قىز-ئاياللارنىڭ جىنسىي ھېسياتى سۇس بولۇش مەسىلىسىنى ھەل قىلىش چارىلىرى

ئەسسالامۇ ئەلەيكۇم  بىرزات ھەكىم  ياخشىمۇ سىز؟سزدىن مەسلىھەت سۇرىماقچى ئىدىم .ئىلگىرى ئەنىئەنىۋى كۆزقاراش ھەم ئەدەپ-ئەخلاق يۈززىسدىن سۇراشقا جۈرىئەت قىلالمىغان ئىدم . بۇ يىل 26 ياشقا كىردم يېقىندا يىگىتم بىلەن توي قىلماقچى ئىدۇق بىراق مەندە جىنسىي ھسيات ھەم قىززىقش يوق دىيەرلك بەك تۈۋەن . پۇت قوللىرىم مۇزلاپلا تۇردۇ   بىلىممۇ بەك تۇلا ئاغرىپلا تۇرىدۇ  كىيىنكى تۇرمۇشۇمدىن سەل  ئەنسىرەپ قالدم ~~~~~~~~~~بۇمەندىكى كىسەللىكمۇقانداق ؟كىسەللىك بولسا قاندق داۋاسى بار؟ مەسلىھەت بەرگەن بولسڭىز~~                   ئاللا رەھمەت قىلسۇن    رەھمەت!

ۋەئەلەيكۇم ئەسسالام :
سىزدىكى بۇ خىل ئەھۋالنى كېسەللىك دەپ قارىغىلى بولمايدۇ. ئەمما سىزدىكى ئۇ ئالامەتلەر بەل-بالياتقۇ ساھەسىنىڭ زىيادە سوغۇقلىقى بىلەن مۇناسىۋەتلىك ئىكەن.  بۇ خىل ئەھۋالدا قېتىق، سۈت، فىرىما، لەڭپۇڭ-راڭپىزا، كالا گۆشلۈك ئۈگرە، قوينىڭ ئۆپكىسى، ماروژنا، تولۇق پىشمىغان مېۋە-چېۋە ( غورا، توڭ سويما، تەرخەمەك) دېگەندەك قاننى سوۋۇتۇپ پەي-ئەسەبلەرنى ئاجىزلىتىدىغان، شەھۋەت قىزغىنلىقىنى تۆۋەنلىتىدىغان يېمەك-ئىچمەكلەردىن پەرھىز تۇتۇش، ھاۋا سوغۇق پەيتلەردە قىلىنراق كىيىنىش، سوغۇق سۇ بىلەن ھەپىلىشىدىغان ئىشلار ھەم نەم موھىتتا ئۇزۇن تۇرماسلىق دېگەندەك ئىشلارغا دېققەت قىلىش بىلەن بىرگە تۆۋەندىكى چارىلەرنى ئىشلىتىپ سىناپ باقسىڭىز بولىدۇ:
1. ئىككى كۈندە بىر باچكا شورپىسى قاينىتىپ ئىچىپ بېرىڭ! ( قوشۇمچە خۇرۇچلىرىغا قەلەمپۇر، قارامۇچ، سەۋزە، پىياز دېگەندەك ئىسسىقلىق دورا-دەرمەكلەر ھەم تېتىتقۇلاردىن مۇۋاپىق سالسا بولىدۇ). قوچقار گۆشى شورپىسى ياكى كاۋىپى بولسىمۇ بولىدۇ. يەرلىك توخۇنىڭ پۇشۇرۇلغان تۇخۇم سېرىقىدىن كۈندە ئىككىنى يەپ بەرسە بولىدۇ.
2. كۈندە 3 قېتىم ھەر قېتىمدا بىر پىيالە قايناق سۇنى سوۋۇتۇپ ساپ جېگدە چېچىگى ھەسىلىدىن 1-2 قوشۇق سىلىپ ئۇنىڭغا ئىشەنچلىك زەپەدىن 3-4 تال سېلىۋېتىپ ئىچىپ بېرىڭ!
3.ھەر قېتىم يۇيۇنغاندا ئىسسىقلىق دورا-دەرمەكلەردىن سىلىپ سۇ قاينىتىپ شۇ دورا سۈيىدە يۇيۇنۇپ بېرىڭ! ( جوز، بوزۇغا، قەلەمپۇر، كاۋاۋېچىن، پىل-پىل، قوۋزاقدارچىن دېگەندەك دەرمەكلەر).
4. كۈندە ئەتتىگىنى ناشتىلىق بىلەن بىللە 2 تالدىن ياڭاق ھەم 8-10 تال بادام مېغىزى، قىزىل ئۈزۈم  يەپ بېرىشنى ئادەت قىلىڭ!
5.كۆپرەك بەدەن چىنىقتۇرۇپ بىرىڭ! ( قۇۋۋەتلىك ، كۈچلۈك غىزالىنىپ سەمىرىپ كېتىشتىن قورقىدىغان قىز-ئاياللار ئۈچۈن جىنسىي ھەۋەسنى كۈچەيتىش ۋە مۇسكۇللارنىڭ تەرەقىياتىنى يۇقۇرى كۆتۈرۈشنىڭ بىردىن-بىر چارىسى كۆپرەك بەدەن چىنىقتۇرۇپ بىرىش.
<< ئاياللارنىڭ ھەركىتى كۆپ بولغانسېرى ھېسياتى شۇنچە كۈچىيىدۇ./asp_49.html >>  دېگەن تېمىنى كۆرۈپ بېقىڭ!

