«ئۇيغۇر بالىلار سۆز ئويۇنلىرى» توپلىمى تۈزۈش توغىرىسىدا تەكلىپ

ئە.ئابدۇللا · ۋاقتى: 2013-3-29 19:54:52


	ئەخمەتجان ئابدۇللا كۈتۈپخانىمىزغا كىرىپ كىتاپ كۆرۈڭ! («ك»دىن كىرىشتۈرۈلگەن كۆرسەتمە كەلىمىسى) كۆپ كىتاپلاردىكى كىتاپ كۈچىنىڭ كارامەتلىرى كۈرنەرلىك كۆرسىتىلگەن «كىتاپ- كېلىچەكنىڭ كۆزنىكى »، «كۆپرەك كىتاپ كۈرۈيلى» دەك «ك» دىن كىرىشتۈرۈلگەن كۆزنەك كۆرسەتمىلەردە كىتاپ كۈرۈشنىڭ كارامىتى كونكىرېت كۆرسىتىلسىمۇ كىتاپ كۆرگۈچىلەر كۆپەيمەستىن، كونسايىن كەمىيىپ كىشىلەرنىڭ كىتاپقا كۈيۈنىشى كەمچىللەشمەكتە. كىتاپلار كۈندىن كۈنگە كۆرۈلمەي كونىراپ، كىرلىشىپ، كۆڭلى-كۆكسى كۈپۈپ كۈتۈرەڭگۈ كەيپىياتى كاساتلاشماقتا. كېرەملىك كىتاپخان، كىتاپ–كەيپىياتىڭىزنى كۈتۈرگۈچى كىران. كەلگۈسىڭىزنى كۆرسەتكۈچى كومپاس. كۆڭلىڭىزنى كۆركەملەشتۈرگۈچى كىمخاپ كىيىم. كىبىر كېمىرىڭىزنى كەسكۈچى كەكە. كېرىمىڭىزنى كۈپەيىتكۈچى كاتالىزاتۇر.... كۇتۇپخانىمىزغا كىتاپ كۆرۈشكە كىرىڭ. كۇتۇپخانىمىز كىتاپ كانى، كۇتۇپخانىمىزنىڭ كۈلىمى كەڭ-كۈشادە، كىتاپلىرى كۆپ، كۆركەم. كۆڭلىڭىزدىكىدەك كىتاپلارنى كۈرۈپ، كائىناتنى كۆزىتىپ، كەلگۈسڭىزنى كۆزلىيەلەيسىز. كۇتۇپخانىمىزغا كەلسىڭىز كەمىنىدەك كەمتەر كەسپى كادىرلار كىچە-كۈندۈز كەڭ-كۈشادە كىتاپ كۆرۈشىڭىزنى كاپالەتلەندۈرۈپ كۈڭۈللۈك كۈتىۋالىدۇ. كېرەملىك كىتاپخان: كۇتۇپخانىمىز كەمچىلىكىڭىزنى كۆرسىتىپ كۈڭۈل كۈچەتلىرىڭىزنى كۆكلەتكۈچى كۈلبە. كۆرسىتىدۇ كۈزۈڭگە كىتاپ كۈرمىڭ كارامەت. كىتاپ كۆرسەڭ كەسپىڭدە كۈرۈلىدۇ كامالەت. كىتاپ كۆرمەي كۈن كەتسە،كەيىپلىكتە كەپەڭدە، كەلگۈسىڭنىڭ كۈزىنى كومتۇرۋىتەر كاساپەت. بۇ يازمىنى ئاخىرىدا ئە.ئابدۇللا تەھرىرلىگەن. ۋاقتى 2013-3-29 19:55

