سەمەندەر:نەپەسلەندۈرۈش نەيچىسى

سەمەندەر · ۋاقتى: 2013-4-3 13:50:58


	نەپەسلەندۈرۈش نەيچىسى مەن سېنى سۆز دەپ ئاتايمەن نەپەسلەندۈرۈش نەيچىسىنىڭ ئىچىدىن ئېقىپ چىققان ھىلىقى سۆز سەن ئاۋۇ ئىغىزىڭ بىلەن مېنى نەپەسلەندۈرۈۋاتقاندا مەن شاماللارنىڭ سايىلىرىدىن تۇتىۋالىمەن ئۇ باغرىدىقىنى يېشىۋەتمەي كەلسە ماڭا ئانا قۇشتەك ئىغىزىمنى ئاچقۇزۇپ دان تاشلار ئاشقىزىنىم ئارقىلىق بىئارام بولۇپ، ئۆپكەم ئېسىلىپ قالار سەن يەنە يۈرىكىڭنى يۈرىكىمگە جۈپلەپ سىمۋول قىلغاچ نەپەسلەندۈرۈش نەيچىسىنى ئېلىپ كېلىسەن بىمار، نەيچە ۋە مۇناسىۋەت... ئەي، سۆز -چوڭقۇر مۇناسىۋەتسەن! بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-3 13:52

سەمەندەر · ۋاقتى: 2013-4-30 01:28:11


	ئىشارە مەن قاغىغا ئىشارە قىلىدۇ قاغا ياڭاققا ئىشارە قىلىدۇ ياڭاق جەۋھەرگە ئىشارە قىلىدۇ جەۋھەر تەنھالىققا ئىشارە قىلىدۇ تەنھالىق ئۆزلۈككە ئىشارە قىىلدۇ ئۆزلۈك سۆزگە ئىشارە قىلىدۇ سۆز ھېچنېمىگە ئىشارە قىلىدۇ ھېچنېمە تۇيغۇغا ئىشارە قىلىدۇ تۇيغۇ شائىرغا ئىشارە قىلىدۇ شائىر مەنىگە ئىشارە قىلىدۇ ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 01:29

سەمەندەر · ۋاقتى: 2013-4-30 01:30:02


	بەڭگە خۇدانى سۆي ،خالىغاننى قىل ــ ئوگىستىن ئۆيىگە كىرگىنىمدە ئىشىك ئوچۇق ئىدى ئاندىن ياستۇققا ئازراق قىيسايغان ھالدا يانچۇقىنى ئاختۇرۇپ يېرىم قارا تاماكنى ئاققا يۆگىدى ئاندىن ئوت تۇتاشتۇرۇپ شورىدى قاتتىق ئاندىن ئېغىزىغا كەلگەن ئاچچىق سۇنى يۇتىۋەتتى ئاندىن قاتتىق يۆتىلىپ كەتتى ئىچىدە ئاندىن كۆزى خۇمارلىق بىر ھالەتكە كەلدى ئاندىن قان قۇستى ،-دە بىر پارچە بەلغەم ئېتىلىپ چۈشتى ئاندىن تاماكا ئۆچتى ... ئەسلىدىكىدىن بەكرەك قاراڭغۇلۇق باستى ئۆيدىن چىقىپ كېتەي دېسەم ،ئىشىك يوق... شۇ ئۆيدە ئۇزاق ياشاپ قالدىم بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 01:31

