كۆزنىڭ مىزاجى ھۆل ئىسسق بولۇپ، ھاياتلىق پائالىيەتلىرىدە ئۇ تۆۋەندىكىدەك خىزمەتلەرنى ئۆتەيدۇ:
1.كۆزگە كۆرۈنىدىغان شەئىيلەرنىڭ سۈرەتلىرىنى ئۆز ئەينى بويىچە كۆرۈپ، مېڭىگە ئەينەن ئەكىس ئەتتۇرۈپ بېرىدۇ.
2.ئادەمنىڭ ھۆسنىنى تۈزەش خىزمىتىنى ئۆتەيدۇ.
3. ئادەمنىڭ ئىچكى دۇنياسىنىڭ ئەينىكى بولۇش سۈپىتى بىلەن ھىسياتنى ئەكىس ئەتتۈرۈپ بېرىدۇ.
كۆزگە زىيانلىق ئامىللار تۆۋەندىكىچە:
 

" /> كۆزگە زىيانلىق ئامىللار ۋە ئۇنى ئاسىراش چارىلىرى Eye Health - 80 خالتا بلوگى

كۆزگە زىيانلىق ئامىللار ۋە ئۇنى ئاسىراش چارىلىرى Eye Health


كۆزنىڭ مىزاجى ھۆل ئىسسق بولۇپ، ھاياتلىق پائالىيەتلىرىدە ئۇ تۆۋەندىكىدەك خىزمەتلەرنى ئۆتەيدۇ:
1.كۆزگە كۆرۈنىدىغان شەئىيلەرنىڭ سۈرەتلىرىنى ئۆز ئەينى بويىچە كۆرۈپ، مېڭىگە ئەينەن ئەكىس ئەتتۇرۈپ بېرىدۇ.
2.ئادەمنىڭ ھۆسنىنى تۈزەش خىزمىتىنى ئۆتەيدۇ.
3. ئادەمنىڭ ئىچكى دۇنياسىنىڭ ئەينىكى بولۇش سۈپىتى بىلەن ھىسياتنى ئەكىس ئەتتۈرۈپ بېرىدۇ.
كۆزگە زىيانلىق ئامىللار تۆۋەندىكىچە:
1. مۇھىتتكى ھەرخىل چاڭ-توزان، ئىس-تۈتەك ۋە ھەرخىل ئۇششاق ھاشارەتلەردىن كۆزنى مۇداپىئە قىلمىغاندا كۆزگە كىرىپ كەتسە ھەرخىل كۆز زەخمىلىنىشلىرىنى، كۆزنىڭ قىزىرىپ قېلىشىنى كەلتۈرۈپ چىقىرىدۇ.
2.كۆزنى زىيادە چارچىتىۋېتىش، يەنى ئۇزۇن مۇددەت توختىماي كىتاب كۆرۈش، ماشىنىدا مېڭىۋىتىپ كىتاب كۆرۈش،تاماق يەۋىتىپ كىتاب كۆرۈش، كىچىك خەتلەرگە كۆپ قاراش، قىزىل رەڭلىك قەلەملەرنى كۆپ ئشلىتىش، كىتابنى بەك يېقىن تۇتۇپ كۆرۈش، رەڭلىك تېلېۋىزورلارغائۇزۇن مۇددەت تىكىلپ قاراپ ئولتۇرۇپ كۆرۈش،خەت يېزىش قىياپىتىنىڭ توغرا بولماسلىقى، يەنى كۆز بىلەن ماتىريالنىڭ ئارلىقى بەك يېقىن بولۇپ كېتىش ياكى بەك يىراق بولۇپ كېتىش، ئۇزاق مەزگىل كومپىيوتۇر ۋە ئۆتكۈر نۇرلار ئاستىدا خىزمەت قىلىش قاتارلىق ئادەتلەر كۆزنى ئاجىزلاشتۇرۇپ قويىدۇ.
