ئارقا سۇپىغا كىرىش || يازما يوللاش|| يازما باشقۇرۇش || ئىنكاس باشقۇرۇش|| سەھىپە باشقۇرۇش || ھۆججەت باشقۇرۇش || ئۇلانما باشقۇرۇش || بلوگ تەڭشەش|| ئۇسلۇپ ئالماشتۇرۇش|| زىيارەت ستاتىستىكىسى

    <<  ﻳﯩﭙﻪﻙ ﻳﻮﻟﯩﻨﯩﯔ ﺋﯩﻘﺘﯩﺴﺎﺩﯨﻲ ﻗﯩﻤﻤﯩﺘﻰ | باش بەت | ئوردىخان پادىشاھ ۋە ئوردا خېنىم رىۋايىتى  >>

  • 2009-05-21

    ﻗﻪﺩﯨﻤﻜﻰ ﺋﯘﻳﻐﯘﺭﻻﺭﺩﯨﻜﻰ ﺋﺎﻳﺎﻟﻼﺭ ﻫﻮﻗﯘﻗﻰ - [ئۇيغۇرتارىخى]

    版权声明：转载时请以超链接形式标明文章原始出处和作者信息及本声明
    logs/39719316.html


    ﻣﯘﺧﺘﺎﺭ ﻗﺎﺩﯨﺮ ﻫﻮﻧﺰﺍﺩﻩ

    ﺋﻪﮔﻪﺭ ﺳﯩﺰ ﻛﯘﭼﺎ-ﺑﺎﻱ ﻣﯩﯔ ﺋﯚﻳﻠﯩﺮﯨﮕﻪ ﻗﻪﺩﻩﻡ ﺑﯧﺴﯩﭗ ﻗﺎﻟﺴﯩﯖﯩﺰ،ﻛﻪﭘﺘﻪﺭ ﻣﯩﻨﯩﭗ،ﺗﺎﻍ-ﺩﻩﺭﻳﺎﻻﺭ ﺋﯜﺳﺘﯩﺪﻩ ﭘﻪﺭﯞﺍﺯ ﻗﯩﻠﯩﯟﺍﺗﻘﺎﻥ ﺑﻪﺧﺖ ﺋﻪﻟﭽﯩﻠﯩﺮﻯ---ﻗﯩﺮﻗﯩﻢ ﭼﺎﭼﻠﯩﻖ ﻗﯩﺰﻻﺭﻧﯩﻨﯩﯔ ﺋﻮﺑﺮﺍﺯﻯ ﻳﺎﺭﯨﺘﯩﻠﻐﺎﻥ ﺭﻩﺳﯩﻤﻠﻪﺭﻧﻰ ﻛﯚﺭﯨﺴﯩﺰ.ﺑﯘ ﺭﻩﺳﯩﻤﻠﻪﺭﺩﻩ ﻧﯧﻤﻪ ﺋﯜﭼﯜﻥ ﻣﻪﺧﺴﯘﺱ ﺋﺎﻳﺎﻟﻼﺭ ﺳﯩﺰﯨﻠﻐﺎﻥ؟ ﻳﻪﻧﻪ ﻛﯧﻠﯩﭗ،ﻟﻮﭘﻨﯘﺭﺩﯨﻜﻰ ﻛﺮﻭﺭﺍﻥ،ﭼﺎﻗﯩﻠﯩﻘﺘﯩﻜﻰ ﺯﺍﻏﯘﻧﻠﯘﻕ،ﺗﯘﺭﭘﺎﻧﺪﯨﻜﻰ ﺋﺎﺳﺘﺎﻧﻪ،ﺧﻮﺗﻪﻧﺪﯨﻜﻰ ﺩﻩﻧﺪﺍﻥ ﺋﯚﻳﻠﯜﻙ ﻗﺎﺗﺎﺭﻟﯩﻖ ﺧﺎﺭﺍﺑﯩﻠﻪﺭﺩﯨﻜﻰ ﻗﻪﺑﺮﯨﻠﻪﺭﺩﯨﻦ ﭼﯩﻘﻘﺎﻥ ﺟﻪﺳﻪﺗﻠﻪﺭﻧﯩﯔ ﻣﯘﺗﻠﻪﻕ ﻛﯚﭘﭽﯩﻠﯩﻜﻰ ﺋﺎﻳﺎﻝ؟ﻳﻪﻧﻪ ﻧﯧﻤﻪ ﺋﯜﭼﯜﻥ ﺗﻪﻛﻠﯩﻤﺎﻛﺎﻥ ﮔﯩﺮﯞﻩﻛﻠﯩﺮﯨﺪﯨﻜﻰ ﻣﻪﻛﯩﺖ،ﻣﺎﺭﺍﻟﺒﯧﺸﻰ، ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﺎﻳﺎﻟﻼﺭﻧﻰ ﺗﯚﺭﮔﻪ ﺋﺎﻟﺪﻯ ﺑﯩﻠﻪﻥ ﺑﺎﺷﻼﺷﺘﻪﻙ ﺋﺎﺩﻩﺕ ﺳﺎﻗﻠﯩﻨﯩﭗ ﻗﺎﻟﻐﺎﻥ؟ﺑﯘ ﻣﻪﺳﯩﻠﯩﮕﻪ ﺟﺎﯞﺍﭖ ﺗﯧﭙﯩﺶ ﺋﯜﭼﯜﻥ ﻳﻪﻧﯩﻼ ﺋﯘﺯﺍﻕ ﺯﺍﻣﺎﻧﻼﺭ ﺋﯩﻠﮕﯩﺮﯨﻜﻰ ﺗﺎﺭﯨﺨﯩﻤﯩﺰﻧﻰ ﯞﺍﺭﺍﻗﻼﺷﻘﺎ ﺗﻮﻏﺮﺍ ﻛﯧﻠﯩﺪﯗ.
    ﺋﺎﺭﺧﯩﺌﻮﻟﻮﮒ،ﻗﻪﺩﯨﻤﻜﻰ ﺗﯩﻠﻼﺭ ﺗﻪﺗﻘﯩﻘﺎﺗﭽﯩﺴﻰ ﻗﯘﺭﺑﺎﻥ ﯞﻩﻟﻰ ﺋﻪﭘﻪﻧﺪﻯ"'ﻏﻪﺭﯨﭙﺘﯩﻜﻰ ﭼﻮﯓ ﺋﺎﻧﺎ'ﺭﯨﯟﺍﻳﯩﺘﻰ ﻫﻪﻗﻘﯩﺪﻩ ﻳﯩﯖﻰ ﻣﯘﻻﻫﯩﺰﻩ"ﺩﯦﮕﻪﻥ ﻣﺎﻗﺎﻟﯩﺴﯩﺪﺍ،ﺧﻪﻧﺰﯗﭼﻪ ﻗﻪﺩﯨﻤﻜﻰ ﻳﺎﺯﻣﺎ ﻣﻪﻧﺒﻪﻟﻪﺭﮔﻪ ﺋﺎﺳﺎﺳﻠﯩﻨﯩﭗ، ﻗﺎﺭﺍﻗﯘﺭﯗﻡ ﺑﺎﻏﺮﯨﺪﺍ ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ ﯞﺍﻗﯩﺘﻼﺭﺩﺍ ﺋﯘﻳﻐﯘﺭﻻﺭﻧﯩﯔ ﺋﺎﻧﺎ ﺟﻪﻣﻪﺕ ﻫﯚﻛﯜﻣﺮﺍﻧﻠﯩﻘﯩﻨﻰ ﺋﺎﺳﺎﺱ ﻗﯩﻠﻐﺎﻥ ﺑﯩﺮ ﺩﯙﻟﻪﺗﻨﯩﯔ ﻣﻪﯞﺟﯘﺕ ﺑﻮﻟﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ①.ﺋﺎﺗﺎﻗﻠﯩﻖ ﺗﺎﺭﯨﺨﺸﯘﻧﺎﺱ ﻟﻰ ﺷﯩﻴﻰ ﺋﻪﭘﻪﻧﺪﻯ ﺑﻮﻟﺴﺎ، ﻗﻪﺩﯨﻤﻜﻰ ﺯﺍﻣﺎﻧﺪﺍ ﺋﯩﻜﻜﻰ ﻳﻪﺭﺩﻩ "ﺋﺎﻳﺎﻟﻼﺭ ﺩﯙﻟﯩﺘﻰ"ﺑﻮﻟﻐﺎﻧﻠﯩﻘﻰ،ﺋﯘﻧﯩﯔ ﺑﯩﺮﺳﯩﻨﯩﯔ ﺳﯩﭽﯜﺋﻪﻥ-ﻳﯜﻧﻨﻪﻥ ﺗﺎﻏﻠﯩﻖ ﺭﺍﻳﯘﻧﻠﯩﺮﯨﺪﺍ، ﻳﻪﻧﻪ ﺑﯩﺮﺳﯩﻨﯩﯔ ﺟﻪﻧﯘﺑﯩﻲ ﺷﯩﻨﺠﺎﯕﺪﺍ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ②. ﺩﻩﺭﯞﻩﻗﻪ،ﻏﻪﺭﺑﯩﻲ ﺩﯨﻴﺎﺭﺩﯨﻜﻰ ﺋﺎﻳﺎﻟﻼﺭ ﺩﯙﻟﯩﺘﯩﻨﯩﯔ ﻫﻪﻗﯩﻘﻪﺗﻪﻥ ﻣﻪﯞﺟﯘﺕ ﺑﻮﻟﯘﭖ ﺋﯚﺗﻜﻪﻧﻠﯩﻜﯩﻨﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻜﻰ"ﺋﻮﻣﺎﻱ"ﺭﯨﯟﺍﻳﯩﺘﯩﻤﯘ ﺩﻩﻟﯩﻠﻠﻪﭖ ﺑﯧﺮﯨﺪﯗ. ﺋﯘﻧﯩﯔ ﺋﯜﺳﺘﯩﮕﻪ ﺑﯜﮔﯜﻧﻜﻰ ﺩﻭﻻﻥ ﺋﯘﻳﻐﯘﺭﻟﯩﺮﻯ ﺋﺎﺭﯨﺴﯩﺪﺍ ﻣﯘﻧﺪﺍﻕ ﺑﯩﺮ ﺭﯨﯟﺍﻳﻪﺕ ﺑﺎﺭ:"ﺑﯘﺭﯗﻧﻨﯩﯔ ﺑﯘﺭﯗﻧﯩﺴﯩﺪﺍ ﺩﻭﻻﻥ ﺋﯘﻳﻐﻐﯘﺭﻟﯩﺮﯨﻨﯩﯔ ﺑﯩﺮ ﻧﻪﭘﻪﺭ ﭼﻮﯓ ﻣﻮﻣﯩﺴﻰ ﺑﻮﻟﯘﭖ،ﻳﺎﯞﺍ ﺗﻮﯕﮕﯘﺯﻧﯩﯔ ﺗﺎﻏﺎﻕ ﺳﯚﯕﻪﻛﻠﯩﺮﯨﮕﻪ ﺋﻮﻳﯘﯞﺍﻟﻐﺎﻥ ﺷﺎﻣﺎﻥ ﺩﯨﻨﻰ ﺋﺎﻳﻪﺗﻠﯩﺮﯨﮕﻪ ﻗﺎﺭﺍﭖ ﭘﺎﻝ ﺋﺎﭼﯩﺪﯨﻜﻪﻥ ﯞﻩ ﺗﻮﻗﻘﯘﺯ ﻧﻪﭘﻪﺭ ﺑﺎﻻ ﺑﯩﻠﻪﻥ ﺑﯩﺮ ﻛﯚﻙ ﺑﯚﺭﯨﻨﻰ ﺋﻪﮔﻪﺷﺘﯜﺭﯛﭖ،ﻗﻮﻳﯘﻕ ﺗﻮﻏﺮﺍﻗﻠﯩﻘﺘﺎ ﻫﺎﻳﺎﺕ ﻛﻪﭼﯜﺭﯨﺪﯨﻜﻪﻥ.