ئە.ئابدۇللا · ۋاقتى: 2013-3-29 20:00:42


	پەخرىمسەن –« پەرۋاز » پەزىلەت ئەمەرجان (قاراقاش ناھىيە 1-باشلانغۇچ مەكتەپ 6-يىللىق قوشتىل سىنىپتىن) « پەرۋاز » ــــ پەرزەنتلەرنىڭ پەم-پاراسىتىنىڭ پەرۋىش پاسىبانى. « پەرۋاز » ــــ پەرزەنتلەر پىكىر-پەرەزلىرىنىڭ پاساھىتىنى پىشۇرۇدىغان پۇرسەت پەلەمپىيى. پېقىر پەزىلەتمۇ « پەرۋاز »نىڭ پەرۋانىسى. پەرزەنتلەرنىڭ پارچە - پۇرات پىكىر - پەرەزلىرى « پەرۋاز » پونكىتىدىكى پەرۋىشكار پىداكارنىڭ پاراسەت پەپىسىدە پارازىتتىن پاكىزلىنىپ، پىرىنسىپلىق پىششىقلىنىپ « پەلەك » پايانىدا پەرۋازلايدۇ. پارتىدىشىم پەرىدەدىن پۇچاقچىلىق پەرھاتقىچە، پوسكاملىق پەرۇزەدىن پايتەختتىكى پۇلاتقىچە پۈتۈن پىكىرداشلار « پەرۋاز »دىكى پىتنە- پاساتلىق پەسكەشلىكتىن پۈتۈنلەي پەردازلانغان پىيونېرلىرىمىزنىڭ پائالىيەت پاراڭلىرىدىن پەخىرلىنىدۇ. پۇقرالارمۇ پارتىيەنىڭ پەرزەنتلەرگە پايدىلىق پىروگراممىسىدىكى پەرمان-پاراڭلارنى « پەرۋاز » دىن پاكىتلىق پەملەيدۇ. پەرىزىمچە، پەرزەنتلەرنىڭ « پەرۋاز » دىن پايدىلىنىشىمىز ــــ پىكىرىمىزدىكى پەلپەتىشلىكنى پەردازلىشىمىزغا پايدىلىق. پەرزەنتلەر « پەرۋاز »دىن پىلانلىق پايدىلانساق پىسخىكىمىزدىكى پاسكىنىچىلىقتىن پەيدىنپەي پاكلىنىپ، پاراسەت پلاكىتىمىزنى پولاڭلىتىشتا پەۋقۇلئاددە پۇرسەت پارلايدۇ. پارتىداشلار، پارلاق پۇزىتسىيەدە پەرلىنىپ، « پەرۋاز » ىمىزنى پەرۋىشلەيلى. پېشقەدەم پەدەرلىرىمىز پاراسەتلىك پۇشتىنىڭ پىكىر پاساھىتىدىن پەخىرلەنسۇن. « پەرۋاز » ىمىزنىڭ پەسىللەردىكى پائالىيەت پىلانلىرى پايتەختىمىزدىكى پاراغەتلىك پاراتلاردا پانۇستەك پارلىسۇن. يىتەكچى ئوقۇتقۇچى: ئەخمەتجان ئابدۇللا بۇ يازمىنى ئاخىرىدا ئە.ئابدۇللا تەھرىرلىگەن. ۋاقتى 2013-3-29 20:01

ئە.ئابدۇللا · ۋاقتى: 2013-3-29 20:09:31


	ياسىن ئاخۇن ئۆزەم يازغانلىرىدىن يەنە 20نەچچىسى بار ئىدى. ئەپسۇس، كومپىيوتىردا ئۇرۇلغان نۇسخىسى بولمىغاچقا يوللىغىلى بولىمىدى. ماشىنىستنىڭ خەت ئورۇش ھەققىنى تۈلىسەڭلار ، ئۇنىمۇ يوللاپ بىرىمەن « ئا » ھەرىپىدىن « ئاياللارنى ئاسىرايلى »،« س » ھەرىپىدىن « سارستىن ساقلىنايلى »،« چ » ھەرىپىدىن « چىرىكلىكنى چەكلەيلى » ، « ھ » ھەرىپىدىن « ھاراق-ھالاكەتنىڭ ھىمايىچىسى» ،«د » ھەرىپىدىن « دېھقاننىڭ دالالىتى » ، «ي» ھەرپىدىن « يېڭى يۈز يىلدا يىڭىلىققا يۈزلىنەيلى»،« خ » ھەرىپىدىن « خوتەن خەلقى خاسىيەتلىك خىسلەتلەرنىڭ خاقانى»، ....دېگەندەك... بۇ يازمىنى ئاخىرىدا ئە.ئابدۇللا تەھرىرلىگەن. ۋاقتى 2013-3-29 20:12

