ئەتتىرگۈل تارخ بلوگى

ﺷﯚﻫﺮﻩﺕ ﻫﻮﺷﯘﺭ

1947 -ﻳﯩﻠﻰ 2-ﺋﺎﻳﻨﯩﯔ 22- 23- ﻛﯜﻧﻠﯩﺮﻯ ﻧﺎﻣﺎﻳﯩﺶ ﺑﯩﻠﻪﻥ ﺑﺎﺷﻼﻧﻐﺎﻥ ﯞﻩ 24- 25- ﻛﯜﻧﻠﯩﺮﻯ ﺳﯩﻴﺎﺳﯩﻲ ﻫﯩﻠﻪ - ﻧﻪﻳﺮﻩﯓ ﺑﯩﻠﻪﻥ ﻗﻪﻫﺮﯨﻤﺎﻧﻠﯩﻘﻨﯩﯩﯔ ﻛﯜﺭﯨﺸﯩﮕﻪ ﺋﺎﻳﻼﻧﻐﺎﻥ « 25- ﻓﯧﯟﺭﺍﻝ ﯞﻩﻗﻪﺳﻰ » ﺗﺎﺭﯨﺨﯩﻤﯩﺰﺩﯨﻜﻰ ﻳﻪﻧﻪ ﺑﯩﺮ ﺋﯘﻧﺘﯘﻟﻤﺎﺱ ﻛﯜﻧﺪﯗﺭ . ﺑﯘ ﻛﯜﻧﻰ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺸﻘﺎ ﺑﻪﺵ ﻣﯩﯖﺪﯨﻦ ﺋﺎﺭﺗﯘﻕ ﺋﺎﺩﻩﻡ ﻗﺎﺗﻨﯩﺸﯩﺪﯗ . ﻧﺎﻣﺎﻳﯩﺸﭽﯩﻼﺭ ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﯩﯔ «11 ﺑﯧﺘﯩﻢ »ﻏﺎ ﺋﻪﻣﻪﻝ ﻗﯩﻠﻤﺎﻳﯟﺍﺗﻘﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ ، 50 ﺗﯜﺭﻟﯜﻙ ﺗﻪﻟﻪﭖ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ ﯞﻩ ﺗﻪﻟﻪﭘﻠﻪﺭﻧﻰ 72 ﺳﺎﺋﻪﺕ ﺋﯩﭽﯩﺪﻩ ﺟﺎﯞﺍﭘﻼﻧﺪﯗﺭﯨﻠﯩﺸﯩﻨﻰ ﺷﻪﺭﺕ ﻗﯩﻠﯩﺪﯗ . ﺑﯘ ﺗﻪﻟﻪﭘﻠﻪﺭﺩﯨﻦ ﻣﯘﻫﯩﻢ ﺑﻮﻟﻐﺎﻥ ﻳﻪﺗﺘﯩﺴﻰ ﺗﯚﯞﻩﻧﺪﯨﻜﯩﭽﻪ :
1. ﻣﻪﺭﻛﻪﺯﻧﯩﯔ ﺋﻪﺳﻜﯩﺮﻯ ﻗﻮﺷﯘﻧﻰ ﭼﯧﻜﯩﻨﯩﭗ ﭼﯩﻘﯩﭗ ﻛﻪﺗﺴﯘﻥ .
2. ﺋﺎﻗﺴﯘ ﯞﻩ ﻗﻪﺷﻘﻪﺭﺩﻩ ﻣﯩﻠﻠﯩﻲ ﺋﺎﺭﻣﯩﻴﻪ ﺗﻪﺷﻜﯩﻞ ﻗﯩﻠﯩﻨﺴﯘﻥ .
3. ﻫﻪﺭﺑﯩﻴﻠﻪﺭ ﺳﯩﻴﺎﺳﻪﺗﻜﻪ ﻗﻮﻝ ﺗﯩﻘﻤﯩﺴﯘﻥ .
4. ﺷﯩﻨﺠﺎﯕﺪﯨﻜﻰ ﻣﻪﺭﻛﻪﺯﮔﻪ ﺑﯩﯟﺍﺳﺘﻪ ﺑﺎﻏﻠﯩﻨﯩﺸﻠﯩﻖ ﺑﺎﻧﻜﺎ ﯞﻩ ﭘﻮﭼﺘﺎ ﻗﺎﺗﺎﺭﻟﯩﻖ ﺋﻮﺭﯗﻧﻼﺭ ﻳﻪﺭﻟﯩﻚ ﻫﯚﻛﯜﻣﻪﺗﻨﯩﯔ (ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﯩﯔ ) ﺑﺎﺷﻘﯘﺭﯨﺸﯩﻐﺎ ﺋﯚﺗﺴﯜﻥ .
5. ﺷﯩﻨﺠﺎﯕﺪﯨﻜﻰ ﻫﯚﻛﯜﻣﻪﺕ ﺧﯩﺰﻣﻪﺗﭽﯩﻠﯩﺮﯨﻨﯩﯔ 70% ﻳﻪﺭﻟﯩﻚ ﺧﻪﻟﻘﺘﯩﻦ ﺗﻪﺷﻜﯩﻞ ﻗﯩﻠﯩﻨﺴﯘﻥ .
6.ﺳﺎﻳﻼﻡ ﻗﺎﻳﺘﺎ ﺋﯧﻠﯩﭗ ﺑﯧﺮﯨﻠﺴﯘﻥ ، ﺑﺎﺭﻟﯩﻖ ﯞﯨﻼﻳﻪﺗﻠﻪﺭﺩﻩ ﯞﺍﻟﻰ ﻳﻪﺭﻟﯩﻚ ﺧﻪﻟﻘﺘﯩﻦ ﺳﺎﻳﻼﻧﺴﯘﻥ .
