نۇرمۇھەممەتجان پېنسىيىگە چىققان يۈك ئاپتوموبىل شوپۇرى،1952-يىلى قارلىق چوققىلاردىن ئاتلىق ھالقىپ جېرجېتقا كەلگەن.ئۇنىڭ بۇ شەھەردىكى ئىناۋىتى ناھايىتى يۇقىرى،شىمالنىڭ قەيەرىگىلا بارسۇن،كىشىلەر ئۇنى ھۆرمەت قىلىدۇ.قاراقۇرۇم تاشيولىدا قاتناش باشلانغاندىن كېيىن،ئۇ1982-يىلىدىن1986-يىلغىچە يولۇچىلارنى بىۋاستە جۇڭگوغا ئېلىپ بارالايدىغان شوپۇر بولۇپ قالغان.ئۇ ھازىر يىراق مۇساپىلىك يولۇچى توشۇش تىجارىتى قىلىدۇ،ئىلكىدە يەتتە ئارىبۇس بار؛ھەرقاچان تۇرمۇشتا قىينىلىپ قالغان كىشىلەرنى كۆرسە،ئۆيىگە ئېلىپ كېلىپ ھالىدىن خەۋەر ئالغاچقا،ئىناۋىتى يۇقىرى. شىنجاڭلىق ئۇيغۇر،مەشھۇر فوتوگراف كېرىمجان پاكىستان فوتوگرافلار جەمئىيىتىنىڭ ئەزاسى،ئىلگىرى سابىق زۇڭتۇڭ مۇشەررەف بىلەن سابىق زۇڭلى بەنەزەر بوتتونىڭ سۈرەتچىسى بولغان.ئىلكىدە بىر فوتو سۈرەتچىلىك بىناسى بار.55ياشلىق سېيىت ئابدۇللا جاففار شىنجاڭنىڭ يەكەن ناھىيىسىدە تۇغۇلغان،خەنزۇ تىلىغا پۇختا،ئۇ 1967-يىلى ئاتا-ئانىسى ۋە سىڭلىسى بىلەن بىللە جېرجېتقا كۆچۈپ كەلگەن.دەسلەپتە ئۇ بۇ يەردە كۇلالچىلىق قىلدى،ھازىر تۆت ئوغلىنىڭ ھەممىسى سودىگەر،ئىككى ئوغلى سائەتچىلىك بىلەن مەشغۇل،ئىلكىدە توققۇز دۇكان بار،ئۇلار شۋېتسارىيە سائەتلىرىنىڭ بۇ جايدىكى ۋاكالەتچىسى. شۇنداق دېيىشكە بولىدۇكى شىنجاڭلىق ئۇيغۇرلار پاكىستاننىڭ شىمالىدا بەرپا قىلغان سودا ئىشلىرى تورى بۈگۈنكى كۈندە بۇ جاينىڭ سودا ئىشلىرىدىكى يورۇق نۇقتا،ھەتتا ئۇلار سودا ساھەسىنىڭ سەركىسى بولۇپ قالغان. بۇ يەردە ياشاۋاتقان شىنجاڭلىق ئۇيغۇر ۋە تاجىك كۆچمەنلەر مىللىي ئەنئەنىسىنى ساقلاپ قالغان،يەنە پاكىستاننىڭ شىمالىدىكى ئاددىي-ساددا،سەمىمىيلىك ئاساس قىلىنغانتۇرمۇش ئادىتىگە كۆنگەن.ئۇلار پاكىستانغا تەۋە بولسىمۇ،شىنجاڭدىكى ئۇيغۇرلارنىڭ تۇرمۇش ئادەتلىرىنى تاشلىمىدى،ھەتتا ئۇلارنىڭ مېھمان كۈتۈش ئادەتلىرىمۇ شىنجاڭدىكى ئۇيغۇرلارنىڭكى بىلەن ئوخشاش.باياملا تىلغا ئېلىنغان سېيىت ئابدۇللا جاففار ھەريىلى شىنجاڭغا ئىككى قېتىم بارىدۇ،قايتىپ بارغاندىن كېيىن،ھەقامسايىلىرىگە شىنجاڭدا بولغان تەرەققىيات ۋە ئۆزگىرىشلەرنى ھېكايە قىلىپ بېرىدۇ.ئۇ مۇنداق دېدى؛بۇ يەردىكىلەرنىڭ ۋەتەنگە تەۋەلىك تۇيغۇسى بەك كۈچلۈك،گەرچە ئۇلارنىڭ شىنجاڭ تەۋەلىكى بولمىسىمۇ،ئەمما ئۆزلىرىنى چەتئەلدىكى شىنجاڭلىقلار دەپ قارايدۇ.مېنىڭ قەشقەردە تۇغقانلىرىم كۆپ،خوتۇنۇمنىڭ يېڭىساردىكى تۇغقانلىرىنى ساناپ بولالمايمەن! ئەھەتجان تۆت قېرىنداش بىر قورودا ياشايدۇ،ئۇلارنىڭ11بالىسى بار.ئۇلارنىڭ كىچىكى شۇ يەرلىك خوتۇن ئالغاندىن باشقا،قالغان ئۈچ قېرىنداش شۇ يەردىكى ئۇيغۇرلارنىڭ قىزلىرىنى ئەمرىگە ئالغان.38ياشلىق تاھىرجان؛‹پەرزەنتلىرىمىز ئۇيغۇرچە سۆزلەشنى ئۇنتۇپ قالدى،ھەممىسى مۇشۇ يەرنىڭ تىلىدا سۆزلەيدۇ.ئەمما بىز ئۇلارغا دائىم ئاتا-بوۋىسىنىڭ شىنجاڭلىق ئىكەن؛ىكىنى ئېيتىپ تۇرىمىز،ئۇلار ھەممىسى يىلتىزىنىڭ شىنجاڭنىڭ خوتەن دىيارىدا ئىكەنلىكىنى بىلىدۇ،ئۆزلىرىنى شىنجاڭلىقلارنىڭ ئەۋلادى دەيدۇ!›دېدى.ئۇلارنىڭ ئۇيغۇر ئۇسۇلىغا بولغان مېھرى شۇنچىلىك كۈچلۈك،ئەمما تېخنىكىلىق شارائىت چەكلىمىسى تۈپەيلىدىن،ھازىرغىچە شىنجاڭنىڭ تېلېۋىزىيە پروگراممىلىرىنى كۆرۈپ باقماپتۇ.(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
