بېيجىڭ ئەدەبىيات كوچىسىدا--(ئابدۇكېرىم قادىر)   [ئۇلانما كۆچۈرۈش]

سالام ئابدۇكېرىم ئاكا!سىزنىڭ بېيجىڭدا ئىكەنلىكىڭىزنى بۈگۈن توردىن كۆرۈپ باشقىچىلا خۇش بولۇپ كەتتىم.بولۇپمۇ بېيجىڭ كوچىلىرىدا ئەزىز كىشىلىرىمىزنىڭ دوپپىمىزنى كىيىپ ماڭغان كۈرۈنۈشىڭلارنى خىيالەن تەسەۋۋۇر قىلىپ ئىچ-ئىچىمدىن سۆيۈنۈپ قالدىم،ئادالەت ئابدۇرېرېھىم خانىمنىڭ ئەتلەس كۆينىگى بىلەن چىمەن دوپپىسى گۈلدەك ھۆسنىگە يەنىمۇ ھۆسن قوشۇپتۇ.
ھەممىڭلارغا سالامەتلىك مەڭگۈ يار بولسۇن..

سالام دىلداش، ئەلقۇت، ئارزىگۈل7 بىزمۇ بۇ يەردە ئۆزىمىزنىڭ كىمىلىكىنى ئەمدى تونۇغاندەك بولۇۋاتىمىز، تورداشلار، ئوقۇرمەنلەر ئالدىدىكى مەسئۇلىيتىمىزنىڭ ئېغىرلىقىنى ھېس قىلىۋاتىمىز...
     «ئادالەت ئابدۇرېرېھىم خانىمنىڭ ئەتلەس كۆينىگى بىلەن چىمەن دوپپىسى گۈلدەك ھۆسنىگە يەنىمۇ ھۆسن قوشۇپتۇ».
     ئادالەت ئابدۇرېھىم خانىمنىڭ ئەتلەس كۆينىكى بىلەن گىلەم دوپپىسىلا ئەمەس، چېچەنلىكى، پاراسەتلىكلىكىگە ئۆزلىشىپ كەتكەن گۈزەل ئەخلاقى پەزىلىتىمۇ «قەشقەرلىك ئايال» ناملىق داستانىدەك قالتىس ئېسىل ئىكەن.

ئەھمىيەتلىك سەپەر ئادەمنىڭ روھىنى تاۋلايدۇ...تېنىڭلارغا سالامەتلىك يار بولغاي!

ئابدۇكېرىم ئاكام، قاھار ئاكام، دىلمۇرات ئاكام، ھەزرەتئىلى قاتارلىق ئەزىزلەرنىڭ ئەدەبىيات باغچىسىدىكى كۈنلىرىگە خۇشاللىق تىلەيمەن. تورغا كىرىش شارائىتىم ناچارلاپ كەتكەچكە بۇ تېمىنى بۈگۈن كۆرۈپتىمەن. باشتىن - ئاياق شۇنداق قىزىقىش ئىچىدە كۆرۈپ چىقتىم. قەدەم ۋە قەلەملىرىڭلارغا گۈل تىلەيمەن!

ئابۇكىرىم، ھەزرەتئەلى، دىلمۇرات... بېيجىڭدىكى كۈنلىرىڭلار تېخىمۇ مەنىلىك ئۈتكەي. كۈندە بۇ تېمىغا قارايمەن، ئابدۇكىرىم خاتىرىنىڭ داۋامىنى نىسىگە قويماڭ ...

بۇخەلچەم ھەدە،ئادالەت ئابدۇرېھىم،پايتەختتىكى كۈنلىرىڭلار مەنىلىك ئۆتكەي! بىز ئايال قەلەمكەشلەر سىلەرنى چوڭقۇر سېغىنىپ ياد ئېتىمىز  ۋە ئىجادىيىتىڭلارنىڭ  يۇقىرى پەللىگە كۆتىرىلىشىگە تىلەكداشلىق بىلدۈرىمىز!