7. ﺳﺎﻳﻼﻡ ﻗﺎﻧﯘﻧﯩﻐﺎ ﺧﯩﻼﭖ ﻫﺎﻟﺪﺍ ﯞﻩﺯﯨﭙﯩﮕﻪ ﺗﻪﻳﯩﻨﻠﻪﻧﮕﻪﻥ ﻳﻪﺭﻛﻪﻥ ﯞﺍﻟﯩﺴﻰ ﻟﻮﻓﯧﻨﮕﺎﯓ ﯞﻩ ﺋﯜﺭﯛﻣﭽﻰ ﯞﺍﻟﯩﺴﻰ ﺧﺎﺩﯨﯟﺍﻥ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﻟﺴﯘﻥ .(ﺷﯩﻨﺠﺎﯓ ﺋﯩﺠﺪﯨﻤﺎﺋﻰ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﻪﺭﯨﭙﯩﺪﯨﻦ ﺗﯜﺯﯛﻟﮕﻪﻥ «ﺷﯩﻨﺠﺎﯕﻨﯩﯔ ﻗﯩﺴﻘﯩﭽﻪ ﺗﺎﺭﯨﺨﻰ » ﻧﺎﻣﻠﯩﻖ ﻛﯩﺘﺎﭘﺘﯩﻦ ﺋﯧﻠﯩﻨﺪﻯ . 3-ﺗﻮﻡ ، 879-880- ﺑﻪﺗﻠﻪﺭ ).
ﺑﯘ ﺗﻪﻟﻪﭘﻠﻪﺭﻧﯩﯔ ﺧﺎﺭﺍﻛﺘﯩﺮﻯ ، ﻧﺎﻣﺎﻳﯩﺸﭽﯩﻼﺭﻧﯩﯔ ﯞﻩ ﻧﺎﻣﺎﻳﯩﺸﻨﻰ ﺋﺎﺳﺘﯩﺮﺗﺘﯩﻦ ﻗﻮﺯﻏﯩﻐﺎﻥ ﺑﯩﺮﻟﻪﺷﻤﻪ ﻫﯚﻛﯜﻣﻪﺗﺘﯩﻜﻰ ﺋﯜﭺ ﯞﯨﻼﻳﻪﺕ ﺗﻪﺭﻩﭘﻨﯩﯔ ﻣﯘﺳﺘﻪﻗﯩﻠﻠﯩﻖ ﻏﺎﻳﯩﺴﯩﮕﻪ ﺗﯧﻨﭽﻠﯩﻖ ﻳﻮﻝ ﺑﯩﻠﻪﻥ ﺋﯚﺗﯜﺵ ﺗﯩﺮﯨﺸﭽﺎﻧﻠﯩﻘﯩﻨﻰ ﻛﯚﺭﺳﻪﺗﺴﻪ ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺷﯘ ﭼﺎﻏﺪﯨﻜﻰ ﺯﯨﻴﺎﻟﯩﻼﺭﻧﯩﯔ ﺩﯦﻤﯘﻛﺮﺍﺗﯩﻚ ﻫﺎﻛﯩﻤﯩﻴﻪﺕ ﭼﯜﺷﻪﻧﭽﯩﺴﯩﻨﯩﯔ ﻣﯘﻛﻪﻣﻤﻪﻟﻠﯩﻚ ﺩﻩﺭﯨﺠﯩﺴﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯗ . ﺑﯘ ﻧﺎﻣﺎﻳﯩﺶ ، ﻧﺎﻣﺎﻳﯩﺸﻼﺭ ﺗﺎﺭﯨﺨﯩﺪﺍ ﺋﻪﯓ ﻛﯚﭖ ﺗﻪﻟﻪﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﯞﻩ ﺷﯘ ﺩﻩﯞﯨﺮﮔﻪ ﻧﯩﺴﭙﻪﺗﻪﻥ ﻗﺎﺗﻨﯩﺸﯩﺶ ﻛﯚﻟﯩﻤﻰ ﺋﻪﯓ ﻛﻪﯕﺮﻯ ﺑﻮﻟﻐﺎﻥ ، ﺗﯧﺨﯩﻤﯘ ﻣﯘﻫﯩﻤﻰ ﻫﯚﻛﯜﻣﻪﺗﻨﻰ ﺟﯩﺪﺩﯨﻲ ﺑﯩﺮ ﻣﯘﺯﺍﻛﯩﺮﻩ ﺋﯜﺳﺘﯩﻠﯩﮕﻪ ﺋﻮﻟﺘﯘﺭﻏﯘﺯﯗﭖ ، ﻛﯚﭖ ﺳﺎﻧﺪﯨﻜﻰ ﺗﻪﻟﻪﭘﻠﻪﺭﻧﯩﯔ ﺗﻮﻏﺮﯨﻠﯩﻘﯩﻨﻰ ، ﺷﯘ ﻛﯜﻧﻨﯩﯔ ﺋﯚﺯﯨﺪﻩ ﻫﯚﻛﯜﻣﻪﺗﻜﻪ ﺋﯧﺘﺮﺍﭖ ﻗﯩﻠﺪﯗﺭﺍﻟﯩﻐﺎﻥ ﺑﯩﺮ ﻧﺎﻣﺎﻳﯩﺶ .ﻧﺎﻣﺎﻳﯩﺸﻨﯩﯔ ﺑﯘ ﺋﯘﺗﯘﻗﻨﻰ ﻗﺎﺯﯨﻨﯩﺸﯩﺪﺍ ، ﺑﯩﺮﻟﻪﺷﻤﻪ ﻫﯚﻛﯜﻣﻪﺗﺘﻪ ﻣﯩﻠﻠﻪﺗﻜﻪ ﯞﻩﻛﯩﻠﻠﯩﻚ ﻗﯩﻠﻐﯘﭼﻰ ﺑﯩﺮ ﮔﯘﺭﯗﭘﻨﯩﯔ ﻣﻪﯞﺟﯘﺗﻠﯩﻘﯩﺪﯨﻦ ﺑﺎﺷﻘﺎ ، ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﺪﺍ ﻗﻪﺩ ﻛﯚﺗﯜﺭﯛﭖ ﺗﯘﺭﻏﺎﻥ 30ﻣﯩﯔ ﻛﯩﺸﯩﻠﯩﻚ ﻣﯩﻠﻠﯩﻲ ﺋﺎﺭﻣﯩﻴﯩﻤﯩﺰﻧﯩﯔ ﻣﻪﯞﺟﯘﺗﻠﯩﻘﻰ ﺋﺎﺳﺎﺳﻠﯩﻖ ﺑﯩﺮ ﺳﻪﯞﻩﭖ .
