ئەتتىرگۈل تارخ بلوگى

ﺋﯚﻣﻪﺭﺟﺎﻥ ﮬﻪﺳﻪﻥ ﺑﻮﺯﻗﯩﺮ

ﺋﯩﻼﯞﻩ: ﻳﯧﻘﯩﻨﻘﻰ ﻳﯩﻠﻠﯩﺮﺩﯨﻦ ﺑﯘﻳﺎﻥ ﭘﯩﺮ ﺋﯘﺳﺘﺎﺯ ﻛﯘﻣﺎﺭﺍﺟﯩﯟﺍ ﮬﻪﻗﻘﯩﺪﯨﻜﻰ ﺑﻪﺯﻯ ﻣﺎﻗﺎﻟﯩﻠﯩﺮﯨﻢ << ﺋﺎﻗﺴﯘ ﺋﻪﺩﻩﺑﯩﻴﺎﺗﻰ>> ﻏﺎ ﺋﻮﺧﺸﺎﺵ ﻗﻪﻏﻪﺯ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺋﯩﻨﻜﺎﺭ ﻗﯩﻠﯩﺸﺎ ﺋﯘﭼﺮﺍﭘﻼ ﻗﺎﻟﻤﺎﺳﺘﯩﻦ ﻳﻪﻧﻪ ﻗﯩﺴﻤﻪﻥ ﺗﻮﺭ ﺑﻪﺗﻠﯩﺮﯨﺪﯨﻤﯘ ﺑﯩﺮ ﻗﯩﺴﯩﻢ ﺑﯩﻠﯩﻤﺴﯩﺰ ﺗﻮﺭﺩﺍﺷﻼﺭﻧﯩﯔ ﺳﻮﻏﯘﻕ ﻣﯘﺋﺎﻣﯩﻠﯩﺴﯩﮕﻪ ﺋﯘﭼﺮﺍﭖ ﻛﻪﻟﻤﻪﻛﺘﻪ. << ﻻﻱ ﺑﯘﺩﻗﺎ ﭼﻮﻗﯘﻧﯩﺪﯨﻐﺎﻥ>> ...ﺩﯦﮕﻪﻧﺪﻩﻙ ﮔﻪﭘﻠﻪﺭ ﺑﯧﻠﻪﻥ ﺋﯩﻤﺎﻧﺴﯩﺰﻟﯩﻘﺘﺎ ﺋﻪﻳﯩﭙﻠﻪﻳﺪﯨﻐﺎﻥ ﺗﺎﭘﺎ-ﺗﻪﻧﯩﻠﻪﺭﮔﻪﯨﻤﯘ ﺋﯘﭼﺮﺍﭖ ﺗﯘﺭﯨﯟﺍﺗﯩﻤﻪﻥ. ﻣﻪﻥ ﺑﯘﻧﺪﺍﻕ ﺋﺎﺳﺎﺳﻰ ﻳﻮﻕ ﭼﻮﻟﺘﺎ ﭘﯩﻜﯩﺮﻟﻪﺭﮔﻪ ﺋﺎﺯ ﺗﻮﻻ ﺋﯩﺰﺍﮬﺎﺕ ﺑﯧﺮﯨﭗ ﻗﻮﻳﯘﺵ ﻣﻪﻗﺴﯩﺪﯨﺪﻩ ﺗﯚﯞﻩﻧﺪﯨﻜﻰ ﺑﺎﻳﺎﻧﻠﯩﺮﯨﻤﻨﻰ ﮬﻮﺯﯗﺭﯗﯕﻼﺭﻏﺎ ﺳﯘﻧﺪﯗﻡ.

ﺷﯘﺋﺎﻥ ﺷﯩﻨﺠﺎﯓ ﭘﯩﺪﺍﮔﻮﮔﯩﻜﺎ ﺋﯘﻧﯟﯦﺮﺳﯩﺘﯧﺘﻨﯩﯔ ﺗﺎﺭﯨﺦ ﺋﻮﻗﯘﺗﻘﯘﭼﯩﺴﻰ ﺋﻪﻫﻤﻪﺗﺠﺎﻥ ﺋﻪﻣﻪﺗﻨﯩﯔ» ﻳﯩﯖﻰ ﺩﻩﯞﯨﺮ ﺋﯘﻳﻐﯘﺭﻣﻪﺩﻩﻧﻴﯩﺘﻰ ﺋﯜﺳﺘﯩﺪﻩ ﭘﯩﺴﺨﯩﻚ ﺋﺎﻧﺎﻟﯩﺰ « ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ ﻳﺎﺯﻏﺎﻥ ﻣﯘﻧﯘ ﻗﯘﺭﻻﺭ ﺋﯧﺴﯩﻤﺪﯨﻦ ﻛﻪﭼﺘﻰ:» 1991 - ﻳﯩﻠﻰ ﻣﻪﻥ ﺷﯩﻨﺠﺎﯓ ﭘﯩﺪﺍﮔﻮﮔﯩﻜﺎ ﺋﯘﻧﯟﯦﺮﺳﯩﺘﯧﺘﻰ ﺗﺎﺭﯨﺦ ﻓﺎﻛﻮﻟﺘﯧﺘﻨﯩﯔ 36 ﻧﻪﭘﻪﺭ ﺋﻮﻗﯘﻏﯘﭼﯩﺴﻨﻰ ﻛﯜﺳﻪﻥ ﻣﯩﯖﺌﯚﻳﯩﺪﯨﻦ ﺋﯩﺒﺎﺭﻩﺕ ﺳﻪﻧﺌﻪﺕ ﻏﻪﺯﯨﻨﯩﺴﯩﻨﻰ ﺋﯧﻜﯩﺴﻜﻮﺭﺳﯩﻴﻪ ﻗﯩﻠﺸﻘﺎ ﺑﺎﺷﻼﭖ ﺑﺎﺭﻏﺎﻧﺪﯨﻢ. ﺋﯧﻜﯩﺴﻜﻮﺭﺳﯩﻴﻪ ﺟﻪﺭﻳﺎﻧﺪﺍ ﺋﺎﻳﺮﯨﻢ ﺋﻮﻗﯘﻏﯘﭼﯩﻼﺭ ﭼﯜﺷﻪﻧﺪﯛﺭﯛﺷﻨﻰ ﺋﻪﺳﺘﺎﻳﺪﯨﻞ ﺋﺎﯕﻼﭖ ﺧﺎﺗﯩﺮﻩ ﻗﺎﻟﺪﯗﺭﻏﺎﻧﺪﯨﻦ ﺑﺎﺷﻘﺎ، ﻳﻪﻧﻪ ﺑﯩﺮ ﻗﯩﺴﯩﻢ ﺑﺎﻟﯩﻼﺭ ﺋﺎﻟﺪﯨﺮﺍﺵ ﺭﻩﺳﯩﻤﮕﻪ ﭼﯜﺷﯟﺍﺗﺎﺗﺘﻰ. ﻣﻪﻥ ﺋﯘﻻﺭﻧﯩﯔ ﻧﯧﻤﯩﺸﻘﺎ ﻣﯩﯖﯚﻳﮕﻪ ﻛﯩﺮﯨﭗ ﺋﯧﻜﺴﻜﻮﺭﺳﯩﻴﻪ ﻗﯩﻠﻤﺎﻳﺪﯨﻐﺎﻧﻠﯩﻘﻨﻰ ﺳﻮﺭﯨﻐﯩﻨﯩﻤﺪﺍ، ﻗﺎﻳﺴﯩﺪﯗﺭ ﺑﯩﺮﻧﯩﯔ :”ﻣﯘﺋﻪﻟﻠﯩﻢ، ﻛﯚﺭﮔﯜﭼﯩﻠﮕﻰ ﻳﻮﻗﻜﻪﻥ،ﻫﻪﻣﻤﯩﺴﻰ ﻛﺎﭘﯩﺮﻧﯩﯔ ﻧﻪﺳﯩﻠﯩﺮﻯ ﺋﯩﻜﻪﻥ“ﺩﻩﭖ ﺟﺎﯞﺍﭖ ﺑﯧﺮﯨﺸﻰ ﻣﯧﻨﻰ ﺗﻮﻟﯩﻤﯘ ﻫﻪﻳﺮﺍﻥ ﻗﺎﻟﺪﯗﺭﺩﻯ.
