ئەتتىرگۈل تارخ بلوگى

ﺋﯘﻳﻐﯘﺭ ﺗﺎﺭﯨﺨﯩﺪﺍ ﺟﻪﯕﮕﯩﯟﺍﺭ ﺋﺎﻳﺎﻟﻼﺭ، ﻫﺎﻛﯩﻤﯩﻴﻪﺗﻜﻪ ﻗﺎﺗﻨﺎﺷﻘﺎﻥ ﺗﯜﺭﻛﻪﻥ ﺧﺎﺗﯜﻧﺪﻩﻙ ﺋﺎﻳﺎﻟﻼﺭ، ﺷﺎﺋﯩﺮﻩ ﯞﻩ ﻣﺎﺋﺎﺭﯨﭙﭽﯩﻼﺭ ﺧﯧﻠﻰ ﻛﯚﭖ ﺑﻮﻟﻐﺎﻥ. ﺗﯘﻏﯘﺕ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﺎﻧﺎ-ﺑﺎﻟﯩﻼﺭ ﻣﻪﺑﯘﺩﯨﺴﻰ ﺋﻮﻣﺎﻱ ﺋﺎﻧﯩﻐﺎ (ﺋﯩﺴﻼﻣﯩﻴﻪﺗﺘﯩﻦ ﻛﯧﻴﯩﻦ ﺑﯜﯞﻯ ﭘﺎﺗﯩﻤﯩﮕﻪ) ﺳﯧﻐﯩﻨﯩﺶ، ﺑﺎﻟﯩﻨﯩﯔ ﻗﯩﺮﯨﻖ ﺳﯜﻳﻰ، ﺋﺎﺕ ﻗﯘﻳﯘﺵ ﻣﯘﺭﺍﺳﯩﻤﻰ، ﺑﯚﺷﯜﻙ ﺗﻮﻳﻰ، ﺋﻮﻏﯘﻝ ﺑﺎﻻ ﻳﻪﺗﺘﻪ ﻳﺎﺷﻘﺎ ﺗﻮﺷﻘﺎﻧﺪﺍ ﺧﻪﺗﻨﻪ ﻗﯩﻠﺪﯗﺭﯗﭖ ﻣﯘﺭﺍﺳﯩﻢ ﺋﯚﺗﻜﯜﺯﯛﺵ، ﭘﻪﺭﺯﻩﻧﺘﻠﯩﺮﯨﻨﻰ ﻣﻪﻛﺘﻪﭘﻜﻪ ﻳﺎﻛﻰ ﻫﯜﻧﻪﺭﮔﻪ ﺑﯧﺮﯨﺶ ﺋﺎﺩﻩﺗﻠﯩﺮﻯ ﺋﯩﺰﭼﯩﻞ ﺳﺎﻗﻠﯩﻨﯩﭗ ﻛﻪﻟﺪﻯ.

ﺋﯘﻳﻐﯘﺭﻻﺭﺩﺍ ﻧﯩﻜﺎﻫ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﭼﺎﻱ ﺋﯩﭽﻜﯜﺯﯛﺵ، ﺗﻮﻱ ﺋﺎﻟﺪﯨﺪﯨﻜﻰ ﻣﻪﺳﻠﯩﻬﻪﺕ ﭼﺎﻳﻠﯩﺮﻯ، ﻧﯩﻜﺎﻫ ﺋﻮﻗﯘﭖ ﻗﯩﺰ-ﻳﯩﮕﯩﺘﻨﯩﯔ ﺭﺍﺯﯨﻠﯩﻘﯩﻨﻰ ﺋﯧﻠﯩﺶ، ﺗﻮﻱ ﻣﯘﺭﺍﺳﯩﻤﻰ، ﻳﯩﮕﯩﺖ-ﻗﯩﺰﻻﺭ ﺋﻮﻟﺘﯘﺭﯗﺷﻰ، ﻗﯘﺩﯨﻼﺭ ﭼﯩﻠﻼﻗﻠﯩﺮﻯ ﺋﯩﺰﭼﯩﻞ ﺳﺎﻗﻠﯩﻨﯩﭗ ﻛﻪﻟﺪﻯ. ﺋﯘﻳﻐﯘﺭﻻﺭﺩﺍ ﺩﻩﭘﻨﻪ ﻣﯘﺭﺍﺳﯩﻤﻰ ﻫﻪﺭﻗﺎﻳﺴﻰ ﺩﯨﻨﯩﻲ ﻣﻪﺩﻩﻧﯩﻴﻪﺗﻠﻪﺭ ﺗﻪﺳﯩﺮﯨﺪﻩ ﻫﻪﺭﺧﻞ ﺑﻮﻟﺴﯩﻤﯘ، ﺋﻪﻣﻤﺎ ﻣﯧﻴﯩﺘﻨﻰ ﭘﺎﻛﯩﺰﻩ ﻳﯜﻳﯜﭖ ﻛﯧﭙﻪﻧﻠﻪﺵ، ﻫﺎﺯﯨﺪﺍﺭﻻﺭ ﺋﺎﻕ ﺭﻭﻣﺎﻝ ﺳﯧﻠﯩﭗ، ﺋﺎﻕ ﺑﻪﻟﯟﺍﻍ ﺑﺎﻏﻼﭖ ﻳﯩﻐﺎ-ﺯﺍﺭﻩ ﻗﯩﻠﯩﺶ، ﻣﯧﻴﺘﻨﯩﯔ ﻧﺎﻣﯩﺰﯨﻨﻰ ﭼﯜﺷﯜﺭﯛﺵ، ﺟﯩﻨﺎﺯﯨﻨﻰ ﺋﺎﻟﻤﯩﺸﯩﭗ ﺗﺎﻟﯩﺸﯩﭗ ﻛﯜﺗﯜﺭﯛﭖ ﻗﻪﺑﺮﯨﺴﺘﺎﻧﻠﯩﻘﻘﺎ ﺋﯧﻠﯩﭗ ﺑﯧﺮﯨﺶ، ﻟﻪﻫﻪﺗﺘﻪ ﻣﯧﻴﺘﯩﻨﯩﯔ ﻳﯜﺯﯨﻨﻰ ﻗﯩﺒﻠﻪ (ﻏﻪﺭﺏ) ﺗﻪﺭﻩﭘﻜﻪ ﻗﯩﻠﯩﭗ ﻳﺎﺗﻘﯘﺯﯗﺵ، ﺋﯩﭻ ﮔﻮﺭﻧﯩﯔ ﺋﺎﻏﺰﯨﻨﻰ ﻛﯧﺴﻪﻙ ﺑﯩﻠﻪﻥ ﺋﯧﺘﯩﭗ، ﺗﺎﺵ ﮔﻮﺭﻧﻰ ﺗﯘﭘﺎ ﺑﯩﻠﻪﻥ ﻛﯚﻣﯜﺵ، ﻗﻪﺑﺮﻩ ﺑﯧﺸﯩﺪﺍ ﻣﯧﻴﺘﻨﯩﯔ ﺋﯩﺠﺎﺑﯩﻲ ﺗﻪﺭﭘﯩﮕﻪ ﮔﯘﯞﺍﻫﻠﯩﻖ ﺑﯧﺮﯨﺶ، ﻗﻪﺑﺮﻩ ﺗﯧﺸﻰ-ﮔﯜﻣﺒﻪﺯ ﺋﻮﺭﻧﯩﺘﯩﺶ، ﻣﯧﻴﺘﻨﯩﯔ ﻳﻪﺗﺘﻪ، ﻗﯩﺮﯨﻖ، ﻳﯩﻞ ﻧﻪﺯﯨﺮﻟﯩﺮﯨﻨﻰ ﺋﯚﺗﻜﯜﺯﯛﺵ ﺋﺎﺩﻩﺗﻠﯩﺮﻯ ﺑﯩﺮﺩﻩﻙ ﺋﯩﺰﭼﯩﻞ ﺑﯘﻟﯘﭖ ﻛﻪﻟﺪﻯ. ﺋﯘﻳﻐﯘﺭﻻﺭ ﯞﻩ ﺋﯘﻻﺭﻧﯩﯔ ﺋﻪﺟﺪﺍﺩﻟﯩﺮﻯ ﻣﯧﻴﺖ ﺳﯚﯕﻜﯩﻨﻰ ﻛﺎﻫﯩﺶ (ﺳﺎﭘﺎﻝ) ﺳﺎﻧﺪﯗﻗﻘﺎ ﺳﯧﻠﯩﭗ ﻳﻪﺭﻟﯩﻜﻜﻪ ﻗﯘﻳﯘﺵ، ﻣﯧﻴﺘﻨﻰ ﺗﺎﺵ ﮔﯚﺭﮔﻪ ﻛﯜﻣﯜﺵ، ﻣﯧﻴﺘﻨﻰ ﺋﺎﺳﺘﯩﻐﺎ ﻳﺎﻏﺎﭺ ﺷﺎﺩﺍ ﻗﻮﻳﯘﻟﻐﺎﻥ ﮔﯚﺭﮔﻪ ﻳﺎﺗﻘﯘﺯﯗﭖ، ﺋﯜﺳﺘﯩﮕﻪ ﻗﯩﺰﯨﻞ ﺗﯘﭘﺮﺍﻕ ﯞﻩ ﻗﯘﻡ ﺗﯚﻛﯜﭖ ﻛﯚﻣﯜﺵ، ﺷﺎﻡ ﮔﯚﺭﮔﻪ ﻗﻮﻳﯘﺵ ﻗﺎﺗﺎﺭﻟﯩﻖ ﺩﻩﭘﻨﻪ ﻗﯩﻠﯩﺶ ﺋﯘﺳﯘﻟﻠﯩﺮﯨﻨﯩﻤﯘ ﻗﻮﻟﻼﻧﺪﻯ.

ﺋﯘﻳﻐﯘﺭﻻﺭﺩﺍ ﻫﯧﻴﺖ-ﺋﺎﻳﻪﻣﻠﻪﺭ ﻗﻪﺩﯨﻤﻜﻰ ﺗﻪﻗﯟﯨﻢ (ﻛﺎﻟﯧﻨﺪﺍﺭ) ﻗﺎﺋﯩﺪﯨﻠﯩﺮﻯ ﺑﻮﻳﭽﻪ ﺋﯚﺗﻜﯜﺯﯛﻟﯜﭖ ﻛﻪﻟﺪﻯ. «ﻧﻪﯞﺭﯗﺯ» (ﻧﻮﺭﯗﺯ) ﺑﺎﻳﺮﯨﻤﻰ، «ﻛﯚﻙ ﻣﻪﺷﺮﯨﭙﻰ»، «ﺳﯘ ﻣﯜﻟﻪﻙ» ﺋﺎﻳﻪﻣﻠﯩﺮﻯ ﺑﺎﻫﺎﺭ-ﻧﻮﺭﯗﺯ ﺑﺎﻳﺮﯨﻤﯩﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﺑﯘ ﺑﺎﻳﺮﺍﻡ ﻳﯩﺮﺍﻕ ﻗﻪﺩﯨﻤﻜﻰ ﺯﺍﻣﺎﻧﻼﺭﺩﯨﻦ ﺑﯧﺮﻯ ﺋﯘﻳﻐﯘﺭ ﯞﻩ ﺋﯘﻧﯩﯖﻐﺎ ﻗﯧﺮﯨﻨﺪﺍﺵ ﻣﯩﻠﻠﻪﺗﻠﻪﺭﻧﯩﯔ ﻳﯧﯖﻰ ﻳﯩﻞ ﺑﺎﻳﺮﯨﻤﻰ ﺑﻮﻟﯘﭖ ﻛﻪﻟﺪﻯ. ﺋﯘﻳﻐﯘﺭﻻﺭ ﻳﻪﻧﻪ «ﻗﯩﺰﯨﻞ ﻛﯜﻝ ﺳﻪﻳﻠﯩﺴﻰ»، «ﻗﻮﻏﯘﻥ ﺳﻪﻳﻠﯩﺴﻰ» ﻗﺎﺗﺎﺭﻟﯩﻖ ﻳﺎﺯﻟﯩﻖ-ﻛﯜﺯﻟﯜﻙ ﺑﺎﻳﺮﺍﻣﻼﺭﻧﻰ ﺋﯚﺗﻜﯜﺯﯨﺪﯗ. ﺑﯘﺩﺩﯨﺰﻡ ﻣﻪﺯﮔﯩﻠﯩﺪﻩ ﺑﻪﺵ ﻳﯩﻠﺪﺍ ﺑﯩﺮ ﻗﯧﺘﯩﻢ ﺋﯚﺗﻜﯜﺯﯛﻟﯩﺪﯨﻐﺎﻥ «ﺑﯘﺭﻫﺎﻥ (ﺑﯘﺕ) ﻳﯚﺗﻜﻪﺵ» ﻣﯘﺭﺍﺳﯩﻤﻠﯩﺮﻯ ﺑﻮﻟﻐﺎﻥ ﺋﯩﺪﻯ. ﺋﯩﺴﻼﻣﯩﻴﻪﺗﺘﯩﻦ ﻛﯧﻴﯩﻦ، ﻗﯘﺭﺑﺎﻥ ﻫﯧﻴﺖ، ﺭﻭﺯﺍ ﻫﯧﻴﺖ ﺋﺎﻳﻪﻣﻠﯩﺮﻯ ﻧﻮﺭﯗﺯ ﺑﺎﻳﺮﯨﻤﻰ ﺑﯩﻠﻪﻥ ﻗﯘﺷﯘﻟﯘﭖ ﺋﯘﻳﻐﯘﺭﻻﺭﻧﯩﯔ ﺋﺎﺳﺎﺳﻠﯩﻖ ﺑﺎﻳﺮﺍﻣﻠﯩﺮﻯ ﺑﻮﻟﯘﭖ ﻗﺎﻟﺪﻯ.

