«ئۇيغۇر بالىلار سۆز ئويۇنلىرى» توپلىمى تۈزۈش توغىرىسىدا تەكلىپ

بۇ يازمىنى ئاخىرىدا   سائادەت ساتتار تەھرىرلىگەن. ۋاقتى  2013-3-29 15:04  

ئېسىل بىر ئەمگەكنىڭ روياپقا چىقىش ئالدىدا تۇرغانلىقىدىن تولىمۇ مىننەتدارمەن. ياسىنجان ئاكامنىڭ ئىشلىرى قۇت تىلەيمەن.

كۆسەن كۈلكىسى
«ك» ھەرىپى بىلەن باشلانغان سۆز ئويۇنى
ئابلا راخمان (تۆتتاش)
كۆسەندىكى كۆيۈمچان كەسىپداشلىرىم، كۆسەن كىشىلىرى كەيىپلىك، كەپسىزلىك، كىبىرلىك، كۆكەرمىلىكتەك كەمچىلىكلەرنى كەمەيتىپ، كەمتەرلىكنى كۈچلەندۈرۈپ، كۆڭۈل كۆزلىرىنى كىچىكلەتمەي، كىچىكلەرنى كىچىكىدىنلا،  كىتاب كۆرۈشكە كۆندۈرۈپ، كېلىچەكتە كامالەتتە  كېلىشكەن كومىدىيىچى، كۆزەتچى، كوللىكتىپشۇناس، كەلگۈسىشۇناس، كانشۇناس، كەشپىياتچىلارنى  كۆپەيتىشكە كىرىشىپ، كاككۇكتەك كۈيلىرىدە  كەلگۈسىنى كۈيلەپ كەلمەكتە.
كۆسەن كۈيچىلىرى، كۈيلىرىڭلارنى كومپىيىۇتۇرغا كىرگۈزۈپ، كامالەتتە كاپالەندۈرۈپ، كەپەڭلاردىكى كۇتۇپخاناڭلارنى  كۆركەملەشتۈرگەيسىلەر. كائىناتقا كۆيۈنگەيسىلەر. كىرىمىڭلارنى كۆپەيتىپ، كەمبەغەللىككە كېپەنلەنمىگەيسىزلەر. «كېسەللىك»لەرنى كېمەيتىپ، كۈلكە كانىغا كىرىپ، كەمتەرلىك كۆزۈڭلاردا كەچۈرۈم كۆڭلۈڭلارنى  كۆركەملەشتۈرگەيسىلەر. كارامىتىڭلارنى كۆرسۈتۈپ، كۆكتىكى كەپتەردەك، كۆكلەمدىكى كۈيچى كاككۇكتەك كۈلۈپ، كۈنسېرى كۈلكەڭلارنى كۆپەيتكەيسىلەر، كەسىپداشلارنىڭ كۆرسەتمىسىگە كۆنگەيسىلەر. كومپاسنىڭ كارامەت كۆرسەتمىسىدە كۈچلەنگەيسىلەر. كەيىپلىك كەچمىشلىرىدە كۈتۈلمىگەن كېسەللىك كاساپىتىگە كەتمىگەيسىلەر.
كەپسىزلىككە كېشەنلەنگەن كىچىكلەرنى كەمتەرلىك بىلەن كەچۈرۈپ، كۈنسىرى كۈلدۈرۈپ، كەلگۈسىنى كۆزلەتكۈزۈپ،  كاللىسىنى كائىناتقا، كاللىكتىۋىزىملىققا كېشەنلىگەيسىلەر.
كۆڭۈلسىز كۈنلەر كەتمەسكە كەتتى. كەلگۈسىمىزنى كۆرەيلى!
كۆسەننىڭ كەڭرى كوچىسىدا، كۆچەتزارلىقىدا، كۇتۇپخانا، كىتابخانىلىرىدا كىتابخۇمارلار كۆپۈيۈپ، كېچە-كۈندۈز كۆزلىگەن كەلگۈسى كارتىنلىرىنى كىتابتىن كۆرگەچكە، كۆسەندىكى كەسىپداشلاردىن  كۆڭلۈم كۆتۈرۈلدى.  كەلگۈسىدە كۆسەننىڭ كاتتا  كۆركەملىشىدىغانلىقىنى كۆڭۈل كۆزۈمدە كۆرۈپ، كۆسەننىڭ كۆكلەمدەك كۆكلىگەن كۈلكىلىرىدە كۇمراجىۋانىڭ كۈمۈشتەك كۈيىگە كۈمۈلمەكتىمەن.
كۆسەندىكى كەسىپداشلار، كاسىپلار، كارخانچىلار، كىچىكلەر، كومراجىۋانىڭ كۆركەم كۈلۈمسىرەشلىرىنى كۈچلۈك كۈزىتىڭلار! كۈيۈمچانلىقنى، كەسىپچانلىقنى، كاللىكتىۋىزىملىقنى كۈچەيتىڭلار!
كۆسەن كۈلكىسى- كۇمراجىۋا كۈلكىسى