3. تاماق تاللاش، يەنى كۆزگە پايدىلىق بولغان ئوزۇقلۇق ماددىلانى يېمەسلىك،لازا-ئاچچقسۇ، يەللىك يېمەكلىكلەرنى كۆپ يېيش، كۆزگە پايدىلىق بەزىبىر يېمەكلىكلەرنى يېمەسلىك قاتارلىقلارمۇ كۆزنىڭ ئاجىزلىشىشنى كەلتۈرۈپ چىقىرىدۇ.
4. زىيادە ئىسسقلىق تەسىرىدىن كۆزدە ئىسسقتىن مىزاج بۇزۇلۇش كېلىپ چىقىپ، كۆز ئىچكى بېسىمى ئارتىپ كېتىش،كۆز چىڭقىلىپ ئاغرىش، كۆز قىزىرىپ قېلىش قاتارلىق كېسەللىكلەرنى كەلتۈرۈپ چىقىرىدۇ.
5. كۆزنىڭ تازلىقى ياخشى بولماسلىق، يەنى پاسكىنا قول ۋە پاسىكىنا لۆڭگىلەر بىلەن كۆزنى سۈرتۈش، كۆزنى پاسكىنا سۇلار بىلەن يۇيۇش قاتارلىقلارمۇ ھەرخىل كۆز كېسەللىكلىرىنى كەلتۈرۈپ چىقىردۇ.
6. كۆزنى مۇۋاپىق چېنىقتۇرماسلىق، يەنى ئۇزۇن مۇددەت خىزمەت قىلغاندىن كېيىن كۆزنى مۇۋاپىق چېنىقتۇرماسلىق ۋە ئارام ئالدۇرماسلىق سەۋەبىدىنمۇ يېقىننى ۋە يىراقنى كۆرەلمەسلىك قاتارلىق ھەرخىل كۆز كېسەللىكلەر كېلىپ چىقىدۇ.
7. يۈرەك، مېڭىنى ۋە جىنسىي قۇۋۋەتنى ئاشۇرغۇچى ھەرخىل ھورمۇن تەركىبلىك دورىلارنى ئۇزۇن مۇددەت ئىستېمال قىلغاندا مېڭىدىكى سەزگۈ قۇۋۋەتنى ئاجىزلىتىپ،كۆزنىڭ كۆرۈش قۇۋۋىتىگە بىۋاستە تەسىر يەتكۈزىدۇ. شۇ سەۋەبتىن كۆزنىڭ كۆرۈش قۇۋۋىتى ئاجىزلاش، ناماز شام قارىغۇسى ۋە قارىغۇ بولۇپ قېلىش قاتارلىق كېسەللىكلەرنى كەلتۈرۈپ چىقىرىدۇ.
8. كۆزگە قالايمىقان كۆز گىرملىرىنى ئىشلىتىش، يەنى سۈپىتى ناچار، ئەكىس تەسىر كۆرسىتىدىغان ھەرخىل سۈرمە، لاك ۋە كۆز قاپاقلىرىغا سۈرىدىغان گىرىم بويۇملىرىنى كۆپ ۋە ئۇزۇن مۇددەت ئىشلەتكەندە ھەرخىل كۆز ياللۇغلىرى ۋە كۆز قىزىرىپ ئىششىنى كەلتۈرۈپ چىقىرىدۇ.
9. يېتەرلىك ئۇخلىماسلىق، يەنى ۋاختىدا قېنىپ ياخشى ئۇخلىماسلىقمۇ كۆزنىڭ قىزىرىپ قېلىشى ۋە كۆزنىڭ چارچاپ كېتىشىنى كەلتۈرۈپ چىقىرىدۇ.
10. ھاراق-تاماكىنى كۆپ ئىستېمال قىلىش، بۇمۇ كۆزگە زىيانلىق بولۇپ، يۇقىرى گرادۇسلۇق ھاراقنى كۆپ ئىستېمال قىلغاندىمۇ كۆزنىڭ ئىچكى بېسىمنى ئاشۇرۇپ، كۆز قىزىرىپ قېلشنى كەلتۈرۈپ چىقىرىدۇ.
11. كۆزگە زورمۇ زور گرادۇسلۇق ئەينەك تاقاش، بۇ خىل ئادەت كۆزنىڭ كۆرۈش قۇۋۋىتىنى قالايمىقانلاشتۇرىدۇ.

كۆزنى ئاسراش تەدبىرلىرى

1.كۆزنىڭ زىيادە چارچاپ كېتىشىنىڭ ئالدىنى ئېلىش ئۈچۈن كىتاب ئوقۇش ۋاقىتىدا ھەر20~30 مىنۇت كىتاب ئوقۇغاندىن كېيىن بىر قىتىم دەم ئېلىش، يەنى يىراقلارغا ، يېشىللىقلارغا قاراپ بېرىش كېرەك ھەم يۇقىرىقى زىيانلىق ئامىلدا سۆزلەنگەن ناچار ئادەتلەرنى قەتئىي تۈگىتىش كېرەك.
2. كۆزنىڭ تەبئىي مۇداپىئە ئىقتىدارىنى قوغداش كېرەك. يەنى بوران-چاپقۇن، ئىس0تۈتەك،قۇم بورانلاردىن توساش ئۈچۈن كۆز ئەينەك تاقىۋېلىش، ئەگەر ئۇ بولمىغاندا كۆزنى قالايمىقان ئۇۋلىماستىن لۆڭگىنى ھۆل قىلىپ( ئىلىمان سۇدا) كۆزنى يەڭگىل ئۇۋلاپ تازىلاپ تۇرۇش كېرەك.
3. كۆزنى مۇۋاپىق چېنىقتۇرۇپ بېرىش يەنى دائىم سىرتلارغا چىقىپ يىراقلارغا ، يېشىللىقلارغا، ئاسمانغا قاراپ بېرىش، كۆپ خەت يېزىپ كۆپ كىتاب ئوقۇغاندىن كېيىن5~10 مىنۇت كۆز گىمناستىكىسى ئويناپ بېرىش كېرەك.
4.تاماق تاللىماسلىق، گۆشلۈك ۋە گۆشسىز يېمەكلىكلەرنىڭ ھەممىسىنى يېيىش كېرەك، تۇرۇپ، سەۋزە، يېسىۋىلەك، غول پىياز، تەرخەمەك، پۇرچاق ئۈندۈرمىسى، قىزىل دېڭىز يۇسۇنى، كۈنجۈت، جىگەر، تۇخۇم سېرىقى، قارا گۆش، گۈرۈچ قاتارلىقلارنى كۆپ يەپ بېرىش كېرەك.
5. كۆزنى مۇۋاپىق چىمچىقلىتىپ بېرىشمۇ پايدىلىق، يەنى بوش ۋاقىتتا كۆزنى چىمچىقلىتىپ بەرسە كۆز ئالمىسىنى ھەرىكەتلەندۈرۈش ئارقىلىق كۆز مۇسكۇللىرىنى جانلاندۇرغىلى، كۆز ئالمىسىنىڭ ئىلاستىكىلىقىنى ئاشۇرغىلى، قان ئايلىنىشنى ياخشىلاپ، كۆزنى نەمخۇش قىلىپ كۆرۈش قۇۋۋىتىنىڭ ئاجىزلىشىپ كېتىشىنىڭ ئالدىنى ئالغىلى بولىدۇ.
6. ھەر كۈنى ئەتىگەن ۋە ئۇخلاش ئالدىدا2 قولنىڭ ئالقىنىنى تىز سۈرئەت بىلەن بىر-بىرىگە سۈركەپ، قىزىغان ئالقاننى ئىككى كۆزنىڭ ئۈستىگە قويسا كۆز قىسىمىدىكى قان ئايلىنىشنى ياخشىلىغىلى بولىدۇ.
7.كۈندىلىك ئۇيقۇغا كاپالەتلىك قىلىش كېرەك ھەمدە باشقا خىزمەت ئۈگىنىش ۋاقىتلىرىدىمۇ كۆزنى يۇمۇپ ئارام ئالدۇرۇش كېرەك.
8. قۇلاققا ھالقا ئېسىۋېلىشمۇ كۆزنىڭ كۆرۈش قۇۋۋىتىنى ئاشۇرىدۇ،چۈنكى قۇلاقنىڭ ئاستىنقى ھالقا سېلىنىدىغان ئورنىدا بىر پەللە بولۇپ، بۇ ھالقا تەسىرىدىن ئۇۋىلىنىپ كۆرۈش قۇۋۋىتىنى ئاشۇرىدۇ،
9. ھاراق ۋە ھورمۇن تۈرىدىكى كۆزگە زىيانلىق تەركىبلىك دورىلارنى ئىشلىتىشتىن چەكلەش كېرەك.