ﺋﯘﻳﻐﯘﺭﻻﺭﺩﺍ ﻳﯧﻘﯩﻨﻘﻰ ﻳﯩﻠﻼﺭﻏﯩﭽﻪ (ﻳﯧﺰﯨﻼﺭﺩﺍ ﻫﯧﻠﯩﻤﯘ ﺑﺎﺭ) ﻗﻮﺭﯗ ﺋﯩﮕﯩﻠﯩﻜﻰ ﻫﻪﺭ ﺑﯩﺮ ﭼﻮﯓ ﺋﺎﺋﯩﻠﯩﻨﯩﯔ ﺗﯘﺭﻣﯘﺵ ﻫﯜﺟﻪﻳﺮﯨﺴﻰ ﺑﻮﻟﯘﭖ ﻛﻪﻟﺪﻯ. ﭼﯚﻟﻠﯜﻛﻠﻪﺭ ﺑﯩﻠﻪﻥ ﻗﻮﺭﺷﺎﻟﻐﺎﻥ ﻫﻪﺭﻗﺎﻳﺴﻰ ﺑﻮﺳﺘﺎﻧﻠﯩﻘﻼﺭ ﻗﻮﻳﯘﻕ ﺩﻩﺭﻩﺧﻠﻪﺭ، ﺋﯧﻘﯩﻦ ﺳﯘﻻﺭ، ﺋﯚﻡ ﺋﻮﻟﺘﯘﺭﺍﻗﻼﺷﻘﺎﻥ ﺋﺎﻫﺎﻟﯩﻠﻪﺭ ﺑﯩﻠﻪﻥ ﻗﺎﭘﻠﯩﻨﯩﭗ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﻫﻪﺭﻗﺎﻳﺴﻰ ﻗﻮﺭﯗﻻﺭﻣﯘ ﻣﯧﯟﯨﻠﯩﻚ ﺑﺎﻍ، ﺋﯚﺯﯛﻡ ﺑﺎﺭﺍﯕﻠﯩﺮﻯ ﺑﯩﻠﻪﻥ ﻗﺎﭘﻠﯩﻨﯩﺪﯗ، ﺋﯘﻳﻐﯘﺭ ﻗﻮﺭﯗﻟﯩﺮﻯ ﻧﻪﻗﯩﺸﻠﯩﻚ ﺩﻩﺭﯞﺍﺯﻩ، ﭘﯧﺸﺎﻳﯟﺍﻥ، ﺋﺎﻳﯟﺍﻥ-ﺳﺎﺭﺍﻱ، ﺋﻮﻏﯘﻝ-ﻗﯩﺰﻻﺭ ﺋﯚﻳﻠﯩﺮﻯ، ﻗﺎﺯﻧﺎﻗﻼﺭ ﺑﯩﻠﻪﻥ ﺑﯩﺮ ﻳﯜﺭﯛﺵ ﻗﯩﻠﯩﻨﯩﺪﯗ. ﺑﻪﺯﻯ ﻗﻮﺭﯗﻻﺭ ﺑﺎﻟﺨﺎﻧﺎ ﺋﯚﻳﻠﻪﺭﻧﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﻛﯚﭘﯩﻨﯩﭽﻪ ﺋﯚﻳﻠﻪﺭ ﮔﻪﺟﻠﻪﻧﮕﻪﻥ ﯞﺍﺳﺎ ﺑﯩﻠﻪﻥ ﺟﯘﭖ ﻗﯩﻠﯩﭗ ﻳﯧﭙﯩﻠﯩﺪﯗ. ﻫﻪﺭﺧﯩﻞ ﻧﻪﻗﻪﺷﻠﯩﻚ ﻣﯧﻬﺮﺍﺏ (ﻣﻪﺭﻩﭖ) ، ﺗﻪﻛﭽﻪ ﯞﻩ ﻣﻮﺭﯨﻼﺭ ﺑﯩﻠﻪﻥ ﺑﯧﺰﯨﻠﯩﺪﯗ.

ﺋﯘﻳﻐﯘﺭﻻﺭ ﻧﺎﺧﺸﺎ-ﺋﯘﺳﺴﯘﻝ، ﻣﯘﺯﯨﻜﯩﻐﺎ ﺋﻪﺯﻩﻟﺪﯨﻦ ﻫﯧﺮﯨﺴﻤﻪﻥ ﻣﯩﻠﻠﻪﺕ، ﺋﯘﻻﺭ ﻗﻪﺩﯨﻤﻜﻰ ﻣﯘﺭﺍﺳﯩﻤﻼﺭ، ﻣﯩﻠﯩﺲ-ﻣﻪﺷﺮﻩﭘﻠﻪﺭ ﺋﺎﺳﺎﺳﯩﺪﺍ ﻳﻪﺭﻟﯩﻚ ﺧﻪﻟﻖ ﻣﯘﻗﺎﻡ-ﻣﻪﺷﺮﻩﭖ-ﺳﻪﻧﻪﻣﻠﻪﺭﻧﻰ ﺷﻪﻛﯩﻠﻠﻪﻧﺪﯛﺭﺩﻯ. ﻣﯩﻠﯩﺲ-ﻣﻪﺷﺮﻩﭘﻠﻪﺭ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﻪﻧﺌﻪﻧﯩﯟﻯ ﺋﯧﺘﻨﻮﮔﺮﺍﻓﯩﻴﻪ ﻣﻪﻛﺘﯩﭙﻰ، ﺋﻪﺧﻼﻕ-ﺋﻪﻗﯩﻞ ﻣﻪﻛﺘﯩﭙﻰ، ﻧﺎﺧﺸﺎ-ﺋﯘﺳﺴﯘﻝ ﻣﻪﻛﺘﯩﭙﻰ ﺑﻮﻟﯘﭖ ﻛﻪﻟﺪﻯ. ﺷﯘ ﺋﺎﺳﺎﺳﺘﺎ ﺋﯘﻳﻐﯘﺭ ﻛﯩﻼﺳﺴﯩﻚ ﻣﯘﺯﯨﻜﺴﻰ «ﺋﻮﻥ ﺋﯩﻜﻜﻰ ﻣﯘﻗﺎﻡ» ﺷﻪﻛﯩﻠﻠﻪﻧﺪﻯ.