«ئاقسۇ گېزىتى» 2013-يىل 3-ئاينىڭ 8-كۈنىدىكى ساندىن ئېلىندى.

مەن مۇئەللىم
( باش ھەرپى ‹‹ م ›› دىن باشلانغان سۆز ئويۇنى )
مۇھەممەت توختى
مەملىكىتىمىز  مائارىپىنىڭ  مول مۇۋەپپەقىيەت مېۋىسى ــ مېھنەتكەش ، مېھرىبان  ،  مەرىپەتپەرۋەر مۇئەللىملەرگە مەنسۇپ . مۇئەللىملەر مەرىپەت مەردانىلىرى ، مەسۈم  مايسىلارنىڭ  مەدەتكارى  .  مەملىكىتىمىز  ، مىللىتىمىز مانا  مۇشۇنداق  مەسئۇلىيەتچان  ،  ماھارەتلىك  ، مۇنەۋۋەر مۇئەللىملەرگە مۇھتاج .
مەن  مۇئەللىم  ، مېنىڭ مائارىپتىكى مەيدانىم ، مۇھەببىتىم مەڭگۈ مۇستەھكەم  .  مەن  مىللىتىمىز  مائارىپىنىڭ مەركەزلىك مۇكەممەللىشىشى ، ماددىي – مەنىۋىي مەدەنىيەتنىڭ مۇنتىزىملىشىشىغا ماڭداممۇ – ماڭدام ماسلىشىمەن .
مۇنبەر مېنىڭ مۇقەددەس مەرتىۋەم . مەن مەغرۇرلۇق ، مەنپەئەتپەرەسلىك ، مىننەتخورلۇقتىن مۇتلەق مۇستەسنا . مەزھەپچى ، مىشچان مەسخىرۋازلار مەسخىرلىسىمۇ  مەڭدىمەيمەن  ،  مەيۈسلەنمەيمەن  .  مەن مەسۈم مايسىلارنىڭ مېھرى – مۇھەببىتى مۇجەسسەملەشكەن مەرىپەت مەشئىلى . مەن مۇئەللىملىك مەرتىۋەمگە مۇناسىپ مەسئۇلىيەتتە مەملىكىتىمىزگە ، مىللىتىمىزگە مېھنىتىمدىن مۇۋەپپەقىيەت مېۋىلىرىمنى مۇكاپاتلايمەن .

دەسلەپ ‹‹بايىنغۇلىن گېزىتى››دە ئېلان قىلىنىپ ، مەزكۇر تورغا بېرىلگەن .
ئاپتۇرى : مۇھەممەت توختى
ئاددىرىسىم :بايىنغۇلىن لوپنۇر ناھيەلىك 2- باشلانغۇچ مەكتەپ .

        بۇ ياخشى تەكلىپ ئىكەن،ۋاقتىم يەتكەندە بۇ تېمىغا بىرقانچە سۆز ئويۇنى يوللاپ قويۇش ئويۇم بار.
        قۇشۇمچە پىكرىم:بۇ سۆز ئويۇنلىرىنىڭ بالىلار بىلەن ئالاھىدە مۇناسىۋىتى بولمىغاندىن كېيىن «ئۇيغۇر بالىلار سۆز ئويۇنلىرى» دەپ ئولتۇرماي،«ئۇيغۇر سۆز ئويۇنلىرى» دەپلا ئېلىنسا بولىۋېرەر بولغىيتتى.

دۇرۇس ، مەھەممەتجان بۇ تەكلىپنى جايىدا بېرىپتۇ . مەنمۇ شۇنداق ئويدا ئىدىم .