ي.ت.توغراق · ۋاقتى: 2013-4-1 10:54:03


	ماقۇل ماشىنىست ھەققى ئۈچۈن «ئاقسۇ ئەدەبىياتى»دىن ئىككى سان يوللاپ بىرەي ماقىما؟

ي.ت.توغراق · ۋاقتى: 2013-4-1 16:27:09


	تەڭرى تېغى (‹‹ت››ھەرىپىدىن باشلانغان سۆز ئويۇنى) ياسىنجان توخنىياز توغراق تەڭرى تېغى تارىختىن تارتىپ تىللاردا تەرىپلىنىۋاتقان تىيانشان تېغىدۇر. تەڭرى تېغىنىڭ تەقدىرى تەقدىرىمىزگە تەقدىرداش. تەڭرى تېغىنىڭ تۆھپىسى تىللاردا تەنتەنە. تەڭرى تېغى تالاي تالاپەتلەردە تەۋرەنمىگەن. تەڭرى تېغى تاشقورغان تاغلىرىدىن تارتىپ تۇمشۇق، تاغلاق، تېرەڭ، تۈشۈك تاغلاردىنمۇ تەدىرىجىي تەرتىپلىك تارقالغان. تەڭرى تېغىدىكى تەبىئىيلىك تەڭداشسىزدۇر. تەڭرى تېغىنىڭ تومۇر تالالىرىدىكى تەبئىيلىك تەرەقىياتىمىزنىڭ تەمىناتىدۇر، تۆھپىسىدۇر. تەڭرى تېغىنىڭ تىك ‹‹تۆمۈر تۆپىسى›› تاغ تەنھەركەتچىلىرىنىڭ تەلپۈنىدىغان تەقتىدۇر. تەڭرى تېغى تەۋەيىمىزدىكى تاغلارنىڭ تەڭداشسىز تاجىسىدۇر. تەڭرى تاغ تېرتوريىسىدە تاللانتلىق تۆھپىكارلار تەربىيلەنگەن. تاللانتلىق تېخنىكلار، تىلشۇناسلار، تىلماچلار، تەھرىرلەر تەقدىرىمىزنىڭ تەرەققىياتىغا تاۋلانغان تۆھپىلىرىنى تەمىنلىگەن. تەڭرى تېغىغا توپلانغان تاللار تەبىئەتنىڭ تەڭرى تېغىنى تارتۇقلىغان تارتۇقىدۇر. تەڭرى تاغ تەۋەسىدىكى توپ-توپ تايچاقلار، تۆگە-تايلاقلار تىنىمىزنىڭ تەملىك تەمىناتىدۇر. تەقدىرىمىز تەڭرى تېغىغا تومۇرداش.تەڭرى تېغى تەبىئەتنىڭ تەبىئى توسىقى.

ي.ت.توغراق · ۋاقتى: 2013-4-1 21:25:32


	قېنى مۇنبەرداشلار تاما-تاما كۆل بولار دېگەن گەپ بار بىر كۈچ چىقىرىۋەتمەمسىلە! ئىنكاس شەكىلدە يوللاشنى خالىمىساڭلار چ چ غا يوللاپ بەرسەڭلارمۇ بولۇدۇ. پوچتا ئارقىلىق يوللاپ بەرسەڭلەرمۇ بولۇدۇ. چچ : 1425355975

زەينۇللا · ۋاقتى: 2013-4-1 21:34:32


	سۆز ئويۇنى يۇقارقىدەك ھەرپلىك سۆز ئويۇنلىرىنىلا كۆرسىتەمدۇ ياكى................

