–
24/03/2012Posted in: ئۇنىۋېرسال
تۈركىيەدە ئوقۇش ۋە خاندەلىك ھەققىدە يېڭى بەلگىلىمىلەر ئېلان قىلىندى
ھازىر تۈركىيەدە 100دىن ئارتۇق دۆلەتتىن كەلگەن ئوقۇغۇچى دۆلىتىمىزدىكى ھەرخىل ئۇنىۋېرسىتېتلاردا خاندەلىك ئېلىپ ئوقۇۋاتىدۇ. بۇ يىلغىچە، ئوقۇغۇچىلار TCS دەپ ئاتىلىدىغان ئىمتىھان ئارقىلىق ياكى ئۆزلىرى تۇرۇشلۇق دۆلەت تەرىپىدىن تاللىنىپ (تۈركىيەدە ئوقۇش ئۈچۈن) ئەۋەتىلىۋاتاتتى. تۈركىيە جۇمھۇرىيىتى تەرىپىدىن چەتئەللىك ئوقۇغۇچىلارغا بېرىلىۋاتقان خاندەلىك پروگراممىسى 2012 – يىل 1 – ئاينىڭ 11 – كۈنى «تۈركىيە خاندەلىكى» نامى بىلەن قايتىدىن تۈزۈپ چىقىلدى. يېڭى سىستېمىدا تۈركىيەدە ئوقۇش ئۈچۈن تىزىملىتىش، تاللاش، سان ۋە كەسىپلەرگە مۇناسىۋەتلىك ماددىلارغىمۇ ئۆزگەرتىش كىرگۈزۈلدى. يېڭى سىستېمىغا ئاساسەن، 2012 – يىلىدىن باشلاپ ئوقۇغۇچى تىزىملاش پروگراممىسىنىڭ ماددىلىرى تۆۋەندىكىچە:
1. يېڭى خاندەلىك سىستېمىسى ئوقۇغۇچىلارنىڭ بىز بىلەن ئالاقىلىشىشىنى قولايلاشتۇرۇپ، ھەركىمگە تەڭ پۇرسەت يارىتىپ بېرىش بىلەن بىرگە، رەسمىيەتلەرنى ئازايتىپ، مەدەنىيەت سەۋىيەسى ۋە قابىلىيەتلىرىگە يارىشا ئۇنىۋېرسىتېت ۋە فاكۇلتېت تاللاشتا ئوقۇغۇچىلارغا يېتەكچىلىك قىلىدۇ.
2. تىزىملىتىش: ئوقۇغۇچىلار ئېنتىرنېت تورى ئارقىلىق ئۆزلىرى (بىۋاسىتە) تىزىملىتىدۇ. ئوقۇغۇچىلار ئۆزلىرىدىن تەلەپ قىلىنغان ماتېرىياللارنى سكەن قىلىپ، تور بېتىمىزگە يوللايدۇ. خالىغان ئوقۇغۇچىلار ماتېرىياللىرىنى تۈركىيە جۇمھۇرىيىتىنىڭ (ئۆزلىرى تۇرۇشلۇق دۆلەتتىكى) باش ئەلچىخانىسى ياكى كونسۇلخانىسىغا پوچتا ياكى قول ئارقىلىق تاپشۇرۇپ بەرسە بولىدۇ. بۇ يىلدىن تارتىپ تەلەپ قىلىنىدىغان ماتېرىياللارنىڭ سانى ئۆتكەن يىللاردىكىدىن ئاز بولىدۇ. تىزىملىتىش ۋاقتىغا مۇناسىۋەتلىق ئۇقتۇرۇش 4 – ئاينىڭ بېشىدا ئايرىم ئېلان قىلىنىدۇ.