10، كۆزگە سۈرمە تارتىپ بېرىش كېرەك، يەنى تاش سۈرمە، ئەرقى بەدىيان، مەرۋايىت،سەدەپ، مامىرانچىننى مۇۋاپىق مىقداردا ئېلىپ ئەلگەكتىن ئۆتكۈزۈپ( بولسا200گرام كۆزلۈكتىن) كۆزگە تارتىپ بەرسە كۆرۈش قۇۋۋىتىنى ئاشۇرىدۇ.
11. كۈندە كۆزنى پارلاندۇرۇپ ئېلىنغان سوغۇق سۇدا يۇيۇپ بەرسە پايدىلىق.
12. بابۇنە يېغى، قەلەمپۇر يېغى، ئامىلە ياغلىرى بىلەن باش ساھەسىنى يەڭگىل ياغلاپ بېرىش كېرەك.
13. سېغىزخاننىڭ ئۆتىنى كۆزگە سۈرتۈپ بەرسە كۆزنى روشەنلەشتۈرىدۇ.
14. موگو، سەۋزىنى كۆپرەك ئىستېمال قىلىپ بېرىش كېرەك.
15. ئارپىبەدىيان 30 گرام، سېرىقچىچەك15گرام، شېكەر ئالتە گرام،سېرىق ھېلىلە، قارا ھېلىلە ھەربىرى 9 گرامدىن، بۇ دورىلارنى چايلىق تەييارلاپ ئىچشكە بېرىلىدۇ.
16. تۇتىيانى قىرىپ، تالقىنىنى ھەركۈنى بىر قىتىم نەيچە بىلەن كۆز گە پۈركۈپ بەرسە، كۆزدە ئاق پەيدا بولۇشنىڭ ئالدىنى ئالىدۇ ھەم ھەرخىل كۆز ئاغرىقلىرىغا مەنپەئەت قىلىدۇ.
17. قارىياغاچنىڭ قوۋزىقىنى سويۇپ، تالقانلاپ، ئۆچكە ياكى توشقاننىڭ ئۆت سۈيۈقلىقىغا ئارلاشتۇرۇپ، كۆيدۈرۈپ كۈل قىلىپ، تاسقاپ، قايناق سۇدا سۇيۇلدۇرۇپ، كۆزنىڭ سرتىدىن سۈركەپ بېرىشنى داۋاملاااااشتۇرسا، كۆزنىڭ قىچىشىپ ياش ئېىقىشى ۋە كۆرۈش قۇۋۋىتىنىڭ ئاجىزلىقىغا مەنپەئەت قىلىدۇ.
18، مۇۋاپىق مىقداردىكى كۆك كەپتەر باچكىسىنى شورپا قىلىپ پىشۇرۇپ يەپ، سۈيىنى ئىچىپ بېرىشنىڭمۇ كۆزنى ئاسراشقا پايدىسى بار.
پىششىق دورىلاردىن ھەببى شەبىيار، ئىترىفىل بەدىيان، ھېلىلە مۇرابباسى، سەۋزە مۇرابباسى، ززەنجىۋىل مۇرابباسى قاتارلىقلارنى بېرىش كېرەك.
پايدىلانغان ماتېريال: ئۇيغۇر تېبابىتىدە ئەزالارنى ئاسىراش
كومپۇتېر مەشغۇلاتىدا : 80خالتا ئۇيغۇر تېبابەت تور ياردەمچىسى بۈۋىخەدىچە ئابدۇلھەكىم

تېما يارىغان بولسا ئۈستىدىكى ئىلانلارنى بىر قېتىم چىكىپ قويۇشنى ئۇنۇتماڭ!!! بىزنى قوللىغانلىقىڭىزغا كۆپ تەشەككۈر!!!




[Birzat بۇنى 2010-08-20 07:33 PM دە تەھرىرلىدى]
يازما مەنبەسى: بېكەت ئەسىرى
نەقىل ئۇقتۇرۇشى: بارلىق نەقىللەر | بۇ يازمىنى نەقىل ئالىمەن
خەتكۈش: كۆز

مۇناسىۋەتلىك يازمىلار:
ئىنكاس: 0 | نەقىل: 0 | كۆرۈلگىنى: -
ئىنكاس يوللاش
ئىسىم:
پارول: مېھمانلار پارول تولدۇرمىسىمۇ بولىدۇ.
مەزمۇن:
تەستىق كود: تەستىق نومۇر
تاللاش:
گەرچە تىزىملاتمايمۇ ئىنكاس يازغىلى بولسىمۇ ، پىكىر ھوقۇقىنى قوغداش سەۋەبىدىن تىزىملىتىۋېلىشىڭىزنى تەۋسىيە قىلىمىز.