سەئۇدىيدىكى ئايال جىن چاپلىشىۋالغان يېگىت [ ئاجايىباتلار دۇنياسى]

جۇڭگو خەۋەرلەر تورى 23-ئىيۇل خەۋرى، چەتئەل ئاخبارات ۋاستىلىرىنىڭ خەۋەر قىلىشىچە، يېرىم ھوشسىز ھالەتتە ياتقان 29 ياشلىق سەئۇدى ئەرەبىستانلىق يىگىت يەر ئاستى ئۆيىدە 6 يىل سولاقلىق تۇرغان بولۇپ، ئۇنىڭ دادىسىنىڭ ئېيتىشىچە، ئۇ بىر ئايال جىن تەرىپىدىن كونتىرول قىلىۋىلىنغان ئىكەن. (ئايال جىن چاپلىشىۋالغان ئىكەن)
بۇ يىگىتنىڭ دادىسىنىڭ ئېيتىشىچە، يىگىتنىڭ كېسىلى قوزغالغاندا، ئۇنىڭ بەدىنى كىرىشىپ، ئېگىلىدىكەن ھەم كۆزى يۇقىرىغا تارتىپ كۆزىنىڭ ئېقى كۆرۈنۈپ قالىدىكەن. كەينىدىنلا ئوغلىنىڭ ئېغىزىدىن بىر ئايال كىشىنىڭ گەپ قىلغان ئاۋازى ئاڭلىنىدىكەن. دەسلەپتە يىگىتتە بىنورماللىق كۆرۈلگەندە ئۇنىڭ دادىسى «قۇرئان كەرىم» ئوقۇيدىغان كىشىلەرنى باشلاپ كىلىپ قۇرغان ئوقۇتقان. بۇنداق قىلغاندا ئۇنىڭ ئوغلى سەل تىنىچلىنىپ قالغاندەك بولغان. بىراق ئۇ ئايال ئوغلىنىڭ ئېغىزىدا ئايالچە سۆزلەپ، ئۆزىنىڭ ناھايىتى ئۇلۇغ بىر روھ ئىكەنلىكىنى، يىگىتنىڭ ئۆلۈپ كېتىشىنى ھېسابقا ئالمىغاندا، ھېچقانداق بىر كىشىنىڭ ئۇنى يىگىتنىڭ ئىچىدىن چىقىرۋىتەلمەيدىغانلىقىنى ئېيتقان ئىكەن.
يىگىتنىڭ دادىسى ئۆزىنىڭمۇ 9 ياش ۋاقتىدا بىر ئايال جىن تەرىپىدىن «ئىشغال» قىلىنغانلىقىنى ئېيتقان بولۇپ، 40 يىلدىن كېيىن ئاندىن كەسپى جىن قوغلايدىغان كىشىلەرنىڭ ياردىمىدە ساقايغان ئىكەن. ئۇنىڭ ئېيتىشىچە، ئۇ بۇرۇن بىر ئايالنى كۆرگەن بولۇپ، بۇ ئايال بەزىدە شۇنداق چىرايلىق، بەزىدە بەك سەت ۋە بەزىدە ئوت ئىچىدە تۇرۇپ ئۇنىڭ كۆزىگە كۆرۈنگەن ئىكەن.
نۆۋەتتە «جىن تەگكەن» بۇ ياش يىگىت يەر ئاستى ئۆيىدە تۇرىۋاتقان بولۇپ، ئۇ ئۆزىنىڭ نىمە بولغانلىقىنى قەتئىي بىلمەيدىكەن. تاماق ۋە ھاجەتكە بېرىشنىمۇ ئائىلىسىدىكىلەرنىڭ ياردىمىدە قىلىدىكەن.
مەنبە: http://news.uqur.cn