ﺗﯜﺭﻟﯜﻙ ﮔﯜﻟﻠﻪﺭﻧﯩﯔ ﺳﺎﻻﻣﻪﺗﻠﯩﻜﻜﻪ ﺑﻮﻟﻐﺎﻥ ﺗﻪﺳﯩﺮﻯ [شىپالىق گىياھلار]

ﺩﺍﻧﯩﺸﻤﻪﻧﻠﻪﺭ ﺋﺎﻕ ﺭﻩﯕﺪﻩ ﺋﯧﭽﯩﻠﯩﺪﯨﻐﺎﻥ ﮔﯜﻟﻠﻪﺭﻧﯩﯔ ﭘﯘﺭﯨﻘﯩﻨﯩﯔ ﺗﯩﻨﯩﭽﻼﻧﺪﯗﺭﯗﺵ ﺗﻪﺳﯩﺮﯨﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ، ﺳﯧﺮﯨﻖ ﺭﻩﯕﺪﻩ ﺋﯧﭽﯩﻠﯩﺪﯨﻐﺎﻥ ﮔﯜﻟﻠﻪﺭﻧﯩﯔ ﭘﯘﺭﯨﻘﯩﻨﯩﯔ ﺩﯨﻘﻘﻪﺗﻨﻰ ﻣﻪﺭﻛﻪﺯﻟﻪﺷﺘﯜﺭﯛﺵ، ﺋﯩﺸﺘﯩﮭﺎ ﺋﯧﭽﯩﺶ ﺗﻪﺳﯩﺮﯨﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ، ﮬﺎﯞﺍ ﺭﻩﯕﺪﻩ ﺋﯧﭽﯩﻠﻐﺎﻥ ﮔﯜﻟﻠﻪﺭﻧﯩﯔ ﭘﯘﺭﯨﻘﯩﻨﯩﯔ ﻗﯩﺰﯨﺘﻤﺎ، ﮬﺎﺭﺍﺭﻩﺗﻨﻰ ﻗﺎﻳﺘﯘﺭﯗﺵ ﺗﻪﺳﯩﺮﯨﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ، ﺑﯧﻐﯩﺮﺭﻩﯓ ﺋﯧﭽﯩﻠﯩﺪﯨﻐﺎﻥ ﮔﯜﻟﻠﻪﺭﻧﯩﯔ ﭘﯘﺭﯨﻘﯩﻨﯩﯔ ﮬﺎﻣﯩﻠﯩﺪﺍﺭ ﺋﺎﻳﺎﻟﻼﺭﻏﺎ ﻗﺎﺭﯨﺘﺎ ﺗﯩﻨﭽﻼﻧﺪﯗﺭﯗﺵ ﺗﻪﺳﯩﺮﯨﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ، ﺳﯘﺱ ﻛﯚﻙ ﺭﻩﯕﺪﻩ ﺋﯧﭽﯩﻠﻐﺎﻥ ﮔﯜﻟﻠﻪﺭﻧﯩﯔ ﭘﯘﺭﯨﻘﯩﻨﯩﯔ ﺗﯩﻨﭽﻼﻧﺪﯗﺭﯗﺵ، ﻗﯩﺰﯨﺘﻤﺎ ﻗﺎﻳﺘﯘﺭﯗﺵ ﺗﻪﺳﯩﺮﯨﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ.

ﻗﯩﺰﯨﻠﮕﯜﻟﻨﯩﯔ ﻣﯧﯖﻪ، ﻳﯜﺭﻩﻛﻨﻰ ﻗﯘﯞﯞﻩﺗﻠﻪﺵ، ﻳﯘﻗﯘﻣﻠﯩﻨﯩﺸﻘﺎ ﻗﺎﺭﺷﻰ ﺗﯘﺭﯗﺵ، ﺗﯩﻨﭽﻼﻧﺪﯗﺭﯗﺵ، ﺋﺎﻏﺮﯨﻖ ﭘﻪﺳﻪﻳﺘﯩﺶ ﺭﻭﻟﻰ ﺑﺎﺭ ﺑﻮﻟﯘﭖ، ﺋﯘﻧﯩﯔ ﺧﯘﺵ ﭘﯘﺭﺍﻕ ﮬﯩﺪﻯ ﺋﺎﺭﻗﯩﻠﯩﻖ ﻣﯧﯖﻪ، ﻳﯜﺭﻩﻙ ﻛﯧﺴﻪﻟﻠﯩﻜﻠﯩﺮﯨﻨﻰ ﺩﺍﯞﺍﻟﯩﻐﯩﻠﻰ، ﺋﯩﺴﺴﯩﻘﺘﯩﻦ ﺑﻮﻟﻐﺎﻥ ﺑﺎﺵ ﺋﺎﻏﺮﯨﻘﻰ، ﺋﯘﻳﻘﯘﺳﯩﺰﻟﯩﻖ، ﻧﯧﺮﯞﺍ ﺋﺎﺟﯩﺰﻟﯩﻖ ﻗﺎﺗﺎﺭﻟﯩﻖ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ.

