ۋىسال ناخشىلىرى (شىئېر ) تۇردى ئىسرائىل دىنارى ئالدىمدا ئەلمىساقتىن باشلانغان بىر يول، كەلدىم ئېرالار بوسۇغىسىدىن، جەزىرىدىكى قۇملار ئارىسىدىن، يۇقالماس شەپەقتەك نۇرلۇق ئۈمىددىن، زېمىنغا سىڭىپ كەتكەن بۇيۇك روھتىن، بوۋاملارنىڭ قەدىمى ئارزۇسىدىن، .... تومۇرۇمدا كۈۋەجەيدۇ ، ئۇلۇغ ئەجدادلار قېنى، چەكسىز ئىزتىراپ چىرمايدۇ قەلبىمنى. كەينىمدە، چەكسىز خارابە ئىزلار، خىيالى تۈگىمەي بېشى ئاقارغان تاغلار، نەگىدۇر ئالدىراپ يۈگۈرگەن دەريا، تىمتاس قۇچاق ئېچىپ كۆرۈنگەن دالا... مەن ئەشۇ قەدىمدىن كەلدىم. تۇرىمەن ئۇپۇق گىرۋىكىدە، ئۆتمۈش بىلەن مەيۇس خۇشلۇشۇپ. ئالدىمدا قاينامدەك دەھشەت مەنزىرە، رىقابەت ئوقلىرى چېقىندەك كەسكىن، ئىرادە يەلكىنىم،ئۈمىد پالىقىم ئىناقلىق ،ئەمىنلىكنى قىلىپ ھەمرا يۇلقۇندۇم زەرىپتە دولقۇنلار ئارا. ئۇشبۇ مەنزىرە، ئوڭۇمدا شىددەتلىك، چۈشۈمدە دېڭىز دولقۇنى گۇيا. تەقدىر بازغان بولۇپ تېگىدۇ، روھىم ئۇنىڭ مەزمۇت سەندىلى. .... تۇرىمەن بۈگۈننىڭ گۇگۇمى ئەتىنىڭ ھارپىسىدا ئۈمىددەك سەھەر، سەھەردەك ئۈمىد، پارلار بوۋامنىڭ تەبەسسۇمىدەك. گۇيا ئۇ بىلىنىدۇ، قۇياش ھەر كۈنى يېڭى تۇيۇلغاندەك، بولىمەن ھەر كۈنى يېڭىۋاشتىن توغۇلغاندەك، جېنىمغا مىڭ جان قۇشۇلغاندەك. كۆزلۈرۈمدىن، ئىناقلىق نۇرى ، سۆيگۈ مۇھەببەت قويۇلغاندەك. كۆرىمەن ئەزىم تۇپىراقتا،قۇياش ئەمەس، مىلىيۇن گۈل -چېچەك ئېچىلغاندەك. زېمىنغا گۈللەر ھىدى چېچىلغاندەك. ئۈمىددەك سەھەر، سەھەردەك ئۈمىد ، گۈلگە ئوخشاش پورەكلەر. ئەجدادلار ئارزۇسى، نەۋرىمىز، چەۋرىمىزنىڭ نۇرانە چېھرىدە كۈلەر. غايىپ بولار ئالۋۇندەك، روھىمىزنى چۈشەپ تۇرغان ئازاپ-ھەسىرەتلەر. تۇرىمەن قۇياش بىلەن روبىرۇ، ئۇپۇقتا ئەنە ، چېچەك ئېچىپ ئاۋامنىڭ ، قەلبىدىكى ئودلۇق تىلەكلەر. خۇشلۇقىدا ۋىسالنىڭ يېرىلغۇسى يۈرەكلەر. نەقەدەر گۆزەل، نەقەدەر سۆيۈملۈك، تاڭلا بىزنى كۈتىۋاتقان شۇ نۇرانە سەھەرلەر..... 20009-يىل 3-ئاۋغۇست يېزىلدى . 2011-يىل 23-ماي ''ئالمىزار ''تورىغا يوللاندى. ئاق كىشمىش ئۈرۈك ماكانى:بۈگۈر دىيارىدىن- تۇردى ئىسرائىل دىنارى
(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