ﺗﻮﻏﺮﺍ، ﺋﯩﺴﻼﻡ ﺩﯨﻨﻰ ﺗﺎﺭﻗﯩﻠﯩﺸﺘﯩﻦ ﺋﯩﻠﮕﯩﺮﻯ ﺑﯩﺰ ﻫﻪﻗﻘﻪﺗﻪﻥ ﻛﺎﭘﯩﺮ ﺋﯩﺪﯗﻕ. ﻛﯜﻟﻜﯩﻠﯩﻚ ﻳﯧﺮﯨﻤﯩﺰ ﺷﯘﻛﻰ، ﻳﯩﻠﺘﯩﺰﯨﻤﯩﺰﻧﻰ ﺋﯩﺰﺩﯨﮕﯩﻨﯩﻤﯩﺰﺩﻩ ﺋﯚﺯﯨﻤﯩﺰﻧﯩﯔ ﻫﻮﻧﻼﺭ، ﺗﯜﺭﻛﻠﻪﺭﻧﯩﯔ ﺋﻪﯞﻻﺩﻯ ﻫﻪﻣﺪﻩ ﺷﯩﻨﺠﺎﯕﺪﯨﻜﻰ ﻳﻪﺭﻟﯩﻚ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻤﯩﺰﻧﻰ ﺑﯩﺮ ﺋﺎﻣﺎﻟﻼﺭ ﻗﯩﻠﯩﭗ ﺋﯩﺴﭙﺎﺗﻼﻳﻤﯩﺰﻳﯘ، ﺑﯩﺮﺍﻕ ﺋﻪﺟﺪﺍﺗﻠﯩﺮﯨﻤﯩﺰﻧﯩﯔ ﺑﯩﺰﮔﻪ ﻗﺎﻟﺪﯗﺭﻏﺎﻥ ﻣﯩﺮﺍﺳﻠﯩﺮﻯ ﻫﻪﻗﻘﯩﺪﻩ ﺋﯚﺯﯨﻤﯩﺰﻧﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺧﺎﻟﯩﻤﺎﻳﻤﯩﺰ. ﺋﻪﺟﺒﺎ ﺑﯩﺰﻧﯩﯔ ﻣﯩﻠﻠﯩﺘﯩﻤﯩﺰ ﻣﯘﻫﻪﻣﻤﻪﺕ ﺋﻪﻟﻪﻳﻬﯩﺴﺎﻻﻡ ﺋﯩﺴﻼﻡ ﺩﯨﻨﯩﻨﻰ ﺑﻪﺭﭘﺎ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯩﻴﯩﻦ ﺋﯩﻨﺴﺎﻧﯩﻴﻪﺗﻨﯩﯔ ﺗﺎﺭﯨﺦ ﺳﻪﻫﻨﯩﺴﯩﮕﻪ ﺗﯘﻳﯘﻗﺴﯩﺰ ﭘﻪﻳﺪﺍ ﺑﻮﻟﯘﭖ ﻗﺎﻟﻐﺎﻧﻤﯘ؟ ﺋﻪﺟﺒﺎ ﻫﺎﺯﯨﺮﯨﻘﻰ ﺯﺍﻣﺎﻥ ﻣﻪﺩﻩﻧﻴﯩﺘﯩﻨﻰ ﻗﯘﺑﯘﻝ ﻗﯩﻠﻐﺎﻧﺪﺍ ﺋﺎﺗﺎ- ﺑﻮﯞﯨﻤﯩﺰ ﺑﯩﺰﮔﻪ ﻗﺎﻟﺪﯗﺭﯛﭖ ﻛﻪﺗﻜﻪﻥ ﻣﯩﺮﺍﺳﻼﺭﺩﯨﻦ ﯞﺍﺯ ﻛﯧﭽﯩﺶ ﻛﯧﺮﻩﻛﻤﯩﻜﻪﻥ؟ ﻣﯘﻫﻪﻣﻤﻪﺩ ﺋﻪﻟﻪﻳﺴﻼﻡ:‹ﺋﯩﻠﯩﻢ ﭼﯩﻨﺪﻩ ﺑﻮﻟﺴﯩﻤﯘ ﺋﯚﮔﯜﻧﯘﯕﻼﺭ› ﺩﯦﮕﻪﻥ ﺋﻪﻣﻪﺳﯩﻤﯩﺪﻯ؟ ﺑﯩﺰﻧﯩﯔ ﺷﯘﻧﺪﺍﻕ ﺩﯨﻴﯩﺸﻜﻪ ﻫﻪﻗﻘﯩﻤﯩﺰ ﺑﺎﺭﻛﻰ، ﺑﯘﺩﺩﯨﺰﻡ ﺩﻩﯞﺭﻯ ﯞﻩ ﺋﯘﻧﯘﯕﺪﯨﻦ ﻧﻪﭼﭽﻪ ﻣﯩﯔ ﻳﯩﻠﻼﺭ ﺋﯩﻠﮕﯩﺮﯨﻜﻰ ﺗﺎﺭﯨﺨﯩﻤﯩﺰﻧﻰ ﭘﺎﻙ- ﭘﺎﻛﯩﺰﻩ ﺳﯜﭘﯘﺭﯨﯟﯨﺘﯩﺪﯨﻐﺎﻥ ﺑﻮﻟﺴﺎﻕ، ﺑﯘ ﻣﻪﺟﺮﯗﻫ ﺗﯧﻨﯩﻤﯩﺰﻧﻰ ﻳﻪﻧﻪ ﻗﺎﻧﺪﺍﻗﯩﺴﮕﻪ ﻧﻪﺭﮔﯩﺰ ﮔﯜﻟﯩﮕﻪ ﺋﺎﻳﻼﻧﺪﯗﺭﻏﯩﻠﻰ ﺑﻮﻟﺴﯘﻥ؟ ﻛﻪﻟﮕﯜﺳﯩﺪﻩ ﺋﻪﯞﻻﺗﻼﺭﻧﯩﯔ ﻳﯜﺯﯨﮕﻪ ﻗﺎﻧﺪﺍﻕ ﻗﺎﺭﺍﻳﻤﯩﺰ؟ »‹3›.