ﺋﻪﺗﺘﯩﺮﮔﯜﻟﻨﯩﯔ ﻳﯘﻗﯘﻣﻠﯩﻨﯩﺸﻘﺎ ﻗﺎﺭﺷﻰ ﺗﯘﺭﯗﺵ، ﻣﯩﻜﺮﻭﭖ ﻳﻮﻗﯩﺘﯩﺶ ﺗﻪﺳﯩﺮﻯ ﻛﯜﭼﻠﯜﻙ ﺑﻮﻟﯘﭖ، ﮬﺎﯞﺍﺩﯨﻜﻰ ﻛﯧﺴﻪﻟﻠﯩﻚ ﯞﯨﺮﻭﺳﻠﯩﺮﯨﻨﻰ ﺗﯧﺰ ﺳﯜﺭﺋﻪﺗﺘﻪ ﺗﯩﺰﮔﯩﻨﻠﻪﻳﺪﯗ.

ﮬﻪﺷﯩﻘﭙﯧﭽﻪﻙ: ﻳﻪﻧﻰ ﻧﺎﻣﺎﺯﺷﺎﻡ ﮔﯜﻟﻰ ﺩﻩﭘﻤﯘ ﺋﺎﺗﯩﻠﯩﺪﯗ، ﺑﯘ ﮔﯜﻟﻨﯩﯔ ﭘﯘﺭﯨﻘﯩﺪﯨﻦ ﺑﯩﺮ ﻗﯩﺴﯩﻢ ﮬﺎﺷﺎﺭﻩﺗﻠﻪﺭ ﻗﺎﭼﯩﺪﯨﻐﺎﻥ ﺑﻮﻟﻐﺎﭼﻘﺎ، ﮬﻮﻳﻼ- ﺋﺎﺭﺍﻡ ﺋﻪﺗﺮﺍﭘﯩﺪﺍ ﺑﯘ ﮔﯜﻟﻨﻰ ﺋﯚﺳﺘﯜﺭﯛﺵ ﺋﺎﺭﻗﯩﻠﯩﻖ ﺯﯨﻴﺎﻧﻠﯩﻖ ﮬﺎﺷﺎﺭﻩﺗﻠﻪﺭﻧﯩﯔ ﭼﯧﻘﯩﯟﯦﻠﯩﺸﯩﺪﯨﻦ ﻣﯘﺩﺍﭘﯩﺌﻪ ﻛﯚﺭﮔﯩﻠﻰ ﺑﻮﻟﯩﺪﯗ.

ﻧﯩﻠﯘﭘﻪﺭ ﮔﯜﻟﯩﻨﯩﯔ ﮬﺎﺭﺍﺭﻩﺕ ﭘﻪﺳﻪﻳﺘﯩﺶ، ﻣﯧﯖﻪ، ﻳﯜﺭﻩﻙ، ﺟﯩﮕﻪﺭﻧﻰ ﻗﯘﯞﯞﻩﺗﻠﻪﺵ ﺗﻪﺳﯩﺮﻯ ﺑﺎﺭ ﺑﻮﻟﯘﭖ، ﺋﯘﻧﯩﯔ ﺑﯩﻠﻪﻥ ﻗﯩﺰﯨﺘﻤﺎ، ﺋﯘﻳﻘﯩﺴﯩﺰﻟﯩﻖ، ﻳﯜﺭﻩﻙ ﺳﺎﻧﺠﯩﻘﻰ ﯞﻩ ﺳﻮﺯﯗﻟﻤﺎ ﺧﺎﺭﻩﻛﺘﯩﺮﻟﯩﻚ ﺟﯩﮕﻪﺭ ﻳﺎﻟﻠﯘﻏﻰ ﻗﺎﺗﺎﺭﻟﯩﻖ ﻛﯧﺴﻪﻟﻠﻪﺭﻧﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ.

