تاللانغان رازۋېدكا ھېكايىلىرى (43)
ئاچالدىكى قان ئىزى
باشقا ئۆلكىدىن زەھەر ئەتكەسچىنىڭ ئىزىنى قوغلاپ كەلگەن رازۋېدچىكلار باشلىقى ئەن رەن ۋە ئۇنىڭ ياردەمچىسى بەيدا يەرلىك ساقچىلارنىڭ زور كۈچ بىلەن ياردەم بېرىشى ئارقىلىق، ئورمانلىق تاشيولى بۆلىكىدىن بىر ئەتكەس مال ئاپتوموبىلنى توسۇۋالدى، ئىككى تەرەپ قاتتىق ئېتىشتى، تۆت سائەت جىددىي ئېلىشىشتىن كېيىن ئەتكەسچىلىك گۇرۇھىنىڭ تۆت ئادىمى ئېتىپ ئۆلتۈرۈلدى، بەشى قولغا چۈشتى، بىر يارىلىنىپ قېچىپ كەتتى.
رازۋېدچىكلار باشلىقى دەرھال ياردەمچىلىرىنى باشلاپ ئورمانلىققا كىرىپ قوغلاپ تۇتماقچى بولدى. ئۇلار ئورمانلىققا كىرگەندىن كېيىن ئىككىيلەن قان ئىزىنى بويلاپ ئاختۇردى. تۇيۇقسىز يېقىنلا يەردىن مىلتىق ئاۋازى ۋە ھايۋانلارنىڭ دۈپۈرلىگەن ئاۋازى ئاڭلاندى، ساقچىلار ئاۋازنى ئاڭلاپ بېرىپ ئۆلگەن بىرنەچچە ئارقارنىڭ يول ئاستىدا ياتقانلىقىنى بايقىدى.
ئاچالدىكى قان ئىزى بىر رەت ئەمەس، ئىككى رەت بولۇپ قالغانىدى. روشەنكى، بۇنىڭ بىرى جىنايەتچىنىڭ، يەنە بىرى ھايۋانلارنىڭ قېنى بولۇپ، ئىككىسى ئىككى تەرەپكە كەتكەنىدى.
قانداق قىلىش كېرەك؟ قايسى جىنايەتچىنىڭ قېنىدۇ؟ ياردەمچى قان ئىزىغا قاراپ سەل گاڭگىراپ قالدى، لېكىن
رازۋېدچىكلار باشلىقى ئاددىي ئۇسۇل بىلەن جىنايەتچىنىڭ قېنىنى پەرق ئەتتى ۋە جىنايەتچىنى قولغا چۈشۈردى.
رازۋېدچىكلار باشلىقى قانداق قىلىپ جىنايەتچىنىڭ قېنىنى پەرق ئېتەلىدى؟
رازۋېدكا ھېكايىلىرى (42) نىڭ جاۋابى:
تۆمۈر ئالماستىن يۇمشاق بولسىمۇ، لېكىن ئالماس ئىسسىقتىن، سوقۇلۇشتىن قورقىدۇ. شۇڭا بولقا ئالماسنى ئۇرۇپ ئېزىۋېتەلەيدۇ.بۇ خۇددى رېزىنكە توپنى كۈچەپ ئاتقاندىن كېيىن ئۆزىدىن قاتتىق بولغان ئەينەكنى چېقىۋېتەلىگىنىگە ئوخشايدۇ.