ﺩﯗﺭﯗﺱ، ﺋﯩﺴﻼﻣﯩﻴﻪﺗﺘﯩﻦ ﺋﯩﻠﯩﮕﺮﻯ ﺑﯘﺩﺩﯨﺰﻡ ﻣﯩﻠﻠﯩﺘﯩﻤﯩﺰﻧﯩﯔ ﻣﻪﻧﯩﯟﻯ ﻫﺎﻳﺎﺗﻰ ﯞﻩ ﺋﯧﺪﯨﺌﻮﻟﻮﮔﯩﻴﺴﯩﮕﻪ ﻏﺎﻳﻪﺕ ﺯﻭﺭ ﺗﻪﺳﯩﺮ ﻛﯚﺭﺳﻪﺗﻜﻪﻥ. ﻳﻪﻧﻪ ﻛﯧﻠﯩﭗ ﺑﯘ ﺧﯩﻞ ﻫﺎﻟﻪﺕ ﻣﯩﯔ ﻳﯩﻠﻼﭖ ﺩﺍﯞﺍﻣﻼﺷﻘﺎﻥ. ﺷﯘ ﻣﻪﺯﮔﯩﻠﺪﻩ ﺑﯘﺩﺩﯨﺰﻡ ﺑﯩﺮ ﺧﯩﻞ ﻣﻪﺩﻩﻧﻴﻪﺕ ﻫﺎﺩﯨﺴﺴﻰ ﺳﯜﭘﺘﯩﺪﻩ ﺧﻪﻟﻘﯩﻤﯩﺰﮔﻪ ﺳﯩﯖﮕﻪﻥ. ﺧﻪﻟﻘﯩﻤﯩﺰ ﺋﯘﻧﻰ ﻗﯘﻳﯘﻕ ﻳﻪﺭﻟﯩﻚ ﻣﻪﻫﻪﻟﻠﯩﯟﻯ ﻣﻪﺩﻩﻧﻴﻪﺕ ﺋﯧﻠﯩﻤﯩﻨﺘﻠﯩﺮﯨﻐﺎ ﺗﯜﻳﯜﻧﺪﯗﺭﯗﭖ ﺋﯚﺯﯨﮕﻪ ﺧﺎﺱ ﺑﻮﻟﻐﺎﻥ ﺋﯘﻳﻐﯘﺭ ﺑﯘﺩﺩﯨﺰﻡ ﻣﻪﺩﻩﻧﻴﻪﺕ ﺳﺴﺘﯧﯩﻤﯩﺴﯩﻨﻰ ﺑﻪﺭﭘﺎ ﻗﯩﻠﻐﺎﻥ. ﺑﯘﺟﻪﺭﻳﺎﻧﺪﺍ ﺩﯨﻴﺎﺭﯨﻤﯩﺰﺩﺍ ﻗﯩﺰﯨﻞ ﻣﯩﯖﺌﯚﻳﻨﻰ ﺋﯚﺯ ﺋﯩﭽﮕﻪ ﺋﺎﻟﻐﺎﻥ ﺑﯘﺩﺩﺍ ﺗﺎﺵ ﻛﯧﻤﯩﺮ ﺳﻪﻧﺌﻪﺕ ﺟﻪﯞﻫﻪﺭﻟﯩﺮﻯ ﯞﻩ ﺑﯘﺩﺩﺍ ﭼﯩﯖﺎ، ﻛﯘﻣﺎﺭﺍﺟﯩﯟﺍ، ﺳﯩﺮﯨﻤﯩﺘﯩﺮﺍﻻ، ﻛﺎﻟﻴﺎﻧﺎ ﺭﯗﻛﻰ، ﺳﯜﺟﯜﭖ، ﺳﺎﯞﻣﯩﻴﺎﯞﺩﺍ....ﻏﺎ ﺋﻮﺧﺸﺎﺵ ﺋﻪﺩﻩﺑﯩﻴﺎﺕ- ﺳﻪﻧﺌﻪﺕ، ﻣﺎﺋﺎﺭﯨﭗ ﺳﺎﻫﻪﺳﯩﺪﯨﻜﻰ ﺋﯩﻠﯩﻢ ﻣﻪﺷﺌﻪﻟﭽﯩﻠﯩﺮﻯ ﻣﻪﻳﺪﺍﻧﻐﺎ ﻛﻪﻟﮕﻪﻥ. ﺑﯩﻠﺴﻪﻙ ﺑﯘ ﺷﯘ ﺩﻩﯞﺭﺩﯨﻼ ﺋﻪﻣﻪﺱ ﺑﻪﻟﻜﻰ ﻫﺎﺯﯨﺮﻗﻰ ﺩﻩﯞﺭﯨﻤﯩﺰ ﺋﯜﭼﯜﻥ ﺋﯧﻴﺘﻘﺎﻧﺪﯨﻤﯘ ﺩﯗﻧﻴﺎﺩﺍ ﺋﺎﺯ ﺋﯘﭼﺮﺍﻳﺪﯨﻐﺎﻥ ﻣﻪﺩﻩﻧﻴﻪﺕ ﻫﺎﺩﯨﺴﺴﻰ ﺋﯩﺪﻯ. ﭼﯜﻧﻜﻰ، ﺷﯘ ﺩﻩﯞﺭﻟﻪﺭﺩﻩ ﺋﻪﺟﺪﺍﺩﻟﯩﺮﯨﻤﯩﺰ ﺗﻪﺭﭘﯩﺪﯨﻦ ﺑﻪﺭﭘﺎ ﻗﯩﻠﯩﻨﻐﺎﻥ ﺑﯘﺩﺩﺍ ﻣﯩﯖﺌﯚﻳﻠﯩﺮﻧﯩﯔ ﻛﯜﭼﻠﯜﻙ ﺗﻪﺳﺮﯨﺪﻩ ﺋﻮﺗﺘﻮﺭﺍ ﺋﯩﻘﻠﯩﻢ ﺭﺍﻳﯘﻧﻠﯩﺮﯨﺪﯨﻤﯘ ﻳﺎﯞﭼﯩﻼﺭ ﺑﻪﺭﭘﺎ ﻗﯩﻠﻐﺎﻥ ﮔﻪﻧﺴﯘﺩﯨﻜﻰ ﺩﯛﻧﺨﯘﺍﯓ، ﺧﻮﺗﻪﻥ ﺑﯘﺩﺩﺳﺘﯩﻠﯩﺮﯨﻨﯩﯔ ﺩﻩﯞﻩﺕ ﻗﯩﻠﯩﺸﻰ ﺑﯩﻠﻪﻥ ﻳﺎﺳﺎﻟﻐﺎﻥ ﻟﻮﻳﺎﯕﺪﯨﻜﻰ ﺑﻪﻳﻤﺎ ﺋﯩﺒﺎﺩﻩﺗﺨﺎﻧﯩﺴﻰ، ﭼﺎﯕﺌﻪﻧﺪﯨﻜﻰ ﭼﯩﯖﻠﻮﯓ ﺋﯩﺒﺎﺩﻩﺗﺨﺎﻧﺴﻰ، ﺳﻪﻧﺸﯩﺪﯨﻜﻰ ﮔﯘﺍﯕﺸﯩﯔ، ﭘﯘﮔﯘﺍﯓ ﺋﯩﺒﺎﺩﻩﺗﺨﺎﻧﻠﯩﺮﻯ، ﭼﺎﯞﺷﻪﻧﺪﯨﻜﻰ ﺧﻪﻳﻴﻦ ﺋﯩﺒﺎﺩﻩﺗﺨﺎﻧﯩﺴﻰ ﻫﻨﺪﯨﻨﯩﻮﺯﯨﻴﺪﯨﻜﻰ ﻣﺎﺟﯩﻼﯕﭙﻮﻟﯘ ﺋﯩﺒﺎﺩﻩﺗﺨﺎﻧﯩﺴﻰ، ﯞﯦﺘﻨﺎﻣﺪﯨﻜﻰ ﻟﯩﯖﻼﯞ ﺋﯩﺒﺎﺩﻩﺗﺨﺎﻧﯩﺴﻰ، ﻳﺎﭘﯘﻧﻴﯩﺪﯨﻜﻰ ﻓﺎﻟﯘﯓ ﺋﯩﺒﺎﺩﻩﺗﺨﺎﻧﯩﺴﯩﻐﺎ ﺋﻮﺧﺸﺎﺵ ﺑﯘﺩﺩﺍ ﻣﯩﯖﺌﯚﻱ- ﺳﺎﯕﺮﺍﻣﻼﺭ ﺑﺎﺭﻟﯩﻘﻘﺎ ﻛﯩﻠﯩﭗ ﺷﯘ ﺟﺎﻳﻼﺭﺩﺍ ﺑﯘﺩﺩﺍ ﺗﺎﻡ ﺳﯩﺰﻣﺎ ﺳﯚﺭﻩﺗﭽﯩﻠﯩﮕﻰ، ﺗﯩﺒﺎﺑﻪﺕ، ﻫﻪﻳﻜﻪﻟﺘﺎﺭﺍﺷﻠﯩﻖ، ﺋﯩﺸﻠﯩﺮﻯ ﺟﯘﺵ ﺋﯘﺭﯗﭖ ﺭﺍﯞﺍﺟﻼﻧﻐﺎﻥ. ﺋﻮﺗﺘﻮﺭﺍ ﺋﯩﻘﻠﯩﻤﺪﯨﻜﻰ ﻳﻮﻗﯘﺭﻯ ﻣﻪﺭﺗﯩﯟﯨﻠﯩﻚ ﺭﺍﻫﯩﺒﻼﺭﺩﯨﻦ ﺩﺍﺭﻣﺎﭘﺎﺗﺮﺍ، ﺟﯘﺷﯩﺸﯩﯔ، ﺧﯘﻱ ﺷﯧﯔ، ﺩﺍﺭﻣﺎﺋﻮﺭﺍ ﻗﺎﺗﺎﺭﻟﯩﻘﻼﺭ ﺭﺍﻳﻮﻧﯩﻤﯩﺰﻏﺎ ﻛﯧﻠﯩﭗ ﺑﯩﻠﯩﻢ ﺋﺎﺷﯘﺭﻏﺎﻥ ﺑﻮﻟﺴﺎ ﻗﯘﺟﯘ(ﺗﯘﺭﭘﺎﻥ) ﻟﯩﻖ ﻓﺎﺟﯘﯓ، ﻓﺎﻻﯓ، ﻓﺎﺷﯘﻱ، ﻛﯜﺳﻪﻥ(ﻛﯘﭼﺎ) ﻟﯩﻖ ﺳﯩﺮﯨﻤﯩﺘﺮﺍﻻﺭ، ﺑﯘﺩﺩﺍﭼﯩﯖﺎ،ﺋﯘﺩﯗﻥ(ﺧﻮﺗﻪﻥ) ﻟﯩﻚ ﺩﯦﯟﺍﭘﺮﺍﺟﯩﻨﺎ، ﺳﯜﻟﻰ (ﻗﻪﺷﻘﻪﺭ) ﻟﯩﻚ ﺩﺍﺭﻣﺎﻧﺎﻧﺪﻯ ﻗﺎﺗﺎﺭﻟﯩﻘﻼﺭ ﺋﻮﺗﺘﻮﺭﺍ ﺋﯩﻘﻠﯩﻤﺪﺍ ﺋﯘﺯﯗﻥ ﻣﯘﺩﺩﻩﺕ ﺗﯘﺭﯗﭖ ﺑﯘﺩﺩﺍ ﻧﻮﻣﻠﯩﺮﯨﺪﯨﻦ ﺩﻩﺭﯨﺲ ﺋﯚﺗﻜﻪﻥ ﻫﻪﻡ ﺑﯘﺩﺩﺍ ﺩﯨﻨﯩﻨﯩﯔ ﺋﻮﺗﺘﻮﺭﺍ ﺋﯩﻘﻠﯩﻤﺪﯨﻜﻰ ﺭﺍﯞﺍﺟﯩﻐﺎ ﭘﺎﺋﺎﻝ ﺗﯚﻫﭙﻪ ﻗﻮﺷﻘﺎﻥ. ﺑﯘ ﻣﻪﺯﮔﯩﻠﺪﻩ ﻳﻪﻧﻪ ﺋﯘﻳﻐﯘﺭ ﺑﯘﺩﺩﺍ ﺭﻩﺳﺴﺎﻣﻰ ﯞﯨﺴﺎﺋﯩﺮﺍﺳﺎﺗﮕﺎ ﺩﻩﻙ ﻣﻪﺷﻬﯘﺭ ﺭﻩﺳﺎﻣﻼﺭ ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﺋﻮﺗﺘﻮﺭﺍ ﺋﯩﻘﻠﯩﻤﻐﺎ ﺑﯧﺮﯨﭗ ﺋﯧﻬﺘﯩﺮﺍﻡ ﺋﯩﺒﺎﺩﻩﺗﺨﺎﻧﯩﻼﺭﻧﯩﯔ ﺗﺎﻣﻠﯩﺮﯨﻐﺎ ﺋﺎﺟﺎﻳﯩﭗ ﻧﺎﺩﯨﺮ ﺭﻩﺳﯩﻤﻠﻪﺭﻧﻰ ﺳﯩﺰﯨﭗ، ﻏﻪﺭﺑﻲ ﺭﺍﻳﻮﻧﻨﯩﯔ ﺭﻩﺳﯩﻢ ﺳﯩﺰﯨﺶ ﺋﯘﺳﻠﯘﺑﻨﻰ ﺋﯩﭽﻜﯩﺮﯨﺪﻩ ﺋﻮﻣﯘﻣﯩﻴﻼﺷﺘﯘﺭﯗﭘﻼ ﻗﺎﻟﻤﺎﺳﺘﯩﻦ ﺑﻪﻟﻜﻰ ﻳﻪﻧﻪ ﻧﯘﺭﻏﯘﻥ ﺷﺎﮔﺮﯨﺖ ﺗﻪﺭﺑﯩﻴﻠﻪﭖ ﺋﯘﻻﺭﻏﺎ ﺭﻩﺳﯩﻢ ﺳﯩﺰﯨﺶ ﻣﺎﻫﺎﺭﯨﺘﯩﻨﻰ ﺋﯚﮔﯜﺗﯜﭖ ﻗﻮﻳﻐﺎﻥ؛ ﭘﺎﺩﺷﺎﻫ ﺗﺎﯓ ﻣﯩﯖﺨﯘﺍﯕﻨﯩﯔ ﺑﯘﻳﺮﯨﻘﯩﻐﺎ ﺑﯩﻨﺎﺋﻪﻥ ﺧﻪﻧﺰﯗ ﺭﻩﺳﺴﺎﻡ ﺑﯩﻦ ﺩﺍﭼﯩﯔ ﺋﯚﻟﭽﻪﻣﻠﯩﻚ ﺭﻩﺳﯩﻢ ﺳﺰﯨﺸﻨﻰ ﺋﯚﮔﯜﻧﯜﺵ ﺋﯜﭼﯜﻥ ﺋﺎﺗﺎﻳﻪﻥ ﺧﻮﺗﻪﻧﮕﻪ ﺑﯩﻠﯩﻢ ﺋﺎﺷﯘﺭﯗﺷﻘﺎ ﺑﺎﺭﻏﺎﻥ؛ ﺧﯘﺩﺩﻯ ﻣﺎﯞﺯﯦﺪﻭﯓ ﺋﯧﻴﺘﻘﺎﻧﺪﻩﻙ:” ﺳﯜﻱ ﺳﯘﻻﻟﯩﺴﯩﻨﯩﯔ ﺗﻮﻗﻘﯘﺯ ﻧﻪﻏﻤﯩﺴﯩﻨﯩﯔ ﺗﻮﻟﯩﺴﻰ ﻏﻪﺭﺑﻲ ﺩﯨﻴﺎﺭ ﻣﯘﺯﯨﻜﻠﯩﺮﯨﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ“؛ ﺳﯜﺟﯜﭖ، ﺑﻪﻱ ﺟﯩﺘﻮﯓ، ﺳﺎﯞﻣﯩﻴﺎﯞﺩﺍ...