ﺭﻩﻳﮭﺎﻧﮕﯜﻟﻨﯩﯔ ﻣﯧﯖﻪ، ﻳﯜﺭﻩﻛﻨﻰ ﻗﯘﯞﯞﻩﺗﻠﻪﺵ، ﻗﺎﻧﻨﻰ ﺟﺎﻧﻼﻧﺪﯗﺭﯗﺵ ﺗﻪﺳﯩﺮﻯ ﺑﺎﺭ ﺑﻮﻟﯘﭖ، ﺋﯩﭽﻰ ﺗﯩﺖ- ﺗﯩﺖ ﺑﻮﻟﻐﺎﻧﻼﺭﻏﺎ ﻳﺎﺧﺸﻰ ﻣﻪﻧﭙﻪﺋﻪﺕ ﻗﯩﻠﯩﺪﯗ. ﭘﯘﺭﯨﻘﻰ ﺑﯩﻠﻪﻥ ﻗﺎﻧﻨﻰ ﺟﺎﻧﻼﻧﺪﯗﺭﯗﭖ، ﻣﯧﯖﻪ، ﻳﯜﺭﻩﻛﻨﯩﯔ ﻗﺎﻥ ﺑﯩﻠﻪﻥ ﺗﻪﻣﯩﻨﻠﯩﻨﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺑﯘ ﺋﺎﺭﻗﯩﻠﯩﻖ ﻣﯧﯖﻪ، ﻳﯜﺭﻩﻛﻨﻰ ﯞﻩ ﺑﺎﺷﻘﺎ ﺋﻪﺯﺍﻻﺭﻧﻰ ﻗﯘﯞﯞﻩﺗﻠﻪﺵ ﻣﻪﻗﺴﯩﺪﯨﮕﻪ ﻳﻪﺗﻜﯩﻠﻰ ﺑﻮﻟﯩﺪﯗ.

ﻟﻪﻳﻠﯩﮕﯜﻟﻨﯩﯔ ﺋﺎﻏﺮﯨﻖ ﭘﻪﺳﻪﻳﺘﯩﺶ، ﺳﯜﻳﺪﯛﻙ ﮬﻪﻳﺪﻩﺵ، ﺗﺎﺵ ﭘﺎﺭﭼﯩﻼﺵ ﺗﻪﺳﯩﺮﻯ ﺑﺎﺭ ﺑﻮﻟﯘﭖ، ﺋﯘﻧﯩﯔ ﭘﯘﺭﯨﻘﻰ ﺗﻪﺳﯩﺮﯨﺪﻩ ﺑﺎﺵ ﺋﺎﻏﺮﯨﻘﻰ، ﺋﯘﻳﻘﯘﺳﯩﺰﻟﯩﻖ ﺋﻪﮬﯟﺍﻟﻠﯩﺮﯨﺪﯨﻦ ﺧﺎﻟﻰ ﺑﻮﻟﻐﯩﻠﻰ ﺑﻮﻟﯩﺪﯗ. ﺑﯘ ﮔﯜﻟﻨﻰ ﺋﯘﺯﯗﻥ ﻣﯘﺩﺩﻩﺕ ﭘﯘﺭﺍﭖ ﺑﻪﺭﮔﻪﻧﺪﻩ، ﺑﯚﺭﻩﻙ، ﺩﻭﯞﺳﺎﻕ، ﺳﯜﻳﺪﯛﻙ ﻳﻮﻟﻠﯩﺮﯨﺪﺍ ﺗﺎﺵ ﭘﻪﻳﺪﺍ ﺑﻮﻟﯘﺷﻨﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ.

ﻛﺎﻛﻜﯘﻙ ﮔﯜﻟﻨﯩﯔ ﭘﯘﺭﯨﻘﯩﺪﺍ ﻧﻪﭘﻪﺱ ﻳﻮﻟﻠﯩﺮﯨﻨﯩﯔ ﺧﯩﺰﻣﯩﺘﻰ ﻳﺎﺧﺸﯩﻠﯩﻨﯩﭗ، ﺯﯨﻘﻘﺎ ﻛﯧﺴﯩﻠﯩﻨﯩﯔ ﻗﺎﻳﺘﺎ ﻗﻮﺯﻏﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ.

