ئەتتىرگۈل تارخ بلوگى

ﺋﺎﺑﺪﯗﺭﯦﻬﯩﻢ ﺩﯙﻟﻪﺕ

ﻫﯧﭽﻜﯩﻢ ﺧﺎﺗﺎﻟﯩﺸﺸﯩﻨﻰ ﺧﺎﻟﯩﻤﯩﺴﯩﻤﯘ، ﺗﻮﻏﺮﯨﻠﯩﻘﯩﻨﻰ ﺋﯩﺰﺩﯨﺴﯩﻤﯘ، ﺧﺎﺗﺎﻟﯩﺸﯩﺶ ﺋﯩﻨﺴﺎﻧﻼﺭﻧﯩﯔ ﺩﺍﺋﯩﻤﻠﯩﻖﺗﻪﻗﺪﯨﺮﻯ ﺑﻮﻟﯘﭖ ﻛﻪﻟﺪﻯ. ﺋﺎﺩﻩﻣﻠﻪﺭ ﺋﻪﺯﻩﻟﺪﯨﻦ ﺑﻪﺧﺘﻜﻪﺋﯩﻨﺘﯩﻠﺪﻯ،ﺋﯘﻧﯩﯔ ﺋﯜﭼﯜﻥ ﺗﺎﻻﻱ ﺑﻪﺩﻩﻟﻠﻪﺭ ﺗﯚﻟﯩﺪﻯ.ﻟﯧﻜﯩﻦ ﺑﻪﺧﺘﻨﯩﯔ ﻗﻪﻳﻪﺭﺩﯨﻠﯩﻜﻰ، ﻫﻪﺗﺘﺎ ﺋﯘﻧﯩﯔ ﺯﺍﺩﻯ ﻧﯧﻤﯩﻠﯩﻜﻰ ﻫﺎﺯﯨﺮﻏﯩﭽﻪ ﺑﯩﺮ ﺳﯘﺋﺎﻝ ﭘﯧﺘﻰﺗﯘﺭﯗﭘﺘﯘ.{ﺑﻪﺧﺖ} ﺗﺎﺭﯨﺨﺘﯩﻜﻰ ﺑﺎﺭﻟﯩﻖ ﭘﻪﻳﻼﺳﯘﭖ ﻣﯘﺗﻪﭘﻪﻛﻜﯘﺭﻻﺭﻧﯩﯔﺑﻪﻫﯩﺲ ﺗﯧﻤﯩﺴﻰ، ﻟﯧﻜﯩﻦ ﻛﯩﺸﯩﻠﻪﺭ ﻫﺎﺯﯨﺮﻏﯩﭽﻪ ﺭﯦﺌﺎﻟﻠﯩﻘﺘﯩﻜﻰ {ﺑﻪﺧﺖ} ﻳﻮﻟﯩﻨﻰﻛﯚﺭﻩﻟﻤﯩﺪﻯ.ﻳﻪﺭ ﺷﺎﺭﯨﺪﯨﻜﻰ ﺩﯙﻟﻪﺗﻠﻪﺭ ﺋﺎﺩﺍﻟﻪﺗﺴﯩﺰﻟﯩﻜﻨﻰ ﻳﻮﻗﯩﺘﯩﺶ ﺋﯜﭼﯜﻥﺋﺎﺩﺍﻟﻪﺕ ﺩﺍﯞﺍﺳﻰ ﺑﯩﻠﻪﻥ ﻗﯘﺭﯗﻟﻐﺎﻥ . ﺑﯩﺮﺍﻕ ﺑﯩﺰ ﺑﯜﮔﯜﻧﻜﻰ ﻛﯜﻧﺪﯨﻤﯘ ﺋﺎﺩﺍﻟﻪﺕ ﺋﯜﭼﯜﻥ ﺗﯩﻨﯩﻤﯩﺴﯩﺰ ﻳﺎﯕﺮﺍﯞﺍﺗﻘﺎﻥ ﺳﺎﺩﺍﻻﺭﻧﻰ ﺋﺎﯕﻼﭖ ﺗﯘﺭﯗﭘﺘﯩﻤﯩﺰ.
ﺗﺎﺭﯨﺦ ﺧﻪﺯﯨﻨﯩﺴﯩﺪﯨﻜﻰ ﭘﯜﺗﻤﻪﺱ - ﺗﯜﮔﻤﻪﺱ ﺗﻪﺟﺮﯨﺒﻪ - ﺋﯩﺒﺮﻩﺗﻠﻪﺭﻧﻰ ﺳﯚﺯﻟﻪﭖ ﺗﯜﮔﻪﺗﻜﯩﻠﻰﺑﻮﻟﻤﺎﻳﺪﯗ،ﺷﯘﻧﺪﺍﻗﻼ ﺋﯩﺒﯩﺮﻩﺕ ﺋﺎﻟﻤﺎﻳﺪﯨﻐﺎﻥ ﺋﯩﻨﺴﺎﻧﻼﺭﻧﯩﻤﯘ ﺳﺎﻧﺎﭖﺗﯚﮔﻪﺗﻜﯩﻠﻰ ﺑﻮﻟﻤﺎﻳﺪﯗ.ﺧﯘﺩﺩﻯ ﺗﯚﻣﯜﺭ ﺧﻪﻟﯩﭙﻪ ﭘﺎﺟﯩﺌﻪﺳﻰ ﺋﺎﺯ ﻛﻪﭘﻘﯧﻠﯩﭗ، ﺧﯘﺟﯩﻨﯩﻴﺎﺯﻫﺎﺟﻰ ﺑﯘﻧﯩﯖﺪﯨﻦ ﺑﯩﺰﮔﻪ ﻗﺎﻳﺘﺎ ﺋﯚﻟﮕﻪ ﺗﯩﻜﻠﻪﭖ ﺑﻪﺭﮔﻪﻧﺪﻩﻙ. ﻫﻪﻗﯩﻘﻪﺗﻪﻧﻤﯘﺋﯚﺗﻜﻪﻧﻠﻪﺭ ﺋﯚﺯ ﺧﺎﺗﺎﻟﯩﻘﻠﯩﺮﯨﺪﯨﻦ ﭘﺎﺗﻤﺎﻥ - ﭘﺎﺗﻤﺎﻥ ﭘﯘﺷﺎﻳﻤﺎﻥ- ﺗﯚﯞﯨﻠﯩﺮﯨﻨﻰ ﻗﯩﻠﯩﭗ، ﺋﻪﯞﻻﺩﻻﺭﻧﻰ ﺋﺎﮔﺎﻫﻼﻧﺪﯗﺭﯨﺪﯗﻳﯘ، ﺋﻪﯞﻻﺩﻻﺭ ﺑﻮﻟﺴﺎﺋﯩﺒﯩﺮﻩﺕ ﺋﯧﻠﯩﺸﻨﯩﯔ ﺋﻮﺭﻧﯩﻐﺎ {ﺋﯚﮔﻪﻧﮕﻪﻥ ﺧﯘﻱ ﺋﯜﺟﻤﻪ ﭘﯩﺸﻘﯩﭽﻪ} ﺩﯦﮕﻪﻧﺪﻩﻙﺋﯚﺯﯨﻨﯩﯔ ﺑﯩﻠﮕﯩﻨﯩﻨﻰ ﻗﯩﻠﯩﭗ، ﻛﯧﻴﯩﻨﻜﻰ ﺋﻪﯞﻻﺩﻻﺭﻏﺎ ﻳﻪﻧﯩﻼ ﺗﺎﻻﻱ ﻗﺎﻥ - ﻳﺎﺷﻠﯩﻖ ﯞﻩﺳﯩﻴﻪﺕ، ﻧﺎﺩﺍﻣﻪﺗﻠﻪﺭﻧﻰ ﻗﺎﻟﺪﯗﺭﯗﭖ ﻛﯧﺘﯩﺪﯗ. ﺑﯘ ﺑﯩﺮ ﺷﯘﻧﺪﺍﻕ ﺋﺎﻳﻠﯩﻨﯩﺪﯨﻐﺎﻥ، ﻫﻪﻣﻤﻪ ﺋﺎﺩﻩﻡ ﺷﯘﻧﺪﺍﻕ ﺑﻮﻟﻤﺎﺳﻠﯩﻘﯩﻨﻰ ﺋﯜﻣﯩﺪﻗﯩﻠﺴﯩﻤﯘ، ﻳﻪﻧﯩﻼ ﻫﯧﭻ ﺋﺎﻣﺎﻝ ﻗﯩﻼﻟﻤﺎﻳﺪﯨﻐﺎﻥ ﺟﻪﺭﻳﺎﻥ.
ﺑﯜﮔﯜﻧﻨﯩﯔ ﻣﻪﺳﯩﻠﯩﻠﯩﺮﯨﻨﻰ ﻫﻪﻝﻗﯩﻠﯩﺶ ﺋﯜﭼﯜﻥ ﻧﻮﻗﯘﻝ ﺗﺎﺭﯨﺨﯩﻲ ﺗﻪﺟﺮﯨﺒﯩﻠﻪﺭﻻ ﺋﻪﻣﻪﺱ، ﺗﺎﺭﯨﺨﯩﻲﺗﻪﺟﺮﯨﺒﯩﻠﻪﺭﻧﻰ ﺩﻩﯞﺭﻟﻪﺷﺘﯘﺭﯨﺪﯨﻐﺎﻥ ﭘﺎﺭﺍﺳﻪﺕ، ﺑﯜﮔﯜﻧﻨﯩﯔ ﺋﯧﻬﺘﯩﻴﺎﺟﯩﻨﻰﻛﯚﺭﻩﻟﻪﻳﺪﯨﻐﺎﻥ ﻛﯚﺯ، ﻳﯜﺯﻟﯩﻨﯩﺸﻨﻰ ﭘﻪﺭﻩﺯ ﻗﯩﻼﻻﻳﺪﯨﻐﺎﻥ ﺋﯚﺗﻜﯜﺭﻟﯜﻙ،ﺷﯘﻧﺪﺍﻗﻼ ﻣﻪﯕﮕﯜﻟﯜﻙ ﻫﻪﻗﯩﻘﻪﺗﻠﻪﺭﮔﻪ ﺧﯩﻼﭘﻠﯩﻖ ﻗﯩﻠﻤﺎﻳﺪﯨﻐﺎﻥﺳﺎﺩﺍﻗﻪﺗﻤﻪﻧﻠﯩﻚ ﺑﻮﻟﯘﺷﻰ ﻛﯧﺮﻩﻙ.
