩﻐﻰ ﺋﯜﭼﯜﻥ ، ﺋﯘﻳﻐﯘﺭ ﻧﺎﻣﻰ ﺑﯩﻠﻪﻥ ﺋﺎﺗﺎﻟﻐﺎﻥ ﺑﻪﺯﻯ ﻗﻪﯞﯨﻤﻠﻪﺭ ﺑﯘ ﺑﯘﺭﯗﻧﻘﻰ ﺩﯨﻨﯩﻲ ﺋﺎﺩﻩﺗﻠﯩﺮﯨﻨﻰ ﺳﺎﻗﻼﭖ ﻗﺎﻟﻐﺎﻥ ، ﺑﻪﺯﻯ ﻗﻪﯞﯨﻤﻠﻪﺭ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﺋﯚﺯﮔﻪﺭﺗﯩﭗ ، ﺟﻪﺳﻪﺩﻧﻰ ﻛﯚﻳﺪﯛﺭﯨﯟﯨﺘﯩﺪﯨﻐﺎﻧﯩﺪﻯ . ﻟﯧﻜﯩﻦ ، ﺑﯘﻧﺪﺍﻕ ﺋﺎﺩﻩﺕ ﻛﯧﻴﯩﻨﺮﻩﻙ ، ﻳﻪﻧﻰ ﺑﯘﺩﺩﺍ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﻐﺎﻧﺪﯨﻦ ﻛﯧﻴﯩﻦ ﭘﻪﻳﺪﺍ ﺑﻮﻟﻐﺎﻥ ﺑﻮﻟﯩﺸﯩﻤﯘ ﻣﯜﻣﻜﯩﻦ . ﺭﻭﺑﺮﯗﻙ ﺋﯚﺯﯨﻨﯩﯔ < ﺷﻪﺭﻗﻘﻪ ﺳﺎﻳﺎﮬﻪﺕ > ﺩﯨﮕﻪﻥ ﺧﺎﺗﯩﺮﯨﺴﯩﺪﻩ ﻣﯘﻧﺪﺍﻕ ﻳﺎﺯﻏﺎﻥ ؛ < ﺋﯘﻳﻐﯘﺭﻻﺭ ﺟﻪﺳﻪﺩﻧﻰ ﺋﻮﺗﻘﺎ ﺩﻩﭘﻨﻪ ﻗﯩﻠﯩﺪﯨﻜﻪﻥ ، ﻳﻪﻧﻰ ﻛﯚﻳﺪﯙﺭﯛﭖ ، ﻛﯜﻟﯩﻨﻰ ﻣﯘﻧﺎﺭ ﺋﯜﺳﺘﯩﺪﯨﻜﻰ ﺧﺎﻧﯩﮕﻪ ﻗﻮﻳﯘﭖ ﻗﻮﻳﯩﺪﯨﻜﻪﻥ . >
ﻧﻪﺯﯨﺮ - ﭼﯩﺮﺍﻍ ﺋﯩﺸﻠﯩﺮﯨﻤﯘ ﻛﯚﭘﯩﻨﭽﻪ ﮬﻪﺭ ﺧﯩﻞ ﺷﻪﻛﯩﻠﺪﻩ ﺗﻪﻧﺘﻪﻧﯩﻠﯩﻚ ﺋﯚﺗﻜﯚﺯﯛﻟﮕﻪﻥ . ﺑﯘ ﮬﻪﻗﺘﻪ < ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ > ﺩﺍ ﻣﻪﮬﻤﯘﺩ ﻗﻪﺷﻘﻪﺭﯨﻲ ﺑﻪﺯﯨﻲ ﻣﻪﻟﯘﻣﺎﺗﻼﺭﻧﻰ ﻳﺎﺯﻏﺎﻥ ؛
< ﻳﯘﻍ - ﻧﻪﺯﯨﺮ ، ﺋﯚﻟﯚﻙ ﻛﯚﻣﯚﻟﮕﻪﻧﺪﯨﻦ ﻛﯧﻴﯩﻦ ﺋﯜﭺ ﻛﯜﻧﮕﯩﭽﻪ ﻳﺎﻛﻰ ﻳﻪﺗﺘﻪ ﻛﯜﻧﮕﯩﭽﻪ ﺑﯧﺮﯨﻠﯩﺪﯨﻐﺎﻥ ﺋﺎﺵ > ( 3 - ﺗﻮﻡ ) .