«ئۇيغۇر سۆز ئويۇنلىرى» دەپ  ئېلىنسىمۇ  بولۇدۇ.  بالىلارغا ئەلۋەتتە ماس  كېلىدۇ، ئۇنىڭ ئۈستىگە سۆز ئويۇنلىرىنى ئاساسى جەھەتتىن بالىلار بەكراق ياقتۇرۇپ  ئوقۇيدۇ. شۇنىڭ ئۈچۈن يازغان بولساڭلار يازغانچە، يازماي ئۇچىراتقان  بولساڭلار  شۇ  بويىچە  ئىرىنمەي  يوللاپ  بەرگەن بولساڭلار  سىلەردىن  تولىمۇ  سۆيۈنگەن بولار  ئىدىم.

مۇھەممەت  توختىنىڭ مىنى يېقىندىن  قوللىغىنىنى قىزغىن  قارىشى  ئالىمەن، مۇشۇ  سۈرەتتە  يوللانسا  پات  يېقىندا  بىر گەپ بولۇپ  قالاتتى.

بۇ يازمىنى ئاخىرىدا   alahidin تەھرىرلىگەن. ۋاقتى  2013-3-29 16:29  

                       بىلىم ــ بىباھا بايلىق
     
( باش ھەرپى ‹‹ ب ›› بىلەن باشلانغان سۆز ئويۇنى )  

                           مۇھەممەت توختى
بىلىم  ــ  بىباھا  بايلىقتۇر  .  بارلىق  بايلىقلار  بىلىم بىلەن بەرپا بولىدۇ . بىز  بىلىم  بىلەن  بېلىمىزنى  باغلاپ  ،  بەڭباشلىقتىن  بىتەرەپ  بولساق ، بالىلارغا  بەلەن  بىلىم  بېرەلەيمىز  . بالىلارغا بېرىلىپ بىلىم بەرگەندە ، بالىلار باتۇر – باھادىر ، باغرى باغدەك باغۋەنلەردىن بولۇپ ، باغلارنى بارغانچە بوستانلاشتۇرالايدۇ .
  بىلىمسىزلىك  －  بەڭباش  ، بېلى بوشلۇقنىڭ بەلگىسىدۇر . بىز بولساق بالىلارغا بىلىم بەرگۈچىلەرمىز . بەجايكى ، بىز بىلىمسىزلىكتەك بىمەنىلىكنى بېسىقتۇرۇپ  ،  بىنومۇس  ،  بىۋاپا ، بۆلگۈنچىلەردىن بىزار بولۇپ ، بىباھا بايلىقلارنى  بەرپالاشتۇرالايمىز . بۇنىڭ بىلەن بالىلار بارغانچە بىلىملىك بولۇپ بىلىمسىز بۆلگۈنچىلەرنىڭ بۆشۈكىنى بىراقلا بۇزىۋىتەلەيدۇ . بۇ بىزدەك بىلىم بەرگۈچىلەرنىڭ بۈيۈك بۇرچىمىز .

مەزكۇر سۆز ئويۇنى ‹‹ بايىنغۇلىن گېزىتى›› دە ئېلان قىلىنغان .

ياخشى ئىشقا تۇتۇش قىلىپسىز ياسىنجان، قولۇمدىن كېلىشىچە ياردەمدە بولىمەن.

بۇ يازمىنى ئاخىرىدا   مەھەممەتجان تەھرىرلىگەن. ۋاقتى  2013-3-29 19:19  

       قايىلمەن،قەلىمىڭگە قاينۇقلۇق قېرىندىشىم

                                          (‹‹ق››دىن قۇراشتۇرۇلغان قىسقىچە قەسىدە)


