خىزمەت گۇرۇپپىسىنىڭ ياردىمىدە ژىدىقلارنىڭ سۇغىرىش شارائىتى ياخشىلاندى

  12-ئاۋغۇست خىزمەت گۇرۇپپىسىدىكى كادىرلار ۋە ئامما يېڭىدىن سۇ باشلانغان سۇ سىڭمەس ئۆستەڭنى كۆزدىن كۈچۈرمەكتە

    ئىختىيارىي مۇخبىرىمىز نىياز راھمان خەۋىرى، فوتوسى : ئاقسۇ ۋىلايەتلىك ئۆگەن دەريا باشقارمىسىدىن « ئەل رايىنى بىلىش، ئەلگە نەپ يەتكۈزۈش، ئەلنى مايىل قىلىش » پائالىيىتى بويىچە كۇچا ناھىيە ئاغى يېزا ژىدىق كەنتىگە چۈشكەن خىزمەت گۇرۇپپىسى ئائىلە زىيارىتى جەريانىدا بۇ تاغلىق كەنتىدىكى دېھقان-چارۋىچىلارنىڭ تېرىلغۇ يەرلەرنى سۇغىرىش جەھەتتىكى قىيىنچىلىقىنى ئىگىلىگەندىن كېيىن، مۇناسىۋەتلىك ئورۇنلاردىن 780 مىڭ يۈەن مەبلەغ ھەل قىلىپ، بۇ يىل مارت ئېيىنىڭ ئاخىردا 800 مېتىر ئۇزۇنلۇقتا سۇ سىڭمەس ئۆستەڭ، 40 مېتىر ئۇزۇنلۇقتا بېتون قۇرۇلمىلىق سۈڭگۈچ قۇرۇلۇشىدا ئىش باشلىغان بولۇپ، بۇ قۇرۇلۇش 12-ئاۋغۇست پۈتۈپ ئىشلىتىشكە تاپشۇرۇلدى. بۇنىڭ بىلەن ژىدىق كەنتىدىكى دېھقان-چارۋىچىلارنىڭ 1000 مودىن ئارتۇق تېرىلغۇ يېرىنى سۇغىرىش شارائىتى زور دەرىجىدە ياخشىلىنىپ، دېھقان-چارۋىچىلارنىڭ ئىقتىسادىي كىرىمىنى ئاشۇرۇشقا پۇختا ئاساس سېلىندى.