< ﺑﺎﺭﺳﺎﻥ - ﺋﺎﺭﻗﺎ ﺋﺎﺵ ، ﺋﯚﻟﯚﻙ ﻛﯚﻣﯚﻟﮕﻪﻧﺪﯨﻦ ﻛﯧﻴﯩﻦ ﺑﯧﺮﯨﻠﯩﺪﯨﻐﺎﻥ ﺋﺎﺵ . ﺷﯘﻧﯩﯖﺪﯨﻦ ﺋﯧﻠﯩﭗ ، ﻧﻪﺯﯨﺮ ﺋﯧﺸﻰ ﻳﯘﻍ ﺑﺎﺳﺎﻥ ﺩﯨﻴﯩﻠﯩﺪﯗ > ( 1 - ﺗﻮﻡ ) .
< ﻳﺎﻏﯩﺶ - ﻗﯘﺭﺑﺎﻧﻠﯩﻖ ، ﻳﻪﻧﻰ ﺋﯩﺴﻼﻣﺪﯨﻦ ﺑﯘﺭﯗﻧﻘﻰ ﺗﯜﺭﻛﻠﻪﺭﻧﯩﯔ ﺑﯩﺮﻩﺭ ﺋﯩﺶ ﻳﯜﺯﯨﺴﯩﺪﯨﻦ ﻳﺎﻛﻰ ﺗﻪﯕﺮﯨﮕﻪ ﻳﯧﻘﯩﻨﻠﯩﻘﯩﻨﻰ ﺑﯩﻠﺪﯛﺭﯛﺵ ﻳﯜﺯﯨﺴﯩﺪﯨﻦ ﺋﺎﺗﺎﭖ ﺳﻮﻳﯩﺪﯨﻐﺎﻥ ﻗﯘﺭﺑﺎﻧﻠﯩﻘﻰ > ( 3 - ﺗﻮﻡ )
< ﺋﻪﺷﯜﻙ - ﻛﯚﺷﯜﻙ ، ﻳﻮﭘﯜﻕ . ﺧﺎﻧﻼﺭ ﯞﻩ ﺑﻪﮔﻠﻪﺭ ﺋﯚﻟﮕﻪﻧﺪﻩ ، ﺋﯘﻻﺭﻧﯩﯔ ﻗﻪﺑﺮﯨﻠﯩﺮﻯ ﺋﯜﺳﺘﯩﮕﻪ ﻳﻮﭘﯘﻕ ﻳﯧﭙﯩﭗ ، ﻛﯧﻴﯩﻦ ﻛﻪﻣﺒﻪﻏﻪﻟﻠﻪﺭﮔﻪ ﺋﯚﻟﻪﺷﺘﯜﺭﯛﭖ ﺑﯧﺮﯨﺪﯨﻐﺎﻥ ﻳﯩﭙﻪﻙ ﻳﻮﭘﯘﻕ > ( 1 - ﺗﻮﻡ ) .
ﺋﯚﻟﮕﻪﻥ ﻛﯩﺸﯩﻨﯩﯔ ﺋﯩﺠﺘﯩﻤﺎﺋﻰ ﺋﻮﺭﻧﯩﻐﺎ ﻗﺎﺭﺍﭖ ، ﺋﯘﻧﯩﯔ ﻣﻪﺭﯨﻜﯩﺴﯩﻤﯘ ﮬﻪﺭ ﺧﯩﻞ ﺑﻮﻻﺗﺘﻰ . ﺋﯘﻟﯘﻏﻼﺭﻧﻰ ﻣﻪﺭﯨﻜﯩﻠﯩﺮﻯ ﮬﻪﺷﻪﻣﻪﺗﻠﯩﻚ ، ﺋﺎﺩﺩﯨﻲ ﺧﻪﻟﯩﻘﻨﯩﯔ ﺑﻮﻟﺴﺎ ، ﻛﯚﭘﯩﻨﭽﻪ .ﺋﺎﺩﺩﯨﻲ - ﺳﺎﺩﺩﯨﺮﺍﻕ ﺑﻮﻻﺗﺘﻰ . ﺋﯘﻟﯘﻏﻼﺭﻧﯩﯔ ﺟﯩﻨﺎﺯﯨﺴﻰ ﺋﯧﻠﯩﭗ ﻣﯧﯖﯩﻠﻐﺎﻧﺪﺍ ، ﺑﯩﺮﻣﯘﻧﭽﻪ ﺑﺎﺗﯘﺭ ﻳﯩﮕﯩﺘﻠﻪﺭ ﮬﻪﻣﺮﺍ ﺑﻮﻟﯘﭖ ﻣﺎﯕﺎﺗﺘﻰ . ﺋﺎﻱ ﻛﯚﺭﯨﻨﯩﺸﻰ ﺑﯩﻠﻪﻧﻼ ﺟﻪﯓ ﻣﺎﻧﯩﯟﯨﺮﯨﻨﻰ ﺑﺎﺷﻼﭖ ، ﺋﺎﻱ ﺋﻮﻟﺘﯘﺭﻏﯩﭽﻪ ﺩﺍﯞﺍﻣﻼﺷﺘﯘﺭﺍﺗﺘﻰ . ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ، ﺋﯚﻟﮕﯚﭼﯩﻨﯩﯔ ﺋﻪﺭﯞﺍﮬﻠﯩﺮﻯ ﺋﯘﺭﯗﻕ - ﺗﯘﻗﻘﺎﻧﻠﯩﺮﻯ ﺋﯜﭼﯜﻥ ﻗﻮﺭﻗﻮﻧﯘﭼﻠﯘﻕ ﺋﯩﺪﻯ . ﺷﯘﻧﯩﯔ ﺋﯜﭼﯜﻥ ، ﮬﻪﺭ ﺧﯩﻞ ﻳﻮﻝ ﺑﯩﻠﻪﻥ ﺋﻪﺭﯞﺍﮬﻠﮭﺎﺭﻏﺎ ﻳﯘﻍ ﺑﯧﺮﻩﺗﺘﻰ . < ﺧﺎﻥ - ﺑﻪﮔﻠﻪﺭ ﺋﯚﻟﺴﻪ ، ﺋﯘﻧﯩﯔ ﻳﻪﺭﭼﯘﺳﻰ ( ﻗﻪﺑﺮﯨﺴﻰ ) ﻏﺎ < ﺑﻪﻟﺒﻪﻝ > ( ﺗﺎﺵ ﮬﻪﻳﻜﻪﻝ ) ﺗﯩﻜﻠﻪﻳﺘﻰ . ﺑﻪﺯﻯ ﺑﻪﻟﺒﻪﻟﻠﻪﺭﮔﻪ ﺋﯚﻟﮕﯜﭼﯩﻨﯩﯔ ﺗﻪﺭﺟﯩﻤﯩﮭﺎﻟﻰ ﺋﻮﻳﯘﻻﺗﺘﻰ . ﺋﯘﻻﺭ ﮬﺎﻳﺎﺕ ﯞﺍﻗﺘﯩﺪﺍ ، ﻗﯩﻠﻐﺎﻥ ﺟﻪﯕﻠﯩﺮﯨﺪﻩ ﺑﺎﺗﯘﺭﻟﯘﻕ ﻛﯚﺭﺳﯩﺘﯩﭗ ، ﻗﺎﻧﭽﻪ ﺋﺎﺩﻩﻡ ﺋﯚﻟﺘﯜﺭﮔﻪﻥ ﺑﻮﻟﺴﺎ ، ﻳﻪﺭﭼﯘﺳﯩﻨﯩﯔ ﭼﯚﺭﯨﺴﯩﮕﻪ ﺷﯘﻧﭽﻪ ﺗﺎﺵ ﺗﯩﺰﯨﭗ ﻗﻮﻳﯘﻻﺗﺘﻰ . ﻗﯘﻧﻼﺭ ( ﮬﯘﻧﻼﺭ ) ﺩﺍ ﺋﯧﻠﮕﯩﺮﻯ ﻣﺎﺯﺍﺭ ﻳﺎﺳﺎﺵ ﺋﺎﺩﯨﺘﻰ ﻳﻮﻕ ﺋﯩﺪﻯ .