ﻻﺭﺩﻩﻙ ﻣﻪﺷﻬﯘﺭ ﺋﯘﻳﻐﯘﺭ ﻣﯘﺯﯨﻜﯩﺸﯘﻧﺎﺳﻼﺭ ﺋﻮﺗﺘﻮﺭﺍ ﺋﯩﻘﻠﯩﻤﻐﺎ ﺑﯧﺮﯨﭗ ﺧﻪﻧﺰﯗﻻﺭﻧﯩﯔ ﻣﯘﺯﯨﻜﺎ ﻣﻪﺩﻩﻧﻴﯩﺘﮕﻪ ﺟﯘﺷﻘﯘﻥ ﻫﺎﻳﺎﺗﻲ ﻛﯜﭺ ﺋﺎﺗﺎ ﻗﯩﻠﻐﺎﻥ؛ ﻣﻪﺷﻬﯘﺭ ﺑﯘﺩﺩﺍ ﺋﯩﺒﺎﺩﻩﺗﺨﺎﻧﺎ ﺋﺎﺭﺧﯧﺘﯩﻜﺘﻮﺭﻯ، ﻛﯜﺳﻪﻧﻠﯩﻚ ﻣﯘﻫﻪﻧﺪﯨﺲ ﺑﯘﺩﺩﺍ ﭼﯩﯖﺎ ﻣﯩﻼﺩﻯ 319- ﻳﯩﻠﻰ ﻟﻮﻳﺎﯕﻐﺎ ﻛﯧﻠﯩﭗ ﺩﯙﻟﻪﺕ ﺋﯩﺸﻠﯩﺮﯨﻐﺎ ﻗﺎﺗﻨﯩﺸﯩﭗ ﭘﯜﺗﯜﻥ ﻣﻪﻣﯩﻠﻜﻪﺕ ﻣﯩﻘﻴﺎﺳﯩﺪﺍ 893 ﺋﯩﺒﺎﺩﻩﺗﺨﺎﻧﻨﻰ ﻻﻫﯩﻴﻠﯩﮕﻪﻥ؛ ﻛﯜﺳﻪﻧﻠﯩﻚ ﺋﺎﺗﺎﻗﻠﯩﻖ ﺗﻪﺭﺟﯩﻤﺎﻥ ﺳﯩﺮﯨﻤﯩﺘﺮﺍﻻ ﻏﻪﺭﺑﻲ ﺟﯩﻦ ﺳﯘﻻﺳﻰ ﻳﻮﯕﺠﻴﺎﻧﯩﯔ ﺋﻮﺗﺘﻮﺭﻟﯩﺮﻯ (312- 307) ﺩﺍ ﺋﻮﺗﺘﻮﺭﺍ ﺋﯩﻘﻠﯩﻤﻐﺎ ﺑﯧﺮﯨﭗ « ﺑﯜﻳﯜﻙ ﺳﯘﻣﺮﯗﻍ ﭘﺎﺩﺷﺎﻫﻰ ﻗﻪﺳﯩﺪﯨﺴﻰ» ﻗﺎﺗﺎﺭﻟﯩﻖ ﺗﻪﺭﺟﯩﻤﯩﺴﯩﻨﻰ ﺋﯩﺸﻠﻪﺵ ﺋﻪﯓ ﺗﻪﺱ ﺑﻮﻟﻐﺎﻥ ﻛﯩﻼﺳﺴﯩﻚ ﻣﻪﺧﭙﯩﻲ ﻧﻮﻣﻼﺭﻧﻰ ﺗﻪﺭﺟﯩﻤﻪ ﻗﯩﻠﯩﭗ، ﺋﻮﺗﺘﻮﺭﺍ ﺋﯩﻘﻠﯩﻤﻐﺎ ﺗﯘﻧﺠﻰ ﺑﻮﻟﯘﭖ ﭘﯩﺮﯨﺨﻮﻧﻠﯘﻗﻘﺎ ﺩﺍﺋﯩﺮ ﺑﯘﺩﺩﺍ ﺋﻪﭘﺴﯘﻧﻠﯩﺮﻧﻰ ﺗﯘﻧﯘﺷﺘﯘﺭﻏﺎﻥ‹4›.
ﺋﻪﺷﯘﻧﺪﺍﻕ ﺋﺎﻟﻪﻡ ﺷﯘﻣﯘﻝ ﻣﻪﺩﻩﻧﻴﻪﺕ ﻣﻪﺷﺌﯩﻠﯩﻨﯩﯔ ﻛﯚﺯﻧﻰ ﻗﺎﻣﺎﺷﺘﯘﺭﯨﺪﯨﻐﺎﻥ ﺩﯗﺭﺩﺍﻧﯩﻠﯩﺮﻧﻰ ﻗﺎﻧﺪﺍﻗﻤﯘ ﺗﻪﺭﯨﻚ ﺋﯧﺘﯩﺶ ﻣﯘﻣﻜﯩﻦ؟ ﺩﯨﻤﻪﻙ، ﺋﯘﻳﻐﯘﺭ ﺑﯘﺩﺩﺍ ﻣﻪﺩﻩﻧﻴﯩﺘﻰ ﺋﻪﻳﻨﻰ ﺩﻩﯞﺭﺩﻩ ﻛﯚﭖ ﻗﺎﺗﻼﻣﻠﯩﻖ ﺗﯩﻨﺪﯗﺭﻣﺎ ﻫﺎﺳﯩﻞ ﻗﯩﻠﯩﭗ ﻳﺎﻟﻐﯘﺯ ﻏﻪﺭﺑﻲ ﻳﯘﺭﺗﺘﯩﻼ ﺋﻪﻣﻪﺱ ﺑﻪﻟﻜﻰ ﻛﻪﯓ ﺋﻮﺗﺘﻮﺭﺍ ﺋﯩﻘﻠﯩﻢ ﺭﺍﻳﯘﻧﻠﯩﺮﯨﻐﯩﻤﯘ ﻛﯜﭼﻠﯜﻙ ﺗﻪﺳﯩﺮ ﻛﯚﺭﺳﻪﺗﻜﻪﻥ.
