ئەنگىلىيە «كۈندىلىك پوچتا گېزىتى» نىڭ 7-مارت خەۋەر قىلىشىچە، ئامېرىكىدىن بىر قار تېيىلغۇچى كالىفورنىيە شىتاتى ساندېگودىكى لاكې كۆلى ساھىلىدا بىر ئۆتكۈر چىشلىرى بار قورقۇنچلۇق غەلىتە مەخلۇقنىڭ جەسىتىنى بايقىغان، ئۇ رىۋايەتلەردىكى «قانخور ئالۋاستى» غا (chupacabra ئۆچكە قېنىنى شورىغۇچى قانخور ئالۋاستى دەپمۇ ئاتىلىدۇ) ناھايىتى ئوخشايدىكەن.

     19 ياشلىق قار تېيىلغۇچى جوش مېنارد لاكې كۆل بويىدا بايقىغان بۇ «غەلىتە مەخلۇق» نىڭ تېنىنىڭ ئۇزۇنلۇقى 60 سانتېمېتر ئەترالىدا كېلىدىكەن، تەن قۇرۇلۇشى چوشقىغا ئوخشايدىكەن، قورسىقى ناھايىتى يوغۇنكەن، تۈكى ئاقۇش ئىكەن. بۇنىڭدىن سىرت ئۇنىڭ كەينى پۇتى ئالدى پۇتىدىن ئۇزۇن بولۇپ تەن قۇرۇلۇشى ناھايىتى غەلىتە ئىكەن. مېنارد ئۇنى «قانخور ئالۋاستى» دەپ قارىغان.

     مېنارد مۇنداق دېدى: «مەن ئۇنىڭ قانداق جانلىق ئىكەنلىكىنى بىلمەيمەن، مەن Massachusetts دىن كەلدىم، بۇرۇن بۇنىڭغا ئوخشاپ كېتىدىغان نەرسىنى كۆرۈپ باقمىغان. دوستلىرىممۇ شۇ. مەنچە بۇ ناھايىتى قىزىقارلىق ھەم ناھايىتى سىرلىق ئىكەن.» ئەمما گۇمان قىلغۇچىلار «بۇ ئاتالمىش غەلىتە مەخلۇق بەلكىم بىر ‹پىشۇرۇلغان ئىت› بولىشى مۇمكىن» دېدى.

  بۇنىڭدىن بۇرۇن مىكسىكا Paracuaro بازىرىدىكى دېھقانلار 35 تۇياق قويىنىڭ نامەلۇم جانلىق تەرىپىدىن ئۆلتۈرۈلگەنلىكىنى بايقىغان، ئۆلتۈرۈلگەن قوينىڭ بوينىدا روشەن تېرناق ۋە چىشنىڭ ئىزلىرى بولۇپ، ئۇلار بۇنى رىۋايەتلەردىكى chupacabra قىلغان دەپ قارىغان. بىر ئەر ئۆزىنىڭ ئۇزۇن، ئۆتكۈر چىشى ۋە قانىتى بار ھايۋاننىڭ ئۆي چارۋىلىرىغا ھۇجۇم قىلغانلىقىنى كۆرگەنلىكىنى ئېيتتى.