ﺋﯩﻨﺴﺎﻧﻼﺭ ﺋﯚﺯ ﻗﻮﻟﻠﯩﺮﯨﺪﯨﻜﻰﺋﯩﺸﻠﻪﭘﭽﯩﻘﯩﺮﯨﺶ ﯞﺍﺳﺘﻠﯩﺮﯨﻨﻰ ﺗﯧﺨﯩﻤﯘ ﺋﯩﻠﻐﺎﺭﻻﺷﺘﯘﺭﯗﭖ، ﺋﯘﻧﯩﯔ ﺋﯜﻧﯜﻣﯩﻨﻰﺗﯧﺨﯩﻤﯘ ﻳﯘﻗﯩﺮﻯ ﻛﯚﺭﯛﺵ ﺋﺎﺭﻗﯩﻠﯩﻖ،ﺋﯩﻘﺘﯩﺴﺎﺩﻯ ﺋﺎﻣﯩﻠﻼﺭﻧﻰ ﺑﻪﻟﮕﻪ ﻗﯩﻠﻐﺎﻥﻳﯧﯖﻰ - ﻳﯧﯖﻰ ﺩﻩﯞﺭﻟﻪﺭﻧﻰ ﻳﺎﺭﺍﺗﺘﻰ. ﻫﻪﺭ ﺑﯩﺮ ﺩﻩﯞﺭﻧﯩﯔ ﺋﯚﺯﯨﮕﻪ ﺧﺎﺱ ﻣﻪﺳﯩﻠﯩﻠﯩﺮﻯﭘﻪﻳﺪﺍ ﺑﻮﻟﺪﻯ.ﺑﯘﻻﺭ ﻳﯧﯖﯩﭽﻪ ﺗﻪﺩﺑﯩﺮﻟﻪﺭﻧﻰ ﺗﻪﻗﻪﺯﺯﺍ ﻗﯩﻠﺪﻯ.ﻳﯧﯖﻰ ﺗﻪﺩﺑﯩﺮﻟﻪﺭ ﺋﯚﺯ ﻧﯚﯞﯨﺘﯩﺪﻩ ﻳﻪﻧﻪ ﻳﯧﯖﻰ ﻣﻪﺳﯩﻠﯩﻠﻪﺭﮔﻪ ﻫﺎﻣﯩﻠﺪﺍﺭ ﺋﯩﺪﻯ.
ﺋﯩﻨﺴﺎﻧﻼﺭﻧﯩﯔ ﺗﻮﺧﺘﯩﻤﺎﻱ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﺸﻰ ﺋﺎﺭﻗﯩﺴﯩﺪﺍ، ﺋﯩﺸﻠﻪﭘﭽﯩﻘﯩﺮﯨﺶﯞﺍﺳﯩﺘﯩﻠﯩﺮﻯ ﺗﻪﺭﻩﻗﻘﯩﻲ ﻗﯩﻠﺪﻯ. ﻳﯧﻘﯩﻨﻘﻰ ﺩﻩﯞﺭﻟﻪﺭﮔﻪ ﻛﻪﻟﮕﻪﻧﺪﻩ، ﺑﻮﻟﯘﭘﻤﯘﺳﺎﻧﺎﺋﻪﺕ ﺋﯩﻨﻘﯩﻼﺑﯩﺪﯨﻦ ﻛﯧﻴﯩﻦ ﺋﯩﻨﺴﺎﻧﻼﺭﻧﯩﯔ ﺗﻪﺑﯩﺌﻪﺗﻨﻰ ﭼﯜﺷﻨﯩﺸﻰ، ﺋﯩﻠﮕﯩﺮﻯﺳﯩﺮﻟﯩﻖ ﺑﯩﻠﯩﻨﮕﻪﻥ ﺋﯩﺸﻼﺭﻧﯩﯔ ﺟﺎﯞﺍﺑﯩﻨﻰ ﺑﯩﺮ - ﺑﯩﺮﻟﻪﭖ ﺗﯧﭙﯩﺸﻘﺎﻥﺋﻪﮔﯩﺸﯩﭗ، ﺋﯚﺯﯨﮕﻪ ﺗﻪﺑﯩﺌﻪﺗﻜﻪ ﺩﯗﻧﻴﺎﻏﺎ ﺑﻮﻟﻐﺎﻥ ﭼﯜﺷﻪﻧﭽﯩﺴﯩﺪﻩ ﺋﯩﻨﻘﯩﻼﺏ ﺧﺎﺭﺍﻛﺘﯧﺮﻟﯩﻚ ﺋﯚﺯﮔﯩﺮﯨﺸﻠﻪﺭ ﺭﻭﻱ ﺑﯧﺮﯨﺸﻜﻪ ﺑﺎﺷﻠﯩﺪﻯ.ﺋﯩﻨﺴﺎﻧﻼﺭﺋﯚﺯﯨﻨﻰ ﺋﯩﻠﮕﯩﺮﯨﻜﯩﺪﻩﻙ ﺋﺎﺟﯩﺰ ﻫﯩﺲ ﻗﯩﻠﻤﺎﻳﺪﯨﻐﺎﻥ ﺑﻮﻟﺪﻯ.ﺗﯧﺨﻨﯩﻜﺎﺋﺎﺭﻗﯩﻠﯩﻖ ﻗﻮﻟﻐﺎ ﻛﻪﻟﮕﻪﻥ، ﻛﯩﺸﯩﻨﯩﯔ ﺋﻪﻗﻠﯩﻨﻰ ﻻﻝ ﻗﯩﻠﻐﯘﺩﻩﻙ ﻣﯘﯞﻩﭘﭙﯩﻴﻪﺗﻠﻪﺭﻛﯩﺸﯩﻠﻪﺭﻧﯩﯔ ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﻰ ﺯﻭﺭ ﺩﻩﺭﯨﺠﯩﺪﻩ ﺋﺎﺷﯘﺭﺩﻯ. ﺷﯘ ﺟﻪﺭﻳﺎﻧﺪﺍ ﺗﯧﺨﻨﯩﻜﺎ ﺗﯧﺨﻨﯩﻜﯩﻨﻰ، ﺑﺎﻳﻠﯩﻖ ﺑﺎﻳﻠﯩﻘﻨﻰ، ﺋﯧﻬﺘﯩﻴﺎﺝﺋﯧﻬﺘﯩﻴﺎﺟﻨﻰ ﺗﻮﻏﺪﻯ. ﺋﯩﻠﮕﯩﻠﯩﺮﻯ ﺋﯩﻨﺴﺎﻧﻼﺭ ﺋﯚﺯﯨﻨﻰﺗﻪﺑﯩﺌﻪﺗﻨﯩﯔ ﺑﯩﺮ ﻗﯩﺴﻤﻰ ﺩﻩﭖ ﻗﺎﺭﺍﻳﺘﺘﻰ، ﻫﺎﺯﯨﺮ ﺋﯚﺯﯨﻨﻰ ﺗﻪﺑﯩﺌﻪﺗﻨﯩﯔﺧﯘﺟﺎﻳﯩﻨﻰ ﺩﻩﭖ ﻗﺎﺭﺍﻳﺪﯨﻐﺎﻥ ﺑﻮﻟﺪﻯ. ﺑﯘ ﻗﯩﻘﺎﺱ - ﺳﯚﺭﻩﻧﮕﻪ ﺗﻮﻟﻐﺎﻥ ﺋﯩﻠﮕﯩﺮﻟﻪﺵ ﺋﯩﭽﯩﺪﻩ ﺋﯩﻨﺴﺎﻧﻼﺭ ﺋﺎﺳﺘﺎ - ﺋﺎﺳﺘﺎ ﺋﻪﻣﻪﻟﯩﻲ، ﻣﺎﺩﺩﯨﻲ ﺋﯜﻧﯜﻡﺋﻪﻛﯩﻠﻪﻟﻤﯩﮕﻪﻥ ﻫﻪﺭ ﻗﺎﻧﺪﺍﻕ ﺑﯩﺮ ﻧﻪﺭﺳﯩﮕﻪ ﺋﻮﻣﯘﻣﻴﯜﺯﻟﯜﻙ ﺳﻪﻝﻗﺎﺭﺍﺷﻘﺎ ﺑﺎﺷﻠﯩﺪﻯ.ﺧﯘﺩﺩﻯ {ﻗﯘﺭﺋﺎﻥ ﻛﻪﺭﯨﻢ} ﺩﻩ ﺋﯧﻴﺘﯩﻠﻐﺎﻧﺪﻩﻙ :{ﺋﯩﻨﺴﺎﻥ ﺋﯚﺯﯨﮕﻪ ﻳﺎﺧﺸﯩﻠﯩﻖ ﺗﯩﻠﻪﺷﺘﯩﻦ ﺯﯦﺮﯨﻜﻤﻪﻳﺪﯗ،ﺋﻪﮔﻪﺭﺋﯘﻧﯩﯖﻐﺎ ﻛﯜﻟﭙﻪﺕ ﻳﯧﺘﯩﭗ ﻗﺎﻟﺴﺎ (ﺋﺎﻟﻼﻧﯩﯔ ﺭﻩﻫﻤﯩﺘﯩﺪﯨﻦ)،ﺗﻮﻟﯩﻤﯘ ﺋﯜﻣﯩﺪﺳﯩﺰﻟﯩﻨﯩﭗﻛﯧﺘﯩﺪﯗ.ﺋﻪﮔﻪﺭ ﺋﯘﻧﯩﯖﻐﺎ ﻛﯜﻟﭙﻪﺗﺘﯩﻨﻰ ﻛﯧﻴﯩﻦ ﺭﻩﻫﻤﯩﺘﯩﻤﯩﺰﻧﻰ ﺗﯧﺘﯩﺘﺴﺎﻕ، ﺋﯘﭼﯘﻗﯘﻡ (ﺑﯘ ﺋﯚﺯﻩﻣﻨﯩﯔ ﺳﻪﺋﯩﻲ - ﺋﯩﺠﺘﯩﻬﺎﺗﯩﺪﯨﻦ ﻛﻪﻟﮕﻪﻥ ...) ﺩﻩﻳﺪﯗ.ﺋﯩﻨﺴﺎﻧﻐﺎﻧﯧﻤﻪﺕ ﺋﺎﺗﺎ ﻗﯩﻠﺴﺎﻕ، ﻳﯜﺯ ﺋﯚﺭﯛﻳﺪﯗ، ﻫﺎﻛﺎﯞﯗﺭﻟﯩﺸﯩﭗ ﻛﯧﺘﯩﺪﯗ، ﺋﻪﮔﻪﺭ ﺋﯘﻧﯩﯖﻐﺎﻳﺎﻣﺎﻧﻠﯩﻖ ﻳﻪﺗﺴﻪ ﺋﯚﺯﻟﯘﻛﯩﺴﯩﺰ ﺩﯗﺋﺎ ﻗﯩﻠﯩﺪﯗ} (ﺳﯜﺭﻩ ﻧﯜﺳﺴﯩﻠﻪﺕ 49-50-51- ﺋﺎﻳﻪﺗﻠﻪﺭ).
