版权声明：转载时请以超链接形式标明文章原始出处和作者信息及本声明
logs/63208926.html

رۇبائىلار

)ئون يىللىق ئاپەت مەزگىلىدە(  

 

1.

قەلەم سۇندى، ئەلەم ئەزدى دىلىمنى ،

شامالدارىپ كىكەچ قىلدى دىلىمنى .

قولۇم تۇتماس، پۇتۇم باسماس ،پالەچ مەن ،

نىمە بىرلە قىلاي رازى ئىلىمنى .

2.

قارا يىللار بوشۈكىگە تۇغۇلدۇم ،

تۇغۇلدۇممۇ ، قەپەس ئىچىرە بوغۇلدۇم ،

ئومرۈم مىنىڭ ھەسرەت بىلەن ئۆتەرمۇ ،

ئەلگە خىزمەت قىلاي دىگەن ئوغۇلدۇم .

3.

يوق ئىدىم بىر كىچىدە بار قىلدى مىنى ،

بار قىلدىيۇ ، جاپاغا دۇچار قىلدى مىنى .

يەتمەسمىدى شۇ ،پەرزەنىت تاپقىنىم نىمە،

ساراڭلىقىم تولا گۇناھكار قىلدى مىنى

4.

مىنىڭ مەن بولمىقىم ئۆز مەيلىم ئەمەس ،

يا ئورۇق -سىمىزلىك تۈپەيلىم ئەمەس .

ئۆز يۇرتتا غېرىپ ، ئۆز يۇرتتا مۇساپىر ،

بولمىقىم ھەرگىز ئۆز پەيلىم ئەمەس .

5.

تىرىك دىسەم ،تىرىكلىكتىن مەنە يوق ،

ئۆلەي دىسەم ،ئۆلمىكىمگە باھانە يوق .

كۈندە خىيال ،كۈندە تەشۋىش،كۈندە غەم .

دەردىم ئېيتسام ،دەردكە دەرمانە دانا يوق .

6.

بۇ نىچۈك تۇرمۇشكى ،كىشى ئاندىن بىزار،

تەن بىزار جاندىن ،يەنە جانمۇ تەندىن بىزار.

كۆڭلۈم ئىستەر مەڭگۈلۈك خىلۋەت ماكان ،

ۋاھ ، ئەجەبكىم ،دىلمۇ بۇ جاندىن بىزار.!

13.

تۇغۇلغاندا تەڭ ئىدۇق تەڭرى ئالدىدا ،

تەڭ ئەمەس بىزلىكىن دەۋىر ئالدىدا .

كۆرەڭلەپ كەتمىگىن ئامەتلىرىڭدىن ،

تەڭ بولىمىز ئاخىر قەبرە ئالدىدا .

  

1972-يىلى 8-ئىيۇل

 

14.

زالىم زۇلمىلە ھەردەم لەنەتكە دۇچار،

ئىمىش يەر ئاستىدا ھەم ھالى ناچار .

يىلانغا رەھىم يوق تا ئەلمىساقتىن ،

ھەر كىم كۆرسە ئۇنى ،باشنى يانچار.

 

1972-يىلى 3-سىنتەبىر

 

ھوشىيارلىقتىن مەستىرەك يۈرگەن ياخشراق ،

زىرەكلىكتىن دۆتىرەك بولغان ياخسىراق .

كۆزۈڭ خىرە بولسا تېخىمۇ ياخشى ،

ئاغرىمىسۇن دىسەڭ دىل بىلەن قۇلاق .