پۇتبول دۇنياسىدىكى بىرىنجى نۇمۇرلۇق توپچى دەپ قارلىۋاتقان، كۆپ قېتىم پۇتبول ئەپەندىسى بولۇپ باھالانغان مېسسى ئىپادە بىلدۈرۈپ نوكەنپۇ مەيداندىن ھەرگىز ئايرىلمايدىغانلىقىنى ئېيتقان ئىدى. بىراق ئاخبارات ۋاستىلىرى يەنە پات-پات ئۇنى داڭلىق كۇلۇبلارنىڭ يۇقۇرى باھا بىلەن سېتىۋېلىش ئويى بارلىقى ھەققىدىكى خەۋەرلەرنى تارقىتىشنى توختاتمىدى. ئالدىنقى كۈنى مېسسى «بوشلۇق تەنتەربىيە» مۇخبىرلىرىنىڭ زىيارىتىنى قۇبۇل كقىلغاندا بۇ ھەقتە يەنە قايتا ئىپادە بىلدۈردى. ئۇ بارسېلونا كوماندىسىدىن ھەرگىز ئايرىلمايدىغانلىقىنى،پۇتبولچىلىق ھاياتىنى ئاخىرلاشتۇرغۇچە باشقا كۇلۇبلارغا يۆتكىلىدىغان ئويىنىڭ يوقلىقىنى ئېيتتى. شۇنىڭ بىلەن بىرگە ئۇ گۇاردىيالا ھەققىدە توختۇلۇپ، باش تېرېنېرنى ئىنتايىن قوللايدىغانلىقىنى ئېيتتى ھەمدە ئاخبارات ۋاستىلىرىگە«گۇاردىيالا دۇنيادىكى ئەڭ ياخشى تېرېنىر»دېدى.ئاخبارات ۋاستىلىرى خەلقارا مىلان ۋە مانچىىستىر شەھەر كوماندىسى ۋە ئەنگىلىيە دەرىجىدىن تاشقرى كۇلۇبلار ئارىسىدىكى كۈچلۈك كۇلۇبلارنىڭ ئىچكى جەھەتتە ئالدىمىزكى بىرقانچە يىل ئىچىدە مېسسىنى يۆتكەپ كېلىش پىلاننى قىلغانلىقىنى ئاشكارلىدى، ھەمدە بۇ ھەقتە مېسسىنىڭ قانداق قاراشتا ئىكەنلىكىنى سورىدى،مېسسى بۇھەقتە توختۇلۇپ مۇنداق دېدى:

:«مەن دايىم ئېيتقانغا ئوخشاش،ھېچكىممۇ كىيىنچە ئىشلارنىڭ قانداق بولىشىنى بىلمەيدۇ، بىراق ماڭا يەنىلا قارار قىلىش ھوقۇقى بىرىلسە مەن بىرئۆمۈرلۈك پۇتبولچىلىق ھاياتىمنى بارسېلونادا ئاياغلاشتۇرۇشنى تاللايمەن، مانا بۇ مېنىڭ تاللىشىم، مەن بۇنىڭدىن كېيىن داۋاملىق بارسېلونادا قالىمەن، كۇلۇبتىن ئايرىلىپ بېقىشنى ئويلاپ باقمىدىم،مەن پۇتبولچىلىقتىن چېكىنىدىغان شۇ دەقىقىغىچە مەن بارسېلونا ئۈچۈن كۈچ چىقىرىمەن.مەن بارسېلونا كۇلۇبىنى شۇنداق ياخشى كۆرىمەن.» قانداقلا بولمىسۇن مېسسىنىڭ بۇ تاللىشى كۇلۇبنىڭ ئۇنىڭغا قىلغان شاپائەتلىرىگە قايتۇرغان جاۋابى . مېسسىگە نىسبەتەن ئېيتقاندا بارسېلونا كۇلۇبى ئۇنى قۇتقۇزۋالغان شەپقەتچىسى ھېسابلىنىدۇ.مېسسى كىچىك ۋاقتىدا ئوزۇقلۇق يىتىشمەسلىك سەۋەبىدىن «راخت كېسىلىگە» گىرىپتار بولۇپ قالغان، بويىمۇ ئۆسۈشتىن توختاپ تەڭ ياشتىكى باللاردىن ئالاھىدە پەرىقلىنىپ تۇرغان، شۇڭا ئۇ بويىنىڭ پاكارلىقىىدنىمۇ سىرىتلارغا چىقىپ دوسلىرى بىلەن ئەركىن ئايلىنىپ يۈرەلمىگەن، ئەمما يېڭى پۇتبولچىلارنى بايقاشقا ماھىر بولغان بارسېلونا يۇقۇرى قاتلىمىدىكىلەر ئۇنىڭ تالانتىنى تونۇپ يىتىپ كۇلۇبتىن مەبلەغ ئاجرىتىپ كېسىلىنى مۇتەخەسىس تەكلىپ قىلىپ داۋالاتقان، كۇلۇب بىلەن مېسسى ئوتتۇرسىدا توختام ئىمزالانغان، شۇڭا مېسسى بىرئۆمۈر بارسېلونا كۇلۇبىدا توپ تېپىمەن دېيىشىمۇ شۇ سەۋەبتىن بولغان.