ﺑﯘﺭﯗﻥ ﻣﻪﺳﯩﻠﯩﻠﻪﺭ ﺋﺎﭼﻠﯩﻘﺘﯩﻦﻛﯧﻠﯩﭗ ﭼﯩﻘﻘﺎﻥ ﺑﻮﻟﺴﺎ ﻫﺎﺯﯨﺮ ﺗﻮﻗﻠﯘﻗﺘﯩﻦ ﭼﯩﻘﯩﺸﻘﺎ ﺑﺎﺷﻠﯩﺪﻯ.ﺭﻭﻫﯩﻲ ﻗﯩﻤﻤﻪﺕ، ﺋﻪﺧﻼﻕﭘﻪﺯﯨﻠﻪﺕ - ﭘﻪﺯﯨﻠﻪﺗﻠﻪﺭ ﺋﯩﻘﺘﯩﺪﺍﺭ ،ﻗﺎﺑﯩﻠﯩﻴﻪﺕ ﺩﺍﺋﯩﺮﯨﺴﯩﺪﯨﻦﺳﺎﻧﺎﻟﻤﯩﻐﺎﭼﻘﺎ، ﺋﯘ ﺋﯩﻨﺴﺎﻧﻼﺭﻏﺎ ﺑﯩﯟﺍﺳﺘﻪ ﻧﻪﭖ ﺋﻪﻛﯧﻠﻪﻟﻤﻪﻳﺘﺘﻰ. ﺷﯘﻧﯩﯔ ﺑﯩﻠﻪﻥ ﺋﯩﻨﺴﺎﻧﻼﺭ ﺑﯜﮔﯜﻧﻜﯩﺪﻩﻙ ﺑﺎﺯﺍﺭﻻﺷﻘﺎﻥ ﺩﯗﻧﻴﺎﺩﺍ ﺋﯘﻻﺭﻧﻰ ﺋﯚﺯﯨﮕﻪﺋﺎﺭﺗﯘﻗﭽﻪ ﺳﺎﻧﺎﭖ، ﺗﻪﺭﻙ ﺋﯧﺘﯩﺸﻜﻪ ﺑﺎﺷﻠﯩﺪﻯ. ﺋﻪﮔﻪﺭﺋﯩﻨﺴﺎﻧﻼﺭ ﺋﺎﺩﻩﻡ ﺋﻪﺧﻼﻗﻘﺎ ﻣﯘﻫﺘﺎﺝ ﺋﻪﻣﻪﺱ ﺩﯦﮕﻪﻧﮕﻪ ﺋﺎﺳﺎﺱ ﺗﺎﭘﻤﺎﻗﭽﻰ ﺑﻮﻟﺴﺎ، ﺋﺎﯞﯞﺍﻝ ﺋﯚﺯﯨﻨﯩﯔ ﺋﺎﺩﻩﻣﻠﯩﻜﯩﻨﻰ ﺋﯩﻨﻜﺎﺭ ﻗﯩﻠﯩﺸﻰ ﻛﯧﺮﻩﻙ.ﺋﺎﺩﻩﻡ ﺋﺎﺩﻩﻣﻠﯩﻚ ﺳﺎﻻﻫﯩﻴﯩﺘﯩﻨﻰ، ﻣﻪﻧﯩﺴﯩﻨﻰ ﻳﻮﻗﺎﺗﻤﺎﻳﺪﯨﻜﻪﻥ، ﺋﻪﺧﻼﻗﻤﯘ ﺋﯚﺯﯨﻨﯩﯔﻗﯩﻤﻤﯩﺘﯩﻨﻰ ﻣﻪﯕﮕﯜ ﻳﻮﻗﺎﺗﻤﺎﻳﺪﯗ. ﺋﻪﺧﻼﻗﻨﯩﯔ ﻣﻪﯕﮕﯜ ﯞﺍﻗﺘﻰ ﺋﯚﺗﻤﻪﻳﺪﯗ. ﻫﺎﺯﯨﺮﻗﻰ ﺋﻪﺧﻼﻗﻠﯩﻖ ﺩﻩﭖ ﻗﺎﺭﺍﻟﻐﺎﻥ ﻛﯩﺸﯩﻠﻪﺭﻧﯩﯔ ﺋﻪﺧﻼﻗﯩﻤﯘ ﻫﻪﻗﯩﻘﯩﻲﺋﯩﻨﺴﺎﻧﯩﻴﻠﯩﻘﺘﯩﻦ ﻛﻪﻟﮕﻪﻥ ﺗﻪﺑﯩﺌﯩﻲ ﺋﻪﺧﻼﻕ ﺑﻮﻟﻤﺎﺳﺘﯩﻦ, ﺑﻪﻟﻜﻰ ﺋﻪﺧﻼﻗﻠﯩﻖ ﺑﻮﻟﯘﺵ ﺯﯙﺭﯛﺭ ﺑﻮﭘﻘﺎﻟﻐﺎﭼﻘﺎ، ﺷﻪﻛﯩﻠﻠﻪﻧﺪﯛﺭﯛﯞﺍﻟﻐﺎﻥ ﺳﯜﻧﺌﯩﻲ ﺋﻪﺧﻼﻕﺋﯩﺪﻯ.
ﻛﯩﺸﯩﻠﯩﻚ ﻫﻮﻗﯘﻕ، ﺋﻪﺭﻛﯩﻨﻠﯩﻚ، ﺩﯦﻤﯘﻛﺮﺍﺗﯩﻴﯩﻨﯩﯔ ﻳﯜﻛﺴﻪﻙ ﺩﻩﺭﯨﺠﯩﺪﻩ ﺗﻪﺭﻏﯩﭗﻗﯩﻠﯩﻨﯩﺸﻰ، ﺑﺎﺷﻘﯩﻼﺭﻏﺎ ﺋﯧﻨﯩﻖ ﺑﻮﻟﻤﯩﻐﺎﻥ ﺑﺎﺭﻟﯩﻖ ﺋﯩﺸﻼﺭﻧﻰﺋﻪﻗﯩﻠﻐﻪ ﻣﯘﯞﺍﭘﯩﻖ ﺋﯩﺸﻼﺭﻏﺎ ﺋﺎﻳﻼﻧﺪﯗﺭﺩﻯ.ﺋﻪﺧﻼﻗﯩﻲ ﭘﯩﺮﯨﻨﺴﯩﭙﻼﺭ ﺋﻮﭼﯘﻕ- ﺋﺎﺷﻜﺎﺭﻩﺋﯩﻨﻜﺎﺭ ﻗﯩﻠﯩﻨﻤﯩﻐﺎﻥ ﺑﻮﻟﺴﯩﻤﯘ، ﺋﯘﻧﯩﯔ ﻧﻮﭘﯘﺯﻯ ﺋﯩﻠﮕﯩﺮﯨﻜﻰ ﺩﻩﯞﺭﻟﻪﺭﺩﯨﻜﯩﺪﯨﻦ ﻛﯚﭖ ﺗﯚﯞﻩﻧﻠﻪﭖ ﻛﻪﺗﺘﻰ.
ﺋﻪﻗﯩﻠﻐﻪ ﻣﯘﯞﺍﭘﯩﻖ ﺋﯩﺸﻼﺭﻧﯩﯔﻫﻪﻣﻤﯩﺴﯩﻼ ﺋﻪﺧﻼﻗﻘﺎ ﺋﯘﻳﻐﯘﻧﻤﯘ؟ ﻳﺎ ﺑﯘ ﺋﻪﻗﯩﻞ ﻗﺎﻳﺴﻰ ﺧﯩﻞ ﺋﻪﻗﯩﻞ؟
ﻣﺎﻫﯩﻴﻪﺗﺘﻪ ﺑﯘ ﻛﯩﺸﯩﻠﻪﺭﻧﯩﯔ ﻗﯩﻤﻤﻪﺕﻗﺎﺭﺍﺵ، ﮔﯜﺯﻩﻟﻠﯩﻚ ﻗﺎﺭﯨﺸﯩﻨﯩﯔ ﺋﯚﺯﮔﻪﺭﮔﻪﻧﻠﯩﻜﯩﺪﯨﻦﺩﯦﺮﻩﻙ ﺑﯧﺮﯨﺪﯗ.ﺷﻪﻳﺌﯩﻠﻪﺭﻧﯩﯔ ﻗﺎﻧﺪﺍﻕ ﻛﯚﺭﯛﻧﯜﺷﻰ ﺋﯘﻧﯩﯔ ﺷﻪﻛﯩﻠﯩﮕﯩﻼﺑﺎﻏﻠﯩﻖ ﺑﻮﻟﻤﺎﺳﺘﯩﻦ، ﺋﻪﯓ ﻣﯘﻫﯩﻤﻰ ﺋﯘﻧﻰ ﻛﯚﺯﯨﺘﯩﺸﺘﻪ ﻗﻮﻟﻼﻧﻐﺎﻥ ﺋﯘﺳﯘﻟﻐﺎ ﺑﺎﻏﻠﯩﻖ.ﺑﯩﺰ ﺋﻮﺧﺸﺎﺵ ﺷﻪﻳﯩﺌﯩﻴﻨﻰ ﺋﻮﺧﺸﯩﻤﯩﻐﺎﻥ ﺑﯩﺮ ﻗﺎﻧﭽﻪﻧﻮﻗﺘﯩﺪﯨﻦ ﻛﯚﺯﻩﺗﺴﻪﻙ،ﺋﯘﻣﯘ ﺑﯩﺮ ﻗﺎﻧﭽﻪ ﺧﯩﻞ ﺷﻪﻛﯩﻠﺪﻩ ﻛﯚﺭﯛﻧﯩﺪﯗ.ﻛﯩﺸﯩﻠﻪﺭﻧﯩﯔﮔﯜﺯﻩﻟﻠﯩﻚ،ﺭﻩﺯﯨﻠﻠﯩﻜﻜﻪ ﺗﯘﺗﻘﺎﻥ ﭘﻮﺯﯨﺘﯩﺴﻴﯩﺴﯩﻤﯘ ﺷﯘﻧﺪﺍﻕ ﺑﻮﻟﯩﺪﯗ. ﺋﺎﻣﯧﺮﯨﻜﯩﻠﯩﻘﻼﺭﻣﯘ ﭘﺮﯦﺰﯨﺪﯦﻨﺖ ﻛﻠﯩﻨﺘﻮﻧﻨﯩﯔ ﺟﯩﻨﺴﯩﻲ ﺳﻪﺗﭽﯩﻠﯩﻜﯩﻨﻰ ﺋﻪﭘﯘ ﻗﯩﻠﺪﻯ.ﺑﯘ، ﺋﺎﻣﯧﺮﯨﻜﺎ ﺧﻪﻟﻘﯩﻨﯩﯔ ﮔﯜﺯﻩﻟﻠﯩﻜﻨﻰ ﻣﻪﻧﭙﻪﺋﻪﺕ ﺋﯜﭼﯜﻥﻗﺎﻧﺪﺍﻕ ﻗﯘﺭﺑﺎﻥ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﻛﯚﺭﯨﺴﯩﺘﯩﭗ ﺑﻪﺭﺩﻯ. ﻳﯧﻘﯩﻨﺪﺍﭘﺎﺭﯨﮋ ﺧﻪﻟﻘﻰ ﺋﯚﺯﯨﮕﻪ ﺋﯚﺯﯨﻨﯩﯔ ﺑﻪﭼﭽﯩﯟﺍﺯ ﺋﯩﻜﻪﻧﻠﯩﻜﯩﻨﻰ ﺋﯧﻨﯩﻖ ﺟﺎﻛﺎﺭﻟﯩﻐﺎﻥﺑﯩﺮﯨﻨﻰ ﺷﻪﻫﻪﺭ ﺑﺎﺷﻠﯩﻘﻰ ﻗﯩﻠﯩﭗ ﺳﺎﻳﻠﯩﺪﻯ. ﺑﯘ ﺋﯘﻻﺭﻧﯩﯔ ﮔﯜﺯﻩﻟﻠﯩﻚ، ﺭﻩﺯﯨﻠﻠﯩﻜﻜﻪﻫﯚﻛﯜﻡ ﻗﯩﻠﯩﺸﺘﺎ، ﺋﯚﺯﻟﯩﺮﯨﻨﯩﯔ ﺋﯚﺯﻟﯩﺮﯨﮕﻪ ﺧﺎﺱ ﺋﺎﻣﯧﺮﯨﻜﯩﭽﻪ، ﻓﯩﺮﺍﻧﺴﯘﺯﭼﻪﻛﯚﺯﻯ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﯨﺪﯗ.