ﺑﯩﻨﻪﭘﺸﻪ ﮔﯜﻟﯩﻨﯩﯔ ﺗﯩﻨﭽﻼﻧﺪﯗﺭﯗﺵ ﺗﻪﺳﯩﺮﻯ ﺑﺎﺭ ﺑﻮﻟﯘﭖ، ﺋﯘﻧﻰ ﮬﺎﻣﯩﻠﺪﺍﺭ ﺋﺎﻳﺎﻟﻼﺭ ﭘﯘﺭﺍﭖ ﺑﻪﺭﮔﻪﻧﺪﻩ ﻛﻪﻳﭙﯩﻴﺎﺗﻨﻰ ﺗﻪﯕﺸﻪﺵ ﻣﻪﻗﺴﯩﺪﯨﮕﻪ ﻳﻪﺗﻜﯩﻠﻰ ﺑﻮﻟﯩﺪﯗ.

ﺋﺎﭘﺘﺎﭘﭙﻪﺭﻩﺱ ﮔﯜﻟﯩﻨﯩﯔ ﻗﺎﻥ ﺑﯧﺴﯩﻤﯩﻨﻰ ﭼﯜﺷﯜﺭﯛﺵ، ﻣﯧﯖﻪ ﯞ ﺟﯩﮕﻪﺭ ﺗﻮﺳﺎﻟﻐﯘﺳﯩﻨﻰ ﺋﯧﭽﯩﺶ ﺗﻪﺳﯩﺮﻯ ﺑﺎﺭ ﺑﻮﻟﯘﭖ، ﺋﯘﻧﯩﯔ ﭘﯘﺭﯨﻘﻰ ﺑﯩﻠﻪﻥ ﻳﯘﻗﯘﺭﻯ ﻗﺎﻥ ﺑﯧﺴﯩﻤﻰ، ﺑﺎﺵ ﺋﺎﻏﺮﯨﺶ، ﭼﯩﺶ ﺋﺎﻏﺮﯨﻘﻰ ﻗﺎﺗﺎﺭﻟﯩﻘﻼﺭﻧﻰ ﺩﺍﯞﺍﻟﯩﻐﯩﻠﻰ ﺑﻮﻟﯩﺪﯗ.

ﺗﺎﺟﯩﮕﯜﻟﻨﯩﯔ ﻳﯘﻗﯘﻣﻠﯩﻨﯩﺸﻘﺎ ﻗﺎﺭﺷﻰ ﺗﯘﺭﯗﺵ ﻛﯜﭼﻰ ﺑﺎﺷﻘﺎ ﮔﯜﻟﻠﻪﺭﺩﯨﻦ ﻛﯜﭼﻠﯜﻙ ﺑﻮﻟﯘﭖ، ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻚ ﻣﯩﻜﺮﻭﭘﻠﯩﺮﯨﻨﯩﯔ ﮬﺎﯞﺍ ﺋﺎﺭﻗﯩﻠﯩﻖ ﺗﺎﺭﻗﯩﻠﯩﺸﯩﻨﻰ ﭼﻪﻛﻠﯩﮕﯩﻠﻰ ﺑﻮﻟﯩﺪﯗ.

ﭘﯩﭽﻪﻛﮕﯜﻟﻨﯩﯔ ﻗﯩﺰﯨﺸﻘﺎ ﻗﺎﺭﺷﻰ ﺗﯘﺭﯗﺵ، ﺋﯩﻤﻮﻧﯩﺘﯩﺖ ﻛﯜﭼﻨﻰ ﺋﺎﺷﯘﺭﯗﺵ ﺗﻪﺳﯩﺮﻯ ﺑﺎﺭ ﺑﻮﻟﯘﭖ، ﺑﯘ ﮔﯜﻟﻨﯩﯔ ﭘﯘﺭﯨﻘﻰ ﺑﯩﻠﻪﻥ ﺑﻪﺩﻩﻧﻨﯩﯔ ﺋﯩﻤﻮﻧﯩﺘﯩﺖ ﻛﯜﭼﯩﻨﻰ ﺋﺎﺷﯘﺭﯗﭖ، ﻛﯧﺴﻪﻟﮕﻪ ﻗﺎﺭﺷﻰ ﺗﯘﺭﻏﯩﻠﻰ ﺑﻮﻟﯩﺪﯗ.

ﺩﯨﻤﻪﻙ، ﮬﻮﻳﻼ- ﺋﺎﺭﺍﻡ ﺋﻪﺗﺮﺍﭘﯩﺪﺍ ﮔﯜﻝ ﺋﯚﺳﺘﯜﺭﯛﺵ ﺳﺎﻻﻣﻪﺗﻠﯩﻚ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﺋﯘﺯﯗﻥ ﺋﯚﻣﯜﺭ ﻛﯚﺭﯛﺷﻜﻪ ﺋﺎﺳﺎﺱ ﺳﺎﻟﯩﺪﯗ.