تۇخۇمنىڭ بالىياتقۇ سىرتىدا بولۇپ قېلىشى بالىياتقۇ سىرتىدا ھامىلدار بولۇش دېيىلىدۇ، كۆپلىگەم بالىياتقۇ  سىرتىدا  ھامىلدار بولغانلارنىڭ تۇخۇم نەيچىسىدە ھامىلە پەيدا بولىدۇ، بۇ ئۇرۇن ھامىلدار بولۇشقا مۇناسىپ بومىغانلىقتىن، ناھايىتى ئوڭايلا بويىدىن ئاجرايدۇ ياكى تۇخۇم نەيچىسى پارچىلىنىپ كېتىدۇ. تۇخۇم نەيچىسىنىڭ پارچىلىنىپ كېتىشى نىسبەتەن ئېغىر ئەھۋال بولغانلىقتىن قان چىقىشنى كەلتۈرۈپ چىقىرىدۇ. تۇخۇم نەيچىسىدە ھامىلدار بولۇش كۆپىنچىسى بالىياتقۇ پەردە ياللۇغى ۋە تۇخۇم نەيچىسى ياللۇغى بولغان ياكى سۈنئىي ھالدا ئالدۇرۇۋەتكەندىن كېيىن تۇخۇم نەيچىسى ياللۇغى بولغان ئاياللاردا دائىم  كۆرۈلىدۇ. ئىلگىرى بۇ خىل كېسەلگە گىرىپتار بولمىغان ئاياللار تۇنجى قېتىم ھامىلدار بولغان مەزگىلدە ئادەتتە بالىياتقۇ سىرتىدا ھامىلدار بولۇپ قېلىش ھادىسىلىرى كۆرۈلمەيدۇ.