ﻛﯜﻧﻠﻪﺭﻧﯩﯔ ﺑﯩﺮﯨﺪﻩ، ﻛﯚﻙ ﺑﯚﺭﻩ ﻏﺎﻳﯩﭗ ﺑﻮﻟﯘﭖ ﻛﯧﺘﯩﭙﺘﯘ. ﺑﺎﻟﯩﻼﺭ ﺑﯘﻧﯩﯖﺪﯨﻦ ﻛﯜﻧﺒﻮﻳﻰ ﻗﺎﻳﻐﯘﺭﯗﭖ ﻳﯩﻐﻼﺷﻘﺎﻥ ﺋﯩﻜﻪﻥ،ﻛﻪﭺ ﻛﯩﺮﮔﻪﻧﺪﻩ ﻣﻮﻣﺎﻱ،ﻳﯩﻐﻠﯩﻤﺎﯕﻼﺭ ﺑﺎﻟﯩﻠﯩﺮﯨﻢ،ﺑﯚﺑﯜﺵ ﻗﺎﻳﺘﯩﭗ ﻛﯧﻠﯩﺪﯗ،ﺩﯦﮕﻪﻧﯩﻜﻪﻥ،ﺑﺎﻟﯩﻼﺭ ﺷﯘ ﻫﺎﻣﺎﻥ ﻳﯩﻐﻼﺷﺘﯩﻦ ﺗﻮﺧﺘﺎﭖ ﻗﺎﭘﺘﯘ. ﺷﯘﻧﺪﯨﻦ ﺑﯘﻳﺎﻥ ﻳﯩﻐﻼﯕﻐﯘ ﺑﺎﻟﯩﻼﺭﻧﻰ"ﺑﯚﺑﯜﺵ ﻛﻪﻟﺪﻯ!"ﺩﻩﭖ ﭘﻪﺱ ﻗﯩﻠﯩﺶ ﺋﯘﻳﻐﯘﺭﻻﺭﻏﺎ ﺋﺎﺩﻩﺕ ﺑﻮﻟﯘﭖ ﻗﺎﭘﺘﯘ››. ﺑﯚﺭﻩ ﺗﯘﺗﯩﻤﯩﻨﯩﯔ ﯞﻩ ﻣﯘﻗﻪﺩﺩﻩﺱ ﺗﻮﻗﻘﯘﺯ ﺳﺎﻧﯩﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﯩﺘﻨﯩﻚ ﺗﺎﺭﯨﺨﯩﺪﯨﻜﻰ ﻣﯘﻫﯩﻢ ﻣﻪﺳﯩﻠﻪ ﺋﯩﻜﻪﻧﻠﯩﻜﻰ ﻫﻪﻣﻤﯩﮕﻪ ﺋﺎﻳﺎﻥ.ﺷﯘﯕﺎ ﻳﯘﻗﯘﺭﯨﻘﻰ ﺭﯨﯟﺍﻳﻪﺕ ﻣﻪﻟﯘﻡ ﺗﻪﺗﻘﯩﻘﺎﺕ ﻗﯩﻤﻤﯩﺘﯩﮕﻪ ﺋﯩﮕﻪ.
    ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﻰ ﻗﺎﻧﯘﻧﯩﻴﯩﺘﻰ ﺑﻮﻳﯩﭽﻪ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﻫﻪﺭﻗﺎﻧﺪﺍﻕ ﻣﯩﻠﻠﻪﺕ ﯞﻩ ﺭﺍﻳﯘﻧﻨﯩﯔ ﺋﯩﭙﺘﯩﺪﺍﺋﯩﻲ ﺟﻪﻣﺌﯩﻴﻪﺕ ﺑﺎﺳﻘﯘﭼﻰ ﺑﻮﻟﻐﺎﻥ.