6.مېۋە چېۋىلەردىن : ئەنجۈر، ماڭگو، تاتلىق ئانار قاتارلىقلارنى ئىستىمال قىلىپ بەرسە بولىدۇ.
7.ئارام ئىلىشقا ئەھمىيەت بىرىپ، كەيپىياتنىڭ ئازادە ، خۇشال بولىشىغا ئالاھىدە ئەھمىيەت بىرىپ، ئارتۇق غەم-غۇسسىلەرگە سەۋەب بولىدىغان ئارتۇقچە خياللاردىن ساقلىنىڭ!
8.بەل-دوۋسۇن ساھەسىنى ئىسسىقلىق مايلار بىلەن (بوزۇغا مېيى، قەلەمپۇر مېيى دېگەندەكلار بىلەن )مايلاپ يەڭگىل ئۇۋلاپ بىرىڭ!
9.ئارىلاپ زەپە، بۇغا مۈڭگۈزى، ئىپار، قەلەمپۇر، قارا رەيھان دېگەندەك قاننى قىززىتىپ روھنى ئۇرغۇتىدىغان، ھېسياتنى كۈچەيتىدىغان چايلىق تەڭشىتىپ ناۋات ياكى ھەسەل بىلەن دەملەپ ئىچىپ بېرىڭ!
10.ئۇيغۇر تېبابەت دورىلىرىدىن قاننى قىززىتىپ پەي-مۇسكۇل، بالياتقۇ، بەل-بۆرەكنى قۇۋۋەتلەيدىغان: ماددىتىل ھايات، مەجۈنى ئاياللار گۆھىرى، لۇبۇبى كەبىر، رەيھان جەۋھىرى ، ئەبرىشىم شەربىتى دېگەندەك دورىلاردىن 2 ياكى 3 خىلىنى ئىستىمال قىلىپ بەرسىڭىز بولىدۇ.
يۇقۇردىكى چارىلەر توي قىلىپ جىنسىي تۇرمۇشتىن زوق ئالالمايۋاتقان ھەم شۇ خىل كەيپىياتنىڭ تەسىرىدە ئائىلە ئىناقلىقىغا تەسىر يېتىپ ئەرنىڭ تالاغا قاراپ قىلىشىغا سەۋەب بولۇپ قىلىۋاتقان سوغۇق مىجەز ئاياللارغىمۇ ياخشى ئۈنۈم ئاتا قىلغۇسى.
ئاللا بارچە ئائىللەرگە بەخىت-شادىمانلىق تۇيغۇسى ئاتا قىلىپ ئەر-خوتۇنلارنىڭ بارچە ئىسىل ، ھالال نىئمەتلەردىن ھوزۇرلىنىپ خۇشال ياشىشىغا نېسىپ قىلغاي!
_______ بىرزات

بۇ مەزمۇن ئاپتور تەرىپىدىن يوشۇرىۋېتىلگەن، پەقەت ئەزالارلا كۆرەلەيدۇ كىرىش | تىزىملىتىش