سەمەندەر · ۋاقتى: 2013-4-30 01:32:36


	مۈشۈك ياكى شائىر گۈللۈكتەئاپتاپ چىشلەپ ياتقان مۈشۈك ۋەتىنىنى چۈشەۋاتاتتى- سۆيگۈنىڭ چۈشىنى ئۆيىدەچاشقان ئاۋۇپ كەتكەن بىرسى ئۇنى تۇتۇپ كەتتى لىكىن مۈشۈك چاشقان تۇتماي ۋەتىنىنى ئويلاۋاتاتتى -نېمىشقامەن ساڭا ئاش –نان بەرسەم سەن چاشقان تۇتمايسەن ،تۇزكورمۇ سەن؟دېدى -ئاش–نانغا ئاسىيمەن، دېدى مۈشۈك ئاندىن ئۇ قېچىپ كەتتى يەنەبىر مۈشۈك بىلەن ئۇنىڭدىن سورىدى : -نەگەبارىسەن ئىللىق ئائىلىنى تاشلاپ؟ ئاۋۇتەرەپكە دەپ كۆرسەتتى نامسىز بارمىقىنى -زادى قەيەرگە بارىسەن ؟ -رادارنىڭ سۆيگۈسىگە -قەيەرئۇ ؟ -ئۇتەرەپتىن كېلىۋاتقان كۈز... -ئۇنى ئۆلتۈرەيلى ،-دېدى بىر توپ مۈشۈك ئاندىن يۈرىكىنى سۇغۇرۇپ ئېلىشتى (يۈرىكىدىن سۆيگۈدىن باشقنى تاپالمىدى) سۆيگۈسىگەيىلاننى كىرگۈزۈشتى يىلان قايتىپ چىقمىدى تۆگىنى كىرگۈزۈشتى ئۇمۇقايتىپ چىقمىدى قاغىنى كىرگۈزۈشتى ھۆپۈپنى كىرگۈزۈشتى يۈرىكىگەقارىتىپ تاش ئاتتى ... تاشمۇغايىپ بولدى -يۈرىكنى زىختا قىزدۇرۇڭلار زىخمۇكۆيۈپ كەتتى -يۈرىكىنى ئېزىپ بېقىڭلار ئۇئېزىلىپ كەتتى ئاندىن كاۋاك بىر سۆزنى ئوقۇدى ئال!... مۈشۈكنىڭ ئەرۋاھى گۈللۈكتە شاراب ئېچىپ ئولتۇراتتى -ئاۋۇھاڭدىن ئۆتۈپ ئۆيگە قايتىشىم كېرەك مەن تۇزكورمەن دېمەك سۆيگۈمنىڭ بەھۇزۇر قۇلىمەن ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 01:33

سەمەندەر · ۋاقتى: 2013-4-30 01:33:43


	ياڭاق ئىزدەيدىغان تەنھا كېچىدە ياڭاقنى قېقىپ ئېلىپ كېتىشتى تۈۋىگە چۈشكەنلىرىنى كىملەرنڭ باللىرى تېرىپ بولدى ئادەملەر ياڭاق ئىزدەيدۇ تەنھا كېچىدە كۈز پەشتاقلىرى ئۇۋۇلۇپ چۈشتى ياڭاق دەرىخىمۇ سەل پورلاشقان ئىدى _چوققىسىدا بىر تال ياڭاق بار ئىكەن ،-دەپ ۋارقىراشتى كىملەر ئاندىن كېچىگە قاراپ ياماشتى شامال ،ئۇنىڭ ئۈستىگە زۇلمەت باشلانغان تەشۋىش توزانلىرى ئارقىسىدا ئۇلار تاڭغا قاراپ يۈرۈپ كەتتى كېچە چوڭقۇرىسىدا بىر تال ياڭاق تەۋرىنەتتى ... بىر ئادەم يامىشىۋاتقان كېچنىڭ پەشتىقىغا ئۇ قولىنى شۇنداق سوزۇشىغا ،ياڭاق كېچىگە چۈشۈپ كەتتى ... _ئۇ كېچىدىن چىقالمايدىغان بولدى ،_دېيىشتى ئادەملەر ! ـ قۇياش نۇرىدا تاڭ يوق ،سەھەر ــ ئالدىنىشتۇر،خالاس ئۇ كېچىنىڭ كېچىسىگە قاراپ ياماشتى ... ھايات چىغرىقى قۇرۇق ئايلىنار ئىدى ...! بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 01:33

سەمەندەر · ۋاقتى: 2013-4-30 01:34:34


	تۈنقۇش ھېچكىم بولۇشنى ئىستەيدۇ دېمەك، دوست ئىدۇق ھېچنەنى زىيارەت قىلىشنى ئىستەيدۇ دېمەك، سۆيگۈ ئىدۇق ھېچنىمە بىلەن دېئالوگ قۇرۇشنى ئىستەيدۇ دېمەك ،تەنھا ئىدۇق ھېچقانداق ياشاشنى ئىستەيدۇ دېمەك، تەنھا سۆيگۈگە دوست ئىدۇق ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 01:35