سالام پەرھات، سالام ئابدۇرېشىت!
سىلەر ۋە باشقا دىلكەش ئەزىزلەر بىلەن مۇنبەردە يېرىم دىدارلشىپ تۇرغىنىمىزغا خۇشالمىز. خاتىرىنىڭ داۋامى يېزىلىۋاتىدۇ. مۈمكىن بولسا akadir@yeah.net
2456969091 چ چ نومۇرغا ئەڭ ئاددى ۋە ئاسان قاچىلىغىلى بولىدىغان ئۇيغۇرچە خەت كىرگۈزۈش يۇمشاق دىتالى ۋە potoshop يۇمشاق دىتالى ئەۋەتىپ بەرگەن بولساڭلار.

ئىيۇل ئېيى بەرگ يېيىپ بېيجىڭدا،
چاقىرىپتۇ ئۇيغۇر ئاتلىق مېھماننى.
ئەدەبىيات قانات بېرىپ دەرھاللا
ئۇچۇرۇپتۇ ئوندەك ئېسىل ئىنساننى.

قارشى ئاپتۇ پەيتەختتە تىئەنئەنمىن،
قارشى ئاپتۇ ئەدىپ،ئالىم ، رەھبەرمۇ.
ئەزىزلەنگەچ پەزىلىتى ،قەددىدە ،
پەخىرلىنىپ گۈل سۇنۇپتۇ مۇنبەرمۇ.

شەھەر كۆرۈش باھانىسى ئەمەسكەن،
بىلىمدىن كۆپ دۇر گۆھەرلەر قېزىپتۇ،
ئابدىكېرىم ھاياجاندا ئۇخلىماي،
ئېسىل ئېسىل ئۈنچىلەرنى تىزىپتۇ.

پەرۋاز قىپتۇ پايتەختتە دوپپىمىز،
ئەتلەس كۆينەك كۈي تارىتىپ تۇرۇپتۇ.
بوش كەلمەپتۇ بىزنىڭ قەۋمى- قېرىداش،
باشقا تىلنى چۈشىنىپتۇ ، بىلىپتۇ.

سالام شۇڭا ئابدىكېرىم قادىرغا،
ئامان بولسۇن خاتىرە يازغان قوللىرى .
سالام بولسۇن دىلمۇراتنىڭ ئەجرىگە،
ئۈزۈلمىسۇن تەرجىمىنىڭ يوللىرى.

سالام يەنە بۇخىلىچەم خانىمغا،
ئۇيغۇر ئۈچۈن سوقۇپ تۇرسۇن يۈرىكى.
سالام كەتتى ئادالەتقىز دوستۇمغا،
ئامان بولغاي،دەيمىز ، ھەممە تىلىكى!

ھەزرەتئەلى ئىلىك ئالغاي سالامنى،
ئۆزى كىچىك ، ئىشى بەك چوڭ، ھارمىغاي!
قۇمۇللۇق دەپ ئايرىمايمىز ئەخمەتنى،
سالامىمىز بولغاي دائىم ئارمىغان.

سەنئەت ئۈچۈن جان كۆيدۈرگەن قاھارغا،
گۈزەل كۈيدەك سالام كەتتى  سەھەردە.
ئىلى دەريا شاۋقۇنىدەك يالقۇنلۇق،
مەرھابا! لار ئۇچتى دىلدىن ئەسئەتكە!

روزىكاممۇ ئۇيغۇر تىللىق شائىردۇر،
شۇڭا سالام بولدى ئاڭا ئۇيغۇرچە.
تىلىكىمىز :ساق تۇرۇڭلار بېيجىڭدا
ئىجادىڭلار ئۈزۈلمىسۇن مەڭگۈگە!

بەك كېچىكتى سالام ئىشلار سەۋەپلىك،
قېرىنداشلار كۆڭلىگە ھىچ ئالمىغاي،
ئۇلاپ ئىجات ئىشقى بىلەن يۇرتلارنى،
ئەدەبىيات ئۈچۈن قولى ھارمىغاي!