                                                               ئەكرەم ئابدۇمىجىت

        قاچانكى قەلبتە قان قىزىپ قاينىغاندا،قەھىرلىك قەسەم،قايىللىق قەسىدە قەغەز قۇرلىرىغا قۇيۇلىدۇ.
        قاينۇقلۇق قېرىندىشىمنىڭ قاتار - قاتار ‹‹ق››لاشتۇرۇلغان ‹‹قايغۇرما،قاينۇق››قىغا قاراپ،قەلبىمنى قايىللىق قاپلىدى.‹‹قايغۇرما،قاينۇق››تا قۇرغاقچىلىقتىن قۇتۇلۇشچۈن قار قورساقلىقنىڭ،قالاقلىقنىڭ قاباھەتلىك قارا - قۇرتلىرىدىن قۇتۇلۇش قەيت قىلىنغان.
        قارىغاندا،قاينۇقلۇق قېرىندىشىم قاينۇقنىڭ قۇرغاقچىلىقتىن قۇتۇلۇشىنىڭ قاتلام - قاتلام قاپتاللىرىنى قايتا - قايتا قېزىپ - قىدىرىپ،قاينۇقنى قۇدرەتلىك قاينۇق قىلىپ قۇرۇشنىڭ قازانلىرىنى قايناتقاندەك قىلىدۇ.
        قىزىقتىن قورقۇپ،قالپاقنى قىرلاپ،قوغۇن - قاپاق،قىزىلچا،قوناق،قەلەمچىلرىنى قۇرۇتىۋېتىپ،قاينۇق قانداق؟قارا ياغاچ،قوتانتام،قىزىلبۇلاق... قاتارلىقلار قانداق؟قارىماستىن قارىسىغا قۇرۇقتىن - قۇرۇق قايغۇرۇش،قاخشاش،قارغاش قەتئىيكى قالاق،قارا قورساقلارنىڭ قىلىقى.قارا قورساقلارغا قاچانلا قارىماڭ قازىنى قۇرۇق.قالاقلىق قاراڭغۇلۇققا قىستايدۇ.‹‹قايغۇرما،قاينۇق›› تا قالاقلىقتىن قۇتۇلۇش قەسىمى قايتا - قايتىلانغان.قالغىنىنى قاينۇقلۇق قاۋۇل،قەيسەر،قىززىقچى قېرىنداشلارنىڭ قۇدرىتىنىڭ قەيەردىن قەيەرگىچىلىكىگە قارايلى!
  
   <<ئىلى كەچلىك گېزىتى>>نىڭ 1996-يىلى8-ئاينىڭ 8-كۈنىدىكى سانىدىن ئېلىندى.





بۇ يازمىنى ئاخىرىدا   مەھەممەتجان تەھرىرلىگەن. ۋاقتى  2013-3-29 19:22  

قارىلىق قەسىدىسى

ئەخمەتجان ئابدۇللا

(قابىل قەلەمدىشىمىز قاۋسىلقان قامىجانغا قارىلىقنامە)
قېرىنداشلار، قىياسىمچە قازاق قەۋمىدىكى قەدىردان قېرىندىشىمىز، قابىل قەلەمدىشىمىز قاۋسىلقان قامىجاننىڭ قازاسىدىن قاتتىق قايغۇردۇق. قارچۇقىمىزغا قىيامەت قەيىم قىياسلىنىپ قەلبىمىزنى قورقۇنچ قاراڭغۇسى قاپلىدى. قوۋناقلىق قۇشلىرىمىز قارىلىق قەپىزىگە قاپسىلىپ قانات قاقمىدى....
قاۋسىلقان قامىجان قىرانلىقتىن قېرىلىققىچە، قەددى-قامىتى قېڭغىيىپ قىيسايغۇچە قىرىق قىش قەلەمگە قانمىغان؛ قەلب قەسىرىدە ‹‹ قازاقشۇناسلىق ›› قىيامى قاينىغان؛ قەدىر – قىممەتتە قەشقەرىيدىن قېلىشمايدىغان؛ قەلەم-قەغەزگە قاراپ قېنىشمايدىغان؛ قەلەم قۇۋىتى قايماق، قەدەم قۇربىتى قايناق؛ قۇچاقىغا قالاقلىق، قۇرسىقىغا قۇۋلۇق قىرولىرى قونمىغان، قەبرىگە قەدەم قويغۇچە  قۇلىدىن قەلەمنى قويمىغان؛ قازاقلارغا قۇياش، قالغانلارغا قاياش قابىلىيەتلىك قەلەمكەشتۇر.
قاۋسىلقان قامىجاننىڭ قەلەمكەشلەر قۇشۇنىمىزغا قوشقان قۇتى قەلبىمىز قىرغاقلىرىدا قىيانلايدۇ.
قەدىرلىك قۇرداشلىرىمىزدىن قازاق قېرىندىشىمىز قامارۋاي قۇۋانبىك، قىرغىز قېرىندىشىمىز  قومىغاي قۇلداي، قەشقەردىن قۇربانجان قەييۇم ، قۇمۇلدىن قەيسەر قادىرلار قاراقاشلىق قاسىم قۇشۇققا قۇشۇلۇپ قاۋسىلقان قامىجاننىڭ قازاسىدىن قايغۇرۇپ قارغۇلارچە قۇشاق قاتماڭلار.
قاۋسىلقان قامىجاننىڭ قازاسى قەلبىمىزدە قايغۇ قاباھىتىنى قۇتراتسىمۇ، قازاغا قارشىلىق قىلماسلىق ــــ قېرىنداشلارغا قۇتلۇق قىلىقتۇر. قائىدە- قانۇنلىرىمىزمۇ قازاغا قارشىلىق قىلىشنى قوللىمايدۇ.
قازا ــــ قىران، قېرىلىققا قارىمايدۇ. قايسى قالىدۇ، قايسى قايتىدۇ؛  قاچان، قانداق قايتىدۇ قاتار قىلمايدۇ. قەسىرگە قاچقان ‹ قاۋۇل ›لارنى قوغدىمايدۇ، قىشلاقتا قالغان ‹ قەلەندەر› لەرنى قوغلىمايدۇ.
قەدىرلىكلەر قامۇسلىرىغا قارىساق، قاشتېشى قەلئەلەردە قونغان قەدىرخاندەك قاغانلارمۇ، قۇرئان قىسسىلىرىنى قەلب قازىنىغا قۇيىۋالغان قارىلارمۇ، قانۇن قامچىلىرىنى قۇلىغا قېسىۋالغان قازىلارمۇ قازادىن قاچالمىغان. قازا قىلماي قالمىغان.
قەدىمدىن قەۋمىمىز قازاغا قايىلدۇر.
قېرىنداشلار، قۇرداشلىرىمىز قازا قىلسا قەتئى قىلچىلىكمۇ قارشىلىق قىياپىتىدە قىقىراشمايلى. قازا قىسمەتلىرىنى قۇبۇل قىلىپ قازا قىلغۇچىنىڭ قۇروسىدا قىرائەت قىلايلى.

