ئەنگلىيەدە چىقىدىغان «كۈندىلىك پوچتا گېزىتى» نىڭ 29-مارتتىكى خەۋىرىگە ئاساسلانغاندا، كۆكسىنىڭ يايپاڭلىقىدىن قۇتۇلۇش ئۈچۈن، ئەنگلىيەلىك بىر ئايال ئۆزىنىڭ ياتاق ئۆيىنى زەھەر ئەتكەسچىلىرىگە تاپشۇرۇپ بېرىپ، ئۇلارنى كەندىر مەيدانى قۇرغۇزغان، بۇ خىل ئۇسۇل ئارقىلىق ئۇ پۇل تېپىپ «كۆكسىنى چوڭايتىش» چۈشىنى ئەمەلگە ئاشۇرماقچى ئىكەن.
بۇ برىستوللۇق ئايالنىڭ ئىسمى كىرىستىي خارتىلېي بولۇپ، بۇ يىل 23 ياش، ئىككى بالىنىڭ ئانىسى ئىكەن. ئۇ ئۆزىنىڭ ئۆيىنى زەھەر ئەتكەسچىلىرىنىڭ كەندىر مەيدانى قىلىپ ئۆزگەرتىشىگە قوشۇلغان، ئۇ بۇ ئارقىلىق 8000 فوند سىتىرلىڭ (تەخمىنەن 80 مىڭ يۈەن خەلق پۇلى) تەمىناتقا ئېرىشىش ئىكەن. كىرىستىي كەندىرلەرنى سۇغۇرۇشقا ياردەملەشكەن، ئۆي ئىچىگە يەنە يۇقىرى ئېنىرگىيەلىك چىراق، شامالدۇرغۇچ ھەمدە ھاۋانى سۈزۈش سېستىمىسى ئورۇنلاشتۇرۇلغان بولۇپ، بۇ كەندىرنىڭ تېز ئۆسۈپ يېتىلىشىگە ياردەم بېرىدىكەن.
ساقچى تەرەپ كىرىستىينىڭ ئۆيىگە تۇيۇقسىز ھۇجۇم قىلغان ۋاقىتتا، ياتاق ئۆيدە 32 تۈپ كەندىر ئۆستۈرۈلگەنلىكىنى بايقىغان، كىرىستىي بۇنىڭ ئۈچۈن قولغا ئېلىنغان. بۇ كەندىرلاردىن 1.6 كىلوگرام زەھەر ئىشلەپ چىقارغىلى بولىدىكەن، ھەر بىر گىرامىنىڭ قىممىتى 10 فوندسىتىرلىڭ (تەخمىنەن 100 يۈەن خەلق پۇلى) بولۇپ، ئومۇمىي قىممىتى 16 مىڭ فوندسىترلىڭ ( تەخمىنەن 160 مىڭ يۈەن خەلق پۇلى) بولىدىكەن.
سوت كىرىستىينى 18 ئايلىق مەھەللە مۇلازىمىتى قىلىش ۋە بىر يىل نازارەت ئاستىدا تۇرۇشقا ھۆكۈم قىلغان.