2012-يىلى 7-ئاي 24-كۈنى سەھەر

سالام ئابدۇكېرىم، ئۇيغۇرچە كىرگۈزگۈچنى بۇ يەردىن چۈشۈرۈڭ: http://www.alimahat.com/?p=496              http://wwPhotoshop7.0迷你版   w.ukij.org/oyghan/unicode/UyghurUnicodeIME.htm      نى بۇ يەردىن چۈشۈرۈڭ:    http://ishare.iask.sina.com.cn/f/12652269.html
پوتوشۇپ ئۇستىسى يېنىڭىزدا ھەزرەتئەلى بۇنىڭ پىرىغۇ؟

     ئابدۇكېرىمكام، ھەزرەتئېلى قاتارلىق قېرىنداشلارنىڭ ئاستانىدىكى ھاسىلاتلىرى مول بولغاي! بۇ يازمىنى ئاخىرىدا   ئۈمىدى تەھرىرلىگەن. ۋاقتى  2012-7-24 20:45  

بېيجىڭ ئەدەبىيات بۆشۈكىدە« ئەدەبىيات»ئاھاڭلىق ئەللەي ناخشىسىدىن تەۋرىتىلىپ ۋۇجۇد-ۋۇجۇدىدىن يېنىۋاتقان ئاتەش يۈرەك قېرىداشلارنىڭ تېنىگە سالامەتلىك ھەردائىم يار بولغاي.

سالام ئايسىمە خانىم، ئۆزلىرى شىئېرىيەت ئۈچۈن يارالغانمۇ؟
قانداق ئوبرازلىق تەپەككۈر، قانداق شىرىن تىل بۇ!
بۇ شىئېرنى چۈشۈرۋالدىم. چۈشتىن كېيىن ئادالەت ئابدۇرېھىم خانىم بىزگە دىكىلماتسىيە قىلىپ بەرسۇن. رەھمەت ئۆزلىرىگە.

رەھمەت پارھات، مۇشۇ ئادىرىستىن چۈشۈرۈپ قاچىلاپ باقاي...
ھەزرەئېلى سەل ئالدىراش بولۇپ قالدى.

سالام ئايسىمە، سالام دوسىتلار!

      ئايرۇپىلاندا

ئادالەت ئابدۇرېھىم

ئايرۇپىلانغا كەلدى لىققىدە،
يۈركىمدىكى ئارمان گۈللىرى.
تاتلىق تۇيغۇدا يۇيۇنۇش بىلەن ،
ۋۇجۇدۇم ئارا دەمدەر ئۈنلىدى.

قۇچاقلىۋالدى سۆيۈملۈك تۇيغۇ،
قۇچاقلىغاندەك بوۋاقنى ئانا.
كۆيۈپ رەڭلەنگەن يۈرەكتە ئۇرغۇ،
بېھىش قوڭغۇرىقىدەك ياڭرىدى قايتا.

پەرىشتە سۈپەت گۈل چىراي قىزلار،
باشلىدى بىزنى ئەرش ئوردىسىغا.
ئىللىق سىپايە تەبەسسۈم بىلەن،
سالدى پايانداز يوللىرىمىزغا.

يوق ئارىسىدا نۇزۇك، ئىپارخان،
قەلبىم بېتىدە بىر سوراق قالدى.
ھاياتلىق دېڭىزىدا بىر تېمىم ئارمان،
يۈرەك بېغىشىدىن بىر چۆنەك ئالدى.  

قەشقەر سالىمى

ئادالەت ئابدۇرېھىم

قەشقىرىمنىڭ ھېكايىسىنى،
سۆزلىگىلى كەلدىم بۇيەرگە.
مېھنەتكە لىق ئىرادىسىنى،
كۈيلىگىلى كەلدىم بۇ يەرگە.

ھېيىتكاھتا ئېيىتقان ناخشامنى،
پايتەخىتتە ياڭراتتىم قايتا.
ئۆز بېغىمدا ئېچىلغان گۈلنى،
بېيجىڭلىققا تۇتىمەن مانا.