ي.ت.توغراق · ۋاقتى: 2013-4-2 01:07:09


	ئاساسلىقى مۇشۇنى ئاساس قىلدىم، شېئىر شەكىلدىكىلىرىنى ئايرىپ توپلامەن،

ي.ت.توغراق · ۋاقتى: 2013-4-3 13:24:29


	كەڭ مۇنبەر ئەھلىنىڭ يېقىندىن كۈچ چىقىرىشىنى سەمىمىيلىك بىلەن ئۈمۈد قىلىمەن

ئە.ساۋۇت ئۆزقان · ۋاقتى: 2013-4-5 10:49:04


	بوغۇنلار بىلىملىك بولسۇن (ب دىن باشلانغان سۆز ئويۇنى) ئەمەتجان ساۋۇت ئۆزقان بىلىم بۇلاقتۇر، بىلىم بىباھادۇر. بىز بىلىمىز:باھادىرلارمۇ بىلىملىك بولغاچقا باھادىر بولالىغان، بەھەيۋەت بىنالارمۇ بىلىم بىلەن بەھەيۋەت بولغان؛ بىلىم بىلەن باياۋانلاردىن باغ بىنا بولغان، بىلىم بىلەن بىز بايلىق بۇلاقلىرىنى بىلگەن، بۇ بۇلاقلاردىن بەھىرلەنگەنمىز. بۈگۈندە بىز بىپايان بوشلۇقتا بىلىملىك بولغىنىمىز بىلەنلا باشقىلارغا بىلىنمەكتىمىز. بىزنىڭ بىھىشتەك بۈگۈنىمىزمۇ بىلىم بىلەن بولغان. بۇنىڭدىن بۇرۇنراق بىز بىلىمدىن بەھىرلىنەلمىگەچكە بەخت، باياشادلىق بىزگە باقمىغانىدى. بىلىمسىزلىكىمىزدىن بىراۋلارغا بوزەك بولغانىدۇق. باغلار بۇزۇلۇپ، بۇلبۇللار بىناۋا بولغانىدى. بىزنى بوغۇۋاتقان بوغۇچلارنى بىباھا بىلىپ، باغرىمىزغا باسقانىدۇق...بەسكى، بىلىمسىزلىكىمىز بېشىمىزغا بىر بالا بولغانىدى! بۈگۈندە بىز بەختىيارمىز، بىھىساب بارلىقلار بىزگە باقماقتا. بىلىملىكلەر بىباھا بولۇپ، بىلىم بىلگەنلەر بالدۇر بېيىماقتا، بىلىملىكلەر بەخت باغىستانىنىڭ باراۋەتلىرىدە بەھۇزۇر بولماقتا. بوغۇنلار بىزنىڭ بارلىقىمىزنىڭ بىشارىتى. بوغۇنلارغا بىلىم باغلىرى بىتاقەت بولماقتا، باغۋەنلەر بىتاقەت بولماقتا! بۇرادەرلەر، بىزنىڭ بوغۇنلىرىمىز بىكېرەك بولماي، بىلىملىك بولسۇن؛ بىھايا بولماي، بىباھا بولسۇن، بىلىمدە بۈيۈكلەرنىڭ باھادىرلىرىدىن بولسۇن! بىز بۇغۇنلارنى بىلىمدىن بەھىرلەندۈرەيلى، بىزنىڭ بارلىقىمىز بوغۇنلارغا بولسۇن! («جۇڭگو مىللەتلىرى» ژۇرنىلىنىڭ 1998-يىللىق 6-سانىدا ئېلان قىلىنغان.)