ﺧﻪﻟﻖ ﺗﺎﻟﻠﯩﻐﺎﻥ ﺋﯩﺸﻼﺭﻧﯩﯔ ﻫﻪﻣﻤﯩﺴﻰﺗﻮﻏﺮﺍ, ﺩﻩﭖ ﻗﺎﺭﺍﻟﺪﻯ.ﺑﯜﮔﯜﻧﻜﻰ ﻛﯩﺸﯩﻠﻪﺭ ﺩﻩﻝ ﺋﯚﺯﻟﯩﺮﯨﻨﯩﯔﻧﻪﭘﺴﯩﻨﻰ ﻗﺎﻧﺪﯗﺭﺍﻻﻳﺪﯨﻐﺎﻥ (<ﻧﻪﭘﺴﯩﻨﯩﯔ ﺑﯩﺨﯩﻠﻠﯩﻘﯩﺪﯨﻦ ﺳﺎﻗﻼﻧﻐﯘﭼﯩﻼﺭ ﻣﻪﻗﺴﻪﺗﻜﻪ ﺋﯧﺮﯨﺸﻜﯜﭼﯩﻠﻪﺭﺩﯗﺭ> {ﻗﯘﺭﺋﺎﻥ ﻛﻪﺭﯨﻢ } ﺩﯨﻦ ) ﺋﯚﺯﯨﮕﻪ ﺭﺍﻫﻪﺕ، ﻟﻪﺯﺯﻩﺕ ﺋﻪﻛﯧﻠﻪﻟﻪﻳﺪﯨﻐﺎﻥ ﺑﺎﺭﻟﯩﻖ ﺋﯩﺸﻼﺭﻧﻰ ﺋﯚﺯﯨﻨﯩﯔ ﺋﯩﺴﺘﯩﯧﻤﺎﻝ ﺑﯘﻳﯘﻣﻰ ﺳﯜﭘﺘﯩﺪﻩ ﺗﺎﻟﻠﯩﯟﺍﻟﺪﻯ.ﺟﯩﻨﺴﯩﻲ ﺭﺍﻫﻪﺕ ﺑﻮﻟﺴﺎ، ﺋﯩﻨﺴﺎﻧﻼﺭﺗﺎﻟﻠﯩﯟﺍﻟﻐﺎﻥ ﺋﻪﯓ ﺋﻪﺟﻪﻟﻠﯩﻚ ﺭﺍﻫﻪﺕ ﺑﻮﻟﺪﻯ.ﺑﯘﻧﻰ ﻗﺎﻧﺪﯗﺭﯗﺵ ﺑﯜﮔﯜﻧﻜﻰﺩﻩﯞﺭﺩﻩ ﺋﻮﻣﯘﻣﻴﯜﺯﻟﯜﻙ ﻫﺎﻟﺪﺍ ﺷﻪﺧﯩﺴﻨﯩﯔ ﺋﻪﺭﻛﯩﻨﻠﯩﻜﻰ ﺩﺍﺋﯩﺮﯨﺴﯩﺪﯨﻜﻰﺋﯩﺶ، ﺩﻩﭖ ﻗﺎﺭﺍﻟﺪﻯ.ﺋﻪﻧﺌﻪﻧﯩﯟﻯ ﻧﯩﻜﺎﻫ، ﺋﺎﺋﯩﻠﻪ ﺗﯜﺯﯛﻟﻤﯩﺴﻰ ﺋﺎﺟﯩﺰﻟﯩﺸﯩﺸﻘﺎ ﻳﯜﺯﻟﻪﻧﺪﻯ.ﻫﻪﺗﺘﺎ ﺑﻪﺯﻯ ﻳﻪﺭﻟﻪﺭﺩﻩ ﺋﺎﺋﯩﻠﻪ ﻫﯧﭽﻘﺎﻧﭽﻪ ﻣﯘﻫﯩﻢ ﺩﻩﭖﻗﺎﺭﺍﻟﻤﺎﻳﺪﯨﻐﺎﻥ، ﻛﯩﺸﯩﻠﻪﺭ ﺋﺎﺋﯩﻠﯩﻨﻰ ﺋﯚﺯﯨﮕﻪ ﺗﯜﺭﻣﻪ، ﺩﻩﭖﻗﺎﺭﺍﻳﺪﯨﻐﺎﻥ ﺑﻮﻟﺪﻯ.
ﻛﯩﺸﯩﻠﻪﺭﻧﻰ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﻰ ﺋﯩﻨﺴﺎﻧﻨﯩﯔ ﺗﯧﻨﯩﮕﻪ ﺯﯨﻴﺎﻧﻠﯩﻖ ﺑﻮﻟﻐﺎﭼﻘﺎ،ﻛﯩﺸﯩﻠﯩﻚ ﻫﺎﻳﺎﺗﻘﺎﺗﻪﻫﺪﯨﺖ ﺋﻪﻛﻪﻟﮕﻪﭼﻜﻪ ﭼﻪﻛﻠﯩﺪﻯ. ﻧﺎﯞﺍﺩﺍ ﺋﯩﻨﺴﺎﻧﻼﺭ ﺋﯚﺯ ﺭﻭﻫﯩﻨﯩﯔﺳﺎﻏﻼﻣﻠﯩﻘﯩﻨﻰ ﺗﯧﻨﯩﻨﯩﯔ ﺳﺎﻻﻣﻪﺗﻠﯩﻜﯩﻨﻰ ﻗﻮﻏﺪﯨﻐﺎﻧﺪﻩﻙ ﻗﻮﻏﺪﯨﻐﺎﻥ ﺑﻮﻟﺴﺎ، ﺋﯩﻨﺴﺎﻧﻼﺭ ﺑﯜﮔﯜﻧﻜﯩﺪﻩﻙ ﻣﯩﺴﯩﻠﺴﯩﺰ ﺭﻭﻫﯩﻲ ﻛﺮﯨﺰﯨﺴﻜﻪ ﺩﯗﭼﺎﺭ ﺑﻮﻟﻤﺎﺱ ﺋﯩﺪﻯ.ﻣﻪﻧﯩﯟﻯﺑﻮﺯﯗﻟﯘﺵ ﺋﺎﺩﻩﻣﻨﯩﯔ ﻫﺎﻳﺎﺗﯩﻐﺎ ﺑﯩﯟﺍﺳﯩﺘﻪ ﺗﻪﻫﺪﯨﺖ ﺋﻪﻛﻪﻟﻤﯩﮕﻪﭼﻜﻪ، ﻛﯩﺸﯩﻠﻪﺭ ﺋﯘﻧﯩﯖﻐﺎ ﺳﺎﻻﻣﻪﺗﻠﯩﻜﯩﮕﻪ ﺋﻪﻫﻤﯩﻴﻪﺕ ﺑﻪﺭﮔﻪﻧﺪﻩﻙ ﺋﻪﻫﻤﯩﻴﻪﺕﺑﻪﺭﻣﯩﺪﻯ.ﺋﺎﺩﻩﻣﻠﻪﺭ ﺯﻩﻫﻪﺭ ﺋﻪﺗﻜﻪﺳﭽﯩﻠﯩﺮﯨﻨﻰ ﻗﻮﻟﻐﺎ ﺋﺎﻟﺪﻯ،ﺟﺎﺯﺍﻟﯩﺪﻯ،ﻣﯧﻨﯩﯖﭽﻪﺭﻭﻫﯩﻨﻰ ﺑﯘﻟﻐﯩﻐﺎﻥ ﻣﻪﻧﯩﯟﻯ ﺯﻩﻫﻪﺭ ﺗﺎﺭﻗﺎﺗﻘﯘﭼﯩﻼﺭﻧﯩﻤﯘ ﺋﻮﺧﺸﺎﺷﻼﺟﺎﺯﺍﻻﺵ ﻛﯧﺮﻩﻙ.
ﺷﯘﻧﻰ ﻗﯩﺴﺘﯘﺭﯗﺷﻘﺎ ﺗﻮﻏﺮﺍ ﻛﯧﻠﯩﺪﯗﻛﻰ،ﺑﯩﺮ ﺟﻪﻣﯩﻴﻪﺗﺘﻪ ﺋﻮﻏﺮﯨﻠﯩﻖ، ﺑﯘﺯﯗﻗﭽﯩﻠﯩﻖ، ﻗﺎﺗﯩﻠﻠﯩﻖ ﺩﯦﮕﻪﻧﺪﻩﻙﺟﯩﻨﺎﻳﻪﺗﻠﻪﺭ ﮔﺎﻫﻰ - ﮔﺎﻫﯩﺪﺍ ﻳﯜﺯ ﺑﯧﺮﯨﭗ ﺗﯘﺭﺳﺎ،ﺑﯘ ﻧﯘﺭﻣﺎﻝ ﻫﺎﺩﯨﺴﻪﻫﯧﺴﺎﭘﻠﯩﻨﯩﺪﯗ،ﻟﯧﻜﯩﻦ ﻫﻪﻣﯩﺴﻪ ﻳﯜﺯ ﺑﻪﺭﺳﻪ ﺑﯘ ﻧﯘﺭﻣﺎﻟﻠﯩﻖ ﺑﻮﻟﻤﺎﻱ، ﺋﺎﻟﻠﯩﻘﺎﭼﺎﻥﺑﯩﺮ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﮕﻪ ﺋﺎﻳﻠﯩﻨﯩﭗ ﻗﺎﻟﻐﺎﻥ ﺑﻮﻟﯩﺪﯗ،ﺷﯘﻧﯩﯖﺪﻩﻙ ﺟﯩﻨﺴﯩﻲﺑﯘﺯﯗﻗﭽﯩﻠﯩﻖ ﺟﻪﻣﺌﯩﻴﻪﺗﻠﯩﺸﯩﭗ ﻛﻪﺗﻜﻪﻧﺪﻩ،ﺑﯘﻧﻰ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﻧﯘﺭﻣﺎﻝ ﻫﺎﺩﯨﺴﻪ، ﺩﻩﭖ ﻗﺎﺭﺍﺵ ﺋﻪﺧﻤﯩﻘﺎﻧﯩﻠﯩﻖ ﺑﻮﻟﯩﺪﯗ.ﻣﯧﻨﯩﯔ ﺋﻪﯓﺋﻪﻧﺴﯩﺮﻩﻳﺪﯨﻐﯩﻨﯩﻢ، ﺑﯘ ﺧﯩﻞ ﺋﻪﺧﻼﻗﺴﯩﺰﻟﯩﻘﻨﯩﯔ ﻳﯜﺯ ﺑﯧﺮﯨﭗﺗﯘﺭﯗﺷﻰ ﺋﻪﻣﻪﺱ، ﺑﻪﻟﻜﻰ ﺧﻪﻟﻘﻨﯩﯔ ﺑﯘ ﺋﯩﺸﻼﺭﻧﻰ ﻧﯘﺭﻣﺎﻝﻫﺎﺩﯨﺴﻪ ﺳﯜﭘﺘﯩﺪﻩ {ﺗﻮﻏﺮﺍ} ﭼﯜﺷﯩﻨﯩﭗ،ﺋﻪﭘﯘ ﻗﯩﻠﯩﺸﻰ،ﻧﺎﯞﺍﻛﯧﻴﯩﻦ ﻫﻪﻗﯩﻘﻪﺗﻪﻥ ﺷﯘﻧﺪﺍﻕ ﺑﻮﭘﻜﻪﺗﺴﻪ،ﺑﻪﻟﻜﯩﻢ ﺋﺎﯞﯞﺍﻝ ﻣﻪﻥﺋﯩﻨﺴﺎﻧﻼﺭ ﺟﻪﻣﺌﯩﻴﯩﺘﻨﻰ ﺗﻪﺭﻙ ﺋﯧﺘﻪﺭﻣﻪﻥ.