ﺋﯘﻳﻐﯘﺭﻻﺭ ﺧﻪﻟﻖ ﻓﻮﻟﻜﻠﻮﺭﻯ-ﺋﯧﻐﯩﺰ ﺋﻪﺩﻩﺑﯩﻴﺎﺗﯩﻐﺎ ﺑﺎﻱ ﺧﻪﻟﻖ. ﺋﻪﯓ ﻳﯩﺮﺍﻕ ﺷﺎﻣﺎﻧﯩﺰﻡ ﺋﻪﭘﺴﺎﻧﯩﻠﯩﺮﯨﺪﯨﻦ ﺑﯘﺩﺩﯨﺰﻡ ﺩﻩﯞﺭﻯ ﻫﯩﻜﺎﻳﻪﺗﻠﯩﺮﯨﮕﯩﭽﻪ، ﻗﻪﺩﯨﻤﻜﻰ ﻗﻪﻫﺮﯨﻤﺎﻧﻠﯩﻖ ﺭﯨﯟﺍﻳﻪﺗﻠﯩﺮﻯ، ﺋﻪﺟﺪﺍﺩ ﺳﯧﻐﯩﻨﯩﺶ ﺭﯨﯟﺍﻳﻪﺗﻠﯩﺮﻯ ﺑﻮﻟﻐﺎﻥ، «ﺑﯚﺭﻩ ﻫﯧﻜﺎﻳﯩﺴﻰ»، «ﺋﻮﻏﯘﺯ ﻧﺎﻣﻪ»، «ﺋﺎﭘﺮﺍﺳﯩﻴﺎﭖ ﺭﯨﯟﺍﻳﯩﺘﻰ»، «ﭼﯩﺴﺘﺎﻧﻰ ﺋﯩﻠﯩﻚ ﺑﻪﻙ ﺭﯨﯟﺍﻳﯩﺘﻰ»، «ﺩﻩﺩﻩ ﻗﻮﺭﻗﯘﺕ»، «ﺗﯘﻣﺎﺭﺱ»، «ﻏﯧﺮﯨﺐ-ﺳﻪﻧﻪﻡ» ﻗﺎﺗﺎﺭﻟﯩﻘﻼﺭ ﺑﯩﻠﻪﻥ ﻣﯩﯖﻠﯩﻐﺎﻥ ﺗﺎﺭﯨﺨﯩﻲ ﻗﯘﺷﺎﻗﻼﺭ، ﻟﻪﺗﯩﭙﻪ ﯞﻩ ﺋﻪﻗﻠﯩﻴﻪ ﺳﯚﺯﻟﻪﺭ ﺋﯘﻳﻐﯘﺭ ﺧﻪﻟﻖ ﺋﻪﺩﻩﺑﯩﻴﺎﺗﯩﻨﯩﯔ ﺋﯘﻟﯩﻨﻰ ﺳﺎﻟﺪﻯ. ﺋﯘﻳﻐﯘﺭﻻﺭ ﺧﻪﻟﻖ ﺋﻪﺩﻩﺑﯩﻴﺎﺗﻰ ﺋﺎﺳﺎﺳﯩﺪﺍ ﻳﺎﺯﻣﺎ ﺋﻪﺩﻩﺑﯩﻴﺎﺕ ﯞﻩ ﻛﯩﻼﺳﺴﯩﻚ ﺋﻪﺩﻩﺑﯩﻴﺎﺕ ﺩﯗﺭﺩﺍﻧﻠﯩﺮﯨﻨﻰ ﻳﺎﺭﺍﺗﺘﻰ. ﺋﯘﻧﯩﯔ ﺋﻪﯓ ﺑﯜﻳﯜﻙ ﺳﻪﻣﻪﺭﯨﺴﻰ «ﻗﯘﺗﺎﺩﻏﯘ ﺑﯩﻠﯩﻚ» ﺗﯩﻦ ﺋﯩﺒﺎﺭﻩﺕ. ﺋﯘﻳﻐﯘﺭ ﻛﯩﻼﺳﺴﯩﻚ ﺋﻪﺩﻩﺑﯩﻴﺎﺗﻰ ﺋﯘﻳﻐﯘﺭﻻﺭﺩﯨﻜﻰ ﭘﻪﻟﺴﻪﭘﯩﯟﻯ، ﺩﯨﻨﯩﻲ، ﺋﻪﺧﻼﻗﯩﻲ، ﺗﺎﺭﯨﺨﯩﻲ، ﻫﻮﻗﯘﻗﯩﻲ ﻛﯚﺯ ﻗﺎﺭﺍﺷﻼﺭﻧﻰ ﺷﯧﺌﯩﺮﯨﻲ ﺗﯜﺳﺘﻪ ﺋﯩﭙﺎﺩﯨﻠﻪﭖ، ﺋﯘﻳﻐﯘﺭ ﺭﻭﻫﯩﻴﻪﺕ ﺗﺎﺭﯨﺨﻰ ﯞﻩ ﺗﻪﭘﻪﻛﻜﯜﺭ ﺗﺎﺭﯨﺨﯩﻨﯩﯔ ﺑﺎﻱ، ﺭﻩﯕﺪﺍﺭ ﺧﻪﺯﯨﻨﯩﺴﻨﻰ ﻫﺎﺳﯩﻞ ﻗﯩﻠﺪﻯ.