  ئاپتۇر: قاراقاش ناھىيە توخۇلا ئوتتۇرا مەكتەپتىن
13667572800


بۇ يازمىنى ئاخىرىدا   ئە.ئابدۇللا تەھرىرلىگەن. ۋاقتى  2013-3-29 19:40  

بىخەتەرلىك -بىرىنجى
ئىلياس ئېلىي
( قاراقاش ناھىيە 3-ئوتتۇرا مەكتەپ 9-يىللىق قوشتىل سىنىپ ئوقۇغۇچىسى)

(«ب»دىن باشلانغان بىخەتەرلىك بىلىملىرى بايانى)

بىخەتەرلىك بىلىملىرىنى بىلىش-بىزگە بۇرۇندىن باشلاپ بار بولغان بۇرۇچتۇر.
بۇرادەرلىرىمىز بۇرۇندىن- بۇگۈنكىچە، بوۋاقتىن- بۇۋايغىچە بىخەتەر بۇلۇشنىڭ-باياشات بۇلۇشنىڭ باشلانمىسى بۇلىدىغانلىقىنى بىلىدۇ. بىخەتەر بولمىغاندا باي-بىساتلىق بولغاننىڭ بىخچىلىكمۇ بەھرى بولمايدۇ.
بۇرۇن بىزنىڭ بۇغۇچىدىكى باكىر باينىڭ بىھىساپ بايلىقى بۇلۇپ، باكىر باي بىخەتەرلىك بىلىملىرىنى بىلمىگەچكە، بايلىقىنى بانكىغا بەرمەي بەلۋېغىغا باغلاپ بېغىنىڭ بۇرجىكىدىكى بىدىلىككە باستۇرۇپ، بايلىقى بار بۇلۇڭنى بالىلىرىغىمۇ بىلدۇرمىگەن. بىراق بۇلتۇر باكىر باينىڭ بېغىدىكى بايلىقى باستۇرۇلغان بۇرجەكنى بىر بۇلاڭچى بىلىۋېلىپ، باكىر باينىڭ بارلىق بايلىقىنى بۇلىۋالغان. باكىر باي بايلىقىنىڭ بۇلانغانلىقىنى بىلگىنىدە بۇ بالاغا بەرداشلىق بىرەلمەي، بوينىنى بۇغۇزلىۋالغان.
بۇنىڭدىن باشقا، بۇلتۇر بالىلار بايرىمىدا بۇرىچىدىكى بارات بەڭگىنىڭ بالىسى بابۇر بىخەتەرلىك بىلىملىرىنى بىلمىگەچكە بازار بۇيى باشلانغۇچقا بايرامغا بارغۇچە بولكىۋاي بېسىۋالغان. بازار بۇيىدىكى بائىممەخان بەكرى باققال بۇلۇپ، بالىلىرى بىلەن بازارغا بانان بېسىۋاتقاندا باغلاقتىكى بۇقىسى بۇشۇناپ، بازارلىق بانانلىرىنىڭ بېرىنى بۇزىۋەتكەن. بۇنىڭدا بائىممەخان بەكرى بىخەتەرلىك بىلىملىرىنى بىلمىگەچكە باش باشتاق بۇقىنى بوش باغلىغان.                                                                                                                        
بۈگۈنمۇ باراتلىدىكى بۇخىدىچە باقى بازارغا بارغاندا، بەش بۇرجەكلىك باغچىنىڭ بېقىنىدا بۇلاڭچى بىباھا بولوپكا- بىلەيزۈكلىرىنى بوغچىسى بىلەن بۇلىۋاپتۇ.