ﺋﻪﺧﻤﻪﺗﺠﺎﻥ ﺋﻪﭘﻪﻧﺪﯨﻨﯩﯔ ﺋﻮﺭﯗﻧﻼﺷﺘﯘﺭﯨﺸﻰ ﺑﯩﻠﻪﻥ ﺋﯧﭽﯩﻠﻐﺎﻥ ﺗﻪﻟﻪﭘﻠﻪﺭﻧﻰ ﻣﯘﺯﺍﻛﯩﺮﻩ ﻗﯩﻠﯩﺶ ﻳﯩﻐﯩﻨﯩﺪﺍ ، ﺋﯚﺯﻯ ﺧﺎﻟﯩﻤﯩﻐﺎﻥ ﺑﯩﺮ ﻗﺎﺭﺍﺭﻏﺎ ﻗﻮﻝ ﻗﻮﻳﯘﺷﻘﺎ ﻣﻪﺟﺒﯘﺭ ﺑﻮﻟﯘﭖ ﻗﺎﻟﻐﺎﻥ ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﯩﯔ ﻧﺎﻣﺎﻳﯩﺸﻘﺎ ﻧﺎﻣﺎﻳﯩﺶ ﺋﺎﺭﻗﯩﻠﯩﻖ ﺟﺎﯞﺍﭖ ﺑﯧﺮﯨﭗ ، ﻣﻪﺯﻛﯘﺭ ﻗﺎﺭﺍﺭﻧﻰ ﺋﯩﻨﺎﯞﻩﺗﺴﯩﺰ ﻗﯩﻠﻤﺎﻗﭽﻰ ﺑﻮﻟﯩﺪﯗ . 24- 25- ﻓﯧﯟﺭﺍﻝ ﻛﯜﻧﻰ ﺋﯜﺭﯛﻣﭽﯩﺪﯨﻜﻰ ﺧﻪﻧﺰﯗﻻﺭ ﺋﻮﻳﯘﺷﻤﯩﺴﻰ ، ﺗﯘﯕﮕﺎﻧﻼﺭ ﺋﯘﻳﯘﺷﻤﯩﺴﻰ ﯞﻩ ﻗﺎﺯﺍﻕ ﺋﻮﻳﯘﺷﻤﯩﺴﯩﻨﯩﯔ ﺑﯩﺮ ﻗﯩﺴﯩﻢ ﺋﻪﺯﺍﻟﯩﺮﻯ ﻧﺎﻣﺎﻳﯩﺶ ﺋﯚﺗﻜﯜﺯﯛﭖ ﻫﯚﻛﯜﻣﻪﺗﻜﻪ ﺗﻪﻟﻪﭘﻨﺎﻣﻪ ﺳﯘﻧﯩﺪﯗ . ﻣﯘﻫﯩﻤﻠﯩﺮﻯ :
1. ﻫﯚﻛﯜﻣﻪﺕ ﻫﻪﻣﻤﻪ ﻧﻪﺭﺳﻪ ﻳﻪﺭﻟﯩﻜﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ، ﺩﯦﮕﻪﻥ ﻗﺎﺭﺍﺷﺘﯩﻦ ﯞﺍﺯ ﻛﻪﭼﺴﯘﻥ .
2. ﺋﯜﭺ ﯞﯨﻼﻳﻪﺗﺘﯩﻜﻰ ﻳﻪﺭﻟﯩﻚ ﻗﻮﺭﺍﻟﻠﯩﻖ ﻛﯜﭼﻠﻪﺭ ﺩﯙﻟﻪﺗﻨﯩﯔ ﺋﻪﺳﻜﯩﺮﻯ ﻧﯩﺰﺍﻣﻰ ﺑﻮﻳﯩﭽﻪ ﺗﻪﺭﺗﯩﭙﻜﻪ ﺳﯧﻠﯩﻨﺴﯘﻥ .
3. ﺋﯜﭺ ﯞﯨﻼﻳﻪﺗﻨﯩﯔ ﭼﯩﮕﺮﯨﺴﻰ ﺩﯙﻟﻪﺕ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ ﻗﻮﻏﺪﺍﻟﺴﯘﻥ .
