كەپتەر شورپىسىنى تاييارلاشنىڭ ئەڭ ياخشى ئۇسسۇلى قايسىدۇ؟

ئەسسالامۇ ئەلەيكۇم

كەپتەر شورپىسىنى قانداق تەييارلاپ ئىچسە ئۈنۈمى ياخشى بولىدۇ؟ بولۇپمۇ بەدەن سوۋۇپ بۆرەك ئاجىزلىغان ئەھۋالدا قايسى خىل دورا-دەرمەكلەرنى ئىشلەتسە بولىدۇ؟

بىر كىتابتىن ئوقۇشۇمچە 500گىرام قوي گۆشىگە 2 گىرام زەپە سىلىپ شورپا تەييارلاپ ئىچىپ بەرسە قاننى قىززىتىپ شەھۋەت سۇسلاشقا مەنپەئەت قىلىدۇ دەپ يېزىپتۇ. 2 گىرام زەپەنى بىرلا قىتىمدا ئىچسە ئەكىس تەسىرى بولماسمۇ؟ مۇشۇلار ھەققىدە چۈشەنچە بەرگەن بولسىلا، رەھمەت!!

ۋەئەلەيكۇم ئەسسالام:

ئومومىي بەدەننى سوغۇقلۇق قاپلاپ قان سوۋۇش سەۋەبىدىن بولغان ئاشقازان، بۆرەك، بالياتقۇ ئاجىزلىغان كىشىلەر ئۈچۈن كەپتەر شورپىشى تەييارلاشنىڭ ئۇسۇلى مۇنداق: قانات-قۇيرۇقلىرى تولۇق يېتىلگەن، لىكىن راۋۇرۇس ئۇچقىدەك بولمىغان كەپتەر باچكىسىنى بىسمىللا بىلەن ئۆلتۈرۈپ، پاكىز تازىلاپ ئىككى چىنە سۇدا پۇشۇرىمىز. بۇنىڭغا قوشۇلىدىغان دورا-دەرمەكلەردىن: قەلەمپۇر 4 تال، پىلپىل 1 تال، بۇغا مۈڭگۈزى 4 يالپاق، زەپە بىرگىرامنىڭ 5/1، يۇمغاقسۈت ئۇرۇقى، زەنجىۋىل، قارامۇچ كىچىك بىر چىمدىمدىن، سەككىزقۇلاق بىرتال، مۇۋاپىق مىقداردا تۇز، پىياز قاتارلىقلار سىلىنىدۇ.

بەدىنى سوغۇق ھېس قىلىدىغان، جىنسىي قۇۋۋىتى ئاجىز، ئاشقازان ياللۇقى، ئۇيقۇسى كۆپ، ھارغىن ھېس قىلىدىغانلار، بالياتقۇ، جىنسىي يولى ياللۇقىغا گىرىپتار بولغان، ئاق خۇن كۆپ كىلىدىغان، بەل-پۇت تىلىپ ئاغرىيدىغان ، جىنسىي ھېسياتى سۇسلىغانلار ئىككى كۈندە بىر قېتىمدىن ئىستىمال قىلىپ بەرسە قۇۋۋەتنىڭ ئەسلىگە كىلىشگە كۆپ ياردىمى بولىدۇ.

ئەسكەرتىش:

يۇقۇرى قان بېسىمى بىمارلىرى، كىچىك بالىلار ئىستىمال قىلماسلىقى كېرەك.

ئەمدى ئاۋۇ 2 گىرام زەپە سىلىپ تەييارلايدىغان شورپىنىڭ گېپىگە كەلسەك كىتابتا خاتالىق بار ئىكەن. ئەگەر 0.2 گىرام دېيىلگەن بولسا توغرا بولاتتى. ئىككى گىرام زەپەنى بىرلا ۋاقىتتا ئىستىمال قىلسا ئۇششاق قان تومۇرلارنى يېرىۋېتىشى ۋە ئىچكى ئەزالاردا قاناشنى كەلتۈرۈپ چىقىرىشى مومكىن.

