ymBئاقيول ئۇيغۇر تور بىكىتى
　 غاز چۈجىسى بىر ئايلىق بولغاندا يۇقۇملۇق زۇكام بىلەن ئاسان يۇقۇملىنىدۇ. بۇ كېسەل ئاساسلىقى نەپەس يولى، ھەزىم يولى ئارقىلىق يۇقىدۇ، تېز تارقىلىدۇ، ئۆلۈش نىسبىتى يۇقىرى. يۇقۇملانغان دەسلەپكى مەزگىلدە بۇرۇن، ئېغىزىدىن سۈزۈك سۇ ئاقىدۇ، نەپىسى تېزلىشىدۇ، پات - پات بېشىنى سىلكىيدۇ، پۇتى تىترەيدۇ، جىمغۇرلىشىدۇ، ئىشتىھاسى تۇتۇلىدۇ، پەيلىرى پاخپىيىدۇ، يېتىۋالىدۇ، تەن تېمپېراتۇرىسى ئۆرلەيدۇ، ئاخىرىدا ئىچى سۈرۈش ئەھۋالى كۆرۈلىدۇ، 3 - 5 كۈندە ئۆلۈپ قالىدۇ. ئالدىنى ئېلىش، داۋالاش ئۇسۇلى: بۇ كېسەلنىڭ ئالدىنى ئېلىشنىڭ ئاچقۇچى مۇھىتنى پاكلاش، سۇ، دېنىنىڭ تازىلىقىنى چىڭ تۇتۇش ۋە سوغۇقتىن ساقلاش. كېسەل كۆرۈلگەندە ۋاقتىدا ئايرىپ، غازخانا ۋە تېنىنى پاكلاش، شۇنىڭ بىلەن بىر ۋاقىتتا دورا ئىشلىتىش كېرەك. بۇنىڭدا %20 لىك ناترىي سۇلفاتىئازول (خۇاڭئەن سەيزونا 磺安噻唑钠) ئوكۇلىدىن ھەر بىرىگە 1ml - 2ml توغرىلاپ، كۈندە بىر قېتىمدىن ئۇدا ئىككى - ئۈچ كۈن مۇسكۇلىغا ئۇرسا ياكى پېنسىلىن (چىڭمېيسۇ 素霉青) غا سىترېپتومىتسىن (ليەنمېيسۇ 链霉素) قوشۇپ، ھەر بىرىگە 30 مىڭ بىرلىكتىن 50 مىڭ بىرلىككىچە توغرىلاپ، كۈندە ئىككى قېتىمدىن ئۇدا ئۈچ كۈن مۇسكۇلغا ئۇرسا بولىدۇ. ھەر 50 غاز چۈجىسىگە 35g زەنجىۋىل، 30g ئۆرۈك مېغىزى ۋە 25g دىن دارچىن شېخى، كەۋرەك، چاكاندا توغرىلاپ، 2.5kg - 3kg سۇدا قاينىتىپ، كۈندە ئىككى قېتىمدىن ئۇدا ئۈچ كۈن دانغا ئارىلاشتۇرۇپ بەرسىمۇ بولىدۇ.ymBئاقيول ئۇيغۇر تور بىكىتى