ﺋﻪﻧﻪ ﺷﯘ ﺑﺎﺳﻘﯘﭼﺘﺎ ﻫﻪﻗﯩﻘﻪﺗﻪﻥ ﺋﺎﻳﺎﻟﻼﺭ ﺋﯩﺸﻠﻪﭘﭽﯩﻘﯩﺮﯨﺶ ﯞﻩ ﺗﯘﺭﻣﯘﺷﺘﺎ ﺋﺎﺳﺎﺳﻠﯩﻖ ﺭﻭﻝ ﺋﻮﻳﻨﺎﭖ، ﺧﯩﻠﻰ ﺑﯩﺮ ﻣﻪﺯﮔﯩﻠﮕﯩﭽﻪ ﺋﺎﻳﺎﻟﻼﺭ ﻫﯚﻛﯜﻣﺮﺍﻧﻠﯩﻘﯩﻨﻰ ﻳﯜﺭﮔﯜﺯﮔﻪﻥ. ﺋﯘﻳﻐﯘﺭﻻﺭﻧﯩﯔ ﺋﯩﭙﺘﯩﺪﺍﺋﯩﻲ ﺟﻪﻣﺌﯩﻴﻪﺕ ﺋﺎﺭﺧﯩﺌﻮﻟﻮﮔﯩﻴﻪﺳﯩﺪﯨﻦ ﻣﻪﻟﯘﻡ ﺑﭙﻠﯩﺸﯩﭽﻪ، ﺑﯘ ﺧﯩﻞ ﻫﺎﻟﻪﺕ ﺋﯘﻳﻐﯘﺭ ﺋﺎﻳﺎﻟﻠﯩﺮﯨﺪﺍ ﺧﯩﻠﻰ ﺋﯘﺯﺍﻗﻘﯩﭽﻪ ﺩﺍﯞﺍﻣﻼﺷﻘﺎﻥ. ﺋﯘﻻﺭ ﺋﺎﺋﯩﻠﻪ ﺑﺎﺷﻠﯩﻘﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ،ﺑﻪﻟﻜﻰ ﻗﻪﺑﯩﻠﻪ-ﺋﯘﺭﯗﻕ(ﺟﻪﻣﻪﺕ)ﻟﻪﺭﻧﯩﯖﻤﯘ ﺑﺎﺷﻠﯩﻘﻰ ﺑﻮﻟﯘﭖ،ﺋﺎﻳﺎﻟﻼﺭﻧﯩﯔ ﻓﺎﻣﯩﻠﯩﺴﯩﻨﻰ ﺋﻮﻣﯘﻣﻼﺷﺘﯘﺭﻏﺎﻥ.ﻗﻪﺑﯩﻠﻪ-ﺋﯘﺭﯗﻕ ﺋﻪﺯﺍﻟﯩﺮﯨﻨﯩﻤﯘ ﺋﺎﻳﺎﻟﻼﺭ ﺟﻪﻣﻪﺗﻰ ﺑﻮﻳﯩﭽﻪ ﺋﺎﻳﺮﯨﭗ،ﺋﻪﺭﻟﻪﺭﻧﻰ ﺳﯩﺮﺗﻘﻰ ﺋﻪﻣﮕﻪﻙ ﻛﯜﭼﻰ ﻫﯧﺴﺎﯞﯨﺪﺍ ﺋﯩﺸﻠﻪﺗﻜﻪﻥ. ﺋﻪﻣﻤﺎ ﺋﻮﯞ ﻏﻪﻧﯩﻤﻪﺗﻠﯩﺮﯨﻨﻰ ﺗﻪﻗﺴﯩﻢ ﻗﯩﻠﯩﺶ ﻫﻮﻗﯘﻗﻰ ﺋﺎﺳﺎﺳﻪﻥ ﺋﺎﻳﺎﻟﻼﺭﺩﺍ ﺑﻮﻟﻐﺎﻥ. ﻗﻪﺩﯨﻤﻜﻰ ﺋﯘﻳﻐﯘﺭ ﺋﺎﻳﺎﻟﻠﯩﺮﻯ ﺋﯩﭽﯩﺪﻩ"ﺋﻮﻣﺎﻱ"،"ﻗﯘﺷﻨﺎﭼﯩﻢ"ﺩﻩﭖ ﺋﺎﺗﯩﻠﯩﺪﯨﻐﺎﻥ ﭘﯩﺮﯨﺨﯘﻧﻼﺭ(ﺩﺍﺧﺎﻧﻼﺭ)ﺋﯩﻨﺘﺎﻳﯩﻦ ﺋﻪﺗﯩﯟﺍﺭﻻﻧﻐﺎﻥ. ﭼﯜﻧﻜﻰ ﺋﯘﻻﺭ ﺗﯘﻏﯘﺗﻨﻰ ﺋﺎﺳﺎﻧﻼﺷﺘﯘﺭﯗﭖ،ﻛﯧﺴﻪﻝ ﺩﺍﯞﺍﻟﯩﻐﺎﻥ. ﻧﻪﺯﯨﺮ-ﭼﯩﺮﺍﻕ ﻣﯘﺭﺍﺳﯩﻤﻠﯩﺮﯨﻨﻰ ﺋﯩﺠﺎﺩ ﻗﯩﻠﻐﺎﻥ.