شۈكران · ۋاقتى: 2013-4-5 19:14:48


	شېئىر بولسىمۇ بولامدۇ؟ مېنىڭ بىر نەچچە پارچە شېئىرىم بارتى

شۈكران · ۋاقتى: 2013-4-5 19:40:06


	بىز بېيجىڭغا بارماقچى نۇر مۇھەممەد شۈكران باغۋەنچىلىك، باقمىچىلىق...بىزنى بەلەن بېيىتقاچ، باھالاشتا بىرىنچى، بارماق بولدۇق بېيجىڭغا. بەس-بەس بىلەن بىزلەرگە بەزمە بەردىڭ بېقىشىپ، بەركەت بەرسۇن بايلىرىم، بىز باشلىغان باغلارغا. باغلار بۇرۇن بولمايتى بىزدە بىلىم بولمىغاچ، بورداقچىلىق بىخەۋەر باقمىلاردىن باقمىدۇق. بايقالمىدۇق بوراننى، بولۇمسىزلىق بالقىغاچ، بىلىم بايلىق بۇلىقى، بىز بىلىمگە باقمىدۇق. باشلانغۇچتىن بىرسى بار بىلىم بەردى بالامغا، بىلىم بولغاچ بالاممۇ بۇقۇلدىدى بۇلبۇلدەك. باشقىلارمۇ بىرلىكتە باردى بىلىم بېغىغا، بىلدى بارچە بالىلار ‹بىباھاكەن بىلىم بەك!› باشلانغۇچتا بايرام بار، بىزمۇ بىكار بارمىدۇق، باللىرىمىز بىغۇبار بىزگە بەلباغ باغلىدى. باشلىقلارمۇ باشلامچى بىللە بولدى بىز بىلەن، بىزدىن بالدۇر بىر بالا بۇندا بىيىت باشلىدى. بىز باشلانغۇچ باللىرى بۆشۈكۈڭدە بالاڭ بار، بىللە بازار بارمايمەن. بۆشۈكۈڭدە بالاڭ بار، بېقىشىپ بەر! بەرمەيمەن. بۆشۈكۈڭدە بالاڭ بار، بۇلماق بىرىپ بېقىۋال. باتۇرلارغا باقما بىر، بىلىمدار بول بىلىۋال! بۆشۈكۈڭدە بالاڭ بار، بىز بارغانغا بارمىغىن. بىشەملىكنى باشلىما، بىلىمسىزگە باقمىغىن. بۆشۈكۈڭدە بالاڭ بار، بالاڭنى بىر بەلەن باق! بىزدە بۇندا بىيىت بار، بەسلەشمىسەڭ بىزگە باق. بىز باشلانغۇچ باللىرى، بىلىم بولسا بىر بولاق. بىلىمسىزدىن بولمايمىز، بىلىمسىزلىك بىل بوياق. بالا باقساڭ بەلەن باق، بىلىم بەرگىن بالدۇرراق. بەھىر بىرىپ بەھىرلەن، بالا بولماس باشبالتاق. بىز باشلانغۇچ باللىرى، باھارىڭدا بىزلەر بار. بىزگە بەلەن بىلىم بەر، بېغىڭ بۇلۇر بادام بار. بېغىڭ بولسا بىلىسەن، بېيجىڭدىمۇ باھا بار. بارچە بىلسۇن بىزلەرنى، باشلاپ كەلگىن بالاڭ بار. بارچە بالىلار بىرلىكتە، بېغىمىزغا باشلايمىز. بەشكىرەمنى بويۈك بىل، بۇندا بايان باشلايمىز. بالىلار بىيىت باشلىغىچە، بەسلەشكەندەكلا بىزدىنمۇ بىرەيلەن ‹ب›دىن باشلانغان بىيىتىنى باشلىۋەتتى. بەشكىرەمدە بەزمە بار بۈگۈن ‹ب› دىن باشلايمىز، بېغىم باشلاي بەگلىرىم. بىغۇبار بولدۇم بۇندا، بوياپ باقتىم بەتلىرىم. بۈگۈن باغقا بېرىڭلار، ‹ب›دىن باشلار بىيىت بار، بوزەك بولماس بەندە بىز، بەسلەشكىدەك بۇرۇت بار. بەشكىرەمگە باشلايمەن، باغلىرىمدا بەزمە بار. بېيتىپ بولدى بىلسىڭىز، باغلار بىلەن باقمىلار. بۈگۈن باشلاي بېغىمغا، بانان بولماس بادام بار. باغ-بارانغا باشلاشقا، باجام بىلەن بالام بار. باغلىرىمىز بەك بولغاچ، باشلانغۇچتا بايرام بار. باقمىچىلىقتا باش بولدۇق، بالىلاردىمۇ بايان بار. باشلىق بىزگە بىلدۇردى، باغ بولغاندا بوران بار. بىلىپ بەلەن باشقۇرۇڭ، بولمىسا بىر بوتنام بار. بىيەم بولدى بەك بولدى، بېسىپ باردىم بازارغا. بورداق-بورداق باقمىدىن، بەشنى باستىم بالامغا. بالام بېقىپ بوردىدى، بىرى بۇندا بەش بولدى. بېقىۋەردى بالاممۇ، باقمىچىلىقتا باش بولدى. باشلىققا بىز باقمىچى، بەزمە بولدى باغلاردا. بىزمۇ بېيىدۇق بىلىنمەي، بېقىنغاچقا باز-بازغا. باشلىق بۈگۈن بارىدۇ، بېرىپ بېقىڭ بېغىمغا. بەزمە بىرىمەن بارسىىڭىز، باي بولۇشتەك بېسىمغا. بالا بولغاچقىمىكىن بىلمىدۇق، بۇ بالا بەسلەشكەندە بەشكىرەمنى بىر بىيىت بىلەنلا باھالاپ بولدى. بەشكىرەم باشلىق بېرىپ باغلارغا، بەشكىرەمنى بېيىتتى. بوك-باراقسان باغلىرى، بېسىق بولدى بازىرى، بورداق-بورداق باقمىلار، باغلام باغلام بىدىلەر، بولاق بادام، بىيىلەر، باتۇر، بەرنا بالىلار، بۇق-بۇق بەلەن باچكىلار، بۇلدۇق-بۇلدۇق بۇلاقلار، بىز بالىلاردا بوياقلار، باي بولمىساق بۇ بولماس، بولدى بېيجىڭ بېرىڭلار!! بەلەن بەلەن بايلىرىم ، بىزگە بەخىت بىرڭلار. بىلىم بىلەن بويىلار، بويقىمىزدا بىتىڭلار. بىز بېيجىڭغا بارماقچى بىلىڭ بالام، بارچىلار... بولدى بەزمە بېسىقسۇن بەركەت بەرسۇن بايلىرىم. بۇزۇقچىلىق بولمىسۇن بىھىشلەرگە بېرىڭلار، بىلىمداردىن بولۇڭلار، باتۇر، بەرنا باللىرىم. باشلىق بىز بەشەيلەنگە بېيجىڭنىڭ بېلىتىنى بەردى. بەزمە بېسىقتى. -بىز بېيجىڭغا بارماقچىبولدۇق! بارلىق بەشكىرەملىك بەخىتلىك بولۇڭلار!!!