ﻣﻪﻥ ﻳﯘﻗﯩﺮﯨﻘﯩﺪﻩﻙ ﺋﻪﺧﻼﻗﯩﻲ ﭼﯜﺷﻜﯜﻧﻠﯜﻙ، ﺑﯘﺯﯗﻗﭽﯩﻠﯩﻘﻼﺭﻧﻰ ﻣﻪﺳﯩﻠﯩﻨﯩﯔ ﺋﯚﺯﻯ, ﺩﻩﭖﻗﺎﺭﯨﻤﺎﻳﻤﻪﻥ.ﺋﯘ ﺑﯜﮔﯜﻧﻜﻰ ﻛﯜﻧﺪﻩ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕﺋﺎﺭﻗﯩﺴﯩﺪﺍ ﺷﻪﻛﯩﻠﻠﻪﻧﮕﻪﻥ، ﺋﯩﻨﺴﺎﻧﻼﺭﻧﯩﯔ ﻣﯩﺴﻠﯩﺴﯩﺰ ﺩﻩﺭﯨﺠﯩﺪﻩ ﻗﻮﺭﻏﺎﻗﻠﯩﺸﯩﭗﻗﺎﻏﺠﯩﺮﺍﭖ ﻛﻪﺗﻜﻪﻥ ﺭﻭﻫﯩﻴﻪﺕ ﺋﯧﺘﯩﺰﻟﯩﻘﯩﺪﯨﻦ ﺋﯜﻧﯜﭖ ﭼﯩﻘﻘﺎﻥ ﺷﯘﻣﺒﯘﻳﯩﻼﺭﻧﯩﯔ ﺑﯩﺮ ﻧﻪﭼﭽﻪ ﺗﯜﭘﯩﺪﯗﺭ.
ﺑﯘ ﺋﻪﺳﯩﺮﺩﻩ ﺋﻪﯓ ﻛﯚﭖ ﻧﻪﺭﺳﯩﻤﯘﺋﺎﺩﻩﻡ،ﺋﻪﯓ ﺋﺎﺯ ﻧﻪﺭﺳﯩﻤﯘ ﺋﺎﺩﻩﻡ ﺑﻮﻟﺪﻯ. ﺑﯘ ﺋﻪﺳﯩﺮﺩﻩ ﺟﺎﻫﺎﻥ ﺋﯩﻤﭙﯧﺮﺍﺗﯘﺭﻯﺋﯩﺴﻜﻪﻧﺪﻩﺭ ﺯﯗﻟﻘﻪﺭﻧﻪﻳﯩﻨﮕﻪ ﻣﺎﯕﺎ ﭼﯜﺷﯩﯟﺍﺗﻘﺎﻥ ﻗﯘﻳﺎﺵ ﻧﯘﺭﯨﻨﻰﺗﯘﺳﯘﯞﺍﻟﺪﯨﯔ، ﺩﯦﻴﻪﻟﯩﮕﻪﻥ ﻫﯧﻠﯩﻘﻰ ﻛﯩﺸﯩﺪﻩﻙ ﺭﻭﻫﻰ ﺑﺎﺭ ﺋﺎﺩﻩﻣﻠﻪﺭﻧﻰ ﺗﺎﭘﻘﯩﻠﻰ ﺑﻮﻟﻤﺎﻳﺪﯗ. ﺑﯘﻧﺪﺍﻕ ﻛﯩﺸﯩﻠﻪﺭ ﻗﻪﯞﻩﺗﻠﯩﻚ ﺑﯩﻨﺎﻻﺭﻧﯩﯔ ﺭﻩﺗﻠﯩﻚﺋﯩﺸﺨﺎﻧﯩﻠﯩﺮﯨﺪﯨﻦ، ﺩﯙﯞﻩ- ﺩﯙﯞﻩ ﻛﯩﺘﺎﺏ - ﻣﺎﺗﯩﺮﯨﻴﺎﻟﻼﺭ ﺋﺎﺭﯨﺴﯩﺪﯨﻦ، ﻗﺎﺗﯘﺭﯗﭖ ﻛﯩﻴﯩﻨﯩﭗ، ﻗﯘﺭﺳﺎﻗﻠﯩﺮﯨﻨﻰ ﺳﺎﯕﮕﯩﻠﯩﺘﯩﯟﺍﻟﻐﺎﻥ ﺋﯧﺴﯩﻠﺰﺍﺩﯨﻠﻪﺭﺋﺎﺭﯨﺴﯩﺪﯨﻦ، ﻗﯩﻼﻟﻤﯩﻐﺎﻥ، ﻗﯩﻠﯩﺸﻘﺎ ﭘﯧﺘﯩﻨﺎﻟﻤﯩﻐﺎﻥ ﺋﯩﺸﻠﯩﺮﯨﻨﻰ ﭘﻪﻟﺴﻪﭘﯩﯟﻯ ﺗﯩﻠﻼﺭ ﺑﯩﻠﻪﻥ ﭼﯜﺷﻪﻧﺪﯛﺭﯛﺷﻜﻪ ﻣﺎﻫﯩﺮ ﻛﯩﺸﯩﻠﻪﺭ ﺋﺎﺭﯨﺴﯩﺪﯨﻦﺗﯧﭙﯩﻠﻤﺎﻳﺪﯗ.ﻫﺎﺯﯨﺮﻗﻰ ﺯﺍﻣﺎﻥ ﺋﯩﻨﺴﺎﻧﻠﯩﺮﻯ ﺷﯘﻧﭽﻪ ﻫﺎﻛﺎﯞﯗﺭﻟﯩﺸﯩﭗﻛﻪﺗﺘﯩﻜﻰ، ﺋﯘﻻﺭ ﺗﺎﺭﯨﺨﺘﺎ ﺋﯚﺗﻜﻪﻥ ﺋﺎﺩ،ﺳﻪﻣﯘﺩ ﻗﻪﯞﯨﻤﻠﯩﺮﯨﺪﯨﻦﺑﻪﺱ ﺗﺎﻟﯩﺸﺎﻻﻳﺪﯗ.ﺑﯜﮔﯜﻥ ﺋﯩﺨﻼﺱ، ﺳﺎﺩﺍﻗﻪﺗﻤﻪﻧﻠﯩﻚ ﻳﻮﻗﺎﻟﺪﻯ.ﺑﯘ ﺑﯩﺮ ﺧﯘﺩﺍﻧﻰ ﺋﯘﻧﺘﯘﻟﻐﺎﻥ, ﺋﯩﻨﺴﺎﻧﻼﺭ ﺋﯚﺯﯨﻨﻰ ﺧﯘﺩﺍ ﻗﯩﻠﯩﯟﺍﻟﻐﺎﻥ ﺑﯩﺮ ﺩﻩﯞﺭﺑﻮﻟﺪﻯ. ﻧﻪﭘﯩﺲ ﺋﯧﺘﯩﻘﺎﺩﺗﯩﻦ ﻏﺎﻟﯩﭗ ﻛﻪﻟﺪﻯ.
ﺋﯧﺮﯨﺦ ﻓﺮﯗﻡ ﻧﯧﺘﺰﯨﻴﯩﻨﯩﯔ 20- ﺋﻪﺳﯩﺮﺩﻩ :<ﺋﺎﺩﻩﻣﻠﻪﺭ ﺋﯚﻟﺪﻯ> ﺩﯦﺪﻯ.ﺋﯘ, ﺋﯩﻨﺴﺎﻧﻼﺭﺋﯚﺯﯨﻨﯩﯔ ﺑﯘ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺋﯩﺘﺎﻟﯩﻴﯩﺪﯨﻜﻰ ﺋﻪﺩﻩﺑﯩﻴﺎﺕ - ﺳﻪﻧﺌﻪﺗﻨﯩﯔ ﻗﺎﻳﺘﺎ ﮔﯜﻟﻠﯩﻨﯩﺸﯩﺪﻩﻙ ﺑﯩﺮ ﻣﯩﺴﻠﯩﺴﯩﺰ ﺋﺎﻗﺎﺭﺗﯩﺶﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﺶ ﻛﯧﺮﻩﻙ، ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ. ﮔﻪﺭﭼﻪﺑﯘ ﮔﻪﭖ 1979 - ﻳﯩﻠﻰ ﺩﯦﻴﯩﻠﮕﻪﻥ ﺑﻮﻟﻤﯩﺴﻤﯘ،ﻟﯧﻜﯩﻦ ﺑﯘﻧﯩﯔﺭﯨﺌﺎﻟﻠﯩﻘﺘﯩﻜﻰ ﺋﺎﻻﻣﻪﺗﻠﯩﺮﯨﻨﻰ ﻛﯚﺭﮔﯩﻨﯩﻤﯩﺰ ﻳﯘﻕ.