3. تاللاش: ئوقۇغۇچىلارنى تاللاش شەكلى ئىككى باسقۇچلۇق بولۇپ، بىرىنچى باسقۇچتا ئوقۇغۇچىلارنىڭ نەتىجىلىرى كۆزدىن كەچۈرۈلىدۇ (تولۇق ئوتتۇرا دىپلوم نەتىجىسى ياكى خۇلاسە ئىمتىھان نەتىجىسى، ئۇنىۋېرسىتېت ئىمتىھان نەتىجىسى، خەلقئارالىق ئىمتىھان نەتىجىسى (تىل ئىمتىھانلىرى) ياكى (دىپلومىنى تېخى قولىغا ئالمىغانلار) تىزىملىتىش ۋاقتىغىچە ئېلىنغان بارلىق ئىمتىھان نەتىجىلىرى قاتارلىق نەتىجىلەردىن ئەڭ ئاز دېگەندىمۇ بىرنى كۆرسىتىشى كېرەك). ئوقۇغۇچىلار ئۆزلىرى ئوقۇماقچى بولغان ئۇنىۋېرسىتېت ۋە فاكۇلتېتنىمۇ تىزىملىتىش ۋاقتىدا ئېنىق بىلدۈرۈشى كېرەك. ئەۋەتىلگەن ماتېرىياللار باھالاپ چىقىلغاندىن كېيىن، تۈركىيەگە كېلىپ ئوقۇشقا مۇناسىپ كۆرۈلگەن ئوقۇغۇچىلار يۈزتۇرانە ئىمتىھانغا چاقىرىلىدۇ.
ئىككىنچى باسقۇچ يۈزتۇرانە ئىمتىھان باسقۇچى بولۇپ، ئىمتىھاندا ئوقۇغۇچىنىڭ ئوقۇش تارىخىنىڭ (تۈركىيەدە ئوقۇش ئۈچۈن) تاللىغان كەسپىگە مۇۋاپىق كېلىپ – كەلمەيدىغانلىقى، دۆلىتى ۋە تۈركىيەگە بولغان چۈشەنچىسى ۋە كەلگۈسى (خىزمەت) پىلانى قاتارلىقلار باھالىنىدۇ. ئوقۇغۇچىلار بۇ ئىككى باسقۇچتا ئالغان نومۇرلىرىنىڭ رەت تەرتىپىگە ئاساسەن ئۆزلىرى تاللىغان ئۇنىۋېرسىتېت ۋە فاكۇلتېتلاردىن بىرىگە ئورۇنلاشتۇرۇلىدۇ. يۈزتۇرانە ئىمتىھان ھەر دۆلەتنىڭ ئوقۇ – ئوقۇتۇش كالېندارىغا ئاساسەن 6 -، 7 – ۋە 8 – ئايلارنىڭ ئىچىدە ئېلىپ بېرىلىدۇ. ئىمتىھاندىن ئۆتۈپ، تۈركىيەدە ئوقۇشقا تاللانغان ئوقۇغۇچىلارنىڭ تىزىملىكى 8 – ئايدا ئېلان قىلىنىدۇ.
4. قوبۇل قىلىنىدىغان ئوقۇغۇچىلارنىڭ سانىدا ئۆزگىرىش بولمايدۇ. ئوقۇش نەتىجىلىرى يۇقىرى بولغان، ئۇنىۋېرسىتېت ۋە فاكۇلتېتنى ئۆزىنىڭ بىلىم ۋە قابىلىيىتىگە كۆرە تاللىغان نامزاتلارغا ئۇنىۋېرسىتېتلارنىڭ ئەمەلىي ئەھۋالىغا قارىتا خاندەلىك بېرىلىدۇ. ئۇنىڭدىن سىرت مۇۋاپىق ساندا زاپاس نامزات بېكىتىلىپ، ئالدىن تاللانغان نامزاتلاردىن كەلمىگەنلەرنىڭ ئورنىغا تىزىملىكتىكى رەت نومۇرى بويىچە قوبۇل قىلىنىدۇ.
5. ئۇنىۋېرسىتېت ۋە فاكۇلتېت پىلانىدا ئوقۇغۇچىلارنىڭ مەمنۇنىيىتىنى ئاشۇرىدىغان يېڭى بەلگىلىمىلەر تۈزۈپ چىقىلدى. ئوقۇغۇچىلار تۈركىيەنىڭ ئالدىن قاتاردىكى ۋەقپە ئۇنىۋېرسىتېتلىرىنى تاللىسىمۇ بولىدۇ. ئۇنىڭدىن سىرت، دەرسنى ئىنگىلىزچە بېرىدىغان فاكۇلتېتلارنىڭ سانىمۇ كۆپەيتىلدى.