4. ﺋﯜﭺ ﯞﯨﻼﻳﻪﺗﺘﻪ ، ﯞﻩﻗﻪﻟﻪﺭ ﺟﻪﺭﻳﺎﻧﯩﺪﺍ ﮔﯘﻧﺎﺳﯩﺰ ﺋﯩﻨﺴﺎﻧﻼﺭﻧﻰ ﺋﯚﻟﺘﯜﺭﮔﻪﻧﻠﻪﺭ ﺟﺎﺯﺍﻻﻧﺴﯘﻥ .(ﺷﯩﻨﺠﺎﯓ ﺋﯩﺠﺪﯨﻤﺎﺋﻰ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﻪﺭﯨﭙﯩﺪﯨﻦ ﺗﯜﺯﯛﻟﮕﻪﻥ «ﺷﯩﻨﺠﺎﯕﻨﯩﯔ ﻗﯩﺴﻘﯩﭽﻪ ﺗﺎﺭﯨﺨﻰ » ﻧﺎﻣﻠﯩﻖ ﻛﯩﺘﺎﭘﺘﯩﻦ ﺋﯧﻠﯩﻨﺪﻯ . 3-ﺗﻮﻡ ، 882-883-ﺑﻪﺗﻠﻪﺭ )
ﺋﻪﺧﻤﻪﺕ ﺋﻪﭘﻪﻧﺪﻯ ﻧﺎﻣﺎﻳﯩﺸﭽﯩﻼﺭﻧﯩﯔ ﺋﺎﻟﺪﯨﻐﺎ ﭼﯩﻘﯩﭗ ، ﺗﻪﻟﻪﭘﻠﻪﺭﮔﻪ ﺑﯩﺮ ﺑﯩﺮﻟﻪﭖ ﺟﺎﯞﺍﭖ ﺑﯧﺮﯨﺪﯗ . ﻛﯜﺗﻜﻪﻥ ﺟﺎﯞﺍﺑﯩﻐﺎ ﺋﯧﺮﯨﺸﻪﻟﻤﯩﮕﻪﻥ ﻧﺎﻣﺎﻳﯩﺸﭽﯩﻼﺭ «ﻳﻮﻗﺎﻟﺴﯘﻥ ﺋﻪﺧﻤﻪﺗﺠﺎﻥ !» ، «ﻳﻮﻗﺎﻟﺴﯘﻥ ﺋﺎﺑﺒﺎﺳﻮﻑ !» ﺩﻩﭖ ﺷﯘﺋﺎﺭﻻﺭ ﺗﻮﯞﻻﭖ ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺑﯘ ﺋﯩﻜﻜﻰ ﻳﺎﺵ ، ﺋﯩﻘﺘﯩﺪﺍﺭﻟﯩﻖ ﺭﻩﻫﺒﻪﺭﻟﯩﺮﯨﻨﻰ ﻫﺎﻗﺎﺭﻩﺗﻠﻪﻳﺪﯗ . ﺋﻪﺧﻤﻪﺕ ﺋﻪﭘﻪﻧﺪﻯ ﺋﯩﻠﻤﯩﻲ ﯞﻩ ﺗﻮﻏﺮﺍ ﺟﺎﯞﺍﺑﯩﻐﺎ ﻧﺎﺭﺍﺯﻯ ﺑﻮﻟﻐﺎﻥ ﻧﺎﻣﺎﻳﯩﺸﭽﯩﻼﺭﻏﺎ ، ﺋﯘﻻﺭﻧﯩﯔ ﺗﻪﻟﻪﭘﻨﺎﻣﯩﺴﯩﻨﻰ ﻛﯚﺯ ﺋﺎﻟﺪﯨﺪﯨﻼ ﻳﯩﺮﺗﯩﭗ ﺗﺎﺷﻼﭖ ، ﺋﯘﻻﺭﻧﯩﯔ ﺳﻪﻣﯩﻤﯩﻴﻪﺗﺴﯩﺰﻟﯩﻜﯩﮕﻪ ﺯﻩﺭﺑﻪ ﺑﯧﺮﯨﺪﯗ . ﺑﯘﻧﯩﯔ ﺑﯩﻠﻪﻥ ﻧﺎﻣﺎﻳﯩﺸﭽﯩﻼﺭ ﺗﻪﺭﻛﯩﯟﯨﮕﻪ ﻳﻮﺷﯘﺭﯗﻧﻐﺎﻥ ﺧﻪﻧﺰﯗ ﺋﻪﺳﻜﻪﺭﻟﯩﺮﻯ ﻫﯚﻛﯜﻣﻪﺕ ﺑﯩﻨﺎﺳﯩﻨﻰ ﻗﻮﺭﺷﯩﯟﺍﻟﯩﺪﯗ . ﺳﯚﻳﯜﻣﻠﯜﻙ ﺭﻩﻫﺒﻪﺭﻟﻪﺭﻧﯩﯔ ﻫﯚﻛﯜﻣﻪﺕ ﺑﯩﻨﺎﺳﻰ ﺋﯩﭽﯩﺪﻩ ﻗﻮﺭﺷﯘﻟﯘﭖ ﻗﺎﻟﻐﺎﻧﻠﯩﻘﯩﻨﻰ ﺋﯘﻗﻘﺎﻥ ﺋﯜﺭﯛﻣﭽﯩﺪﯨﻜﻰ 