سەمەندەر · ۋاقتى: 2013-4-30 01:37:32


	ئوقۇرمەنلىكنىڭ ئاخىرى /كېيىنكى شائىر ئۇ ئورۇندۇقنى ئوقۇۋىتپ تاشقا ئايلاندى ئۇ تاشنى ئوقۇۋىتىپ خىيالغا ئايلاندى ئاۋۇ شېئىرنى ئوقۇۋىتىپ قىزغىنلىقتىن ئەسەر قالمىدى ئاندىن ھېچكىمگە ھېچنېمە دېمىدى بۇ چاغ ئۇ تەسەۋۋۇرنىڭ لەڭگىرى بىلەن زۇلمەتكە تاشلانغان ئىدى قان ئايلىنىش سېستىمىسى شېئىرىيلىققا مايىل بولۇپ سۈكۈتتىكى يانار تاغقا ئايلانغان ئىدى ئۇ بىرىنچى قېتىم بۇ شېئىرنى ئوقۇپ ھاياجانلاندى ئىككىنچى قېتىم ئوقۇپ ئۆڭكۈر،سىپىللار لەرزىگە كەلدى nىنچى قېتىم ئوقۇغاندا بولسا،غەمكىن ئوقۇرمەنگە ئايلاندى ئاندىن مۇشۇ شېئىر ئىچىدە قالدى ... ئەي،ئوقۇرمەن شېئىرغا بىر تەرەپتىن ئەمەس ھەر تەرەپتىن كەل ! بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 01:38

سەمەندەر · ۋاقتى: 2013-4-30 01:42:12


	بوزيار سەنئەت قەلئەسى:بوزيار سەنئەت قەلئەسىدىن تاللاپ تەرجىمە قىلىندى ئىزاھات:يېقىندىن بۇيان بىر قانچە ئەسەر يوللىسام "ئۆچۈرۈلدى"دەپ تەستىقلانمىدى ،شۇڭىلاشقا بۇ تەرجىمىنى ئىنكاس شەكلىدە يوللىدىم(ئەسلىدە ماس سەھىپىگە يوللانسا توغرا بولاتتى ،توغرا چۈشۈنەرسىلەر ...) كىچىككىنە قول پېر لېگىركۋىست شىۋىتسىيە نوبىل ئەدەبىيات مۇكاپاتى (1951-يىل) كىچىككىنە قول،ماڭا تەۋە ئەمەس كىچىككىنە قول سەن بۇ دۇنيادا كىمگە تەئەللۇق ؟ سېنى تۈن كۆكسىدىن تاپىمەن . مېنىڭ ئەمەسسەن. بىراق كىمدۇر بىرىنىڭ يىغىسىنى ئاڭلايمەن . كۆكسۈڭمۇ،قەيەر سېنىڭ كۆزۈڭ؟ كىمكىنە قاراڭغۇلۇقتا ئۆكسىگەن ؟ يىغلىما،كىچىككىنە قول ، سېنى قىزغىن سۆيىمەن قاراڭغۇداتەنھا ئەمەسسەن. كىچىككىنە قول ،تاڭ ئاتىدىغان چاغدا چوقۇم سېنىڭ كۆزۈڭنى تاپىمەن . يىغلاڭغۇ كىچىك قول،گەرچە سەھەر مەڭگۈ،مەڭگۈ كەلمىسىمۇ، سەن مېنىڭ بارلىقىم . ئىنسان مەنە ئولتۇراقىدۇر ھۆلدىرلىن (گىرمانىيە) ئەگەر ئىنسان قاتتىق ئەمگەك قىلىپ چارچىسا،ئۇ ئىنىق كۆككە بېقىپ سورايدۇ: ئەجىبا،مەن ئېھتىياجىمنىڭ كۆپلىكىدىن ھاياتلىققا ئامالسىز قالدىممۇ؟ شۇنداق.پەقەت سەمىيمىلىك ۋە پاكلىق ئىنسان بىلەن بىللە،شۇندىلا ئۇ خۇشاللىق بىلەن تەڭرىگە يېتپ ،ئۆزىنى مۆلچەرلىيەلەيدۇ. تەڭرى بىلگىلى بولماسلىقمۇ؟ تەڭرى خۇددى كۆك ئاسمانمۇ؟ كېيىنكىسىگە ئىشىنىشنى خالايمەن.بۇ ئىنساننىڭ مىزانى. ئىنسان مېۋىگە تويۇنغان،بىراق يەنىلا شېئىرىيلىق زېمىنغا ئولتۇراقلاشقان . مەن ئىسپاتلاشنى ئويلايمەن ،ھەتتا پارقىراق يۇلتۇزلۇق ئاسمانمۇ ئىنساندىن ساپ ئەمەس،ئىنسان خۇدانىڭ ئوبرازى دەپ قارىلىدۇ . زېمىندا سىركول بارمۇ؟ مۇتلەق يوق. بۇ يازمىنى ئاخىرىدا سەمەندەر تەھرىرلىگەن. ۋاقتى 2014-4-2 15:03

