تويدۇم
تويدۇم ،تويدۇم،تويدۇم ھاراقتىن، تويدۇم بەدبۇي سېسىق پۇراقتىن. قىزاردى يۈز زابۇي ئاتاقتىن، ئىبرەت ئالاي ئۈشبۇ ساۋاقتىن.
تالاي يىللار ئىچتىم توختىماي، مايماق دەسسەپ يۈردۈم ئۇخلىماي. بوتۇلكىنى كۈندە يوقلىماي، كېلەلمىدىم بوتكا-قاۋاقتىن.
ئۇن-ماي بىلەن بولمىدى كارىم، ھاراق دېدىم ئامرىقىم-يارىم. ئەيىپلەپ ھەم ئىماممۇ،قارىم، تويۇپ كەتتى مەندەك قالاقتىن.
كەلدىم ھەركۈن مەس بولۇپ ئۆيگە، مېھمان باشلاپ چوڭ-كىچىك تۆرگە. گۆش يوق دېسە خوتۇن ئۈگۈرگە، ئايىماستىن سالدىم كاچاتقا.
پۇلمۇ تۈگەپ دوستتىن ئايرىلىپ، پۇت-قوللۇرۇم سۇنۇپ قايرىلىپ، ئەل ئىچىدە زابوي سايلىنىپ، چۈشۈپ قالدىم ئەلدىن-ساناقتىن.
تويدۇم،تويدۇم،تويدۇم ھاراقتىن، تويدۇم بەدبۇي سېسىق پۇراقتىن. يۈ-ئابرۇيۇم ئويلاپ ئەمدىمەن، يىراق كېتەي بوتكا قاۋاقتىن. ئاپتۇرى: ئەنۋەر تۇراخۇن غولجا چىگرا ئىقتىسادى ھەمكارلىق رايۇنى ئىككىنجى ئىجدىمائىي رايۇن ئاھالىلەر كومتىتىدا خىزمەت قىلىدۇ. |