10ﻣﯩﯖﭽﻪ ﺋﯘﻳﻐﯘﺭ ﺟﺎﻣﺎﺋﯩﺘﻰ ﺷﻪﻫﻪﺭ ﺩﻩﺭﯞﺍﺯﯨﺴﯩﻨﻰ ﻗﻮﺭﺷﯩﯟﺍﻟﯩﺪﯗ . ﻣﺎﻧﺎﺱ ﺑﻮﻳﯩﺪﺍ ﺗﯩﺰﮔﯩﻨﻠﯩﻨﯩﭗ ﻗﺎﻟﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﻪ ﻫﻪﺭﺑﯩﻲ ﻫﺎﺯﯨﺮﻟﯩﻘﻘﺎ ﺋﯚﺗﯜﭖ ﺑﯘﻳﺮﯗﻕ ﻛﯜﺗﯩﺪﯗ . ﺋﯘﺭﯗﺵ ﺳﯧﻐﯩﻨﻐﺎﻥ ﺟﻪﯕﮕﯩﯟﺍﺭ ﺋﺎﺗﻼﺭ ﺋﯜﺭﯛﻣﭽﯩﮕﻪ ﻗﺎﺭﺍﭖ ﺗﯩﺰﮔﯩﻦ ﺳﯧﺮﯨﻴﺪﯗ . ﻛﯚﺭﻩﺷﻨﯩﯔ ﺋﻪﯓ ﻛﻪﺳﻜﯩﻨﻰ ﻫﯚﻛﯜﻣﻪﺕ ﺑﯩﻨﺎﺳﻰ ﺋﯩﭽﯩﺪﻩ ﺋﯘﻳﻐﯘﺭ ﯞﻩ ﺧﻪﻧﺰﯗ ﮔﯘﺭﯗﭘﭙﯩﺴﻰ ﺋﯩﭽﯩﺪﻩ ﺩﺍﯞﺍﻡ ﻗﯩﻠﯩﺪﯗ . ﺋﺎﺑﺪﯗﻛﯧﺮﻩﻡ ﺋﺎﺑﺒﺎﺳﻮﻑ ﺧﻪﻧﺰﯗ ﺗﻪﺭﻩﭘﻜﻪ : - ﺋﯘﻻﺭ ﺧﻪﻟﻖ ﺋﻪﻣﻪﺱ ، ﺳﯧﻨﯩﯔ ﺋﻪﺳﻜﻪﺭﻟﯩﺮﯨﯔ ، ﻳﺎﻕ ﺩﯦﻴﻪﻟﯩﺴﻪﯓ ﻣﯘﺷﯘ ﺗﺎﭘﻨﯩﯔ ﺋﯚﺯﯨﺪﯨﻼ ﺋﻪﺳﻜﯩﺮﻯ ﺑﯘﻳﺮﯗﻕ ﺑﯧﺮﯨﭗ ﺑﺎﻕ !- ﺩﻩﻳﺪﯗ . ﺑﯘ ﺳﯘﺋﺎﻝ ﺋﺎﻟﺪﯨﺪﺍ ﺧﻪﻧﺰﯗ ﺗﻪﺭﻩﭖ ﮔﻪﭖ ﻳﻮﺭﻏﯩﻠﯩﺘﯩﭗ ﺋﯚﺯﯨﻨﻰ ﺋﺎﻗﻼﺷﻘﺎ ﺗﯩﺮﯨﺸﯩﺪﯗ . ﺋﻪﺧﻤﻪﺕ ﺋﻪﭘﻪﻧﺪﻯ ﺑﻮﻟﺴﺎ ﺳﯩﻴﺎﺳﯩﻲ ﻣﻪﺯﻣﯘﻧﺪﯨﻜﻰ ﻟﻪﺗﯩﭙﯩﻠﻪﺭﻧﻰ ﺳﯚﺯﻟﻪﭖ ، ﻛﯜﻟﯜﭖ ﺋﻮﻟﺘﯘﺭﯗﭖ ﻗﺎﺭﺷﻰ ﺗﻪﺭﻩﭘﻨﯩﯔ ﺋﻮﺳﺎﻝ ﻫﺎﻟﯩﺘﯩﻨﻰ ﻣﻪﺳﺨﯩﺮﻩ ﻗﯩﻠﯩﺪﯗ . ﺑﯘ ﺋﺎﺭﯨﺪﺍ ﺳﯩﺮﺗﺘﺎ ﺋﻮﻕ ﺋﺎﯞﺍﺯﻯ ﺋﺎﯕﻠﯩﻨﯩﺪﯗ ، ﺗﻮﻗﯘﻧﯘﺵ ﺑﻮﻟﯩﺪﯗ .(ﺑﯘﺭﻫﺎﻥ ﺷﻪﻫﯩﺪﻧﯩﯔ ﺷﻮﭘﯘﺭﻯ ﺋﻮﻕ ﺗﯩﮕﯩﭗ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﯩﺪﯗ .) ﻫﯚﻛﯜﻣﻪﺕ ﺋﯩﺸﺨﺎﻧﯩﺴﯩﻨﯩﯔ ﺋﯩﺸﯩﮕﻰ «ﻧﺎﻣﺎﻳﯩﺸﭽﯩﻼﺭ » ﻧﯩﯔ ﻫﯘﺟﯘﻣﯩﻐﺎ ﺋﯘﭼﺮﺍﻳﺪﯗ . ﺑﯘ ﭼﺎﻏﺪﺍ ﺧﻪﻧﺰﯗ ﺗﻪﺭﻩﭖ ﻛﯚﻳﯜﻧﮕﻪﻥ ﻗﯩﻴﺎﭘﻪﺗﻜﻪ ﻛﯩﺮﯨﯟﯦﻠﯩﭗ ، ﺋﻪﺧﻤﻪﺕ ﺋﻪﭘﻪﻧﺪﯨﮕﻪ ﺋﯩﺸﺨﺎﻧﯩﺪﯨﻦ ﻗﯧﭽﯩﭗ ﭼﯩﻘﯩﭗ ﻛﯧﺘﯩﭗ ، ﻫﺎﻳﺎﺗﯩﻨﻰ ﻗﻮﻏﺪﺍﺷﻨﻰ ﺗﻪﯞﺳﯩﻴﻪ ﻗﯩﻠﯩﺪﯗ ﯞﻩ ﺋﺎﺭﻗﺎ ﺋﯩﺸﯩﻜﺘﯩﻦ ﻳﻮﻝ ﻛﯚﺭﺳﯩﺘﯩﺪﯗ . ﺑﯘ ﭼﺎﻏﺪﺍ ﺋﻪﺧﻤﻪﺕ ﺋﻪﭘﻪﻧﺪﻯ ﻣﯘﻧﺪﺍﻕ ﺟﺎﯞﺍﭖ ﺑﯧﺮﯨﺪﯗ : - ﺷﯘ ﺋﯧﺴﯩﯖﻼﺭﺩﺍ ﺑﻮﻟﺴﯘﻧﻜﻰ ﺑﯩﺰ ﺗﺎﻏﺪﯨﻦ ﭼﯜﺷﺘﯘﻕ ، ﺑﯩﺰ ﺋﯜﭼﯜﻥ ﺋﯚﻟﯜﻡ ﻗﻮﺭﻗﯘﻧﯘﺷﻠﯘﻕ ﺑﯩﺮ ﻧﻪﺭﺳﻪ ﺋﻪﻣﻪﺱ . ﻫﺎﺯﯨﺮ ﺑﯩﺰﮔﻪ ﺋﻪﻣﻪﺱ ﺋﯚﺯﯛﯕﻼﺭﻏﺎ ﻳﻮﻝ ﺗﺎﻟﻼﯕﻼﺭ ، ﺋﺎﻟﺪﯨﯖﻼﺭﺩﺍ ﺋﯩﻜﻜﻰ ﻳﻮﻝ ﺑﺎﺭ : ﺑﯩﺮﻯ ، ﺋﺎﺩﯨﻤﯩﯖﻼﺭ ﺑﺎﺳﺘﯘﺭﯗﭖ ﻛﯩﺮﯨﭗ ﺑﯩﺰﻧﻰ ﺋﯚﻟﺘﯜﺭﺳﯘﻥ ، ﺑﯜﮔﯜﻥ ﺋﯜﺭﯛﻣﭽﯩﺪﻩ ، ﺋﻪﺗﻪ ﭘﯜﺗﯜﻥ ﺷﯩﻨﺠﺎﯕﺪﺍ ﻗﺎﻥ ﺋﺎﻗﯩﺪﯗ . ﻣﯩﻠﻠﯩﺘﯩﻤﯩﺰ ﻏﺎﻳﯩﺴﯩﮕﻪ ﺗﯧﺨﯩﻤﯘ ﺑﺎﻟﺪﯗﺭ ﯞﻩ ﺗﯧﺨﯩﻤﯘ ﻛﻪﺳﻜﯩﻦ ﺋﯘﻟﯩﺸﯩﺪﯗ . ﻳﻪﻧﻪ ﺑﯩﺮ ﻳﻮﻝ ، ﺳﯩﺮﺗﻘﺎ ﭼﯩﻘﯩﭗ ﺋﺎﺩﯨﻤﯩﯖﻼﺭﻧﻰ ﭼﯧﻜﯩﻨﺪﯗﺭﯗﯕﻼﺭ ، ﺑﯘ ﺋﻪﻫﯟﺍﻟﺪﺍ ﺑﯩﺰ ﻫﺎﻳﺎﺕ ﻗﺎﻟﯩﻤﯩﺰ ، ﻣﯩﻠﻠﯩﺘﯩﻤﯩﺰ ﺋﯜﭼﯜﻥ ﻳﻪﻧﻪ ﺑﯩﺮ ﻣﻪﺯﮔﯩﻞ ﺧﯩﺰﻣﻪﺕ ﻗﯩﻠﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﯩﻤﯩﺰ . ﻫﻪﺭ ﺋﯩﻜﻜﻰ ﻳﻮﻝ ﺑﯩﺰ ﺋﯜﭼﯜﻥ ﭘﺎﻳﺪﯨﻠﯩﻖ ﻳﻮﻝ (884-885-ﺑﻪﺗﻠﻪﺭ ) ﺑﯘ ﮔﻪﭘﺘﯩﻦ ﻛﯧﻴﯩﻦ ﺧﻪﻧﺰﯗ ﺗﻪﺭﻩﭖ ﺋﺎﻣﺎﻟﺴﯩﺰ ﺳﯩﺮﺗﻘﺎ ﭼﯩﻘﯩﭗ ، « ﻧﺎﻣﺎﻳﯩﺸﭽﯩﻼﺭ »ﻧﻰ ﺗﺎﺭﻗﯩﺘﯩﺪﯗ .
