مەجۈننىڭ پايدىسىنى بىلىدىغانلار بارمۇ؟ (تاغدىن-باغدىن)

ئەسسالامۇ ئەلەيكۇم بىرزاتكا ،قانداق ئەھۋاللىرى؟
بىزنىڭ ياتاقتىكى باللار 1-2ئاي بولدى <مەجۈن>دەيدىغان بىر نەرسىنى يەيدىغان بولىۋالدى، شۇلارنىڭ تەسىرىدە مەنمۇ يەپ باقتىم ، ئۇنى يىگەندىن كىيىن ئادەمنى خوش كەيىپ قىلىپ ،بىكاردىن بىكار كۇلىدىغان ۋە شۇ قاتارلىق بىر قاتار كەيىپلەرنى پەيدا قىلىدىكەن ، بۇلانىڭ ھەممىنى دەپ ئولتۇرمىساممۇ سىلى تىۋىپ بولغاندىكىن ھەممىنى بىلىدىلا، ئەمدى ئويلاپ قالدىم ،ئۇ دورىنىڭ تەركىۋى نىمە ،نىمىدە ياسايدۇ،ئادەمگە قانداق پايدىلىق تەرەپلىرى بار، زىيانلىق تەرەپلىرىچۇ؟
يۇقارقى سۇئاللىرىمغا جاۋاپ بىرىشلىرىنى تۆۋەنچىلىك بىلەن سورايمەن،

جاۋاب:
ۋەئەلەيكۇم ئەسسالام
مەجۈننىڭ ئاساسلىق تەركىۋى نەشە .
پايدىلىق تەرىپى يوق دېيەرلىك، زىيانلىق تەرىپى كۆپ بولۇپ ئاساسلىقى خۇمار قىلىدۇ، كۆپ ئىستىمال قىلغاندا ئەقىلنى كېمەيتىدۇ، روھىي قۇۋۋەتنى خورىتىپ قورقۇنچاق، زەئىپ قىلىدۇ.
ئىلگىركى ۋاقىتلاردا بىرەر بەگ، دورغىلارغا خۇشامەت قىلىنىش ئۈچۈن تەييارلانغان سورۇنلارنى قىززىتىش ئۈچۈن ھەزىلكەش، ناخشا-ئۇسسۇلچىلارغا مەجۈن يېگۈزۈپ تاماشا قىلار ئىكەن. ئۆزىمۇ ھەم پاھىشە خوتۇنلارغا مەجۈن يىگۈزۈپ كەيىپ قىلار ئىكەن.
ھازىر جەمئىيەتتە ئەڭ خەتەرلىك بولغىنى نەشە، مەجۈن، چۇمادۇ دېگەندەك خۇمار قىلىش خاراكتىرىگە ئىگە دورا ۋە چىكىملىكلەرنىڭ ئوقۇغۇچىلار ئىچىدىكى يۈزلىنىشىنىڭ ئېغىرلىقى. مېنىڭچە بۇنىڭغا مەكتەپ رەھبەرلىرى، ئاتا-ئانىلار ئالاھىدە كۆڭۈل بۆلۈشلىرى زۆرۈر تەخىرسىز مەسىلە بولۇپ قاپتۇ.
ھازىر بۇنى يەيدىغانلار ئوغۇل ئوقۇغۇچىلاردىنمۇ ئۆتۈپ قىز سىتۇدىنتلار ئارىسىدىمۇ كۆپمىش. ئاڭلىشىمچە مەخسۇس ئەشۇ سىتۇدېنتلارغا مەجۈن ياساپ بىرىدىغان تېۋىپ سىياقتىكى قىزىل كۆز كىشىلەر بارمىش. كۆزلىرى ئولتۇرۇشۇپ چىرايىنىڭ نۇرى قاچقان ئاۋاق بالىلار دۇكانغا كىرىپ << ئاكا، مەجۈن بارمۇ؟>> دەپ سورايدۇ. كەيپىم ئۇچۇپ بەزىلىرىگە  قوپاللا، << يوق >> دەپ جاۋاپ بىرىمەن. بەزى باللانى گەپكە سىلىپ قويىمەن. بۇ بالىلارنىڭ تۇرقى سىياقى ئوقۇغۇچى باللا ئىكەنلىكى بىلىنىپلا تۇرىدۇ. قورساقنى ياخشىراق تويغۇزۇپ يۈرەلمەيدۇ، كىم قويۇپتۇ كەيىپ قوغلىشىپ بۇ ماڭقىلارغا دەپ ئارقىسىدىن ئۆز-ئۆزۈمگە سۆزلەپ قالىمەن. سازەندە، ناخشىچى باللامۇ يەپ قويىدىكەن. مەجۈن يەۋالسا ناخشا-مۇزىكا دېگەننى << ئۆلتۈرۋەتكۈدەك>>.
مېنىڭچە پەزىلەتلىك تېۋىپلار بۇنداق جەمئىيەتكە زىيانلىق، پاك قەلىبنى ئۆلتۈردىغان زىيانداشنى ياساپ ساتمايدۇ. ئادەمنى بولۇپمۇ ياش بوغۇنلارنى زەئىپلەشتۈردىغانلىقىنى بلىپ تۇرۇپ ئۇنى ياساپ ساتقان  تېۋىپ ھەم پەزىلەتسىز ھېسابلىنىپ لەنەتكە لايىقتۇر.

يۇقۇردىكى تورداش بۇنىڭ پايدىلىق تەرەپلىرى بارمۇ دەپ سورىغان ئىكەن. ئىلگىرى مەجۈن يەپ باققان، <<پايدىسى>> نى كۆرۈپ باققانلار بولسا ئۆز كۆز قاراشلىرىنى دەپ باققان بولسا بەلىكىم بۇ ھەقتىكى چۈشەنچىمىز تېخىمۇ تولۇقراق بولۇپ قالار!!