ﻳﻪﺭ ﺷﺎﺭﻯ ﺧﺎﺭﺍﺗﯧﺮﻟﯩﻚ ﺑﯘ ﺭﻭﻫﯩﻲ ﻗﻮﺭﻏﺎﻗﭽﯩﻠﯩﻖ، ﺋﯧﺘﯩﻘﺎﺩﻯ ﺋﻪﺯﻩﻟﺪﯨﻦ ﺳﯘﻳﯘﻕ ﺑﯘ ﻣﯩﻠﻠﻪﺗﻜﻪ ﺗﻪﺳﯩﺮﻛﯚﺭﺳﻪﺗﻤﻪﻱ ﻗﺎﻟﻤﯩﺪﻯ.ﺑﯜﮔﯜﻧﻜﻰ ﻛﯜﻧﺪﻩ ﻫﯧﭽﺒﯩﺮ ﺋﯘﻳﻐﯘﺭ ﺋﺎﺗﺎ - ﺋﺎﻧﺎﯞﻩ ﺋﯚﺯﯨﻨﯩﯔ ﻗﯩﺰ ﺋﻮﻏﯘﻟﻠﯩﺮﯨﺪﯨﻦ ﺧﺎﺗﯩﺮﺟﻪﻡ ﺋﻪﻣﻪﺱ. ﺋﯘﻳﻐﯘﺭﺟﻪﻣﯩﺌﯩﻴﯩﺘﯩﺪﻩ ﻣﯘﻫﻪﺑﺒﻪﺕ ﺑﯘﺯﯗﻗﭽﯩﻠﯩﻘﻨﯩﯔ ﺩﻩﺳﻤﺎﻳﯩﺴﯩﮕﻪ ﺋﺎﻳﻼﻧﺪﻯ. ﺋﯩﭙﭙﻪﺕ ﻗﯩﺰﻻﺭ ﮔﯚﻫﯩﺮﯨﻠﯩﻚ ﺳﺎﻻﻫﯩﻴﯩﺘﯩﻨﻰ ﺑﺎﺭﺍ - ﺑﺎﺭﺍ ﻳﻮﻗﺘﯘﺷﻘﺎ ﺑﺎﺷﻠﯩﺪﻯ. ﻳﯩﮕﯩﺘﻠﻪﺭﻣﯘﺑﯘﻧﯩﯖﻐﺎ ﺧﯘﺩﺩﻯ ﻛﯩﭽﯩﻜﯩﻤﯩﺰﺩﻩ ﭘﺎﺳﻜﯩﻨﺎ ﺳﯘﻧﻰ :<ﻛﯚﺯﻩﻡ ﻛﯚﺭﻣﯩﺪﻯ،ﻗﯘﻟﯩﻘﯩﻢ ﺋﯩﺸﺘﻤﯩﺪﻯ> ﺩﻩﭖ ﺋﯩﭽﻜﻪﻧﺪﻩﻙ ﻣﯘﺋﺎﻣﯩﻠﻪﻗﯩﻠﯩﺸﻘﺎ ﻳﯜﺯﻟﻪﻧﺪﻯ. ﻗﯩﺰﻟﯩﻖ ﭘﻪﺭﺩﻩ ﺋﻮﭘﯧﺮﺍﺗﺴﯩﻴﯩﺴﯩﻨﯩﯔ ﺑﺎﺯﺍﺭﻟﯩﺸﯩﺸﻰ، ﭘﺎﺭﺗﯩﻠﯩﻤﺎﻱ ﻗﺎﻟﻐﺎﻥ ﻳﺎﻧﺎﺭ ﺗﺎﻏﻨﯩﯔ ﭘﯩﻠﯩﻜﯩﮕﻪ ﺋﻮﺕ ﻳﯧﻘﯩﯟﻩﺗﻜﻪﻧﺪﻩﻙ ﺑﯩﺮ ﺋﯩﺶﺑﻮﻟﺪﻯ. ﻳﺎﺷﻠﯩﺮﯨﻤﯩﺰ ﺗﯘﺭﻣﯘﺯﻯ ﺑﻮﺯﯗﻟﯘﭖ ﻛﻪﺗﻜﻪﻥ ﻣﺎﺷﯩﻨﯩﻐﺎ ﺋﻮﺧﺸﺎﺵﺑﻮﻟﯘﭖ ﻗﺎﻟﺪﻯ. ﺋﯩﻠﮕﯩﺮﻯ ﻛﻮﭼﺎ - ﻛﻮﻳﻼﺭﺩﺍ، ﻛﯩﺸﯩﻠﻪﺭ ﻛﯚﺭﯛﭖﻗﺎﻟﯩﺪﯨﻐﺎﻥ ﺋﻮﭼﯘﻗﭽﯩﻠﯩﻘﺘﺎ ﺋﯩﺘﻼﺭ ﺟﯘﭘﻠﯩﺸﯩﭗ ﻗﺎﻟﺴﺎ، ﻛﯩﺸﯩﻠﻪﺭ ﺗﺎﺵ ﺋﯧﺘﯩﭗ ﻗﻮﻏﻠﯩﯟﯦﺘﻪﺗﺘﻰ، ﻫﺎﺯﯨﺮ ﺋﯩﺘﻼﺭﻣﯘ ﺧﯧﺠﯩﻞ ﺑﻮﻟﯘﭖ ﺧﺎﻟﯩﻲ ﺟﺎﻳﻼﺭﻏﺎﻛﯧﺘﯩﺪﯨﻐﺎﻥ ﺑﻮﻟﺪﻯ. ﺋﯘﻻﺭﻧﯩﯔ ﺋﻮﺭﻧﯩﻨﻰ ﺋﻪﻣﺪﯨﻠﯩﻜﺘﻪ ﺋﺎﺩﯨﻤﯩﻲﺋﯩﺘﻼﺭ ﺋﺎﻟﺪﻯ. ﺋﻪﺭﻟﻪﺭ ﺋﺎﻳﺎﻟﻠﯩﺮﻯ ﺑﺎﺷﻘﯩﻼﺭ ﺑﯩﻠﻪﻥ ﺗﺎﻧﺴﺎ ﺋﻮﻳﻨﯩﺴﺎ ﺋﯘﻧﻰﻛﯜﻧﻠﻪﺵ ﻗﺎﻻﻗﻠﯩﻖ، ﻣﻪﺩﻩﻧﯩﻴﻪﺗﺴﯩﺰﻟﯩﻚ ﺩﻩﭖ ﻗﺎﺭﺍﻳﺪﯨﻐﺎﻥ، ﺋﺎﻳﺎﻟﻼﺭﻣﯘ ﺋﻪﺭﻟﯩﺮﯨﻨﻰ ﺗﻮﻏﺮﺍ ﭼﯜﺷﻨﯩﺪﯨﻐﺎﻥ ﺑﻮﻟﺪﻯ. ﺋﻪﺟﯩﺒﺎ، ﺋﯘﻻﺭ ﺑﯘﺯﯗﻗﭽﯩﻠﯩﻘﻨﯩﯔﻣﺎﻧﺎ ﻣﯘﺷﯘﻧﺪﺍﻕ ﺋﺎﺩﺩﻯ ﺋﯩﺸﻼﺭﺩﯨﻦ ﺑﺎﺷﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﻤﻪﻱﻗﺎﻻﺭﻣﯘ؟
ﺟﯩﻨﺴﯩﻴﻪﺕ ﻫﺎﺯﯨﺮﻗﻰ <ﻣﻪﺩﻩﻧﯩﻴﻪﺗﻠﯩﻚ> ﺟﻪﻣﺌﯩﻴﻪﺕ ﺗﻪﺭﯨﭙﯩﺪﯨﻦ ﺋﺎﺷﻜﺎﺭﺍﺗﯧﻤﺎ ﻗﺎﺗﺎﺭﯨﺪﺍ ﻗﻮﺑﯘﻝ ﻗﯩﻠﯩﻨﺪﻯ.ﺟﯩﻨﺴﯩﻴﻪﺗﻜﻪ ﺋﺎﻻﻗﯩﺪﺍﺭ ﻣﻪﺳﯩﻠﯩﻠﻪﺭﻧﯩﯔﻳﻮﺷﯘﺭﯗﺷﻨﯩﯔ ﺋﯩﻠﻤﯩﻴﻠﯩﻚ ﺋﻪﻣﻪﺳﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯘﺭﺩﻯ. ﺑﺎﺷﻼﻧﻐﯘﭺ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﻣﯘﻫﻪﺑﺒﻪﺗﻠﯩﺸﯩﺸﻰ ﻫﺎﺯﯨﺮﻗﻰ ﻛﯜﻧﺪﻩﻫﯧﭽﻜﯩﻤﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻳﺪﯗ. ﺑﯩﺰ ﺑﻮﻟﺴﺎﻕ ﺑﯘﻧﻰﺋﻮﻗﯘﻏﯘﭼﯩﻼﺭﻏﺎ ﺟﯩﻨﺴﻰ ﺳﺎﯞﺍﺗﻼﺭﻧﻰ ﺋﯩﻠﻤﯩﻲ ﭼﯜﺷﻪﻧﺪﯛﺭﻣﯩﮕﻪﻧﻠﯩﻜﯩﺘﯩﻦ، ﺩﻩﭖﻗﺎﺭﯨﺪﯗﻕ.ﺋﻮﻗﯘﻏﯘﭼﯩﻼﺭﻏﺎ ﺑﯘﻧﻰ ﭼﯜﺷﻪﻧﺪﯛﺭﯛﯞﺍﺗﻘﺎﻧﺪﺍ، ﺋﻮﻗﯘﻏﯘﭼﯩﻼﺭﺑﯘﻧﻰ ﺑﯩﻠﯩﻢ ﺩﻩﭖ ﻗﻮﺑﯘﻝ ﻗﯩﻼﺭﻣﯘ ﻳﺎﻛﻰ ﻫﻪﯞﻩﺳﻠﯩﻨﯩﭗ ﺋﺎﯕﻼﭖ ﺋﻮﻟﺘﯘﺭﺍﺭﻣﯘ؟ (ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﮔﯩﮕﯩﻨﺎ ﺩﻩﺭﺳﯩﺪﻩ ﻛﯚﭘﯩﻴﯩﺶ ﺳﯩﺴﺘﯧﻤﯩﺴﯩﻨﻰ ﺋﯚﺗﻜﻪﻧﺪﻩﻗﺎﻧﺪﺍﻕ ﻫﯧﺴﯩﺴﯩﻴﺎﺗﺘﺎ ﺑﻮﻟﻐﺎﻧﻠﯩﻘﯩﯖﯩﺰﻧﻰ ﺋﻮﻳﻼﭖ ﻛﯚﺭﺳﯩﯖﯩﺰﺑﻮﻟﺪﯗ). ﻧﻮﻣﯘﺳﻠﯩﻖ ﺟﺎﻳﻼﺭﻧﯩﯔ ﻳﯚﮔﯩﻠﯩﺸﯩﻨﯩﯔ ﺋﯚﺯﯨﻼ ﺑﯘ ﺗﯧﻤﯩﻨﯩﯔ ﻳﯚﮔﯩﻠﯩﺸﻰﻛﯧﺮﻩﻛﻠﯩﻜﯩﻨﻰ ﺑﻪﻟﮕﯩﻠﯩﮕﻪﻥ. ﺋﯧﻴﺘﯩﻠﯩﺸﯩﭽﻪ, ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻣﻤﯘﺋﺎﻳﺎﻟﻼﺭﻏﺎ ﺋﺎﻳﺮﯨﻢ ﻛﯜﻧﺪﻩ،ﺋﺎﻳﺮﯨﻢ ﺟﺎﻳﺪﺍ ﻧﻪﺳﯩﻬﻪﺕ ﻗﯩﻠﯩﺪﯨﻜﻪﻥ. ﻫﻪﻡ ﺋﺎﻳﺎﻟﻼﺭﻣﯘﺳﯘﺋﺎﻟﻠﯩﺮﯨﻨﻰ ﭘﻪﻳﻐﻪﻣﺒﯩﺮﯨﻤﯩﺰﻧﯩﯔ ﺋﺎﻳﺎﻟﻰ ﺋﺎﺋﯩﺸﻪ ﺋﺎﺭﻗﯩﻠﯩﻖ ﺳﻮﺭﺍﻳﺪﯨﻜﻪﻥ.
ﻧﺎﯞﺍﺩﺍ ﺋﯧﺘﯩﻘﺎﺩ ﻳﻮﻗﺎﻟﺴﺎ، ﺋﻪﺧﻼﻕﻳﻮﻗﺎﻳﺪﯗ،ﺋﻪﺧﻼﻕ ﻳﻮﻗﺎﻟﻐﺎﻧﺪﺍ، ﻗﺎﻧﯘﻧﻨﯩﯖﻤﯘ ﺭﻭﻟﻰ ﻗﺎﻟﻤﺎﻳﺪﯗ.< ﻗﯘﺭﺋﺎﻥ ﻛﻪﺭﯨﻢ> ﺩﻩﺋﯧﻴﺘﯩﻠﯩﺸﯩﭽﻪ، ﺋﻪﺧﻼﻗﻨﻰ ﻳﻮﻗﺎﺗﻘﺎﻥ ﻟﯘﺕ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻗﻪﯞﻣﯩﻤﯘﺋﻮﻣﯘﻣﻴﯜﺯﻟﯜﻙ ﺑﻪﭼﭽﯩﯟﺍﺯ ﺑﻮﭘﻜﻪﺗﻜﻪﭼﻜﻪ، ﺋﺎﮔﺎﻫﻼﻧﺪﯗﺭﯗﺷﻘﺎ ﻗﯘﻻﻕ ﺳﺎﻟﻤﺎﻱﺋﺎﺧﯩﺮﻯ ﺷﻪﻫﯩﺮﻯ ﺩﯛﻡ ﻛﯚﻣﺘﯜﺭﯛﻟﯜﭖ ﻫﺎﻻﻙ ﺑﻮﭘﺘﯩﻜﻪﻥ.
ﻫﺎﺯﯨﺮ ﻗﯩﺰ - ﻳﯩﮕﯩﺘﻠﻪﺭ ﺑﯩﺮ - ﺑﯩﺮﯨﻨﻰ ﺗﺎﻟﻠﯩﻐﺎﻧﺪﺍ ﺗﺎﺷﻘﻰ ﻗﯩﻴﺎﭘﻪﺗﻜﻪ ﺑﻪﻛﺮﻩﻙﺋﻪﻫﻤﯩﻴﻪﺕ ﺑﯧﺮﯨﭗ، ﻣﻪﻧﯩﯟﻯ ﻗﯩﻴﺎﭘﻪﺕ ﺑﯩﻠﻪﻥ ﺋﺎﻧﭽﻪ ﻫﯧﺴﺎﭘﻠﯩﺸﯩﭗﺋﻮﻟﺘﯘﺭﻣﺎﻳﺪﯨﻐﺎﻥ ﺑﻮﻟﺪﻯ.ﺋﺎﺗﺎ - ﺋﺎﻧﯩﻼﺭﻣﯘ ﻛﯜﻳﺌﯘﻏﯘﻝ، ﻛﯩﻠﯩﻨﻨﻰ ﺋﺎﺑﺮﻭﻱ،ﭘﯘﻝ، ﻫﻮﻗﯘﻕﻧﯘﻗﺘﯩﺴﯩﺪﯨﻦ ﺑﻪﻛﺮﻩﻙ ﺗﺎﻟﻼﻳﺪﯨﻐﺎﻥ ﺑﻮﻟﺪﻯ.(ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﯩﺴﺎﻻﻡ ﺩﯨﻴﺎﻧﻪﺗﻠﯩﻜﻨﻰﺗﺎﻟﻼﯕﻼﺭ ﺩﯦﮕﻪﻧﯩﺪﻯ). ﺋﺎﺗﺎ - ﺋﺎﻧﯩﻼﺭﻧﯩﯔ ﭘﻪﺭﺯﻩﻧﺘﯩﮕﻪ ﺑﻮﻟﻐﺎﻥ ﺗﻪﻟﯩﭙﯩﻤﯘ ﺩﻩﺭﺱ ﻧﻪﺗﯩﺠﯩﺴﻰ ﺑﯩﻠﻪﻧﻼ ﭼﻪﻛﻠﯩﻨﯩﭗ ﻗﯧﻠﯩﭗ، ﺋﻪﺧﻼﻕ ﺗﻪﻟﯩﭙﻰ ﺗﻮﻟﻤﯘﺗﯚﯞﻩﻧﻠﻪﭖ ﻛﻪﺗﺘﻰ. ﺋﺎﺗﺎ - ﺋﺎﻧﯩﺴﯩﻨﻰ {ﺳﯩﺰ , ﺳﯩﻠﻰ } ﺩﻩﭖﺋﺎﺗﺎﻳﺪﯨﻐﺎﻥ ﺑﺎﻟﯩﻼﺭ ﻗﺎﻟﻤﯩﻐﯩﻠﻰ ﺗﯘﺭﺩﻯ.
ﻫﺎﺯﯨﺮ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻦ ﺑﻪﺧﺘﻠﯩﻚ ﺩﻩﭖ ﻛﻪﺗﻜﯩﻠﻰ ﺑﻮﻟﻤﯩﺴﯩﻤﯘ، ﺧﺎﺗﯩﺮﺟﻪﻡﺋﺎﺋﯩﻠﻪ ﺗﯧﭙﯩﺶ ﺋﺎﺳﺎﻥ ﺋﻪﻣﻪﺱ.ﺋﺎﻳﺎﻟﻼﺭ ﺋﻪﺭﻟﯩﺮﯨﻨﯩﯔﺋﯚﺯﯨﮕﻪ ﻛﯚﻳﯜﻧﻤﯩﮕﻪﻧﻠﯩﻜﯩﺪﯨﻦ، ﺗﻪﻟﻪﭖ ﺋﯧﻬﺘﯩﻴﺎﺟﯩﻨﻰ ﭘﻪﺭﻣﺎﻧﺒﻪﺭﺩﺍﺭﻟﯩﻖﺑﯩﻠﻪﻥ ﺋﻮﺭﯗﻧﺪﯨﻤﯩﻐﯩﻨﯩﺪﯨﻦ .....، ﺋﻪﺭﻟﻪﺭ ﺋﺎﻳﺎﻟﻠﯩﺮﯨﻨﯩﯔ ﺑﯘﻳﺮﯗﻗﻠﯩﺮﯨﻨﻰ ﺧﻮﺵ ﺩﻩﭖ ﺋﺎﯕﻠﯩﻤﯩﻐﯩﻨﯩﺪﯨﻦ، ﺑﯘﺭﻧﯩﺪﯨﻦ ﻳﯩﺘﻠﯩﻤﻪﻛﭽﻰﺑﻮﻟﻐﺎﻧﻠﯩﻘﯩﺪﯨﻦ، ﭘﺎﺭﭼﻪ - ﭘﯘﺭﺍﺕ ﺋﯩﺸﻼﺭﻏﺎ ﺗﻮﻻ ﭘﯘﻝ ﺑﻮﺯﯨﺪﯨﻐﺎﻧﻠﯩﻘﯩﺪﯨﻦ، ﺋﯚﺯﯨﻨﯩﯔﺋﯩﺸﻠﯩﺮﯨﻐﺎ ﺗﻮﻻ ﺋﺎﺭﯨﻠﯩﺸﯩﯟﺍﻟﻐﺎﻧﻠﯩﻘﯩﺪﯨﻦ .... ﻗﺎﻗﺸﺎﻳﺪﯗ.ﺋﻪﺭﻟﻪﺭ ﻻﻳﯩﻘﯩﺪﺍﺋﻪﺭ،ﺩﺍﺩﺍ ﺑﻮﻟﯘﭖ ﺑﻮﻻﻟﻤﺎﻱ، ﺋﺎﻳﺎﻟﻼﺭ ﺧﻮﺗﯘﻥ، ﺋﺎﻧﺎ ﺑﻮﻟﯘﭖ ﺑﻮﻻﻟﻤﺎﻱﺗﯘﺭﻣﯘﺷﯩﺪﯨﻦ ﺭﻩﻧﺠﯩﭗ ﻳﯜﺭﯛﺷﻤﻪﻛﺘﻪ. ﺗﯘﺭﻣﯘﺵ ﯞﻩ ﻣﯘﻫﻪﺑﺒﻪﺗﺘﯩﻜﻰ ﻛﯩﭽﯩﻜﻜﯩﻨﻪ ﺋﻮﯕﯘﺷﺴﯩﺰﻟﯩﻘﻼﺭﻣﯘ ﺑﻪﺯﻯ ﺋﺎﺩﻩﻣﻠﯩﺮﯨﻤﯩﺰﻧﯩﯔ ﺭﻭﻫﯩﻨﻰ ﺑﻪﺭﺑﺎﺕﻗﯩﻠﯩﯟﯦﺘﻪﻟﻪﻳﺪﯗ. ﺑﯘ، ﺭﻭﻫﯩﻤﯩﺰﻧﯩﯔ ﻗﺎﻧﭽﯩﻠﯩﻚ ﺋﻪﺭﺯﯨﻤﻪﺱ ﻫﺎﻟﻐﺎ ﭼﯜﺷﯜﭖﻗﺎﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯗ. ﺋﻪﺭﻟﻪﺭ ﺩﯙﻟﻪﺗﻨﯩﯔ ﻏﯧﻤﯩﻨﻰﻳﻪﻳﺪﯨﻐﺎﻧﻼﺭﺩﯨﻦ ﺋﯩﻜﻪﻧﻤﯩﺶ. ﻫﺎﺯﯨﺮ ﺋﺎﺋﯩﻠﻪ ﻏﯧﻤﻰ ﺋﻪﯓ ﺋﯘﻟﯘﻍ ﯞﻩﺯﯨﭙﯩﮕﻪ ﺋﺎﻳﻼﻧﻐﺎﻥ.ﻫﺎﺯﯨﺮ ﻛﯩﺸﯩﻠﻪﺭﻧﯩﯔ ﺋﯩﻘﺘﯩﺪﺍﺭﻯ ﺋﺎﺋﯩﻠﻪ ﻣﺎﺟﺮﺍﻟﺮﯨﻨﻰﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﺋﯩﭙﺎﺩﯨﻠﻪﻧﻤﻪﻛﺘﻪ. ﻳﯩﮕﯩﺖ ﺩﯦﮕﻪﻥﺳﯚﺯ ﻗﻪﺩﯨﻤﻜﻰ ﺋﯘﻳﻐﯘﺭ ﺗﯩﻠﯩﺪﺍ ﺟﻪﯕﭽﻰ ﺩﯦﮕﻪﻧﻨﻰ ﺑﯩﻠﺪﯛﺭﻩﺗﺘﯩﻜﻪﻥ، ﻫﺎﺯﯨﺮﻗﻰ ﻳﯩﮕﯩﺘﻠﻪﺭﻧﯩﯔ ﺋﯩﻘﺘﯩﺪﺍﺭﻯ ﻣﯘﻫﻪﺑﺒﻪﺗﻠﯩﺸﺸﯩﺘﻪ ﺋﯩﭙﺎﺩﯨﻠﯩﻨﯩﯟﺍﺗﯩﺪﯗ. ﺋﺎﺋﯩﻠﻪ ﺗﺎﭘﺎ- ﺗﻪﻧﻪ، ﺭﻩﻧﺠﯩﺶ، ﻛﺎﻳﯩﺸﻼﺭ ﺑﯩﻠﻪﻥ ﺗﻮﻟﻐﺎﻥ. ﺋﺎﺋﯩﻠﯩﻨﯩﯔﺧﺎﺗﯩﺮﺟﻪﻣﻠﯩﻚ،ﻣﯘﻫﻪﺑﺒﻪﺕ ﺑﯘﻟﯩﻘﯩﻐﺎ ﺋﺎﻳﻼﻧﻤﺎﻱ، ﺋﯘﺭﯗﺵ - ﺟﯩﺪﻩﻟﻨﯩﯔﺋﯘﯞﯨﺴﯩﻐﺎ ﺋﺎﻳﻠﯩﻨﯩﭗ ﻗﯧﻠﯩﺸﻰ، ﺋﻪﺭ- ﺋﺎﻳﺎﻟﻨﯩﯔ ﺑﯩﺮ- ﺑﯩﺮﯨﺪﯨﻦ ﻛﯚﯕﻠﻰﺳﯘ ﺋﯩﭽﻤﻪﺳﻠﯩﻜﻰ ﺋﯘﻻﺭﻧﻰ ﺗﺎﻻﺩﯨﻦ ﺳﯘ ﺋﯩﭽﯩﺪﯨﻐﺎﻥ ﻳﻪﺭ ﺗﯧﭙﯩﺸﻘﺎ ﻣﻪﺟﺒﯘﺭ ﻗﯩﻠﻐﺎﻥ... ﺋﺎﻗﯩﯟﻩﺗﺘﻪ ﻧﯩﻤﻪ ﺋﯩﺸﻼﺭﻧﯩﯔ ﻳﯜﺯ ﺑﯧﺮﯨﺪﯨﻐﺎﻧﻠﯩﻘﯩﻨﻰﺳﯩﺰﻣﯘ ﺗﻪﺳﻪﯞﯞﯗﺭ ﻗﯩﻼﻻﻳﺴﯩﺰ. ﺑﯜﮔﯜﻧﻜﻰ ﺩﻩﯞﺭ ﺋﻪﻗﯩﻠﻨﯩﯔ ﻣﯘﯞﺍﭘﭙﻪﻗﯩﻴﯩﺘﻰ. ﻟﯧﻜﯩﻦ ﺋﻪﻗﯩﻠﻨﯩﯔ ﻣﯘﭘﭙﻪﻗﯩﻴﯩﺘﻰﻫﻪﺭﮔﯩﺰﻧﯩﯔ ﺭﯗﻫﻨﯩﯔ ﻣﯘﯞﺍﭘﭙﻪﻗﯩﻴﯩﺘﯩﮕﻪ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ. ﺋﺎﺩﯨﻞﻳﯩﻠﺪﯨﺮﯨﻤﻨﯩﯔ {ﻏﻪﻟﯩﺘﻪ ﺋﯚﺯﮔﯜﺭﯛﺵ} ﺩﯦﮕﻪﻥ ﺑﯘ ﻫﯩﻜﺎﻳﯩﺴﻰ ﮔﻪﺭﭼﻪ ﺋﯘﻳﻐﯘﺭﺟﻪﻣﺌﯩﻴﯩﺘﯩﺪﯨﻜﻰ ﺭﯦﺌﺎﻟﻠﯩﻘﻨﻰ ﭘﯜﺗﯜﻧﻠﻪﻱ ﺋﻪﻳﻨﻪﻥ ﺋﻪﻛﯩﺲ ﺋﻪﺗﺘﯜﺭﻣﯩﺴﯩﻤﯘ، ﺭﻭﺷﻪﻥﺑﯩﺮ ﻳﯜﺯﻟﯩﻨﯩﺸﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯗ.ﻫﯩﻜﺎﻳﯩﺪﯨﻜﻰ ﭘﺎﺟﯩﺌﻪﻟﻪﺭ ﺋﺎﯞﯞﺍﻝ ﺭﻭﻫﺋﺎﻳﻨﯩﻐﺎﻧﺪﯨﻦ ﻛﯧﻴﯩﻨﻜﻰ ﺗﻪﻧﻨﯩﯔ ﺋﺎﻳﻨﯩﺸﯩﺪﯗﺭ.
