2-ئىيۇل كەچتە ئۈرۈمچى شەھىرىنىڭ <غەربىدىكى سەككىز تۈتۈن يولى> دىكى بىرغول سۇ تۇربىسى يېرىلىپ كېتىپ،بۇ بۆلەكتىكى يول ئولتۇرۇشۇپ كەتكەن،302-يولى ئاپتۇبۇسى بۇ جايغا پېتىپ قالغان،بەخىتكە يارىشا ئاپتۇبۇستىكى يولۇچىلارغا خەۋپ يەتمىگەن.3-ئىيۇل چۈشكە يېقىن بۇ تۇربا رېمونت قىلىنىپ،سۇ نورمال تەمىنلەنگەن.

يېڭىشەھەر رايونلۇق سۇ تەمىنلەش شىركىتىنىڭ دېرىكتورى لياڭ خەيجۈننىڭ ئېيتىشىچە،شىركەت بۇ ئەھۋالدىن خەۋەر تېپىپلا نەق مەيدانغا ئادەم ئەۋەتكەن.يېرىلىپ كەتكەن تۇربا 1993-يىلى ياتقۇزۇلغانىكەن،بەلگىلىمە بويىچە بۇ تۇربىنىڭ ئىشلىتىلىش ۋاقتى 15 يىل ئىكەن،مەبلەغ يېتىشمەسلىك سەۋەبىدىن ئالماشتۇرۇلمىغانىكەن.