< ﺟﯘﻧﺎﻣﻪ > ﻧﯩﯔ < ﻳﺎﺗﻼﺭ ﺩﯨﻴﺎﺭﻯ > ﺑﯚﻟﯚﻣﯩﻨﯩﯔ 2 - ﻗﯩﺴﻤﯩﺪﺍ ، ﺗﯜﺭﻛﻠﻪﺭﻧﯩﯔ ﺩﻩﭘﻨﻪ ﺋﯩﺸﻠﯩﺮﻯ ﺗﻮﻏﺮﯨﺴﯩﺪﺍ ﻣﯘﻧﺪﺍﻕ ﻳﯧﺰﯨﻠﻐﺎﻥ ؛ < ﺑﯩﺮ ﻛﯜﻧﻨﻰ ﺗﻪﻳﯩﻨﻠﻪﭖ ، ﺋﯚﻟﮕﯜﭼﯩﻨﯩﯔ ﻣﯩﻨﮕﻪﻥ ﺋﺎﺕ ﯞﻩ ﻛﯩﻴﮕﻪﻥ ﻛﯧﻴﯩﻤﻠﯩﺮﻯ ﻗﺎﺗﺎﺭﻟﯩﻖ ﻧﻪﺭﺳﯩﻠﯩﺮﯨﻨﻰ ﺟﻪﺳﯩﺪﻯ ﺑﯩﻠﻪﻥ ﻗﻮﺷﯘﭖ ﻛﯚﻳﺪﯛﺭﯨﺪﯗ . ﻛﯜﻟﯩﻨﻰ ﻳﯩﻐﯩﭗ ﺑﯩﺮ ﻣﻪﮬﻪﻝ ﺳﺎﻗﻼﭖ ﺋﺎﻧﺪﯨﻦ ﻛﯚﻣﯩﺪﯗ . ﺋﻪﺗﯩﻴﺎﺯ - ﻳﺎﺯﺩﺍ ﺋﯚﻟﮕﻪﻧﻠﻪﺭﻧﻰ ﺋﻮﺕ ﮔﯩﻴﺎﮬ ﯞﻩ ﺩﻩﻝ - ﺩﻩﺭﻩﺧﻠﻪﺭ ﻏﺎﺯﺍﯓ ﺑﻮﻟﻐﯩﭽﻪ ، ﻛﯜﺯ - ﺋﺎﻳﺎﺯﺩﺍ ﺋﯚﻟﮕﻪﻧﻠﻪﺭﻧﻰ ﺋﻮﺕ ﮔﯩﻴﺎﮬ ﯞﻩ ﺩﻩﻝ - ﺩﻩﺭﻩﺧﻠﻪﺭ ﻳﺎﺷﯩﺮﯨﭗ ، ﺑﺎﺭﺍﻗﺴﺎﻥ ﺑﻮﻟﻐﯘﭼﻪ ﺳﺎﻗﻼﭖ ، ﺋﺎﻧﺪﯨﻦ ﻳﻪﺭﭼﯘ ﻛﻮﻻﭖ ﻛﯚﻣﯩﺪﯗ . ﺩﻩﭘﻨﻪ ﻗﯩﻠﯩﺪﯨﻐﺎﻥ ﻛﯜﻧﻰ ﺋﯘﺭﯗﻕ - ﺗﯘﻗﻘﺎﻧﻠﯩﺮﻯ ﻧﻪﺯﯨﺮ ﻗﯩﻠﯩﺪﯗ ﯞﻩ ﺋﺎﺗﻠﯩﻨﯩﭗ ، ﺧﯘﺩﺩﻯ ﻳﯧﯖﻰ ﺋﯚﻟﮕﻪﻧﺪﻩﻙ ﻣﯘﺭﺍﺳﯩﻢ ﺋﯚﺗﻜﯜﺯﯨﺪﯗ . ﺩﻩﭘﻨﻰ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ ، ﻗﻪﺑﺮﯨﮕﻪ ﺗﺎﺵ ﻗﻮﻳﯘﭖ ﺑﻪﻟﮕﻪ ﻗﯩﻠﯩﺪﯗ ، ﮬﺎﻳﺎﺕ ﯞﺍﻗﺘﯩﺪﺍ ﺋﯚﻟﺘﯜﺭﮔﻪﻥ ﺋﺎﺩﻩﻣﻠﯩﺮﯨﻨﯩﯔ ﺳﺎﻧﯩﭽﻪ ﺗﺎﺵ ﺗﯩﺮﻩﭖ ﻗﻮﻳﯩﻠﯩﺪﯗ . ﻳﻪﻧﻪ ﻗﯘﺭﺑﺎﻧﻠﯩﻖ ﻗﯩﻠﻐﺎﻥ ﺋﺎﺕ - ﻗﻮﻳﻼﺭﻧﯩﯔ ﻛﺎﻟﻠﯩﺴﯩﻨﻰ ﻗﻪﺑﺮﻩ ﺑﻪﻟﮕﯜﺳﯩﮕﻪ ﺋﯧﺴﯩﭗ ﻗﻮﻳﯩﺪﯗ . ﺋﻪﺗﯩﺴﻰ ﺋﻪﺭ - ﺋﺎﻳﺎﻟﻼﺭ ﻛﯩﻴﯩﻨﯩﭗ - ﺟﺎﺑﺪﯗﻧﯘﭖ ، ﻗﻪﺑﺮﯨﺴﺘﺎﻧﻐﺎ ﻳﯩﻐﯩﻠﯩﺪﯗ ؛ ﺋﻪﺭﻟﻪﺭ ﻳﺎﺧﺸﻰ ﻛﯚﺭﮔﻪﻥ ﻗﯩﺰﻧﯩﯔ ﺋﯚﻳﯩﮕﻪ ﺳﻮﺭﯨﺘﯩﭗ ﺳﺎﯞﭼﻰ ﺋﻪﯞﻩﺗﯩﺪﯗ . . . >
< ﺷﯩﻤﺎﻟﯩﻲ ﺧﺎﻧﻠﯩﻘﻼﺭ ﺗﺎﺭﯨﺨﯩﻲ > ﻧﯩﯔ < ﺗﯧﻠﯥ > ﺑﺎﺑﯩﺪﺍ ؛ < ﺋﯚﺭﭖ - ﺋﺎﺩﻩﺗﻠﯩﺮﻯ ﺋﻮﻣﻮﻣﻪﻥ ﺗﯜﺭﻛﻠﻪﺭﻧﯩﯖﻜﻰ ﺑﯩﻠﻪﻥ ﺋﻮﺧﺸﺎﺵ ، ﺋﯚﻟﮕﯜﭼﯩﻨﻰ ﺳﺎﻧﺪﯗﻗﻘﺎ ﺳﯧﻠﯩﭗ ﺗﻮﺧﺘﯩﺘﯩﭗ ﺋﯘﺯﯨﺘﯩﺪﯗ . ﻣﯘﺷﯘ ﺋﺎﺩﯨﺘﻰ ﭘﻪﺭﯨﻘﻠﯩﻨﯩﺪﯗ > ﺩﯨﻴﯩﻠﮕﻪﻥ .