ﺋﯘﻳﻐﯘﺭﻻﺭ ﯞﻩ ﺋﯘﻻﺭﻧﯩﯔ ﺋﻪﺟﺪﺍﺩﻟﯩﺮﻯ ﻗﻪﺩﯨﻤﻜﻰ ﺯﺍﻣﺎﻧﻼﺭﺩﯨﻦ ﺑﺎﺷﻼﭖ ﺗﻪﺳﯟﯨﺮﯨﻲ ﺳﻪﻧﺌﻪﺕ ﻫﯧﺮﯨﺴﻤﻪﻧﻠﯩﺮﻯ ﺋﯩﺪﻯ. ﺋﯘﻻﺭ ﻗﯩﻴﺎﻻﺭﻏﺎ ﺗﯘﺭﻣﯘﺵ ﺋﻮﺑﺮﺍﺯﻟﯩﺮﯨﻨﻰ ﭼﯩﻜﯩﭗ، ﺑﺎﻟﺒﺎﻟﻼﺭ ﯞﻩ ﺗﺎﺵ ﭘﯜﺗﯜﻙ (ﺋﺎﺑﯩﺪﻩ) ﻟﻪﺭﻧﻰ ﺋﻮﺭﻧﯩﺘﯩﭗ، ﺋﺎﻟﺘﯘﻥ، ﻣﯩﺲ- ﻛﯜﻣﯜﺷﻠﻪﺭﺩﯨﻦ ﺯﯨﺒﯘ-ﺯﯨﻨﻨﻪﺗﻠﻪﺭﻧﻰ ﻳﺎﺳﺎﭖ، ﻛﺎﻫﯩﺶ، ﻗﺎﺵ (ﻗﺎﺷﺘﯧﺸﻰ) ﺗﯩﻦ ﮔﯜﺯﻩﻝ ﺗﯘﺭﻣﯘﺵ ﺑﯘﻳﯘﻣﻠﯩﺮﯨﻨﻰ ﻳﺎﺳﺎﭖ، ﺗﺎﺷﻜﯧﻤﯩﺮ ﺳﻪﻧﺌﯩﺘﻰ ﺑﯩﻨﺎﻛﺎﺭﻟﯩﻖ، ﻫﻪﻳﻜﻪﻟﺘﯩﺮﺍﺷﻠﯩﻖ، ﺗﺎﻡ ﺭﻩﺳﺴﺎﻣﻠﯩﻘﻰ، ﻳﺎﻏﺎﭺ ﺋﻮﻳﻤﺎ، ﺗﺎﺧﺘﺎ ﺳﯩﺰﻣﺎ، ﻣﯧﺘﺎﻝ ﯞﻩ ﺗﻮﻗﯘﻟﻤﯩﻼﺭﻏﺎ ﺭﻩﺳﯩﻢ ﺋﯩﺸﻠﻪﺷﺘﻪ ﺋﺎﻟﺪﯨﻨﻘﻰ ﺳﻪﯞﯨﻴﻪﮔﻪ ﻳﻪﺗﺘﻰ. ﺷﯩﻨﺠﺎﯕﺪﯨﻦ ﺗﯧﭙﯩﻠﻐﺎﻥ ﺯﻭﺭﻭ ﺋﺎﺳﺘﯧﺮ (ﺋﺎﺗﻪﺷﭙﻪﺭﻩﺳﺘﯩﻠﯩﻚ)، ﺑﯘﺩﺩﺍ ﯞﻩ ﻣﺎﻧﻰ ﺩﯨﻨﯩﻐﺎ ﺋﺎﺋﯩﺖ ﺗﻪﺳﯟﯨﺮﯨﻲ ﺳﻪﻧﺌﻪﺕ ﻳﺎﺩﯨﻜﺎﺭﻟﯩﻘﻠﯩﺮﯨﻨﯩﯔ ﻗﺎﻟﺪﯗﻗﻠﯩﺮﻯ ﻫﯧﻠﯩﻤﯘ ﺟﺎﻫﺎﻥ ﺗﻪﺗﻘﯩﻘﺎﺗﭽﯩﻠﯩﺮﯨﻨﻰ ﻣﻪﭘﺘﯜﻥ ﻗﯩﻠﻤﺎﻗﺘﺎ.

ﺋﯘﻳﻐﯘﺭﻻﺭ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺗﺎﻣﺎﻕ ﻣﻪﺩﻩﻧﯩﻴﯩﺘﯩﺪﻩ ﻣﻪﺭﻛﯩﺰﯨﻲ ﺋﺎﺳﯩﻴﺎ ﺧﻪﻟﻘﻠﯩﺮﻯ ﺋﺎﺭﯨﺴﯩﺪﺍ ﺋﺎﻟﺪﯨﻨﻘﻰ ﺷﯚﻫﺮﻩﺗﻜﻪ ﺋﯩﮕﻪ. ﺗﺎﻣﺎﻕ ﻣﻪﺩﻩﻧﯩﻴﯩﺘﻰ ﺑﯩﺮ ﻣﯩﻠﻠﻪﺗﻨﯩﯔ ﺗﯘﺭﻣﯘﺵ ﻣﻪﺩﻩﻧﯩﻴﯩﺘﯩﻨﯩﯔ ﻳﯩﺮﺍﻕ ﺗﺎﺭﯨﺨﯩﻲ ﻗﺎﺗﻼﻣﻠﯩﺮﻯ ﺑﯩﻠﻪﻥ ﺋﯘﻧﯩﯔ ﺋﯧﺮﯨﺸﻜﻪﻥ ﻛﺎﻣﺎﻟﻪﺕ ﺩﻩﺭﯨﺠﯩﺴﯩﻨﻰ ﻛﯚﺭﺳﯩﺘﯩﺪﯗ. ﻗﺎﻳﺴﻰ ﺑﯩﺮ ﺗﻪﺗﻘﯩﻘﺎﺗﭽﻰ: ﺋﯜﺯﯛﭖ ﺗﺎﺷﻼﭖ ﻳﺎﻛﻰ ﭘﯩﭽﺎﻗﺘﺎ ﻛﯧﺴﯩﭗ ﺋﯧﺘﯩﻠﯩﺪﯨﻐﺎﻥ ﺳﯘﻳﯘﻗﺌﺎﺵ ﺑﯩﻠﻪﻥ ﺋﯩﻨﭽﯩﻜﻪ ﺳﻮﺯﯗﻟﻐﺎﻥ ﺋﻪﺷﻤﻪ (ﻟﻪﻏﻤﻪﻥ) ﺋﺎﺭﯨﺴﯩﺪﺍ ﺑﯩﺮ ﻣﯩﯔ ﻳﯩﻠﻠﯩﻖ ﻣﯘﺳﯘﭘﻪ ﻳﺎﺗﯩﺪﯗ، ﺩﻩﭖ ﺗﻮﻏﺮﺍ ﺋﯧﻴﺘﻘﺎﻥ ﺋﯩﺪﻯ. ﺗﻮﻧﯘﺭﺩﺍ ﻫﺎﺯﯨﺮﻟﯩﻨﯩﺪﯨﻐﺎﻥ ﻫﻪﺭﺧﯩﻞ ﺗﺎﺋﺎﻣﻼﺭ، ﺋﯚﭘﻜﻪ، ﻫﯧﺴﯩﭗ، ﭘﯧﺘﯩﺮ ﻣﺎﻧﺘﺎ ﯞﻩ ﺋﻪﯗﺭﺍﺑﺒﺎ ﻗﺎﺗﺎﺭﻟﯩﻖ ﺋﯘﻳﻐﯘﺭ ﺗﺎﺋﺎﻣﻠﯩﺮﯨﻐﺎ ﺋﺎﭘﺮﯨﻦ ﺋﯧﻴﺘﻤﺎﻳﺪﯨﻐﺎﻥ ﻛﯩﺸﻰ ﺑﻮﻟﻤﯩﺴﺎ ﻛﯧﺮﻩﻙ. ﻗﻮﭼﯘ ﺋﯘﻳﻐﯘﺭﻟﯩﺮﻯ ﺋﯩﺸﻠﻪﭖ ﭼﯩﻘﺎﺭﻏﺎﻥ ﻫﻪﺭﺧﯩﻞ ﻣﻪﻳﺰﺍﺏ ﯞﻩ ﻫﺎﺭﺍﻗﻼﺭ ﻫﻪﺗﺘﺎ ﺗﺎﯓ ﺗﻪﻳﺰﯛﯕﻨﯩﻤﯘ ﻫﻪﻳﺮﺍﻥ ﻗﺎﻟﺪﯗﺭﻏﺎﻧﯩﺪﻯ. ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﻳﯩﭙﻪﻙ ﻳﻮﻟﻰ ﺋﻮﺗﺘﯘﺭﺍ ﺑﻪﻟﯟﯦﻐﯩﻐﺎ ﺟﺎﻳﻼﺷﻘﺎﻥ ﺋﯘﻳﻐﯘﺭ ﺧﻪﻟﻘﯩﻨﯩﯔ ﭘﯩﺪﺍﻛﺎﺭﺍﻧﻪ ﻣﯧﻬﻤﺎﻧﺪﻭﺳﺘﻠﯘﻕ ﺋﻪﻧﺌﻪﻧﯩﺴﯩﮕﻪ ﻫﻪﺳﺴﻪ ﻗﻮﺷﺘﻰ. ﺋﯘﻳﻐﯘﺭ ﺗﺎﺋﺎﻣﻠﯩﺮﻯ، ﺋﯚﺯ ﻧﯚﯞﯨﺘﯩﺪﻩ ﺋﻮﺯﯗﻗﻠﯘﻕ ﯞﻩ ﺗﯧﺒﺎﺑﻪﺕ ﻗﺎﺋﯩﺪﯨﻠﯩﺮﯨﮕﻪ ﺋﯘﻳﻐﯘﻥ ﺑﻮﻟﯘﺵ ﺑﯩﻠﻪﻥ ﻳﻪﻧﻪ ﺷﻪﺭﻕ-ﻏﻪﺭﺏ ﺧﻪﻟﻘﯩﻠﯩﺮﯨﻨﯩﯔ ﺋﻮﺭﺗﺎﻕ ﺋﯩﺸﺘﯩﻬﺎ ﺗﻪﻟﯩﭙﯩﮕﻪ ﺋﯘﻳﻐﯘﻥ ﺑﻮﻟﺪﻯ.

ﺋﯘﻳﻐﯘﺭﻻﺭﻧﯩﯔ ﻛﯩﻴﯩﻨﯩﺶ ﻣﻪﺩﻩﻧﯩﻴﯩﺘﻰ ﻳﯩﺮﺍﻕ ﺗﺎﺭﯨﺨﯩﻲ ﺋﯩﺰﭼﯩﻠﻠﯩﻘﻘﺎ ﺋﯩﮕﻪ ﺑﻮﻟﯘﭖ ﻛﻪﻟﺪﻯ. ﺑﯩﺰ ﺑﺎﺯﯨﺮﯨﻖ، ﻗﺎﺭﺍﺳﯘﻕ، ﺋﻪﺳﻜﻰ ﻗﻪﻟﺌﻪ، ﻛﻮﻧﺎ ﻛﺮﻭﺭﺍﻥ، ﻗﻪﺩﯨﻤﻜﻰ ﻗﯘﻣﯘﻝ ﻗﺎﺭﺍ ﺩﯙﯞﻩ ﻗﺎﺗﺎﺭﻟﯩﻖ ﻗﻪﺑﺮﯨﺴﺘﺎﻧﻠﯩﻘﻼﺭ ﺑﯩﻠﻪﻥ ﺳﯩﻜﺘﺎﻱ- ﺳﺎﻙ ﺳﯩﺰﻣﺎ ﻳﺎﺩﯨﻜﺎﺭﻟﯩﻘﻠﯩﺮﻯ، ﺑﯘﺩﺩﺍ ﺗﺎﺷﻜﯧﻤﯩﺮﻟﯩﺮﯨﺪﯨﻜﻰ ﺗﺎﻡ ﺭﻩﺳﯩﻤﻠﯩﺮﻯ، ﺋﯚﺗﻜﻪﻥ ﺋﻪﺳﯩﺮﻧﯩﯔ ﺋﺎﺧﯩﺮﻯ ﯞﻩ ﻣﯘﺷﯘ ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﺍ ﭼﻪﺕ ﺋﻪﻝ ﺋﯧﺘﻨﻮﮔﺮﺍﻓﻠﯩﺮﻯ ﺳﯜﺭﻩﺗﻜﻪ ﺋﺎﻟﻐﺎﻥ ﺋﯘﻳﻐﯘﺭ ﻛﯩﺸﯩﻠﯩﺮﯨﻨﯩﯔ ﻛﯩﻴﯩﻨﯩﺸﻠﯩﺮﯨﺪﯨﻦ ﺋﯘﻳﻐﯘﺭ ﻛﯩﻴﯩﻢ ﻣﻪﺩﻩﻧﯩﻴﯩﺘﯩﻨﯩﯔ ﺗﯘﺭﻣﯘﺵ، ﺋﺎﺗﻠﯩﻖ ﻳﯜﺭﯛﺵ، ﺟﻪﯓ ﺋﯧﻬﺘﯩﻴﺎﺟﯩﻐﺎ ﻻﻳﯩﻖ ﺑﻮﻟﯘﺷﺘﯩﻦ ﺗﺎﺷﻘﯩﺮﻯ، ﻳﻪﻧﻪ ﻏﺎﻳﻪﺕ ﺯﻭﺭ ﺋﯧﺴﺘﯧﺘﯩﻚ ﺋﺎﻻﻣﻪﺗﻠﯩﺮﯨﮕﻪ، ﻫﻪﺗﺘﺎ ﻣﺎﻧﻨﯩﺮﯨﺰﻣﻠﯩﻖ (ﺯﯨﻨﻨﻪﺕ ﯞﺍﺯﻟﯩﻖ) ﺋﺎﻻﻫﯩﺪﯨﻠﯩﻜﻠﯩﺮﯨﮕﻪ ﺋﯩﮕﻪ ﺑﻮﻟﻐﺎﻧﻠﯩﻘﯩﻨﻰ ﺑﺎﻳﻘﺎﻳﻤﯩﺰ. ﺑﯘ ﻫﺎﻝ ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ ﺟﺎﯞﻟﯩﻦ ﯞﺍﯕﻨﯩﯔ، ﻣﯩﻼﺩﯨﻨﯩﯔ ﺑﯧﺸﯩﺪﯨﻜﻰ ﺷﻪﺭﻗﯩﻲ ﺧﻪﻥ ﺳﯘﻻﻟﯩﺴﯩﻨﯩﯔ، ﺷﯩﻤﺎﻟﯩﻲ ﺳﯘﻻﻟﯩﻠﻪﺭﻧﯩﯔ، ﺋﻮﺗﺘﯘﺭﺍ ﺗﺎﯓ ﺯﺍﻣﺎﻧﯩﻨﯩﯔ «ﺧﯘﺭﻛﯩﻴﻤﻰ» ﻗﯩﺰﯨﻘﯩﺶ ﺩﻭﻟﻘﯘﻧﯩﻨﻰ ﺷﻪﻛﯩﻠﻠﻪﻧﺪﯛﺭﺩﻯ. ﺋﯘﻳﻐﯘﺭﭼﻪ ﻛﯩﻴﻨﯩﺶ، ﺯﯨﺒﯘ-ﺯﯨﻨﻨﻪﺕ، ﺋﺎﺗﻘﺎ ﻣﯩﻨﯩﺶ ﯞﻩ ﺳﺎﺯ- ﺋﯘﺳﺴﯘﻝ، ﻫﻪﺗﺘﺎ ﻣﻪﻱ ﻣﻪﺩﻩﻧﯩﻴﯩﺘﻰ ﻧﯘﺭﻏﯘﻥ ﺷﺎﺋﯧﺮﻻﺭﻧﯩﯔ ﺷﯧﺌﯩﺮﯨﻲ ﻣﯩﺴﺮﺍﻟﯩﺮﯨﻐﺎ ﺋﯩﻠﻬﺎﻡ ﺑﻪﺭﺩﻯ.

ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺵ ﻣﻪﺩﻩﻧﯩﻴﯩﺘﯩﺪﻩ ﺋﯘﻳﻐﯘﺭ ﺳﺎﺩﺍ-ﺗﯩﺠﺎﺭﯨﺘﻰ ﻛﯚﺭﯛﻧﻪﺭﻟﯩﻚ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯗ. ﺋﯘﻳﻐﯘﺭﻻﺭ ﺋﻪﯓ ﻳﯩﺮﺍﻕ ﺋﻪﺟﺪﺍﺩﻟﯩﺮﯨﺪﯨﻦ ﺳﯩﻜﺘﺎﻳﻼﺭﻧﯩﯔ ﺋﺎﺗﻠﯩﻖ-ﺗﯚﮔﯩﻠﯩﻚ ﺟﺎﻫﺎﻧﻜﻪﺷﺘﯩﻠﻚ ﺋﻪﻧﺌﻪﻧﯩﺴﻨﻰ ﺋﯚﺯﻟﻪﺷﺘﯜﺭﺩﻯ. ﺋﯘﻻﺭ ﻗﺎﺷﺘﯧﺸﻰ ﯞﻩ ﺋﺎﻟﺘﯘﻥ ﺳﻮﺩﯨﺴﻰ، ﻳﯩﭙﻪﻙ ﻳﻮﻟﻰ ﺳﺎﺩﺍ ﺗﯩﺠﺎﺭﯨﺘﯩﺪﻩ ﺋﻮﺗﺘﯘﺭﺍ ﺗﯜﺯﻟﻪﯕﻠﯩﻚ ﺑﯩﻠﻪﻥ ﺋﯩﺮﺍﻥ، ﯞﯨﺰﺍﻧﺘﯩﻴﻪ ﺋﺎﺭﯨﺴﯩﺪﯨﻜﻰ ﺳﻮﺩﯨﻨﻰ ﺗﯩﺰﮔﯩﻨﻠﯩﺪﻯ. ﻣﻪﺷﻬﯘﺭ ﺳﯘﺩﺍ ﺋﺎﻫﺎﻟﯩﺴﻰ ﺩﻩﭖ ﺋﺎﺗﺎﻟﻐﺎﻥ ﺳﻮﻏﺪﯨﻼﺭﻧﻰ ﺋﯚﺯ ﻣﯩﻠﻠﯩﻲ ﺗﻪﺭﻛﯩﺒﯩﮕﻪ ﺳﯩﯖﺪﯛﺭﯛﭖ، ﺋﯩﺮﺍﻥ ﺳﻮﺩﯨﮕﻪﺭﻟﯩﺮﯨﻨﻰ ﺳﯘﻧﺪﯗﺭﺩﻯ ﯞﻩ ﺳﯘﯓ ﺳﯘﻻﻟﯩﺴﯩﻨﯩﯔ ﺳﻮﺩﺍ ﯞﺍﺯﺍﺭﯨﺘﯩﻨﻰ ﺑﯩﻜﺎﺭ ﻗﯩﻠﯩﭗ، ﺋﯘﻳﻐﯘﺭ ﺳﻮﺩﺍ ﺳﺎﺭﯨﻴﻰ ﻗﯘﺭﯗﺷﻘﺎ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺑﯧﺴﯩﻢ ﻛﯚﺭﺳﻪﺗﺘﻰ. ﺋﯘﻳﻐﯘﺭ ﺳﻮﺩﯨﮕﻪﺭﻟﯩﺮﻯ ﻳﺎﺳﯩﺪﺍﻕ ﺳﻮﺩﺍ ﺩﯗﻛﺎﻧﻠﯩﺮﻯ، ﻣﻪﻳﺨﺎﻧﺎ ﺋﯧﭽﯩﭗ، ﺋﯚﺯ ﺯﯦﻤﯩﻨﯩﺪﺍ ﻣﺎﻝ ﺳﯧﺘﯩﺶ ﯞﻩ ﻳﻪﺭﻣﻪﻧﻜﻪ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﻰ «ﻫﻪﺗﺘﺎﺭ» ﻻﺭﺩﯨﻦ ﭘﻪﺭﻗﻠﯩﻖ ﻫﺎﻟﺪﺍ، ﺩﯙﻟﻪﺕ، ﺭﺍﻳﻮﻥ ﻫﺎﻟﻘﯩﭗ، ﻳﯧﻨﯩﻚ ﯞﻩ ﻗﯩﻤﻤﻪﺕ ﺑﺎﻫﺎﻟﯩﻖ ﺑﯘﻳﯘﻣﻼﺭﻧﻰ ﺋﯧﻠﯩﭗ ﻳﯜﺭﯛﻳﺪﯨﻐﺎﻥ ﺧﻪﻟﻘﺌﺎﺭﺍﻟﯩﻖ ﺳﻮﺩﺍ ﻛﺎﺭﯞﺍﻧﻠﯩﺮﻯ ﺗﯜﺯﺩﻯ ﯞﻩ ﺩﯙﻟﻪﺕ-ﺭﺍﻳﻮﻧﻼﺭ ﺋﯧﺘﺮﺍﭖ ﻗﯩﻠﯩﺪﯨﻐﺎﻥ ﺋﺎﻟﺘﯘﻥ ﺋﺎﻗﭽﺎ ﺑﯩﺮﻟﯩﻜﯩﻨﻰ ﻳﺎﺭﺍﺗﺘﻰ.