6. تۈركىيەدە ئوقۇش ئۈچۈن ئىلتىماس قىلغان ئوقۇغۇچىلاردىن نەتىجىلىرىنىڭ (تولۇق ئوتتۇرا دىپلوم نەتىجىسى ياكى خۇلاسە ئىمتىھان نەتىجىسى، ئۇنىۋېرسىتېت ئىمتىھان نەتىجىسى، خەلقئارالىق ئىمتىھان نەتىجىسى (تىل ئىمتىھانلىرى) ياكى (دىپلومىنى تېخى قولىغا ئالمىغانلار) تىزىملىتىش ۋاقتىغىچە ئېلىنغان بارلىق ئىمتىھان نەتىجىلىرى قاتارلىق) 60 تىن تۆۋەن بولماسلىقى تەلەپ قىلىنىدۇ.
7. بۇ يىل يولغا قويۇلغان «تۈركىيە خاندەلىكى»نىڭ تىزىملىتىش شەرتلىرى، تەلەپ قىلىنىدىغان ماتېرىياللار ۋە نامزاتلارنىڭ قانداق تاللىنىدىغانلىقىغا مۇناسىۋەتلىك تەپسىلىي مەلۇمات 4 – ئاينىڭ بېشىدا ئېلان قىلىنىدۇ. يېڭى ئۇقتۇرۇش ۋە تۈركىيەدە ئوقۇش ھەققىدىكى يېڭىلىقلاردىن خەۋەردار بولۇپ تۇرۇش ئۈچۈن تۈركىيە جۇمھۇرىيىتى باش مېنىستىرلىق قارمىقىدىكى چەتئەلدىكى تۈركلەر ۋە قېرىنداش تۈرك مىللەتلەر ئىدارىسىنىڭ تور بېتى: www.ytb.gov.tr نى زىيارەت قىلىپ تۇرىشىڭىزنى ئالاھىدە تەۋسىيە قىلىمىز.
46 Comments
بىر جاۋاب قالدۇرۇش
-
-
2012-يىل دېكابىر
| دۈ |
سە |
چا |
پە |
جۈ |
شە |
يە |
| « نويابىر |
|
|
| | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 |
|
ئەسسالامۇ ئەلەيكۇم! مېنىڭ سورايدىغان بىر قانچە سۇئالىم بار ئىدى.
1.ئوقۇماقچى بولغان ئۇنۋېرستىت ۋە فاكولتىتلاردىن بىرنىلا دېيشى كېرەكمۇ ياكى بىر قانچىنى دېسىمۇ بولامدۇ؟
2.مەن ئاسپىرانتلىقتا ئوقۇماقچى بولسام ئالي مەكتەپتە ئوقۇغان كەسىپتىن باشقا كەسپنى ئوقۇسام بولامدۇ؟
3.يۈزتۇرانە ئىمتىھان قەيەردە ئېلىپ بېرىلىدۇ؟ تۈركچىدە ئېلىپ بېرىلامدۇ؟
4.قۇبۇل قىلىنغان ئوقۇغۇچىلارنىڭ سانىدا ئۆزگىرىش بولمايدۇ دېيلىپتۇ، ئالدىنقى يىلى قانچە بالا قۇبۇل قىلىنغان ؟ قۇبۇل قىلىنىدىغان ئۇيغۇر ئوقۇغۇچىلار ئومۇمىي ئوقۇغۇچىلارنىڭ مەلۇم مۇقىم نىسبىتىنى ئىگەللەمدۇ ياكى قانداق؟ ئۆتكەن يىلى قانچەيلەن قۇبۇل قىلىنغان؟
5.خاندەلىكنى يېڭى كەلگەن ئوقۇغۇچىلارنىڭمۇ ئېلىش پۇرسىتى بارمۇ؟ ئەگەر ئائىلىسى نامرات بولسا شۇ يەردىكى ئىجدىمائىي تەشكىلاتنىڭ ياردىمىگە ئېرىشىش ۋە ياكى ئىشلەپ پۇل تېپىش ئىمكانىيىتى بارمۇ؟
ۋەئەلەيكۇم ئەسسالام!
1. بىر قانچە ئۇنىۋېرسىتېت ۋە فاكۇلتېتنى تاللاش ھەققىڭىز بار.