ﻳﻪﻧﻪ ﺷﯘ ﻛﯩﺘﺎﭘﺘﺎ ؛ < ﺗﯜﺭﻛﻠﻪﺭ . . . 5 - ﺋﺎﻳﻨﯩﯔ 8 - ﻛﯜﻧﻰ ﺗﻮﭘﻠﯩﺸﯩﭗ ﻣﻪﺑﯘﺩﻟﯩﺮﯨﻐﺎ ﻧﻪﺯﯨﺮ ﻗﯩﻠﯩﺪﯗ . ﮬﻪﺭ ﻳﯩﻠﻰ ﻣﯘﮬﯩﻢ ﺋﻪﻣﻪﻟﺪﺍﺭﻟﯩﺮﻯ ﺋﺎﺗﺎ - ﺑﻮﯞﯨﻠﯩﺮﻯ ﺋﻮﻟﺘﯘﺭﻏﺎﻥ ﻗﻪﺩﯨﻴﻢ ﺟﺎﻳﻐﺎ ﺑﯧﺮﯨﭗ ، ﻧﻪﺯﯨﺮ - ﺩﯗﺋﺎ ﻗﯩﻠﯩﺪﯗ > ﺩﻩﭖ ﻳﯧﺰﯨﻠﻐﺎﻥ .
< ﺟﯘﻧﺎﻣﻪ > ﻧﯩﯔ < ﻳﺎﺗﻼﺭ ﺩﯨﻴﺎﺭﻯ > ﺩﺍ ﻳﯧﺰﯨﻠﯩﺸﯩﭽﻪ ؛ < ﺋﺎﮔﻨﻰ ( ﻳﻪﻧﺠﻰ ، ﻗﺎﺭﺍ ﺷﻪﮬﻪﺭ - ﻣﯘﮬﻪﺭﺭﯨﺮﺩﯨﻦ ) ﺩﻩ ، ﺋﯚﻟﮕﯜﭼﯩﻨﯩﯔ ﺟﻪﺳﯩﺪﻯ ﻛﯚﻳﺪﯙﺭﯛﻟﯜﭖ ﺋﺎﻧﺪﯨﻦ ﻛﯚﻣﯚﻟﯩﺪﯗ . ﻳﻪﺗﺘﻪ ﻛﯜﻧﺪﯨﻦ ﻛﯧﻴﯩﻦ ﻗﺎﺭﯨﺴﯩﻨﻰ ﺳﯩﻨﺪﯗﺭﯨﺪﯗ . ﺋﺎﺩﻩﺗﺘﻪ ﻛﯚﻛﺘﻪﯕﺮﯨﮕﻪ ﺳﯧﻐﯩﻨﯩﺪﯗ . ﺑﯘﺩﺩﺍ ﻗﺎﺋﯩﺪﯨﺴﯩﮕﯩﻤﯘ ﺋﯧﺘﯩﻘﺎﺩ ﻗﯩﻠﯩﺪﯗ > ، < ﺷﯩﻤﺎﻟﯩﻲ ﺧﺎﻧﻠﯩﻘﻼﺭ ﺗﺎﺭﯨﺨﯩﻲ > ﻧﯩﯔ < ﻏﻪﺭﺑﯩﻲ ﺩﯨﻴﺎﺭ > ﺑﺎﺑﯩﺪﺍ < ﻗﯘﭼﯘﻟﯘﻗﻼﺭ ﺋﺎﺩﻩﺗﺘﻪ ﻛﯚﻛﺘﻪﯕﺮﯨﮕﻪ ﺳﯧﻐﯩﻨﯩﺪﯗ ، ﺑﯘﺩﺩﺍﻏﯩﻤﯘ ﺋﯩﺸﯩﻨﯩﺪﯗ > ﺩﯨﻴﯩﻠﮕﻪﻥ .
