مەن خامۇشمۇ؟ [سۇئال-جاۋابلار]

ئەسسالامۇ ئەلەيكۇم بىرزات ئەپەندىم، خۇدا سىزنى ئامان قىلسۇن ، تۆۋەندىكى دەردىمنى بىر ئاڭلاپ باقسىڭىزكەن :
ئۇزۇن بولدى مەندە بىرخىل ئالامەت بار، يەنى بۇرۇنقى ئازابلىق ئىشلار كاللامغا كىرىۋېىلپ كۆڭلۈم ناھايتى يېرىم بولىدىغان ھەم قاتتىق تىت-تىت بوپ كېتىدىغان، كىمدۇر بىرسى بىلەن تىللاشقۇم ھەم ئۇرۇشقۇم، يەنە كىمدۇر بىرسىنى ئۆلتۈرگۈملا كەپ تۇرىدىغان ، ئۆلتۈرگۈم دېسەم باشقىچە ئويلىماڭلار، ئادەم ئۆلتۈرسە ھەم ئۆزىنى ئۆلتۈرىۋالسا بەك يامان بولىدىغانلىقىنى بىلىمەن، ئەگەر ئېغىر گۇناھ بولمىغان بولسا بەزى ۋاقىتتا راستىنلا ئادەم ئۆلتۈرۈپ قويىشىم مۇمكىن ئىدى . بۇ ئالامەتلەرنىڭ دەسلەپكى مەزگىلىدە نورمال دەپ ئويلىغان ، چۈنكى مەن ئېغىر زەربىگە ئۇچرىغان ، زەربە ئەمەس، ھېچ ئىش ئەمەس دەپ ئويلاي دېسەممۇ ئۇ زەربە ھەم ھېچ ئىش بولغانلىقتىن ئۆزەمنى ئالداپ بولالماي ، بۇنداق بولىشى تەبئىي ، ۋاقت ئۆتسە ئوڭشىلىپ قالارمەن دەپ چىداپ ئۆتتۈم .
لېكىن ، بۇ ئىش بەك ئۇزۇن بو كەتتى ، يەنى ئىككى يىل بولاي دېدى ،بۇ ئىككى يىلغا يەتمىگەن ۋاىت ئىچىدە ئىككى قېتىم مۇھەببەتتە ئوڭۇشسىزلىققا ئۇچرىدىم، ئالى مەكتەپنىڭ 4-يىللىقىغا ( ئوقۇش پۈتتۈرىدىغان يىلى ) ئەمدى چىققاندا سىنىپ چۈشۈپ قالدىم ، نەچچە يىل بىللە ئوقۇغان باللار ئوقۇش پۈتتۈرۈپ بولدى، مەن سىنىپ چۈشۈپ مېنى چوڭ بىلىدىغان باللار بىلەن بىر يىللا ساۋاقداش بولدۇم، بىر يۇرتلۇق باللارمۇ بار سىنىپقا كىرىپ قالدىم ( مەن تولۇقتا ۋە ئالى مەكتەپنىڭ تۆۋەن يىللىقىدا ناھايتى ياخشى ئوقۇغان ، يۇرتلۇق باللارنىڭ كۆپىنچىسى بىلەتتى ) ، سىنىپ چۈشۈپ تۇرۇپ يەنە ئوقۇش پۈتتۈرۈش دىپلومىنىڭ ئېلىش ۋاقتى كەينىگە سۈرۈلۈپ كەتتى ،يەنى بۇ يېڭى ساۋاقداشلىرىم بۇ يىل 6-ئايدا ئالسا مەن خۇدايىم بۇيرۇسا بۇ يىل 10-ئايدا ئالىمەن ؛ مۇشۇ ئىشلار ئۈچۈن ھەم بىر قېتىم بىر ھەپتە ھېچكىمگە دەپ قويماي يوقاپ كەتكەنلىكىم ئۈچۈن ئۆيىدىكىلەرنىڭ ئالدىدا يۈزۈم قالمىدى ، بىز ئۆيدە جىق بالا ، كۆپىنچىسى ماڭا ئىشەنمەس ھەم ماڭا ياخشى مۇئامىلە قىلماس بولىۋالدى ، ئۆيدىن تېلفۇن كېلىشتىن ھەم تېلفۇن ئۇرۇشتىن ئەنسىرەيدىغان بوپ قالدىم ، خۇددى ھەممە كىشى مېنى ئەيىبلەۋاتقاندەك تۇيىلىدۇ ، ئۆزەمنى ئەسكى ئادەم بوپ قالغاندەك ھېس قىلىدىغان بوپ قالدىم .
يۇقارقى ئىشلار سەۋەبىدىن ، تۇيۇقسىز بۇرۇنقى ئىشلار ئېسىمگە كېلىۋالىدغان ، كۆڭلۈم يېرىم بولىدىغان ، قاتتىق ئازابلىنىدىغان ، تىت-تىت بولۇپ بېشىم ئاغرىپ كېتىدىغان بوپ قالدىم ، كېچىسى ئۇيقۇ يوق .....
ئۆزەم بىرئىشلارنى قىلىپ قاتتىق جىسمانىي جەھەتتە ھېرىپ قالسام ئاندىن ئۇخلاپ قالىمەن ، بولمىسا بېشىمنى قويۇپ ياتسام ...كاللامغا ئازابلىق ئىشلار كىلىۋېلىپ تاڭ ئېتىپ كېىتىدۇ ................
دوختۇرغا كۆرۈنۈپ باقاي دېدىم ، لېكىن نەگە بېرىپ كىمگە كۆرۈنۈشنىمۇ بىلمىدىم ، مەندە جىسمانىي كېسەل يوق ( خۇدايىم بۇيرۇسا ) ..... پىسخولوگ تورداشلار بولسا بىر يول كۆرسەتكەن بولسا...