ئەقلىي ئىقتىدارلىق يانفونلار كۈندىن كۈنگە كۈچىيىۋاتقان بۈگۈنكى كۈندە،ئۇنىڭ باتارىيسىنىڭ توك مىقدارى نۆۋەتتە ھەل قىلىشقا تېگىشلىك مۇھىم مەسىلە بولۇپ قېلىۋاتىدۇ.ئىلگىرى خەۋەر قىلىنغان ئادەتتىن تاشقىرى ھالدا توك تېجىيەلەيدىغان ئەقلىي ئىقتىدارلىق يانفون SpareOne يەنە سىزنىڭ ئېسىڭىزدە بارمۇ؟بۇ يانفون يەنە بۇ يىللىق CES كۆرگەزمىسىدە كۆرگەزمە قىلىندى.
تۇنجى نۇسخىدىكى يانفونى نۇرغۇنلىغان كىشىلەرنىڭ ياقتۇرۇشىغا ئېرىشكەن بولغاچقا،Xpal Power شىركىتى يەنە ئۆزىنىڭ SpareOne يانفونىنىڭ ئىلغارلاشتۇرۇلغان نۇسخىسى Spare One Plus نى ئېلان قىلغان بولۇپ،بۇ يانفون يەنىلا ئۆزىنىڭ بۇرۇنقى ئالاھىدىلىكىنى ساقلاپ قالغان،يەنى بىر تال 5-نۇمۇرلۇق قۇرغاق باتارىيە ئارقىلىق بۇ يانفوننى 15 يىل ئىشلەتكىلى بولىدىغان بولۇپ،شۇنىڭ بىلەن بىرگە بۇ يانفونغا يەنە ئورۇن بەلگىلەش ئىقتىدارى سەپلەنگەن.
بۇ خىل يانفوننىڭ سېتىلىشى بەك ياخشى بولغانمۇ ئەيتاۋۇر،Spare One Plus يانفونى ئەسلىدىكى 59 ئامېرىكا دوللىرىدىن ھازىرقى 99 ئامېرىكا دوللىرىغا ئۆسۈۋالغان.