ﺋﯚﻱ ﻫﺎﻳﯟﺍﻧﻠﯩﺮﯨﻨﻰ ﺑﯧﻘﯩﺸﻨﻰ،ﺗﯘﺯ ﺋﯩﺸﻠﯩﺘﯩﺸﻨﻰ،ﺳﺎﭘﺎﻝ ﺑﯘﻳﯘﻣﻼﺭﻧﻰ ﻳﺎﺳﺎﺷﻨﻰ،ﻛﯩﻴﯩﻢ ﺗﯩﻜﯩﺸﻨﻰ ﺋﻮﻣﯘﻣﻼﺷﺘﯘﺭﻏﺎﻥ.ﭘﺎﻝ ﺋﯧﭽﯩﭗ،"ﺟﯩﻦ"ﻻﺭﻧﻰ ﻗﻮﻏﻼﭖ،ﻛﻪﻟﮕﯜﺳﻰ ﺋﯩﺸﻼﺭﺩﯨﻦ ﺑﯩﺸﺎﺭﻩﺕ ﺑﻪﺭﮔﻪﻥ.ﻣﯘﺷﯘ ﺧﯩﻠﺪﯨﻜﻰ ﺋﯩﺠﺎﺩﯨﻲ ﻗﺎﺑﯩﻠﻴﯧﺘﻰ ﯞﻩ ﺋﻪﯞﻻﺩ ﻗﺎﻟﺪﯗﺭﯗﺵ(ﺗﯘﻏﯘﺵ)ﺗﯩﻦ ﺋﯩﺒﺎﺭﻩﺕ ﺋﯘﻟﯘﻏﻠﯘﻗﻰ ﺑﯩﻠﻪﻥ ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﯩﻨﯩﯔ ﺩﻩﺳﻠﻪﭘﻜﻰ ﺋﯩﻠﮕﯩﺮﻯ ﺳﯜﺭﮔﯜﭼﯩﻠﯩﺮﯨﺪﯨﻦ ﺑﻮﻟﯘﭖ ﻗﺎﻟﻐﺎﻥ.ﯞﺍﻫﺎﻟﻪﻧﻜﻰ، ﺋﺎﻧﯩﻠﯩﻖ ﺋﯘﺭﯗﻗﺪﺍﺷﻠﯩﻖ ﻛﻮﻣﻤﯘﻧﺎﺳﻰ ﺩﻩﭖ ﺋﺎﺗﺎﻟﻐﺎﻥ ﺑﯘ ﺑﺎﺳﻘﯘﭼﻨﯩﯔ ﺋﺎﺧﯩﺮﻗﻰ ﻣﻪﺯﮔﯩﻠﻠﯩﺮﯨﺪﻩ ﺳﯩﻨﯩﭙﯩﻲ ﺯﯗﻟﯘﻡ ﭘﻪﻳﺪﺍ ﺑﻮﻟﯘﭖ،ﺋﻪﺭﻟﻪﺭﻧﯩﯔ ﺟﻪﯕﻠﻪﺭﺩﯨﻜﻰ ﺭﻭﻟﻰ ﺋﺎﻟﺪﯨﻨﻘﻰ ﻗﺎﺗﺎﺭﻏﺎ ﺋﯚﺗﻜﻪﻥ.ﻧﻪﺗﯩﺠﯩﺪﻩ ﺋﺎﻳﺎﻟﻼﺭ ﻫﻮﻗﯘﻗﻰ ﺗﻪﺩﺭﯨﺠﻰ ﺋﺎﺟﯩﺰﻟﯩﺸﯩﭗ،ﺋﺎﺗﯩﻠﯩﻖ ﺋﯘﺭﯗﻗﺪﺍﺷﻠﯩﻖ ﺟﻪﻣﻪﺗﻰ ﻛﯜﭼﻪﻳﮕﻪﻥ ﯞﻩ ﺋﻪﯓ ﺋﺎﺧﯩﺮﻯ ﻫﯚﻛﯜﻣﺮﺍﻧﻠﯩﻖ ﺋﻮﺭﯗﻧﻐﺎ ﻛﯚﺗﯜﺭﯛﻟﮕﻪﻥ.ﺷﯘﻧﺪﺍﻗﺘﯩﻤﯘ،ﺋﺎﻧﯩﻠﯩﻖ ﺋﯘﺭﯗﻗﺪﺍﺷﻠﯩﻖ ﻛﻮﻣﻤﯘﻧﺎﺳﻰ ﺷﺎﻧﻠﯩﻖ ﺗﺎﺭﯨﺨﯩﻤﯩﺰﻧﯩﯔ ﻳﺎﻟﺪﺍﻣﯩﺴﻰ ﺳﯜﭘﯩﺘﯩﺪﻩ ﻧﯘﺭﻏﯘﻧﻠﯩﻐﺎﻥ ﺗﺎﺭﯨﺨﯩﻲ ﺋﯩﺰﻻﺭﻧﻰ ﻗﺎﻟﺪﯗﺭﻏﺎﻥ.
