توي قىلمىغان قىزلاردىكى دانىخورەك ۋە ئادەت قالايمىقان بولۇشنىڭ سەۋەبى

ئەسسالامۇ ئەلەيكۇم ، مەن بۇيىل 25 ياشقا كىر دىم ( توي قىلمىغان ) ، يۈزلىرىمگە ، دۈمبەمگە دا نىخورەك تولا چىقىدۇ ، دانىخۇرەك يەنە چىقىپ يەنە ساقىيىپ دىگەندەك يۈزۈمدىمۇ دانىخۇرەك چىققان ئورۇن داغ بۇلۇپ قالدى . يەنە ئادەت نورمال ئەمەس ، باشقا دۇسلىرىمدىن ئاڭلىسام ،ئۇلارنىڭ ئالدىنقى ئايدا نەچچىنچى كۈنى كەلسە كېيىنكى ئېيىدىمۇ شۇنچىنچى كۈنى كېلىدىكەن ،لېكىن مىنىڭ ئۇنداق ئەمەس ، ھەر قېتىم بىرەر ھەپتدەك ئالدىغا سۈرۈلۈپ كېتىدۇ .ھەر قېتىم 5-7 كۈنگىچە ئاغرىيمەن ، ئادەتنىڭ مىقدارى نورمال بولمىسا .
يەنە بىر ئش ھەر كۈنى ئورنۇمدىن تۇرسام ئېغىزىمغا سېسىق سۇ ، بەلغەمدەك نەرسىلەر يىغىلىپ قالىدۇ . چىشىمنى ئەتىگەن كەچتە ئىككى ۋاق چوتكىلايمەن لېكىن يەنىلا ئېغىزىم پۇرىغاندەك ھېس قىلىمەن . بۇ زادى نىمە سەۋپتىن مۇشۇنداق بولىدىغاندۇ ؟ بۇنىڭ داۋاسى نىمىدۇ ؟ سىزنى ئاۋارە قىلىدىغان بولدۇم .

جاۋاب:
ۋە ئەلەيكۇم ئەسسالام:
دانىخورەك چىقىشنىڭ سەۋەبلىرىنى مۇنداق بىر قانچە تەرەپتىن تەھلىل قىلىشقا بولىدۇ. بەدەننىڭ ئىچكى ئاجراتما سىستىمىسىنىڭ خزمىتى نورمال بولماسلىق، ھورمۇنلار تەڭشەلمەي قېلىش ،تىرىنىڭ سەزگۈرلۈكى زىيادە ئېشىپ كېتىش ، قاننىڭ بۇزۇلىشى، داۋاملىق ئاچچىق، مايلىق، يەللىك، سوغۇق يىمەكلىكلەرنى ئىستىمال قىلىش قاتارلىقلار.شۇڭا سىز قان تازىلايدىغان تىبابەت دورىلىرىنى يىيىش بىلەن بىرگە يۇقارقىدەك يىمەك ئىچمەكلەردىن پەرھىز قىلسىڭىز ساقىيىپ كىتىسىز .

ئادىتىڭىز نىڭ ھەپتە بۇرۇن كىلىشى پۈتۈنلەي نورمال ئەھۋال قاتارىغا كىرىدۇ. بەزى ئاياللار 35-40 كۈندە بىر قېتىم ئادەت كۆرۈش مۇمكىن، بەزى ئاياللار22-25 كۈندە بىر قېتىم كۆرۈش مۇمكىن، ھەر قېتىم ھەيز كۆرۈش ۋاقتى بەزى ئاياللارنىڭ 2-3 كۈن بولسا بەزى ئاياللارنىڭ 9-10 كۈن بولىشىمۇ مۇمكىن. شۇڭا سىز بۇنىڭدىن غەم قىلماڭ.
ئېغىز پۇراش بولسا ئېغىز بوشلۇقى تازىلىقىغا دىققەت قىلماسلىق، چىشنى قۇرۇت يىيىش، ئاستا خاراكتىرلىق بۇرۇن ياللۇغى بولۇش، ئاشقازان قاتارلىق ھەزىم قىلىش سىستىمىسى خىزمىتى ياخشى بولماسلىق دىگەندەك سەۋەبلەردىن بولۇش مۇمكىن. شۇڭا سىزمۇشۇ سەۋەبلەرگە قارىتا تەكشۈرۈش ئېلىپ بېرىپ داۋالانسىڭز بولىدۇ.
مەسلىھەت بەرگۈچى: سەفىيە