ب.ئا.ئۇلۇغيار · ۋاقتى: 2013-4-5 20:13:34


	توغراق ئاكمىز تۇتۇش قىلغان بۇ مەنىلىك ئەمگەك ھەر قايسى مېھنەتكەش ئۇستازلارنىڭ يېقىندىن قوللاپ - قۇۋەتلىشى بىلەن بارغانسىرى راۋاج تېپىشقا يۈزلىنىپتۇ ، مۇشۇنداق يوللىنىۋەرسە چۇقۇم پات يېقىندا ئۇيغۇر ئەدەبىياتىمىزغا مەنىلىك بىر ئىلمى سوۋغا قۇشۇلغۇسى ، مۇشۇ ئەمگەكنىڭ باشلامچىسى توغراق ئاكمىزغا شۇنداقلا قوللاپ - قۇۋەتلىگەن ئوت يۈرەك ئۇستازلارغا تېخىمۇ كۆپ ئېلھام ۋە تەپەككۈر ئۈنچىلىرى يار بولغاي . بۇ يازمىنى ئاخىرىدا ب.ئا.ئۇلۇغيار تەھرىرلىگەن. ۋاقتى 2013-4-5 20:13

ي.ت.توغراق · ۋاقتى: 2013-4-7 09:45:45


	بەگمەتنىڭ بەختسىزلىكى ياسىنجان توخنىياز توغراق باتۇراخۇن بىتەلەيلىكىدىن بەگمەتتىن باشقا بالىلىق بولالمىدى. بەگمەت بىرلا بالا بولغاچقا، بالىلىقىدىن باشلاپ باتۇراخۇنغا بەگ بولۇپ، باققاننى بىلمەيدىغان بولۇمسىز، بىكارچىلىقتىن بىلى بوش، بىغەرەز بالا بولدى. بەگمەت باش باھار بولغاندىن باشلاپ، بەڭگى بالىلار بىلەن بەتبەشىرىلىكتە بەسلەشتى، بەزىدە بىرىنچىمۇ بولدى. بالاغەتتىن باشلاپ بۇلاڭچى، بىغەرەز بالا بولدى. بەگمەت بەزىدە بوۋاقلارنىڭ بۇلمىقىنى بۇلىسا، بەزىدە باشلانغۇچتىكى بالىلارنىڭ بوقچىسىنى بۇلىۋالاتتى. بۇ بالا بىخەتەرلىكنىڭ باياشاد بولۇشنىڭ بەلگىسى بولىدىغانلىقىنى بىلىمسىزلىكىدىن بىلمەيتتى. بولۇمسىزلىققا باقماي باشلىق بولۇشنى بەك بۈيۈك بىلەتتى. بەزىدە بەش بالىغا باشلىق بولىۋالاتتى. بەگمەت بىغەرەز، بەتقىلىقلىقىدىن باتۇراخۇننىڭ بۇيرىقىسىز باغدىكىكى بېدىنى بوستاندا بوتكىسى بار بارات بوتكىغا بەش بېلىق، بىر بوتالكا بىراندىغا بېرىۋەتتى. بەگمەت بارا-بارا بازارنىڭ بۇلۇڭلىرىدا، بىنانىڭ بالكۇنلىرىدا، بوتكىلاردا باغچىلاردا باشقىلارنى بۇلايدىغان بۇلاڭچىلارنىڭ باشلىقى بولۇپ، باتۇراخۇننىڭ باشقۇرىشىغا بوي بەرمىدى. بەگمەتنىڭ بىغەرەزلىكى، بەڭۋاشلىقى بىراقلا بېشىغا باردى. بەگمەت باشقىلار بىلەن بىرلىشىپ بانكا بولاپ بۇلاڭچى بەدبەخ بولۇپ، باغلاققا باغلاندى. بىراق بولغۇلۇق بەگمەت بىلەنلا بولماستىن ، بەگمەتنىڭ بالاسا باتۇراخۇننىڭ بېلىنى باستى. بولغۇلۇق باتۇراخۇنغا بولدى. بۇ بەختسىزلىككە بەگمەتنىڭ بىلىمسىزلىكى باھانە بولدى. بەگمەت باغلاققا بەرداشلىق بېرەلمەي، بەزگەكتەك بىرنىمىلەرنى بىلجىرلايتتى.....

تۆتتاش · ۋاقتى: 2013-4-7 11:45:55


	ياخشى ئىشقا تۇتۇش قىلىپلا،ياسىنجان،مەن قوللايمەن.