ﺑﯩﺮ ﺋﯩﻨﺴﺎﻧﻨﯩﯔ ﺗﯧﻨﭻ ﯞﻩ ﺧﺎﺗﯩﺮﺟﻪﻡ ﻣﯘﻫﯩﺘﺘﺎ ﻣﯩﻜﺮﺍﻓﻮﻧﻨﻰ ﺗﯘﺗﯘﭖ ﺗﯘﺭﯗﭖ ﺩﺍﻧﯩﻤﯘ ﺩﺍﻧﻪ ﮔﻪﭖ ﻗﯩﻠﯩﺸﻰ ، ﺟﺎﺭﺍﯕﻠﯩﻖ ﻧﯘﺗﯘﻕ ﺳﯚﺯﻟﯩﺸﻰ ﺗﻪﺱ ﺋﯩﺶ ﺋﻪﻣﻪﺱ . ﺋﻪﻣﻤﺎ 25-ﻓﯧﯟﺭﺍﻟﺪﯨﻜﯩﺪﻩﻙ ﻣﯩﻠﺘﯩﻘﻨﯩﯔ ﺋﯘﭼﻰ ﭘﯩﺸﺎﻧﯩﺴﯩﮕﻪ ﺗﻪﯕﻠﯩﻨﯩﭗ ﻗﺎﻟﻐﺎﻥ ، ﻫﺎﻳﺎﺗﻰ ﺑﯘﺭﯗﻥ - ﺑﯘﺭﯗﻧﻐﺎ ﺗﺎﻗﺎﺷﻘﺎﻥ ﭘﻪﻳﺘﻠﻪﺭﺩﻩ ﮔﻪﭘﻨﻰ ﻣﻪﺭﺩﺍﻧﻪ ﻗﯩﻼﻻﺵ ، ﺗﻪﭘﻪﻛﻜﯜﺭﻧﯩﯔ ﻫﻪﺭﯨﻜﯩﺘﯩﻨﻰ ﻧﻮﺭﻣﺎﻝ ﺗﯘﺗﺎﻻﺵ ، ﭘﻮﺯﯨﺘﺴﯩﻴﯩﺪﻩ ﻛﻪﺳﻜﯩﻦ ﺑﻮﻻﻻﺵ ﯞﻩ ﺩﯛﺷﻤﻪﻧﻨﻰ ﻗﺎﻗﺎﻗﻼﭖ ﻛﯜﻟﯜﭖ ﺗﯘﺭﯗﭖ ﻣﻪﺳﺨﯩﺮﻩ ﻗﯩﻼﻻﺵ ﺋﯘﻧﺪﺍﻕ ﺋﺎﺳﺎﻥ ﺋﯩﺶ ﺋﻪﻣﻪﺱ . ﺑﯘ ﭘﻪﻗﻪﺕ ﻫﺎﻳﺎﺗﯩﻨﻰ ﺑﯩﺮ ﻏﺎﻳﻪ ﺋﯜﭼﯜﻥ ﺋﺎﺗﯩﻐﺎﻥ ، ﺩﻩﯞﺍ ﻳﻮﻟﯩﺪﯨﻜﻰ ﺋﯚﻟﯜﻣﺪﯨﻦ ﻟﻪﺯﺯﻩﺕ ﺋﺎﻻﻻﻳﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﮕﻪﻥ ﺋﯩﻨﺴﺎﻧﻼ ﻗﺎﻟﻤﺎﺷﺘﯘﺭﺍﻻﻳﺪﯨﻐﺎﻥ ﻣﻪﺭﺩﺍﻧﯩﻠﯩﻖ . ﻣﯘﺷﯘﻧﺪﺍﻕ ﺑﻮﻟﻐﯩﻨﻰ ﺋﯜﭼﯜﻧﻼ ﺋﻪﺧﻤﻪﺕ ﺋﻪﭘﻪﻧﺪﯨﻨﯩﯔ ﻣﻪﺯﻛﯘﺭ ﺟﺎﯞﺍﺑﻰ ﺧﻪﻟﻘﯩﻤﯩﺰ ﺋﯩﭽﯩﺪﻩ ﺩﺍﺳﺘﺎﻧﻼﺷﻘﺎﻥ . ﻣﯧﻨﯩﯖﭽﻪ 25-ﻓﯧﯟﺭﺍﻝ ﻛﯜﻧﻰ ﺋﻪﺧﻤﻪﺕ ﺋﻪﭘﻪﻧﺪﯨﻨﯩﯔ ﺧﻪﻟﻘﯩﻤﯩﺰ ﺋﺎﻟﺪﯨﺪﺍ ﺑﯩﺮ ﻗﯧﺘﯩﻢ ﺋﯩﻤﺘﯩﻬﺎﻧﺪﯨﻦ ﺋﯚﺗﻜﻪﻥ ﻛﯜﻧﻰ ﺩﯦﻴﯩﺸﻜﻪ ﺑﻮﻟﯩﺪﯗ . ﺑﯘ ﻳﻪﺭﺩﯨﻜﻰ ﺋﯩﻤﺘﯩﻬﺎﻥ ﻳﺎﻟﻐﯘﺯ ﺋﻪﻗﻠﯩﻲ ﺋﻪﻣﻪﺱ ، ﻫﻪﻡ ﺟﺎﺳﺎﺭﻩﺗﺘﯩﻜﻰ ، ﭘﯩﺪﺍﻛﺎﺭﻟﯩﻘﺘﯩﻜﻰ ﺋﯩﻤﺘﯩﻬﺎﻧﺪﯗﺭ . ﺋﻪﺧﻤﻪﺕ ﺋﻪﭘﻪﻧﺪﯨﻨﯩﯔ ﺑﯘ ﺋﯩﻤﺘﯩﻬﺎﻧﺪﯨﻜﻰ ﻻﻳﺎﻗﯩﺘﯩﻨﻰ ﺧﻪﻟﻘﯩﻤﯩﺰﻻ ﺋﻪﻣﻪﺱ ، ﺧﻪﻧﺰﯗﻻﺭﻣﯘ ﺋﯧﺘﺮﺍﭖ ﻗﯩﻠﯩﺸﻘﺎﻥ . ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﯩﯔ ﺧﻪﻧﺰﯗ ﺋﻪﺯﺍﻟﯩﺮﯨﺪﯨﻦ ﺑﻮﻟﻐﺎﻥ ﻟﻴﯘﺯﯨﺮﯗﯓ ﯞﻩﻗﻪﺩﯨﻦ ﺑﯩﺮ ﻛﯜﻥ ﻛﯧﻴﯩﻦ ﺋﻪﺧﻤﻪﺕ ﺋﻪﭘﻪﻧﺪﯨﻨﻰ ﺯﯨﻴﺎﺭﻩﺕ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ :
- ﺗﯜﻧﯜﮔﯜﻧﻜﻰ ﯞﻩﻗﻪﺩﻩ ﻣﻪﻥ ﺳﯩﺰﻧﯩﯔ ﭘﺎﺭﺍﺳﯩﺘﯩﯖﯩﺰﮔﻪ ﯞﻩ ﺟﺎﺳﺎﺭﯨﺘﯩﯖﯩﺰﮔﻪ ﻗﻮﻝ ﻗﻮﻳﺪﯗﻡ . ﺑﯘ ﮔﻪﭘﻠﻪﺭﻧﻰ ﻣﺎﯕﺎ ﯞﯨﮋﺩﺍﻧﯩﻢ ﺳﯚﺯﻟﯩﺘﯩﯟﺍﺗﯩﺪﯗ . ( ﺋﯚﻣﯜﺭ ﺩﺍﺳﺘﺎﻧﻰ : 278- 279- ﺑﻪﺗﻠﻪﺭ ) .