سەمەندەر · ۋاقتى: 2013-4-30 14:47:11


	يېڭى ھايات* ئەمدىكىسى تۈركىيە ئەمەس ئاۋۇ قاراڭغۇ ئىستىرىلكىلار مېنى قىززىقتۇرىۋاتقىنى ناھىت ئەمەس ۋە ياكى جانانھەمدە بىر كىم ئۇ يەنىلا يوقلۇق ئەمدىكىسى ئورخان پامۇك ئەمەس ياق، كىتاب قۇرلىرىدىن يېنىپ چىقتىم يۈزۈمگە ئۇرۇلىۋاتقان ھېچنېمىنىڭ نۇرى ئەمدى نە ھەرىكەت نە جىمجىتلىق ئەرۋاھ كېچە تونىلىدا كېتىپ بارىدۇ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 14:48*

سەمەندەر · ۋاقتى: 2013-4-30 14:49:05


	كېچە سېنى سۆيدىغان ھەر قانداق لەۋ كۆيۈپ كېتىدۇ سېنى ئاڭلايدىغان ھەر قانداق قۇلاق گاس بولىدۇ سېنى كۆرىدىغان ھەر قانداق كۆز ئەما بولىدۇ سېنى تۇتىدىغان ھەر قانداق قول چولاق بولىدۇ سېنى ماڭىدىغان ھەر قانداق پۇت توكۇر بولىدۇ شۇڭا بۇلارسىز ساڭا تاشماقتىمەن ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 14:49

سەمەندەر · ۋاقتى: 2013-4-30 14:50:55


	ئارتۇق ئۆلۈم ھەققىدە غەزەل ئۆلۈمنىڭ ئىككى پۇتى بار بىرسى كۈندۈزدە ماڭغانلىقى ئۈچۈن ئۆلگەن ،بىرسى ئىككىلەنگەندىلا ئۆلگەن سۆزلەر ئارا ئۆلىمەن تېنىم كوچا ئاپتۇبۇس روھىم ئاممىۋىي باغچا تۆت كوچا ئېغىزىدىن باشلانغان مېنىڭ ئىستىكىم ئەقىل مېۋىسىنى يەپ نېمىشقا ئۆلمىدىم ؟ بارلىق ئۆلۈملىرىمگە ھازا ئېچىپ بولغىلى نەۋاخ ئەڭ ئاخىرقى بىر ئۆلىمىم بار،ئويسىزلىققا پاتقاندا ئۆلىمەن ،ئويسىزلىقتىن تۇغۇلىمەن ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 14:51

سەمەندەر · ۋاقتى: 2013-4-30 19:18:28


	ئورتاق تىل دەپ ئاتىلىدىغان بايراقنى ئېگىز كۆتۈرۈپ قاتناش چىراغلىرىنى ئىشارە قىلار شوپۇرلار بۇ قائىدىنى چۈشىنىدۇ ئەي،ئېچىلمىغان يول ... ماشىنا چاقىدىن ئۆرلەۋاتقان توزان ۋە كۈز خازانلىرى ئىچىمىزگە دەسسەۋاتقان ئىنتىزارلىق پېئىللىرى كۈتۈش ئەۋجىدە قۇرۇپ تۇرغان لەۋ ئالاقە ئورنىتىشنى ئىستەيمىز دېئالىكىتتا ئولتۇراقلاشقىنىمىزغا ئۇزۇن يىللار بولدى ياسالما سۆزلەردىن زىرىكتۇق ئەي،كەلمەمسەن تەقەززالىقىمىزنىڭ تۈپ سۆزلىرى جۈپ سۆزلەرنى ئايرىۋەتكەن سەن كىم ئىدىڭ ؟ تاق يۆلىنىشلىك يوللاردا كۆزىمىز تالدى ئەي،بۇغۇم كۆچۈرۈش قائىدىسىنى قانداق تۈزگەن بولغىيتتىڭ ؟ سېنى ئوقۇيالماي يانجىلماقتىمەن ... جاراڭسىز ئۈزۈك تاۋۇشلار ئارا قىينىلىمەن ئەي تاۋۇشلار ماسلىشىش قائىدىسىگە چۈشمەيدىغان سۆز ! ساڭا ماسلىشىپ كېلىمىز بىراق سېنىڭ ماسلاشقىنىڭنى كۆرمىدۇق ساڭا ئاجىزلىشىمىز بىراق سېنىڭ ئاجىزلاشقىنىڭنى كۆرمىدۇق ئۇرغۇڭنىڭ تەكتىدە ئولتۇرىمىز ،سېنى ئوقۇشنى ئويلاپ ... ئەي، ئاساسىي لۇغەت تەركىبىگە كىرمىگەن سۆزلەر !! يېپىق بوغۇم بىلەن ئاخىرلىشىسەن ئېچىلغىنىڭنى بىلمەيمىز لىكسىكىدا ئولتۇرىمىز (مەمنۇنىيەت قەدەھلىرىنى غەمگە تولدۇرۇپ) ئەي،ئەسلى مەنەڭنى بىلسەك بولاتتى ،جانان ،كۆچمە ئىشىككە قاراپ كۆزلىرىمىز تالدى قارمۇ -قارشى مەنىلىك سۆزلەر ئارا ئويلىنىپ ئازدۇق ئەي،بىزنى ئورتاق تىلغا چاقىرغىن ،جانان ئاللاھنىڭ شەرىقىدە ،جەننەتنىڭ غەرىبىدە كۈندۈزنىڭ سولىدا ،كېچىنىڭ ئوڭ تەرىپىدە ئاقىلىقنىڭ ئۈسىتىدە ،قارىلىقنىڭ ئاستىدا ئاز-تولا گۈل بار قاناۋاتقان ... ئەي، تۇراقلىقلىقتىن چىقىپ كەتكەن سۇيۇق جانان بىز سېنى قايسى تەرەپتىن تۇتىۋىلىشنى بىلمىدۇق پالتا چۈشكىچە ئۇيقۇسىز قالىدىغانىلىقمىزنى بىلىمىز ئەي، تىلىمىز مىلتىققا ئايلاندى بۇ سۆز ئوقلىرىنى قەيەرگە ئېتىشنى ئۇزاق ئويلانغاندىن كېيىن كۈندۈزنىڭ كۆكسگە تىرىدۇق ... مورفىمىغا قوپقان كۆلەڭگە بىزسېنى قات-قېتىدىن ئاجرىتىپ ئۆزىمىزنى كۆرۈشنى ئىستەيمىز ياردەمچى سۆزلىرىمىز بىلەن مۇستەقىل سۆزلىرىڭگە سالام يوللايمىز بىراق سەن ﺋﯩﺴﯩﻢ، ﺳﯜﭘﻪت، ﺳﺎن، ﻣﯩﻘﺪار، ﺋﺎﻟﻤﺎش، رەۋﯨﺶ، ﭘﯧﺌﯩﻞ، ﺗﻪﻗﻠﯩﺪسىزلا بىزنى ئازابلايسەن سېنى قانداق چاقىرىشنى ئۇقمايمىز ،چۈنكى چاقىرساق ھەم چاقىرمىساق ئوخشاشلا ئۆلىسەن ... يۈكلىمىلىرىمىز بىلەن سالام يوللايمىز ئەي،باغلىغۇچىلار ئارقىلىق باغلانمايدىغان جانان ئىملىق سۆزلىرىمىز بىلەن سالام يوللايمىز ھايۋاناتلاردەك گاچا تىلىمىز بىلەن سېنى ئىشارە قىلىمىز خاس ئىسىم بىلەن ئەمەس تۈردەش ئىسىم ئارقىلىق چاقىرلىشنى ئىستەيمىز بىراق لېۋىمىزدە تۈن كويزىسى شاراقلايدۇ ئەي، بىر كىمگە تەۋە ئەمەس گۈل ئورنۇڭ قەيەردە سېنىڭ ؟ بىرلىك بىلەن ئەمەس كۆپلۈك بىلەن چاقىرىمىز ئەي، توققۇز كېلىشلىك جانان قانداق دەپ سۇئال قويىمىز ؟ ئەي، سەۋىرچانلىقىمزنىڭ ئۆپكىسىدە ئولتۇرغان جانان ئەي، مۇرەككەپ سان سېنى ساناپ كېتىۋىتپ ئېزىپ كېتىمىز شۇڭلاشقا سېنى كېچە بىلەن مۆلچەرلەيمىز كېچە سارغۇچلىقىنى تولدۇرغۇچى سۆزلىرىمىز بىلەن تولدۇرۇشنى ئىستەيمىز سەۋدانى مېڭ بىر كېچىگە يۆلەپ ھېكايە ئېيتىمىز ئەي، جاپاكەش قۇرلۇشچىلارمىز كۆۋرۈك يېرىمىنى شوتىنىڭ يېرىمىنى كېچىنىڭ يېرىمىنى مۆلچەرلەيمىز ئەي، مۆلچەر سانلار دەڭلار تاڭ ئېتىشقا يەنە قانچىلىك قالدى ؟ ــ ئەتە تاڭ ئاتىدۇ ئۇلار ھەممەيلەنگە شۇنداق دېيىشسۇن !... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 19:19

