شىنجاڭدا 2015-يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىشنىڭ تولۇق كۇرس مەكتەپلىرىگە ئوقۇغۇچى قوبۇل قىلىش خىزمىتى 18-ئاۋغۇست ئاياغلاشتى، شىنجاڭدىن جەمئىي 63 مىڭ 400 نەپەر ئوقۇغۇچى پۈتۈن مەملىكەتنىڭ ھەرقايسى جايلىرىدىكى تولۇق كۇرس مەكتەپلىرىگە قوبۇل قىلىندى.
ئاپتونوم رايونلۇق ئوقۇغۇچى قوبۇل قىلىش ئىشخانىسىنىڭ 19-ئاۋغۇست ئوقۇغۇچىلارغا ئەسكەرتىشىچە، نۆۋەتتە ھەرقايسى مەكتەپلەرنىڭ قوبۇل قىلىش ئۇقتۇرۇشى ئوقۇغۇچىلارغا ئەۋەتىلىۋاتقان بولۇپ، ئوقۇغۇچىلار ‹‹شىنجاڭ ئوقۇغۇچى قوبۇل قىلىش تورى›› غا چىقىپ ئىمتىھانغا قاتنىشىش كېنىشكىسى ئارقىلىق قوبۇل قىلىش نەتىجىسىنى بىلىۋالسا بولىدىكەن.
ئوقۇغۇچىلار ۋە ئاتا-ئانىلار ئېنىق بىلەلمەي قالغان مەسىلىلەر بولسا ئاپتونوم رايونلۇق ئوقۇغۇچى قوبۇل قىلىش ئىشخانىسىنىڭ كۈتۈۋېلىش پونكىتى ياكى ئوقۇغۇچى قوبۇل قىلىش ئاپپاراتىغا بېرىپ مەسلىھەت سورىسا، ياكى خىزمەت ۋاقتىدا 2015-يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش مەيدانى قىزىق لىنىيە تېلېفون نومۇرى 8750000 - 0991 غا تېلېفون قىلسا بولىدىكەن.
ئۇنىڭدىن باشقا، مۇخبىرنىڭ ئاپتونوم رايونلۇق ئوقۇغۇچى قوبۇل قىلىش ئىشخانىسىدىن ئىگىلىشىچە، شىنجاڭنىڭ 2015-يىللىق ئادەتتىكى ئالىي مەكتەپلەرنىڭ مەخسۇس كۇرس 1-تۈركۈمگە ئوقۇغۇچى قوبۇل قىلىش خىزمىتى 20-ئاۋغۇستتىن 24-ئاۋغۇستقىچە ئېلىپ بېرىلىدىكەن. بۇ قېتىم ئاپتونوم رايون ئىچى، سىرتىدىن بولۇپ جەمئىي 130 ئالىي مەكتەپ شىنجاڭدىن 34 مىڭ 717 ئوقۇغۇچى قوبۇل قىلىشنى پىلانلىغان.