كەپتەر گۆشىنىڭ ئوزۇقلۇق تەركىبى مول بولۇپ، خەلق ئارىسىدا<<بىر كەپتەرنىڭ گۆشى توققۇز توخۇنىڭ گۆشىدىن ئېشىپ چۈشىدۇ>> دەيدىغان گەپ بار.
ئوزۇقلۇق تەركىبى ۋە رولى
كەپتەر گۆشى تەركىبىدە ۋىتامىنA،ۋىتامىنE،Bگۇرۇپپىدىكى ۋىتامىنلار،پانتوتېنىك كىسلاتا، شۇنىڭدەك كالتىسىي،تۆمۈر،مىس قاتارلىق مېنىرال ماددىلار بار.
كەپتەر گۆشى تۇغۇتتىن كېيىنكى ئاياللار، ئوپراتسىيىدىن كېيىنكى ئاغرىقلار ۋە قان ئازلىق كېسىلىگە گىرىپتار بولغانلارغا قارىتا كەڭ دائىرىدە قۇۋۋەتلەندۈرۈش رولىغا ئىگە.
خەلق ئارىسىدا كەپتەر گۆشىگە باشقا دورىلارنى سەپلەپ باش قېيىش كېسىلى، ئاياللار كېسىلىنى داۋالايدىغان رېستېپلار بار. ئاياللار دائىم كەپتەر گۆشى ئىستېمال قىلىپ بەرسە، جىنسىي ھەۋىسى يۇقىرى كۆتۈرۈلىدۇ.كەپتەر گۆشى چاچ چۈشۈش، چاچ ئاقىرىش ۋە ۋاقىتسىز قېرىپ كېتىش قاتارلىقلارغا قارىتا ناھايىتى ياخشى داۋالاش ئۈنۈمىگە ئىگە.
كەپتەرگۆشى ئاسان ھەزىم بولىدۇ،بەدەن قۇۋۋۋىتىنى ئاشۇرۇش، يەلنى ھەيدەپ،زەھەرنى قايتۇرۇش رولىغا ئىگە بولۇپ، كېسەلدىن كېيىن تېنى ئاجىزلاپ كېتىش، قان زەئىپلىشىشتىن ھەيز توختاپ قېلىش، باش قېيىش، روھىي جەھەتتە چارچاش، ئەستە تۇتۇش ئىقتىدارى چىكىنىش قاتارلىقلارغا نىسبەتەن ناھايىتى ياخشى قۇۋۋەتلەندۈرۈش، داۋالاش رولى بار.
كەپتەر باچكىسىنىڭ گۆشى بەدەندە ئاقسىلنىڭ بىرىكتۈرۈلۈشىنى ئىلگىرى سۈرۈپ،جاراھەتنىڭ ساقىيىشىنى تىزلىتىدۇ. ئاشقازان ياللۇقى ۋە ئاشقازان يارىسى، ئاشقازان سوۋۇپ كەتكەن كىشىلەرنىڭ ئىستىمال قىلىشىغا ماس كىلىدۇ.
كەپتەرنىڭ قېنى ئوپراتسىيە جاراھىتىنى تىز ساقايتىدۇ، كەپتەر باچكىسىنىڭ سۆڭىكى تېرىنى ئاق، يۇمشاق قىلىدۇ، تېرىنىڭ ئىلاستىكىلىقىنى كۈچەيتىپ، مەڭزىنى قىزىل قىلىدۇ.
ئىستېمال قىلىشتا بىلىۋېلىشقا تېگشلىك ئىشلار
كەپتەر گۆشى ياشانغانلار، تېنى ئاجىز، ئاغرىقچان كىشىلەر، ئوپراتسىيىدىن كېيىنكى ئاغرىقلار، ھامىلدار ئاياللار ۋە بالىلار نىڭ ئىستېمال قىلىشىغا ئالاھىدە مۇۋاپىق كېلىدۇ. كەپتەر گۆشىنى ھوردا دۈملەپ، شورپا قاينىتىپ ئىستېمال قىلسا بولىۋېرىدۇ. ئادەتتە كەپتەرنىڭ باچكىسىنىڭ دورىلىق رولى ئالاھىدە يۇقۇرى بولىدۇ.