< ﻛﯧﻴﯩﻨﻜﻰ ﺧﻪﻧﻨﺎﻣﻪ > ﻧﯩﯔ < ﺳﺎﺑﯩﺮﻻﺭ ﺗﻪﺯﻛﯩﺮﯨﺴﻰ > ﺩﻩ ﺧﺎﺗﯩﺮﯨﻠﯩﻨﯩﺸﯩﭽﻪ ، ﺋﺎﻟﺘﺎﻱ ﺗﯩﻠﻠﯩﺮﻯ ﺳﯧﺴﺘﯩﻤﯩﺴﯩﺪﯨﻜﻰ ﺳﺎﺑﯩﺮﻻﺭ ( ﺳﻴﺎﻧﭙﯩﻼﺭ ) ﺩﺍ : < ﺋﯧﺴﯩﻠﺰﺍﺩﯨﻠﻪﺭﺩﯨﻦ ﺟﻪﯕﺪﻩ ﺋﯚﻟﮕﯜﭼﯩﻨﯩﯔ ﺟﻪﺳﯩﺪﯨﻨﻰ ﺳﺎﻧﺪﯗﻗﻘﺎ ﺳﺎﻟﯩﺪﯗ . ﻳﯩﻐﺎ - ﺯﺍﺭﻩ ﺑﯩﻠﻪﻥ ﺗﻪﺯﯨﻴﻪ ﺑﯩﻠﺪﯛﺭﯨﺪﯗ . ﺩﻩﭘﻨﻪ ﻗﯩﻠﯩﺪﯨﻐﺎﻥ ﭼﺎﻏﺪﺍ ، ﻧﺎﺧﺸﺎ ﺋﯧﻴﺘﯩﭗ ، ﺋﯘﺳﯘﻝ ﺋﻮﻳﻨﺎﭖ ﺋﯘﺯﯨﺘﯩﺪﯗ . ﺳﯧﻤﯩﺰ ﺋﯩﺘﻨﻰ ﺋﺎﻻ - ﻳﯧﺸﯩﻞ ﺋﺎﺭﻏﺎﻣﭽﯩﻐﺎ ﺑﺎﻏﻼﭖ ، ﺋﯚﻟﮕﯜﭼﯩﻨﯩﯔ ﻣﯩﻨﮕﻪﻥ ﺋﯧﺘﻰ ﯞﻩ ﻛﯩﻴﮕﻪﻥ ﻛﯧﻴﯩﻤﻠﯩﺮﻯ ﺑﯩﻠﻪﻥ ﻗﻮﺷﯘﭖ ﻛﯚﻳﺪﯛﺭﯨﺪﯗ . ﺋﯧﻴﺘﯩﻠﯩﺸﯩﭽﻪ ، ﺋﯚﻟﮕﯜﭼﯩﻨﯩﯔ ﺋﻪﺭﯞﺍﮬﯩﻨﻰ ﻗﻮﻏﺪﺍﭖ ﻗﯩﺰﯨﻠﺘﺎﻍ ( ﺗﻪﻳﺸﻪﻥ ) ﻗﺎ ﺋﺎﭘﯩﺮﯨﭗ ﻗﻮﻳﯘﺷﯩﻨﻰ ﺋﯩﺘﻘﺎ ﮬﺎﯞﺍﻟﻪ ﻗﯩﻠﻐﯩﻨﻰ ﺋﯩﻜﻪﻥ .