ئايەم مۇبارەك !

خەلىق ئىچىدە ئەتىگەن كەلگەن مۇشتىن يانما دەيدىغان بىر گەپ باركەن ،شۇنىڭغا قارىغاندا ئەتىگەنكى ئىشلار خەيرىلىك بولسا كېرەك . ھېيىت كۈنىمۇ ئەتىگەندە مەسچىتكە بارىمىز ، ئاندىن تۇققان ، دوس بۇرادەرلەر ۋە باشقىلار بىلەن ھېيىتلىشىمىز ، مۇشۇ ھېيىت كۈنى غېرىپىققا چۈمۈپ قالىدىغانلار يەنىلا يېراقتا خىزمەت قىلىۋاتقانلار ، ئۇرۇق تۇققان ، ئاتا -ئانىسى بىلەن كۈرۈشۈشكە پۇرسەت بولمىغانلار ياكى ۋەتەن سىرتىدىكى قېرىنداشلار بولسا كېرەك ، بۇلارغا ئاسانلىقلار بولسۇن . شۇنداق قىلىپ ھېيىت يىتىپ كەلدى ، ھېيىت مۇناسىۋىتى بىلەن ئاداۋەتلەر تۈگەپ دوستلۇق قېرىنداشلىقنىڭ كۈچىيىشىنى ئۈمىد قىلىمەن ۋە مۇشۇ بىلوگىم ئارقىلىق بارلىق قېرىنداشلارنىڭ ھېيتىنى مۇبارەكلەيمەن ، ئايەم مۇبارەك !

ئىنگىلىزلارمۇ ‹تاج ماھال›نىڭ ئالدىدىن ئۆتسە ئۇيغۇر بىناكارلىقىنىڭ بۇ جاھانشۇمۇل ئۈلگىسىگە مەپتۇن بۇلۇپ ئاغزىنى ئېچىپ قالىدىكەن .ئۇيغۇر زەمبىرەكلىرىنىڭ بۇس-پوروخلىرى ئاسمىنىڭلاردىن كەتمەي تۇرۇپ ئۇيغۇرلارنى ئۇنتۇلۇپ قالغىنىڭلار غەلىتە ئىشقۇ ؟ 2000يىل ئىلگىرى مۇشۇ ھىندىستان زىمىنىدا قانسىراپ ئۆلگەن مەشھۇر ئىستىلاچى زۇلقەرنەيىننى بىلمەيدىغىنىڭلار يوق ،يولۋاستەك قۇترىغان پېتى دۇنيانىڭ تەڭ يېرىمىنى قېلىچ ئاستىغا ئالغان ،ھەتتا سىلەرنىڭ ھىندىستاننىمۇ ناشتىلىق ھىسابىدا يۇتۇپ كەتكەن ئاشۇ ئىسكەندەر مۇ ئۇيغۇر ئېلىگە پەشۋا ئاتقاندا ،يەكەن خانلىقىنىڭ شىددەتلىك ھۇجىمىغا دۇچ كىلىپ بىراقلا ياۋاشلاپ مۈشۈككە ئايلىنىپ قالغانىدى .ئۇيغۇرلار ئەنە شۇ يىللاردا تارىخنىڭ ئوتتۇرى ئاسىيا ۋە ئوتتۇرى تۈزلەڭلىك ئۈچۈن قارايغان ئاسمىنىنى بىراقلا دۈم كومتۈرۈپ توختىغان ،ھېلىمۇ ھەم بازار رەستەڭلەرنى رەڭدار گىلەم ھەم شايى ئەتلەس بىلەن چاقنىتىپ تۇرىۋاتقانلارمۇ دەل ئۇيغۇر سودىگەرلەردۇر.مەن ئەشۇنداق ئۇيغۇرلارنىڭ ئەۋلادى ....