ﻣﯘﺋﻪﻟﻠﯩﭗ ﺳﯚﻳﯜﻣﻠﯜﻙ ﺭﻩﻫﺒﻪﺭ ﺋﻪﺧﻤﻪﺗﺠﺎﻥ ﻗﺎﺳﯩﻤﯩﻨﻰ ﻫﯚﺭﻣﻪﺕ ﺑﯩﻠﻪﻥ ﺋﻪﺳﻠﻪﻳﺪﯗ ﯞﻩ ﻧﯩﻤﺸﯧﻬﯩﺘﻨﯩﯔ ﺋﻪﺧﻤﻪﺕ ﺋﻪﭘﻪﻧﺪﻯ ﻫﻪﻗﻘﯩﺪﻩ ﻳﺎﺯﻏﺎﻥ ﻣﻪﺭﺳﯩﻴﯩﺴﯩﻨﯩﯔ ﺋﯜﭺ ﻛﯘﭘﻠﯩﺘﯩﻨﻰ ﺋﻮﻗﯘﺭﻣﻪﻧﻠﻪﺭﻧﯩﯔ ﺩﯦﻘﻘﯩﺘﯩﮕﻪ ﺳﯘﻧﯘﺵ ﺑﯩﻠﻪﻥ ﻣﺎﻗﺎﻟﯩﺴﯩﻨﻰ ﺋﺎﺧﯩﺮﻻﺷﺘﯘﺭﯨﺪﯗ :

ﺋﻪﻱ ، ﻧﯩﻤﺸﯧﻬﯩﺖ ، ﺩﯗﻧﻴﺎﺩﺍ ﻫﯧﭻ ﻛﺎﻣﺎﻝ ﺑﺎﺭﻣﯘ ؟
ﻣﻪﺭﺳﯩﻴﯩﺪﯨﻦ ﺋﯚﺯﮔﻪ ﺋﯩﺸﻘﺎ ﻣﺎﺟﺎﻝ ﺑﺎﺭﻣﯘ ؟
ﺳﻪﺑﯩﺮ ، ﺩﯦﻤﻪﻱ ﺑﯘ ﻗﯩﺴﻤﻪﺗﻜﻪ ﺋﺎﻣﺎﻝ ﺑﺎﺭﻣﯘ ؟
ﻛﯚﺭﻩﻟﻤﯩﺪﯗﻕ ﭘﻪﻟﻪﻙ ﺳﯧﻨﯩﯔ ﺋﺎﺩﺍﻟﯩﺘﯩﯖﻨﻰ .

ﻫﻪﻣﻤﯩﮕﻪ ﺗﻪﯓ ﻛﻪﻟﺪﻯ ﺑﯘﮔﯜﻥ ﺩﻩﺭﺕ ﺑﯩﻠﻪﻥ ﻏﻪﻡ ،
ﭼﺎﺭﻩ ﻳﻮﻗﺘﯘﺭ ﺑﺎﺷﻘﺎ ﭼﯜﺷﺘﻰ ﺋﯧﻐﯩﺮ ﺋﻪﻟﻪﻡ .
ﺗﺎﺭﯨﺨﯩﯖﻨﻰ ﻳﺎﺯﺩﻯ ﺋﻪﻣﺪﻯ ﺋﺎﻟﺘﯘﻥ ﻗﻪﻟﻪﻡ ،
ﻫﯚﺭﻣﻪﺕ ﺑﯩﻠﻪﻥ ﺳﺎﻗﻼﻳﻤﯩﺰ ﺑﯩﺰ ﺋﺎﻣﺎﻧﯩﺘﯩﯖﻨﻰ .

ﺗﯧﻨﯩﯔ ﻛﻪﺗﺘﻰ ، ﻟﯧﻜﯩﻦ ﺭﻭﻫﯩﯔ ﺑﯩﺰﮔﻪ ﻳﻮﻟﺪﺍﺵ ،
ﻫﻪﺭ ﺳﺎﺋﻪﺗﺘﻪ ، ﻫﻪﺭ ﻣﯩﻨﯘﺗﺘﺎ ﺋﯩﺸﺘﺎ ﻗﻮﻟﺪﺍﺵ.
ﻣﻪﻳﯜﺳﻠﻪﻧﻤﻪ ﺳﻪﻥ ﺋﯧﻠﯩﯖﺪﯨﻦ ﺋﻪﻱ ، ﯞﻩﺗﻪﻧﺪﺍﺵ ،
ﻫﯧﭻ ﺑﯘﺯﺍﻟﻤﺎﺱ ﺷﻪﻳﺘﺎﻥ ﺳﯧﻨﯩﯔ ﺋﯩﻤﺎﺭﯨﺘﯩﯖﻨﻰ .