شىنخۇا ئاگېنتلىقىنىڭ 7-ئاينىڭ 9-كۈنىدىكى خەۋىرى، ئىران زۇڭتۇڭى نىجات ئەھمەد مۇشۇ ئاينىڭ 7-كۈنى تېھراندىكى ئاخبارات ئېلان قىلىش يىغىنى ئېچىپ مۇنۇلارنى بىلدۈردى:«ئىران ئۇران قويۇقلاشتۇرۇشتىن ھەرگىز ۋاز كەچمەيدۇ».
ئۇ كۈنى ئۇنىڭدىن «ئۇران قويۇلدۇرۇش توختىتىش شەرتى ئاستىدا باشقا دۆلەتلەر بىلەن سودىلىشىش ئېلىپ بېرىلامدۇ» دەپ سورالغاندا ئۇ «ياق» دەپ جاۋاب بەرگەن. ئۇ يەنە مۇنداق دېگەن:«ئىران نۆۋەتتە ساپلىق دەرىجىسى %20 كە يېتىدىغان ئۇراننى قۇيۇلدۇرۇۋاتىدۇ. ئىران خەلقئارا ئاتوم ئېنېرگىيە ئورگىنى پرىنسىپىنىڭ رامكىلىرىدىن ئۆزىنىڭ قانۇنلۇق ھوقۇقىنى قوغدايدۇ».
 

ئۇ يەنە مۇنداق دېدى:«ئىراننىڭ يادرو پويىزى ھەرگىزمۇ قاتىل ماشىنا ئەمەس، ئۇ ھېچنېمىگە توسقۇنلۇق قىلمايدۇ، شۇڭلاشقا، ئىران ئۇنى تېخىمۇ ئىلگىرى سۈرۈشنى قارار قىلدى. يادرو مەسىلىسىگە قارشى تۇرۇش غەربلىكلەرنىڭ ئىران مۇستەقىللىقى ۋە ئىراننىڭ ئالغا ئىلگىرىلىشىگە توسقۇنلۇق قىلىشتىكى بىر باھانىسىدىن ئىبارەت. ئىران نۆۋەتتە، غەرب دۆلەتلىرى بىلەن ھەمكارلىشىش ۋە ئۇلار بىلەن ئورتاق تونۇش ھاسىل قىلىشقا تەييارلىق قىلىۋاتىدۇ. غەرب دۆلەتلىرىمۇ نۆۋەتتە، ئىران بىلەن ھەمكارلىشىشقا موھتاج، ھەرگىزمۇ قارشىلىشىشقا ئەمەس».