ئەنگلىيە فىلىم ۋە تېلېۋىزىيە سەنئەتلىرى ئاكادېمىيەسى مۇكاپاتلىرى تارقىتىلدى. ئەنگلىيە فىلىم ۋە تېلېۋىزىيە سەنئەتلىرى ئاكادېمىيەسى تەرىپىدىن ئۆتكۈزۈلگەن مۇراسىمدا، ئاۋازسىز «The Artist » ناملىق فىلىم 7 تۈرلۈك مۇكاپاتقا ئېرىشتى. «The Artist » ناملىق فىلىمى ئەڭ مۇنەۋۋەر ۋە مۇزىكىلىرى ئەڭ يېقىنلىق فىلىم مۇكاپاتىغا، فىلىمنىڭ باش قەھرىمانى جان دۈجاردېن ئەڭ مۇنەۋۋەر ئەر ئارتىس مۇكاپاتىغا لايىق كۆرۈلدى. مەلۇماتلارغا قارىغاندا، بۇنىڭدىن باشقا يەنە، 3 ئالتۇن مۇكاپاتىغا ئېرىشكەن فىلىمنىڭ 10 ئوسكار نامزاتلىقىمۇ بار ئىكەن.

مېرىك سىترىپ، ئەنگلىيەنىڭ سابىق باش ۋەزىرى مارگېرىت تېتچىر جانلاندۇرۇلغان «مەشھۇر تۆمۈر خانىم» ناملىق فىلىمدە ئالغان رولىدا ئەڭ مۇنەۋۋەر ئارتىس مۇكاپاتىغا ئېرىشتى.مارتىن سىكورسېزنىڭ «ھۇگەۋ» ناملىق فىلىمى بولسا ئاۋاز ۋە ئىلغار فىلىم ئىشلەش مۇكاپاتىغا ئېرىشتى.ھارى پوتېرنىڭ «ئۆلۈم يادىكارلىقلىرى» ناملىق فىلىمىمۇ مۇنەۋۋەر فىلىم مۇكاپاتىغا ئېرىشتى.ھەر يىلى ئوسكار مۇكاپاتلىرىدىن ئىككى ھەپتە بۇرۇن تارقىتىلىدىغان ئەنگلىيە فىلىم ۋە تېلېۋىزىيە سەنئەتلىرى ئاكادېمىيەسى مۇكاپاتلىرى ئوسكار مۇكاپاتلىرىنىڭ تەييارلىق باسقۇچى دەپ قارالماقتا.