مېسسى مۇخبىرلارنىڭ سۇئالىغا جاۋاپ بېرىپ مۇنداق دېگەن بۇلاردىن باشقا نۇرغۇن كىشلەر ھازىرقى بارسېلونا كۇلۇبىنىڭ ئەمەلىي كۈچىنىڭ ئېشىپ كېتىشىدە بۇ پۇتبول ئەپەندىسىنىڭ رولى ئىنتايىن چوڭ بولغان دەپ قارايدۇ، بۇ ھەقتە مېسسى توختۇلۇپ مۇنداق دېدى:

بەزىلەر ھازىرقى بارسېلونا كۇلۇبىنى تارىختىن بۇيانقى ئەڭ كۈچلۈك ھالەتكە يەتتى دەپ قارىشىدۇ، بۇنىڭدىكى ئاساسلىق سەۋەپ ياش پەرقى، مەن بۇنىڭدىن بۇرۇنقى كۇلۇبلارنىڭ مۇسابىقىلىرىنى كۆرۈشكە ئامالسىز، شۇڭا تارىختا ئۆتكەن كۇلۇبلارغا باھا بېرشىتە بىزنىڭ ھۆكۈم قىلىش ئۇسۇلىمىز توغرا بولماي قالىدۇ، بىراق مېنىڭ نەزىرىمدە بارسېلونا كۇلۇبى ئەڭ ياخشى كۇلۇب ھېسابلىنىدۇ. مەن ھازىرقى بارسېلونا كوماندىسىنى بۇرۇنقى كۈچلۈك كۇلۇبلارغا سېلۇشتۇرۇشقا ئامالسىز.

مېسسى مۇخبىرلارنىڭ گۇاردىيالا ھەققىدىكى سوئالارىغا مۇنداق دېدى:

ئۇنىڭ پۇتبولچىلىق ساھەسىدىكى نەتىجىلىرى ئۇنىڭ دۇنيادىكى ئەڭ ياخشى تېرېنىر ئىكەنلىكىنى ئىسپاتلىدى،گۇاردىيالا ئىنتايىن ئەستايىدىل، يىراقنى كۆرەر ئادەم، شۇ بولغاچقىلا بارسېلونا كوماندىسىى ھازىرقى ئەڭ كۈچلۈك ھالەتكە كېلەلىدى، كوماندىنىڭ بۇنداق ھۆكۈم سۈرىشىدە ئۇنىڭ ياردىمى ئىنتايىن چوڭ. ئۇنىڭ تاكتىكىلىرى بىزنى قارشى كوماندا ۋاراتارىغا تېخىمۇ يېقىنلاشتۇردى.بىزنىڭ كوماندىنىڭ تېخىمۇ كۆپ توپ كىرگۈزۈشىنى ئىشقا ئاشۇردى، ئۇنىڭ يىتەكچىلىكى ۋە قوماندانلىقى ئاستىدىلا بىزنىڭ كوماندا نۇرغۇن شەرەپلەرگە ئېرىشتى،شۇڭا مەن ئۇنىڭ بىز بىلەن بىرگە قېلىپ ئاخىرغىچە جەڭگە قاتنىششىنى ئۈمۈد قىلىمەن. بارسېلونا ئۇنىڭدەك ياخشى بىر يىتەكچىگە مۇھتاج.