ﻣﯧﻨﯩﯔ ﻧﻪﺯﯨﺮﯨﻤﺪﻩ ﺑﯩﺮ ﻣﯘﻛﻪﻣﻤﻪﻝ ﺟﻪﻣﺌﯩﻴﻪﺕ ﺟﯩﻨﺎﻳﻪﺗﺘﯩﻦ ﭘﯜﺗﯜﻧﻠﻪﻱ ﺧﺎﻟﯩﻲ ﺟﻪﻣﺌﯩﻴﻪﺕ ﺋﻪﻣﻪﺱ (ﺋﻪﻣﻠﯩﻴﻪﺗﺘﻪﺑﯘﻧﺪﺍﻕ ﺟﻪﻣﺌﯩﻴﻪﺕ ﻣﻪﯞﺟﯘﺩ ﺋﻪﻣﻪﺱ). ﺑﻪﻟﻜﻰﺟﯩﻨﺎﻳﻪﺗﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ،ﻳﻮﻗﯩﺘﯩﺸﻘﺎ ﻫﻪﻗﯩﻘﯩﻲ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﺸﻨﻰﺗﻮﺧﺘﯩﺘﯩﭗ ﻗﻮﻳﻤﯩﻐﺎﻥ ﺟﻪﻣﺌﯩﻴﻪﺗﺘﯘﺭ.ﺋﺎﺩﻩﻣﻨﯩﯔ ﻣﯘﻛﻪﻣﻤﻪﻟﻠﯩﻚ ﺋﯚﻟﭽﯩﻤﯩﻨﻰ ﺟﻪﻣﺌﯩﻴﻪﺗﻜﻪ ﺗﻪﻗﻘﺎﺳﻼﺷﻘﺎ ﺑﻮﻟﯩﺪﯗ. ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﭖﺩﯦﭙﻠﻮﻡ، ﺋﺎﺳﭙﯩﺮﺍﻧﺘﻠﯩﻘﺘﺎ ﺋﻮﻗﯘﭖ ﻣﺎﮔﯩﺴﺘﯩﺮﻟﯩﻖ، ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰﺋﺎﻟﻐﯩﻠﻰ، ﺑﯩﺮ ﻧﻪﭼﭽﻪ ﻳﯩﻞ ﺋﯩﺸﻠﻪﭖ ﺩﻭﺗﺴﯩﯧﻨﯩﺖ ، ﭘﺮﻭﻓﯧﺴﺴﻮﺭﺑﻮﻟﻐﯩﻠﻰ ﺑﻮﻟﯩﺪﯗ.ﻟﯧﻜﯩﻦ ﻫﻪﻗﯩﻘﯩﻲ ﺋﺎﺩﯨﻤﯩﻴﻠﯩﻜﯩﻨﻰ ﺩﯨﭙﻠﻮﻡ، ﺋﯘﻧﯟﺍﻥ ﺋﺎﻟﻐﺎﻧﺪﻩﻙ ﺋﺎﻟﻐﯩﻠﻰ ﺑﻮﻟﻤﺎﻳﺪﯗ. ﺟﻪﻣﺌﯩﻴﻪﺗﻤﯘ ﺑﯩﺮﻩﺭ ﻗﯧﺘﯩﻤﻠﯩﻖ ﺋﯩﺴﻼﻫﺎﺕﺑﯩﻠﻪﻧﻼ ﺑﻮﻟﺪﻯ ﻗﯩﻠﺴﺎ ﺑﻮﻟﻤﺎﻳﺪﯗ، ﭼﻮﻗﯘﻡ ﺋﯩﺰﭼﯩﻠﻠﯩﻘﻨﻰ ﺳﺎﻗﻠﯩﺸﻰﻛﯧﺮﻩﻙ، {ﺋﻪﻣﻪﻟﻠﻪﺭﻧﯩﯔ ﺋﻪﯓ ﻳﺎﺧﺸﯩﺴﻰ ﺋﺎﺯ ﺑﻮﻟﺴﯩﻤﯘ، ﺋﯜﺯﯛﻟﯜﭖ ﻗﺎﻟﻤﯩﻐﺎﻥﺋﻪﻣﻪﻟﺪﯗﺭ}.<ﻫﻪﺩﯨﺲ> ﺗﯩﻦ).
ﺗﺎﺭﯨﺨﺘﯩﻦ ﺑﯘﻳﺎﻥ ﻫﻪﻗﻘﺎﻧﯩﻴﻪﺕ، ﺋﻪﺧﻼﻕ ﺩﻩﯞﻩﺗﻠﯩﺮﻯ ﭘﻪﻳﻼﺳﻮﭖ- ﻣﯘﺗﻪﭘﻪﻛﻜﯘﺭﻻﺭﻧﯩﯔ ﺋﺎﻏﺰﯨﺪﯨﻦ ﺑﺎﻟﺪﯗﺭﭼﯩﻘﻘﺎﻥ ﺑﻮﻟﺴﯩﻤﯘ، ﺑﯘﻻﺭﻧﻰ ﻫﻪﻝ ﻗﯩﻠﯩﺪﯨﻐﺎﻥ ﻫﯚﻛﯜﻣﺪﺍﺭﻻﺭﻧﯩﯔﭘﻪﺭﯞﺍﻳﻰ ﻫﻪﻣﯩﺸﻪ ﭘﻪﻟﻪﻙ ﺑﻮﭘﻜﻪﻟﺪﻯ. ﻫﺎﻛﯩﻤﯩﻴﻪﺗﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪﺗﻪﻫﺪﯨﺖ، ﺋﯩﻘﺘﯩﺴﺎﺩﻗﺎ ﺯﯨﻴﺎﻥ ﺋﻪﻛﻪﻟﻤﻪﻳﺪﯨﻐﺎﻥ ﺋﯩﺸﻼﻧﯩﯔ ﻫﺎﻣﺎﻥ ﻛﯜﻧﺘﻪﺭﺗﯩﭙﻨﯩﯔ ﺋﺎﺧﯩﺮﯨﺴﯩﻐﺎ ﺗﯩﺰﺩﻯ.ﺑﯘﻧﯩﯖﻐﺎ ﻧﯚﯞﻩﺕ ﻛﯧﻠﯩﭗ ﺑﻮﻟﻐﯩﭽﻪ ﻳﻪﻧﻪ ﻳﯧﯖﻰ - ﻳﯧﯖﻰ ﺑﺎﺵ ﺋﺎﻏﺮﯨﺘﯩﺪﯨﻐﺎﻥ ﺋﯩﺸﻼﺭ ﭼﯩﻘﯩﭗ، ﺑﯘﻧﯩﯖﻐﺎ ﻗﺎﺭﺍﺷﻘﺎﻫﻪﻗﯩﻘﻪﺗﻪﻥ <ﭼﯘﻟﯩﺴﻰ> ﺗﯩﮕﯩﭗ ﺑﻮﻻﻟﻤﺎﻱ ﻗﺎﻟﯩﺪﻯ.
ﺋﯩﻠﮕﯩﺮﻯ ﻛﯩﺸﯩﻠﻪﺭ ﺋﺎﭼﻠﯩﻘﺘﯩﻦ ﺑﯩﺮ - ﺑﯩﺮﯨﻨﻰ ﻳﯩﮕﻪﻧﯩﺪﻯ. ﻫﺎﺯﯨﺮ ﺑﻮﻟﺴﺎ ﺗﻮﻗﻠﯩﻘﺘﯩﻦ ﻳﻪﯞﺍﺗﯩﺪﯗ.ﻟﻮﺷﯘﻥﺋﻪﭘﻪﻧﺪﻯ :"ﺑﺎﻟﯩﻼﺭﻧﻰ ﻗﻮﺗﻘﯘﺯﯗﯞﯦﻠﯩﯖﻼﺭ ‍!> ﺩﻩﭖ ﻧﯩﺪﺍ ﻗﯩﻠﻐﺎﻧﯩﺪﻯ، ﻟﯧﻜﯩﻦ ﻣﻪﻥ ﺋﺎﯞﯞﺍﻝﺋﯚﺯﻩﯕﻼﺭﻧﻰ ﻗﻮﺗﻘﯘﺯﯗﯞﯦﻠﯩﯖﻼﺭ، ﺩﻩﭖ ﻧﯩﺪﺍ ﻗﯩﻠﯩﻤﻪﻥ.ﭼﯜﻧﻜﻰ ﺋﯚﺯﻯ ﺋﻮﺕﺋﯩﭽﯩﺪﯨﻜﻰ ﺋﺎﺩﻩﻡ ﻗﺎﻧﺪﺍﻗﻤﯘ ﻳﻪﻧﻪ ﺋﻮﺕ ﺋﯩﭽﯩﺪﯨﻜﻰ ﺋﺎﺩﻩﻣﻨﻰ ﻗﯘﺗﻘﯘﺯﺍﻟﯩﺴﯘﻥ؟!

2001 - ﻳﯩﻠﻰ 14- ﺋﺎﭘﺮﯦﻞ


ﺋﺎﭘﺘﯘﺭ: ﺋﯘﻳﻐﯘﺭ ﻣﺎﺋﺎﺭﯨﭗ ﺋﯩﻨﺴﺘﯩﺘﯘﺗﻰ ﺋﯩﻨﮕﻠﯩﺰ ﺗﯩﻠﻰ 99- ﻳﯩﻠﻠﯩﻖ ﺳﯩﻨﯩﭗ ﺋﻮﻗﯘﻏﯘﭼﯩﺴﻰ