ﺋﯘﻳﻐﯘﺭ ﺗﯘﺭﻣﯘﺵ ﻣﻪﺩﻩﻧﯩﻴﯩﺘﯩﺪﻩ ﺗﻪﻧﺘﻪﺭﺑﯩﻴﻪ ﻣﯘﻫﯩﻢ ﺋﻮﺭﯗﻥ ﺗﯘﺗﯩﺪﯗ. ﺋﻮﻗﻴﺎﻧﻰ ﺋﺎﺕ ﺋﯜﺳﺘﯩﺪﻩ ﺋﺎﺭﻗﯩﻐﺎ ﺋﯧﺘﯩﭗ ﻧﯩﺸﺎﻧﻐﺎ ﺗﻪﮔﻜﯜﺯﯛﺵ، ﭼﯧﻠﯩﺸﯩﺶ، ﺋﺎﺕ ﺋﻮﻳﯘﻧﻰ، ﺋﺎﺕ ﺗﻮﭖ (ﭼﻪﯞﮔﻪﻥ ﺗﻮﭖ)، ﺋﻮﻏﻼﻕ ﺗﺎﺭﺗﯩﺸﯩﺶ، ﺳﺎﻏﺎﺭﺩﻯ ﺋﻮﻳﻨﺎﺵ، ﺩﺍﺭﯞﺍﺯﻟﯩﻖ، ﺳﯧﻬﺮﯨﮕﻪﺭﻟﯩﻚ، ﻣﻮﻟﻼﻗﭽﯩﻠﯩﻖ، ﺳﺎﻗﺎ ﺋﻮﻳﻨﺎﺵ، ﺷﺎﻫﻤﺎﺗﯟﺍﺯﻟﯩﻖ، ﮔﺎﮔﺎ ﺗﻮﻗﻤﺎﻕ، ﻟﻪﮔﻠﻪﻙ ﺋﯘﭼﯘﺭﯗﺵ ﯞﻩ ﻧﯘﺭﻏﯘﻧﻠﯩﻐﺎﻥ ﺑﺎﻟﯩﻼﺭ ﺋﻮﻳﯘﻧﻠﯩﺮﻯ ﺋﯘﻳﻐﯘﺭﻻﺭﻧﯩﯔ ﺋﯩﺮﺍﺩﻩ ﭼﯧﻨﯩﻘﺘﯘﺭﯗﺵ، ﻣﺎﻫﺎﺭﻩﺕ ﻳﯧﺘﯩﻠﺪﯛﺭﯛﺵ ﺗﯩﭙﯩﺪﯨﻜﻰ ﺗﻪﻧﺘﻪﺭﺑﯩﻴﻪ ﻣﻪﺩﻩﻧﯩﻴﯩﺘﻰ ﺳﯩﺴﺘﯧﻤﯩﺴﯩﻨﻰ ﺷﻪﻛﯩﻠﻠﻪﻧﺪﯛﺭﺩﻯ.

ﺋﯘﻳﻐﯘﺭﻻﺭﻧﯩﯔ ﺑﯩﺮ ﭘﯜﺗﯜﻥ ﻫﻪﻣﻤﻪ ﺷﻪﺭﺗﻠﯩﺮﻯ ﻣﯘﻛﻪﻣﻤﻪﻝ ﺋﯧﺘﻨﻮﻟﻮﮔﯩﻴﻠﯩﻚ ﻣﯩﻠﻠﻪﺕ ﺋﯩﻜﻪﻧﻠﯩﻜﻰ ﺷﯜﺑﻬﯩﺴﯩﺰﺩﯗﺭ. ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ ﯞﻩ ﺗﯘﺭﻣﯘﺵ ﻣﻪﺩﻩﻧﯩﻴﯩﺘﻰ ﺑﯘ ﻫﯚﻛﯜﻣﻨﻰ ﻫﻪﺭ ﺗﻪﺭﻩﭘﻠﯩﻤﻪ ﺋﯩﺴﭙﺎﺗﻼﻳﺪﯗ. ﺋﯘﻳﻐﯘﺭﻻﺭ ﺗﯧﺨﻰ ﺋﯩﺠﺘﯩﻤﺎﺋﯩﻲ ﻣﯩﻠﻠﻪﺕ ﯞﻩ ﺳﯩﻴﺎﺳﯩﻲ ﻣﯩﻠﻠﻪﺕ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯜﺗﯜﺭﯛﻟﮕﻪﻥ ﺋﻪﻣﻪﺱ. ﺋﯧﺘﻨﯩﻚ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ ﺟﻪﺯﯨﻤﻠﻪﺷﺘﯜﺭﯨﻤﯩﺰ.