نېمە سەۋەبتىن بالياتقۇ سىرتىدا ھامىلدار بولۇش ئەھۋالى كۆرىلىدۇ؟

ئەسسالامۇ ئەلايكۇم ! مەن توي قىلغىلى 1يىل بولدى.تېخى ھامىلدار بولمۇدۇم.ئۈچ ئاي ئىلگىرى جىنسىي يولۇمدىن تۇيۇقسىز قان كىلىپ توختىمىدى .دوختۇرغا بېرىپ كۆرۈنسەم دوختۇر بالىياتقۇ سىرتىدا ھامىلدار بولۇش ئېھتىمالى بار دەپ دوختۇرخانىدا ياتتىم .كۆزۈتۈش ئارقىلىق مېنى بالىياتقۇ سىرتىدا ھامىلدار بولۇپ قاپسىز دەپ دىئاگىنوز قويدى.ۋە ئۇكۇل ئارقىلىق چۈشۈرۈشنى سىناپ بېقىشنى ئېيىتتى .ئۇكۇل ئۇرۇپ بىر ھەپتىدىن كىيىن تەكشۈرتسەم نەتىجىسى ياخشى چىقتى .دوختۇرخانىدىن چىقىپ 1ئايغىچە 2ھەپتىدە بىر قېتىم قان تەكشۈرۈش .ب چاۋغا چۈشۈپ تەكشۈرتۈپ تۇردۇم .نەتىجىسى ياخشى چىقتى.ئەمدى سورىماقچى بولغان سوئالىم نېمە ئۈچۈن بالىياتقۇ سىرتىدا ھامىلدار بۇلۇش ئەھۋالى كۆرۈلىدۇ؟بۇنىڭدىن كىيىن يەنە شۇنداق بولارمۇ؟مەن نېمىلەرگەدىققەت قىلسام بولىدۇ؟قانچىلىك ۋاقىتتىن كىيىن ھامىلدار بولسام بولىدۇ ؟خاپا بولماي ياخشى مەسلىھەت بەرسىڭىز.

جاۋاپ:
ۋە ئەلەيكۇم ئەسسالام:
تۇخۇمدان ئاجرىتىپ چىقارغان تۇخۇم تۇخۇم توشۇش نەيچىسىنىڭ ئوتۇرا قىسمىدا ئىسپىرما بىلەن ئۇچرىشىپ ئۇرۇقلانغان تۇخۇم ھاسىل قىلغاندىن كىيىن بۇ ھۈجەيرە دەسلەپكى بۆلۈنۈش باسقۇچىدا ، تۇخۇم توشۇش نەيچىسى ئىچىدىكى يۇمشاق تىۋىتچىلەرنىڭ تەۋرىنىشى، تۇخۇم توشۇش نەيچىسىنىڭ لۆمۈلدەپ ھەركەت قىلدۇرۇشى بىلەن يۆتكىلىپ بالىياتقۇغا كىلىدۇ ۋە شۇ يەردە بالىياتقۇغا ئورۇنلىشىدۇ. ئەمما مەلۇم سەۋەبلەر تۈپەيلىدىن بۇ ئۇرۇقلانغن تۇخۇم ھۈجەيرىسى بالىياتقۇغا كىلەلمەي ، تۇخۇم توشۇش نەيچىسىنىڭ ھەر قايسى ئورۇنلىرىغا جايلىشىپ قالغان ۋە شۇ يەردە تەرەققى قىلغان بولسا بۇ بالىياتقۇسىرتىدا ھامىلدار بولۇش دەپ ئاتىلىدۇ.
كىسەللىك ئالامەتلىرى:
1- ھەيز توختاپ مەلۇم كۈنلەر ئۆتكەندىن كىيىن(يەنى نورمال ھەيز كۆرىدىغان كۈنلىرىدىن ،ەلۇم كۈنلەر ئېشىپ كەتكەندىن كىيىن ) جىنسى يولدىن تەرتىپسىز قان كېلىدۇ. ياكى ھەيز توختىغانلىق ئالامىتى ئېنىق بىلىنمەستىنلا تەرتىپسىز قان كېلىز ئالامەتلىرى كۆرۈلىدۇ.
2- تۆۋەنكى قوساق قىسمى قاتتىق ئاغرىيدۇ. بالىياتقۇدىن باشقا ئورۇنغا جايلاشقان ئۇرۇقلانغان تۇخۇم ھۈجەيرىسى شۇ يەردە تەرەققى قىلىپ دەسلەپكى ھامىلىگە ئايلىنىدۇ ۋە يوغىناشقا باشلايدۇ. ۋە مەلۇم دەرىجىگە يەتكەندە تۇخۇم توشۇش نەيچىسى يېرىلىپ كېتىپ تۆۋەنكى قوساق قاتتىق ئاغرىش ، چىرايى سارغىيىش، يۈرەك سوقۇشى تىزلىشىش ۋە ھۇشسىزلىنىش قتارلىق شوك بولۇپ قېلىش ئالامەتلىرى كۆرۈلىدۇ.
ب تىپلىق ئاپاراتتا تەكشۈرگەندە بالىياتقۇ ئازراق يوغىنايدۇ ئەمما بالىياتقۇ ئىچىدە ھامىلە خالتىسى، ھامىلە تەنچىسىنى ككرگىلى بولمايدۇ ۋە بىر تەرەپ تۇخۇم توشۇش نەيچىسى بار ئورۇندا مونەكچە شەكىللىنىپ بەزىدە ھەتتا ھامىلىنى كۆرگىلى بولۇش مۇمكىن.
كىسەللىك پەيدا قىلغۇچى سەۋەبلەر:
1- تۇخۇم توشۇش نەيچىسىدىكى ياللۇغلىنىش: بۇ ئەڭ ئاساسى سەۋەبتۇر. ياللۇغلانغان تۇخۇم توشۇش نەيچىسى ئىششىغان ۋە شۇ ئەتراپتىكى توقۇملىلارنىڭ شەكلىدە بۇزۇۇش كۆرۈلگەنلىكتىن ، ئۇرۇقلانغان تۇخۇم ھۈجەيرىسىنى بالىياتقۇغا نورمال يەتكۈزۈپ بېرەلمەيدۇ.
2- تۇخۇم توشۇش نەيچىسىنىڭ تۇغما ئىنچىكە ۋە ئەگرى بۇگرى بولۇشى.
3- بۇرۇن بالىياتقۇ سىرتىدا ھامىلدار بولغان بولسا كىين يەنە شۇنداق بولۇپ قېلىش ئىھتىمالى يۇقىرىراق بولىدۇ.
4- ھامىلدارلىقتىن ساقلاش ئۈزۈكى سالدۇرسا بەزى ئەھۋالدا مۇشۇنداق بولۇپ قېلىشى مۇمكىن.

داۋالاش ئۇسۇللىرى:
1- ئوپىراتسىيە قىلىش ئۇسۇلى.
2- خىمىيىلىك داۋالاش ئېلىپ بېرىش.

سىز پات - پات تەكشۈرتۈپ تۇرۇش بىلەن بىللە تەخمىنەن 1 يىل ئەتراپىدا ھامىلدار بولماي تۇرۇپ ، ئۇنىڭدىن كىيىن ھامىلدار بولسىڭىز بولىدۇ.
__________________ سەفىيە