بىز بۇلاردىن بىلىۋالالايمىزكى: بۇ بۇرادەرلىرىمىز بىخەتەرلىك بىلىملىرىنى بىلگەن، بىخەتەر بۇلۇشقا بەكرەك بىرىلگەن بولسا باكىر باي بىكاردىن بىكار بەربات بولمىغان، بارات بەڭگىنىڭ بالىسى بابۇرنى بىئەجەل  بالا باسمىغان، بائىممەخان بەكرى بىلەن بۇخىدىچە باقى بۇقا، بۇلاڭچىلارغا بۇزەك بولمىغان بۇلاتتى.
بىخەتەرلىك- بەختىيارلىقنىڭ بىشارىتى بۇلۇپ، بىخەتەرلىك بولمىغاندا بەختلىك بولغىلى بولمايدۇ. بىخەتەرلىك بىلىملىرىنى بىلمەي بىخۇد بولغاندا بەختىمىز باياۋاندا بۇقۇلدايدۇ.
بازار بۇيىدىكى باتۇر بودەكنىڭ باجىسى باھاۋۇدۇن بىخەتەرلىك بەلگىلىمىلىرىنى بىلىشكە بەل باغلىغانلارنىڭ بىرى بۇلۇپ، بۇلتۇردىن باشلاپ بىخەتەرلىك بەلگىلىمە-بىلىملىرىنى بالىلىرىغىچە بىلدۈرۈپ « بىخەتەرلىك بىلىملىرىنى بىلگۈچى » لەر بەيگىسىدە بىرىنجى بۇلۇپ باھالىنىپ بىرمۇنچە بۇيۇملاردىن بەھرىمان بولدى. بېيجىڭغا باردى.باشلىقلار باھاۋۇدۇننىڭ بىڭسىسىغا بۇنۇڭلۇق بىلەن بولدىلۇق بىلدۈرمەي،باھاۋۇدۇننى بازار باشقۇرۇشنىڭ باقاۋۇللۇقىغا بىكىتتى.
بۇرادەرلەر بۇنىڭدىن بىلەلەيمىز، باھاۋۇدۇن بىخەتەرلىك بىلىملىرىنى بىلمىگەن بولسا،بارچە بايلىققا بىرىلىۋاتقان بۈگۈندە باھاۋۇدۇن بەش بالىسىنى باشلاپ بازار باشقۇرۇش بەنزىسىگە بوزلاپ بارغان بولسا باشلىقنىڭ بۇسۇغىسىغىمۇ بارالماي، بىرمۇنچە بانا بىلەن بەزلىنەتتى.بېيجىڭغىمۇ بارالمايتتى. باھاۋۇدۇندا «بۈيۈك بىلىم» بولغاچ باشلىقلار باھاۋۇدۇنغا بېقىندى. باھاۋۇدۇن باشقىلارغا بېقىنماي بالىلىرىنى بىخارامان باقالىدى.بۇرادەرلەر بۇنى بىلگەنسىزلەر.
بۈگۈن بۇرادەرلەرگە بۇ « ب »دىن باشلانغان باياناتتا بىلدۈرمەكچى بولغىنىمىز:بىخەتەرلىك بىرىنجى.بىخۇتلۇق بىچارىلىقنى بىخلاندۇرغۇچى-بۈشۈك.
بىخەتەرلىك بەلگىلىمىلىرىنى بىلگەنلىك- بۈگۈننىڭ بەھرىنى بىلگەنلىككە باراۋەردۇر.


يىتەكچىسى: ئەخمەتجان ئابدۇللا
بۇ يازمىنى ئاخىرىدا   ئە.ئابدۇللا تەھرىرلىگەن. ۋاقتى  2013-3-29 19:51