قىش پەسلىدە قومۇل شەھىرىدە ھاۋا تېمپىراتۇرىسى كۆرۈنەرلىك تۆۋەنلەپ، ھۆل – يېغىن كۆپ بولدى. ئەتىياز كىرىپ ھاۋانىڭ تۇيۇقسىز ئىسسىشى بىلەن قار – مۇزلار ئېرىشكە باشلىدى. شۇنىڭغا ماس ھالدا قومۇل شەھەرلىك كەلكۈنگە تاقابىل تۇرۇپ، قۇرغاقچىلىققا قارشى تۇرۇش قوماندانلىق ئىشتابى بالدۇر ئورۇنلاشتۇرۇش، بالدۇر ئەمەلىيلەشتۈرۈش، بالدۇر تەكشۈرۈش ئارقىلىق، يۈز بېرىش ئېھتىمالى بولغان كەلكۈن ئاپىتىگە تاقابىل تۇرۇشقا پائال تەييارلىق قىلدى.PS8ئاقيول ئۇيغۇر تور بىكىتى

　 تونۇشتۇرۇلۇشىچە، چاغاندىن ئىلگىرى قومۇل شەھىرى كەلكۈنگە تاقابىل تۇرۇش لايىھەسىنى مۇكەممەللەشتۈرۈپ، ھەر قايسى يېزا (بازار)لارنىڭ مەسئۇللىرى بىلەن نىشان مەسئۇلىيەتنامىسى ئىمزالىغان. كەسپىي تېخنىكلارنى تەۋەلىكتىكى ئۆستەڭ، كەلكۈن ئۆتۈشۈش كۆۋرۈكلىرى ۋە كەلكۈندىن مۇداپىئەلىنىش ئەسلىھەلىرىنى تەكشۈرۈشكە تەشكىللەپ، خەتەرلىك بۆلەكلەرنى رېمونت قىلىش، راۋانلاشتۇرۇش، مۇستەھكەملەش خىزمىتىنى قانات يايدۇرغان. شۇنىڭ بىلەن بىرگە ھەرقايسى يېزا (بازار)لارنى كەلكۈن مەزگىلىدە ھاۋارايى تارماقلىرىنىڭ مەلۇماتىغا يېقىندىن دىققەت قىلىپ، كەلكۈندىن مۇداپىئەلىنىش ئەسلىھەلىرىنى قەرەللىك چارلاپ تۇرۇشقا ئادەم ئورۇنلاشتۇرۇشقا تەشكىللىگەن. قۇرۇلۇش قىلغۇچى ئورۇنلاردىكى 100 نەپەر ئادەمدىن كەلكۈندىن مۇداپىئەلىنىش، جىددىي ئەھۋاللارغا تاقابىل تۇرۇش، قۇتقۇزۇش ئەترىتى تەشكىللىگەن. ھەر قايسى يېزا-بازارلاردا كەلكۈندىن مۇداپىئەلىنىش، جىددىي ئەھۋاللارغا تاقابىل تۇرۇش ئەترىتىدىن 21 نى قۇرغان. ئالتە دانە گېنېراتۇر، 80 مىڭ دانە تاغار، 1283 دانە بامبۇك تاختاي، 1356 دانە ياغاچ تۈۋرۈك، تۆت دانە چوڭ تىپلىق ماشىنىسازلىق ئەسلىھەسى، تۆت يۈك ئاپتوموبىلى، 30 يۈرۈش قۇتقۇزۇش كىيىمى قاتارلىق قۇتقۇزۇش ئەسلىھەلىرىنى تەق قىلىپ قويغان.PS8ئاقيول ئۇيغۇر تور بىكىتى

　قومۇل شەھىرىدىكى سۇ ئامبارلىرى، توسمىلار، بولۇپمۇ، ئۆتكەن يىل ئالتە ئورۇندىكى خەتەرلىك جايلىرى مۇستەھكەملەنگەن كىچىك تىپتىكى سۇ ئامبارلىرى مۇداپىئەلىنىدىغان مۇھىم نۇقتىلار بولۇپ، قومۇل شەھىرى مەخسۇس خادىم تەشكىللەپ، بۇ ئورۇنلاردا بىخەتەرلىك تەكشۈرۈشى ئېلىپ بارغان، ھەمدە يوشۇرۇن خەۋپ ئامىللىرىنى ئېنىقلاپ بىر تەرەپ قىلغان.PS8ئاقيول ئۇيغۇر تور بىكىتى

 PS8ئاقيول ئۇيغۇر تور بىكىتى

شىنجاڭ يېزا-ئىگىلىك ئۇچۇر تورىدىن ئېلىندىPS8ئاقيول ئۇيغۇر تور بىكىتى

 PS8ئاقيول ئۇيغۇر تور بىكىتى