ﺷﯘﭼﺎﻏﺪﯨﻜﻰ ﺋﯘﻳﻐﯘﺭﻻﺭ ﺭﺍﻳﻮﻧﻰ ﺑﯘﺩﺩﯨﺰﯨﻤﯩﻨﻰ ﺋﺎﯞﺍﻝ ﺑﻮﻟﯘﭖ ﻗﻮﺑﯘﻝ ﻗﯩﻠﯩﺶ ﯞﻩ ﺋﯘﻧﻰ ﺗﯧﺨﯩﻤﯘ ﻣﯘﻛﻪﻣﻤﻪﻟﻠﻪﺷﺘﯜﺭﯛﺷﺘﻪﻙ ﺋﻪﯞﺯﻩﻟﻠﯩﻜﻰ ﺑﯧﻠﻪﻥ ﺑﯘﺩﺩﺍ ﻣﻪﺩﻩﻧﻴﻪﺕ ﺳﻪﻧﺌﯩﺘﻰ ﺟﻪﻫﻪﺗﺘﻪ ﻫﻪﺗﺘﺎ ﺷﻪﺭﻗﻰ ﯞﻩ ﺟﻪﻧﯘﺑﻰ ﺋﺎﺳﯩﻴﺎ ﺋﻪﻟﻠﯩﺮﯨﮕﯩﻤﯘ ﺭﯦﺪﺍﻛﺴﯩﻴﻪ ﺑﯧﺮﯨﭗ ﻛﯘﻣﺎﺭﺍﺟﯩﯟﺍ ﯞﻩﻛﯩﻠﻠﯩﮕﯩﺪﯨﻜﻰ ﺩﯗﻧﻴﺎﯞﯨﻲ ﺗﻪﺳﺮﮔﻪﺋﯩﮕﻪ ﺋﺎﻟﯩﻤﻼﺭﻧﻰ ﻳﯩﺘﺸﺘﯜﺭﯛﭖ ﭼﯩﻘﻘﺎﻥ. ﺷﯘﯕﺎ ﺑﯩﺰ ﺑﯘ ﺯﯨﻤﯩﻨﺪﺍ ﺋﻪﺟﺪﺍﺗﻠﯩﺮﯨﻤﯩﺰ ﻗﺎﻟﺪﯗﺭﯗﭖ ﻛﻪﺗﻜﻪﻥ ﺑﯩﺒﺎﻫﺎ ﺑﯘﺩﺩﺍ ﻣﻪﺩﻩﻧﻴﻪﺕ ﺟﺎﯞﺍﻫﯩﺮﺍﺗﻠﯩﺮﻧﻰ ﯞﻩ ﺑﯘﺩﺩﺍ ﺋﺎﻟﯩﻤﻠﯩﺮﻧﻰ ﺳﯚﻳﯜﺷﯩﻤﯩﺰ – ﺋﺎﺳﯩﺮﺷﯩﻤﯩﺰ، ﺋﯘﻻﺭﺩﯨﻦ ﺋﺎﻟﻪﻣﭽﻪ ﭘﻪﺧﯩﺮﻟﯩﻨﯩﺸﯩﻤﯩﺰ ﻻﺯﯨﻢ ﺋﯩﺪﻯ. ﻣﯩﯖﺌﯚﻳﻠﯩﺮﯨﻤﯩﺰ، ﻛﯘﻣﺎﺭﺟﯩﯟﺍﺩﻩﻙ ﺋﺎﻟﯩﻤﻠﯩﺮﯨﻤﯩﺰ ﻫﻪﻗﻘﯩﺪﻩ ﻣﻪﺧﺴﯘﺱ ﻛﯩﺘﺎﭘﻼﺭﻧﯩﯔ ﻳﯧﺰﯨﻠﯩﭗ ﻧﻪﺷﺮﻗﯩﻠﯩﻨﻐﺎﻧﻠﯩﻖ، ﺩﻩﺭﯨﺴﻠﯩﻚ ﻛﯩﺘﺎﺑﻼﺭﺩﯨﻦ ﺋﯘﺭﯗﻥ ﺋﯧﻠﯩﭗ ﺋﻪﺟﺪﺍﺩﻻﺭﻏﺎ ﺋﯚﮔﯜﺗﯜﻟﮕﻪﻧﻠﯩﻚ ﻫﻪﻗﻘﯩﺪﯨﻜﻰ ﺧﻪﯞﻩﺭ – ﻣﺎﻗﺎﻟﯩﻼﺭﻧﯩﯔ ﮔﯧﺰﯨﺖ ﯞﻩ ﺗﻮﺭﺑﻪﺗﻠﯩﺮﯨﺪﯨﻦ ﺋﯘﺭﯗﻥ ﺋﯧﻠﯩﺸﯩﻐﺎ ﺗﻪﻥ- ﺗﻪﻧﻪ ﻗﯩﻠﻤﺎﻗﺘﺎ ﻳﻮﻕ ﺋﻪﻛﯩﺴﭽﻪ ﺋﯘﻧﻰ ﺋﯩﻨﻜﺎﺭ ﻗﯩﻠﯩﭗ، ﻣﻪﺳﺨﯩﺮﻩ ﻛﯜﻟﻜﯩﻤﯩﺰﻧﻰ ﻳﺎﻏﺪﯗﺭﯗﭖ ﺋﯘﻳﻐﯘﺭ ﺑﯘﺩﺩﺍ ﻣﻪﺩﻩﻧﻴﯩﺘﻰ ﯞﻩ ﺋﯘﻳﻐﯘﺭ ﺑﯘﺩﺩﺍ ﺋﺎﻟﯩﻤﻠﯩﺮﻧﻰ ﺑﯩﺮ ﭘﯜﺗﯜﻥ ﺋﯘﻳﻐﯘﺭ ﻣﻪﺩﻩﻧﻴﻪﺕ ﺗﺎﺭﯨﺨﯩﺪﯨﻦ ﺳﯩﻘﯩﭗ ﭼﯩﻘﯩﺮﯞﻩﺗﺴﻪﻙ ﺑﯩﺮﻧﯩﯔ ﭘﯜﺗﻜﯜﻝ ﻣﻪﺩﻩﻧﻴﻪﺕ ﺗﺎﺭﯨﺨﯩﻤﯩﺰ ﻳﯩﻠﯩﺘﯩﺰﻯ ﻳﻮﻕ ﺩﻩﺭﻩﺧﻜﻪ ﺋﻮﺧﺸﺎﭖ ﻗﺎﻟﻤﺎﻣﺪﯗ؟ ﻳﯩﻠﺘﯩﺰﻯ ﻳﻮﻕ ﺩﻩﺭﻩﺧﻨﯩﯔ ﺋﯚﻣﯩﺮﻯ، ﺳﯩﺎﻳﺴﻰ، ﻛﯜﭼﻰ ﻗﺎﻧﭽﯩﻠﯩﻚ ﺑﻮﻟﻤﺎﻗﭽﻰ؟ ﺗﺎﺭﯨﺨﺘﯩﻦ ﺑﯘﻳﺎﻥ ﺑﯩﺰﻟﻪﺭ ﻫﯧﻠﯩﻤﯘ ﺋﺎﺯ ﻳﻮﻗﺘﯩﺸﻼﺭﻧﻰ ﺑﺎﺷﺘﯩﻦ ﻛﻪﭼﯜﺭﺩﯗﻗﻤﯘ؟ ﺋﻪﺟﺒﺎ ﺑﯩﺰ ﺋﯩﺴﻼﻡ ﺩﯨﻨﯩﻐﺎ ﺋﯧﺘﻘﺎﺩ ﻗﯩﻠﯩﺪﯨﻐﺎﻥ ﻣﯘﺳﯘﻟﻤﺎﻥ ﺑﻮﻟﻐﺎﻧﻠﯩﻘﯩﻤﯩﺰ ﺋﯜﭼﯜﻧﻼ ﺋﻪﺟﺪﺍﺗﻠﯩﺮﯨﻤﯩﺰﻧﯩﯔ ﺋﯩﺴﻼﻣﯩﻴﻪﺗﺘﯩﻦ ﺑﯘﺭﯗﻧﻘﻰ ﺗﺎﺭﯨﺨﻰ، ﻣﻪﺩﻩﻧﻴﯩﺘﯩﻨﻰ ﺑﯩﺮﺍﻗﻼ ﻳﻮﻗﻘﺎ ﭼﯩﻘﯩﺮﯞﻩﺗﺴﻪﻙ ﺋﯚﺯﯨﻤﯩﺰﻧﯩﯔ ﺗﺎﺭﯨﺨﯩﻨﻰ ﻗﺎﻧﺪﺍﻕ ﻗﯩﻠﯩﭗ ﺳﯧﺴﺘﯩﻤﻼﺷﻘﺎﻥ ﺑﯩﺮ ﭘﯜﺗﯜﻥ ﻫﺎﻟﻪﺗﻜﻪ ﺋﻪﻛﯩﻠﻪﻟﻪﻳﻤﯩﺰ؟ ﺑﯘﺩﺩﺍ ﺩﯨﻨﻰ ﻣﯘﻫﯩﺘﯩﺪﺍ ﺗﯘﺭﯗﭖ ﺷﺎﻣﺎﻥ ﺩﯨﻨﻰ ﻣﻪﺩﻩﻧﻴﯩﺘﯩﻨﻰ ﺋﯩﻨﻜﺎﺭ ﻗﯩﻠﺴﺎﻕ، ﺋﯩﺴﻼﻣﻐﺎ ﺋﯚﺗﯩﯟﯦﻠﯩﭙﻼ ﺑﯘﺩﺩﺍ ﺩﯨﻨﻰ ﻣﻪﺩﻩﻧﻴﯩﺘﯩﻨﻰ ﭼﻪﺗﻜﻪ ﻗﺎﻗﺴﺎﻕ ﺋﺎﺧﯩﺮ ﺑﯧﺮﯨﭗ ﺑﯩﺰﮔﻪ ﻧﯩﻤﻪ ﻗﺎﻟﯩﺪﯗ؟ ﺷﯘﭼﺎﻏﺪﺍ ﺑﯩﺰ ﻣﻪﺭﻫﯘﻡ ﺋﺎﻟﻨﻤﯩﻤﯩﺰﺋﺎﺑﺪﯗﺷﯜﻛﯜﺭﻣﯜﻫﻪﻣﻤﻪﺗﺌﯩﻤﯩﻨﻨﯩﯔ ﺳﯚﺯﻯ ﺑﯘﻳﭽﻪ”ﺑﯩﺮ ﻣﯚﺭﯨﺴﻰ ﻳﻮﻕ ﻛﺎﭘﺘﺎﻥ “ ﻏﺎ ﺋﻮﺧﺸﺎﭖ ﻗﺎﻟﻤﺎﻳﻤﯩﺰﻣﯘ؟ ﻫﯧﻠﯩﻤﯘ ﺋﯩﺴﻼﻣﻴﻪﺕ ﻛﯩﺮﮔﻪﻧﺪﯨﻦ ﻛﯧﻴﯩﻦ”ﻛﺎﭘﯩﺮﻧﯩﯔ ﻧﻪﺭﺳﯩﻠﯩﺮﻯ “ ﺩﻩﭖ ﻗﺎﺭﺍﭖ ﺑﯩﺮ ﺋﻮﺑﺪﺍﻥ ﺑﯘﺗﻼﺭﻧﻰ ﭼﯧﻘﯩﭗ، ﻣﯩﯖﺌﯚﻳﻠﻪﺭﮔﻪ ﺋﻮﺕ ﻗﻮﻳﯘﭖ ﻗﺎﭘﻘﺎﺭﺍ ﺋﯩﺴﻘﺎ ﺑﻮﻟﻐﺎﭖ، ﻣﯩﯖﺌﯚﻱ ﺗﺎﻣﺴﯚﺭﻩﺗﻠﯩﺮﯨﺪﯨﻜﻰ ﺋﺎﺩﻩﻡ ﯞﻩ ﻫﺎﻳﯟﺍﻧﺎﺗﻨﯩﯔ ﻛﯚﺯﻧﻰ ﺋﯘﻳﯘﭖ، ﺑﯩﺮ ﺋﯘﺑﺪﺍﻥ ﺳﺎﻗﻼﻧﻐﺎﻥ ﺑﯘﺩﺩﺍ، ﻣﺎﻧﻰ ﻗﻮﻝ ﻳﺎﺯﻣﯩﻠﯩﺮﻧﻰ، ﺋﻮﺕ ﻗﯘﻳﯘﭖ ﻛﯚﻳﺪﯛﺭﯛﭖ، ﺳﯘﻏﺎ ﺗﺎﺷﻼﭖ ﺋﯧﻘﯩﺘﯩﭗ، ﻫﻪﺗﺘﺎ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺳﺎﻧﺪﯗﻗﻠﯩﺮﯨﻐﺎ ﺋﯚﺯ ﻗﻮﻟﯩﻤﯩﺰ ﺑﯩﻠﻪﻥ ﻗﺎﭼﯩﻼﭖ ﺑﻪﺭﮔﻪﻧﻠﯩﺮﯨﻤﯩﺰ ﻳﯧﺘﯩﭗ ﺋﺎﺷﺎﺗﺘﯩﻐﯘ ﺑﯩﺰﮔﻪ؟