سەمەندەر · ۋاقتى: 2013-4-30 19:21:45


	بوسۇغا ھېكمەتلەردىن پۇتۇمنى چىقارغىلى نەۋاخ مەۋجۇتلۇقتىن پۇتۇمنى چىقارغىلى نەۋاخ كۈندۈزلەردىن پۇتۇمنى چىقارغىلى نەۋاخ لەۋلىرىڭدىن پۇتۇمنى چىقارغىلى ناۋاخ يوللىرىڭدىن پۇتۇمنى چىقارغىلى نەۋاخ ... ئەمدى چىقارمايدىغانلاردىن بىرسلا بار شۇنى كىرگۈزۈش بىلەن ئاۋارىمەن !... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 19:22

سەمەندەر · ۋاقتى: 2013-4-30 19:23:12


	زەيتۇن شېخى چىشلەپ كەلگەن قاغا ھەققىدە غەزەل ( ئە.ئوسمانغا بىغىشلايمەن ) كېمە چۈشكۈن شامالغا يىتىلەنگەن ئۆچكىدەك ،تۇمان ئىچرە لەگلەك ئۇنى ئىزدەپ يۈرگەندە قاغا ئۇچراپ قالدى، سەن مۇنداق دېدىڭ :يۈرۈڭلار،دېڭىزغا بېرىپ تۇز كولايمىز مەن ئۇلارنى قايتۇرۇپ كەتتىم سەن ئۇلارغا ( تەنھالىقلا ساڭا يول باشلايدۇ )دېگىلى بولدى 600مىڭ يىل ،ئەمدى ئۇلار مەۋجۇدىيەت قىزى بىلەن ئىششىق –مۇھەببەت ھەققىدە سۆزلەشكۈدەك بولدى . سەن بوز قاغا ئىدىڭ «ئاق قاغا»دىن سىرت سەن بولۇمنىڭ دەرىزىسىدىن جەۋھەرياڭاقلىرىنى كۆرۈپ قالغان ئىدىڭ بۇ سېنىڭ تەبىئىتىڭ ،ئوغرىلاردۇرمىز كۈپنى توشقۇزۇشنى ئىستەيمىز ،ئەمما كۈپنىڭ ئىچىدىكى قاراڭغۇلىقتىن سىرت ئولجىمىز يوق مۇشۇ گۇناھىڭ ئۈچۈن سۆزگە پالاندىڭ سۆزلەر ئارا سەرگەردانسەن سۆز لېۋىدىكى تەنھالىقتا بۇ يازمىنى ئاخىرىدا سەمەندەر تەھرىرلىگەن. ۋاقتى 2014-4-25 23:12

سەمەندەر · ۋاقتى: 2013-4-30 19:25:25


	شائىر ئوي تەنھالىقتا ئولتۇراقلىشىدۇ تۇيغۇ سۆيگۈدە ئولتۇراقلىشىدۇ تىل ۋەتەندە ئولتۇراقلىشىدۇ ... بۇ يازمىنى ئاخىرىدا سەمەندەر تەھرىرلىگەن. ۋاقتى 2013-4-30 19:26