    ﺋﺎﻟﺘﺎﻳﺪﯨﻜﻰ ﻛﯩﺮﻣﯘﭼﺘﯩﻦ ﺗﯧﭙﯩﻠﻐﺎﻥ ﺗﺎﺵ ﺑﺎﻟﺒﺎﻟﻨﯩﯔ ﺋﯚﺯﻯ ﺋﺎﻳﺎﻝ ﺑﻮﻟﯘﭖ،ﻛﯚﻛﺴﻰ ﺗﻮﻣﭙﯘﻳﯘﭖ ﭼﯩﻘﯩﺮﯨﻠﻐﺎﻥ. ﻧﯩﻴﻪ ﻧﺎﻫﻴﯩﺴﯩﺪﯨﻦ ﺗﯧﭙﯩﻠﻐﺎﻥ ﺭﻩﯕﻠﯩﻚ ﺋﯜﺳﺘﻪﻟﻨﯩﯔ ﭘﯘﺗﯩﻐﺎ ﺋﺎﻳﺎﻟﻨﯩﯔ ﻳﯜﺯﺯﻯ ﻧﻪﻗﯩﺸﻠﻪﻧﮕﻪﻥ.ﻛﯚﻧﭽﻰ ﺩﻩﺭﻳﺎﺳﻰ ﺑﻮﻳﯩﺪﯨﻦ ﺗﯧﭙﯩﻠﻐﺎﻥ ﺋﺎﻳﺎﻝ ﺋﯩﻼﻫ ﻗﻮﻧﭽﺎﻗﻼﺭ ﯞﻩ ﺋﺎﭘﺘﯘﻧﻮﻡ ﺭﺍﻳﯘﻧﯩﻤﯩﺰﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻗﯩﻴﺎ ﺗﺎﺷﻼﺭﻏﺎ ﺳﯩﺰﯨﻠﻐﺎﻥ ﻫﯚﺭ-ﭘﻪﺭﯨﻠﻪﺭﻧﯩﯔ ﺭﻩﺳﯩﻤﻠﯩﺮﻯ ﭘﯜﺗﯜﻧﻠﻪﻱ ﺋﺎﻳﺎﻟﻼﺭﻧﯩﯔ ﺋﯘﻟﯘﻏﻠﯘﻗﯩﻨﻰ ﻧﺎﻣﺎﻳﺎﻥ ﻗﯩﻠﯩﺪﯗ. ﺑﯘ ﺋﯩﺰﻻﺭﻧﯩﯔ ﺗﺎﺭﯨﺦ ﺑﯘﻧﺪﯨﻦ 2000-8000 ﻳﯩﻼﺭ ﺋﯩﻠﮕﯩﺮﯨﻜﻰ ﯞﺍﻗﯩﺘﻼﺭﻏﺎ ﺗﻮﻏﺮﺍ ﻛﯧﻠﯩﺪﯗ.
    ﻣﻪﺷﻬﯘﺭ ﺋﯘﻳﻐﯘﺭ ﺋﺎﻟﯩﻤﻰ ﻣﻪﺧﻤﯘﺕ ﻗﻪﺷﻘﯩﺮﻯ "ﺋﻮﻣﺎﻳﻐﺎ ﺗﯩﯟﯦﻨﺴﺎ،ﺋﻮﻏﯘﻝ ﺑﻮﻟﯘﺭ" ﺩﯦﮕﻪﻥ ﻣﺎﻗﺎﻟﯩﻨﻰ ﺧﺎﺗﯩﺮﻟﯩﮕﻪﻥ③. ﺋﺎﻟﯩﻢ "ﺋﺎﻧﺎ" ﺩﻩﭖ ﺋﯩﺰﺍﻫﻠﯩﻐﺎﻥ "ﺋﻮﻣﺎﻱ"ﺳﯚﺯﻯ ﻗﻪﺩﯨﻤﻜﻰ ﺗﯜﺭﻛﭽﻪ ﺳﯚﺯ ﺑﻮﻟﯘﭖ،"ﺗﯘﺭﭘﺎﻥ ﺗﯧﻜﺴﺘﻠﯩﺮﻯ"ﻧﯩﯔ 7-ﺗﻮﻣﯩﺪﺍ ﯞﻩ"ﺋﺎﻟﺘﯘﻥ ﻳﺎﺭﯗﻕ"ﺗﯩﻤﯘ ﺋﯘﭼﺮﺍﻳﺪﯗ. "ﻛﯚﻟﺘﯧﮕﯩﻦ ﻣﻪﯕﮕﯜ ﺗﯧﺸﻰ"ﺩﺍ:"ﺋﻮﻣﺎﻳﺪﻩﻙ ﺋﺎﻧﺎﻡ ﺷﺎﺭﺍﭘﯩﺘﯩﺪﯨﻦ ﻣﻪﻥ ﺋﻪﺭ ﺑﻮﻟﺪﯗﻡ"ﺩﻩﭖ ﻳﯧﺰﯨﻠﻐﺎﻥ. "ﺋﯘﺭﺧﯘﻥ-ﻳﻪﻧﺴﻪﻱ ﻣﻪﯕﮕﯜ ﺗﯧﺸﻰ"ﺩﺍ:"ﺋﻮﻣﺎﻱ ﺑﻪﮒ-ﺋﺎﻧﺎﺝ" ﺩﯦﻴﯩﻠﮕﻪﻥ④. ﺑﯘ ﻣﻪﻧﺒﻪﻟﻪﺭ ﻗﻪﺩﯨﻤﻜﻰ ﺋﻪﺟﺪﺍﺗﻠﯩﺮﯨﻤﯩﺰﺩﺍ ﺋﺎﻳﺎﻟﻼﺭﻏﺎ ﺗﯩﯟﯦﻨﯩﺶ(ﭼﻮﻗﯘﻧﯘﺵ) ﺋﺎﺩﯨﺘﯩﻨﯩﯔ ﺑﻮﻟﻐﺎﻧﻠﯩﻘﯩﻨﻰ ﺗﯧﺨﯩﻤﯘ ﺭﻭﺷﻪﻥ ﺋﯩﺴﺴﭙﺎﺗﻼﭖ ﺑﯧﺮﯨﺪﯗ.

    ﺋﯩﺰﺍﻫﺎﺕ: ①---ﻗﯘﺭﺑﺎﻥ ﯞﻩﻟﻰ:"ﺑﯩﺰﻧﯩﯔ ﺗﺎﺭﯨﺨﯩﻲ ﻳﯧﺰﯨﻘﻠﯩﺮﯨﻤﯩﺰ"،37-ﺑﻪﺕ.
    ②---ﻟﻰ ﺷﯩﻴﻰ:"ﺑﯜﮔﯜﻧﻜﻰ ﺋﺎﻳﺎﻟﻼﺭ ﺩﯙﻟﯩﺘﻰ"،9-ﺑﻪﺕ.
    ③---ﻣﻪﺧﻤﯘﺕ ﻗﻪﺷﻘﯩﺮﻯ:"ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" 1-ﺗﻮﻡ 167-ﺑﻪﺕ.
    ④---"ﻗﻪﺩﯨﻤﻜﻰ ﺋﯘﻳﻐﯘﺭ ﻳﺎﺯﻣﺎ ﻳﺎﺩﯨﻜﺎﺭﻟﯩﻘﻠﯩﺮﯨﺪﯨﻦ ﺗﺎﻟﻼﻧﻤﺎ".

    ﺑﯘ ﻣﺎﻗﺎﻟﻪ ﺋﻪﺳﻠﯩﺪﻩ "ﺷﯩﻨﺠﺎﯓ ﺋﺎﻳﺎﻟﻠﯩﺮﻯ" ﮊﻭﺭﻧﯩﻠﯩﻨﯩﯔ 1997-ﻳﯩﻠﻠﯩﻖ 2-ﺳﺎﻧﯩﺪﺍ ﯞﻩ "ﺟﻪﻧﯘﺑﯩﻲ ﺷﯩﻨﺠﺎﯓ ﻧﯧﻔﯩﺖ ﮔﯧﺰﯨﺘﻰ"ﻧﯩﯔ1996-ﻳﯩﻞ 1-ﻣﺎﺭﺗﺘﯩﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ.

    历史上的今天：


    收藏到：Del.icio.us




    خەتكۈچ:
    ئادرىسى:
    ئەتتىرگۈل ۋاقتى22:32:25 | تەھرىرلەش | 分享　0
ئۇيغۇرچە بىلەن لاتىنچە يېزىقنى ئالماشتۇرماقچى بولسىڭىز Ctrl+k نى بېسىڭ. يېزىق يۆنۈلۈشىنى ئۆزگەرتمەكچى بولسىڭىز Ctrl+t نى بېسىڭ.