2. باشقا كەسپنى تاللاش ھەققىڭىزمۇ بار، بولۇپمۇ ئىجتىمائىي پەن كەسىپلىرىنى بىمالال تاللىيالايسىز.
3. يۈز تۇرانە ئىمتىھاننىڭ قەيەردە، قاچان ۋە قايسى تىلدا ئېلىپ بېرىلىدىغانلىقى ھەققىدە ھېچقانداق مەلۇماتىمىز يوق.
4. قوبۇل قىلىنىدىغان ئوقۇغۇچىلارنىڭ سانى شۇ يىللىق ئوقۇشقا ئىلتىماس قىلغانلارنىڭ ئىچىدە قانچە ئوقۇغۇچى لاياقەتلىك بولسا، شۇنچە ئوقۇغۇچى قوبۇل قىلىنىدۇ. ئالدىنقى يىللىرى دۆلەت بىۋاسىتە قوبۇل قىلماي، ئوقۇغۇچىلار ئۆزى كېلىپ، تۈركچىنى تۈگەتكەندىن كېيىن، ئىمتىھان بېرىپ كىرەتتى، بۇ يىل ئۇنداق بولمايدۇ. شۇڭا قايسى دۆلەتتىن قانچە ئوقۇغۇچى قوبۇل قىلىش ئىشى پۈتۈنلەي ئوقۇغۇچىلارنىڭ نەتىجىلىرىگە مۇناسىۋەتلىك.
5. بۇ يىلدىن تارتىپ دۆلەت تەرىپىدىن قوبۇل قىلىنغان ئوقۇغۇچىلار تۈركىيەگە كەلگەندىن تارتىپ تاكى مەكتەپنى پۈتتۈرگەنگىچە خاندەلىككە ئېرىشەلەيدۇ. ئۇنىڭدىن سىرت، يىلدا بىر قېتىم يۇرتقا بېرىپ – كېلىش ئايرۇپىلان بېلىتىمۇ ئېلىپ بېرىلىدۇ.
ئەسسالام ئەلەيكۇم
باشقا كەسپنى تاللاش ھەققىڭىزمۇ بار، بولۇپمۇ ئىجتىمائىي پەن كەسىپلىرىنى بىمالال تاللىيالايسىز. دەپ ئېيتىپسىز، بۇ سۆز ئىجتىمائىي پەندە تۇرۇپ ئىجتىمائىي پەننى تاللىغانلار ۋە تەبىئي پەندە تۇرۇپ ئىجتىمائىي پەننى تاللىغانلارغا ئورتاقمۇ ؟ مەن تەبىئي پەندە ئوقۇغان خالىغان ئىجتىمائىي پەننى تاللىسام تاللىنىشىمغا تەسىر كۆرسىتەمدۇ ؟
ۋەئەلەيكۇم ئەسسالام! خاتىرجەم تاللاۋېرىڭ.
ئەسسالامۇ ئەلەيكۇم . قانداق تىزىملىتىمە ؟
ۋەئەلەيكۇم ئەسسالام! «تۈركىيەدە ئوقۇش ئۈچۈن تىزىملىتىش ئۇسۇلى» دېگەن يازمىنى ئوقۇپ چىقىڭ.
ئەسسالامۇ-ئەلەيكۇم.خىزمىتىڭلار ئۇچۇن كوپمۇ تەشەككۇر.يىڭى خەۋەرلەرنى ساقلايمىز.
مىنىڭ خۇلاسە ئىمتىھان نەتىجەم بىر قەدەر ياخشى ،لېكىن ئالىي مەكتەپ ئىمتىھان نەتىجەم بەك تۆۋەن ، قوبول قىلىش شەرتىگە توشارمەنمۇ؟
بۇ يىللىق ئوقۇغۇچى قوبۇل قىلىش ئۇقتۇرۇشىنى ئوقۇپ چىقىپ، ئۆز ئەھۋالىڭىزغا قارىتا ئىلتىماس قىلىپ باقسىڭىز بولىدۇ.
مېنىڭ بىر سىڭلىم بار ئىدى، ئۆزى ئوتتۇرا تېخنىكۇمدا سېستىرالىق كەسپىنى ئوقۇغان، ھازىر ئىنگىلىزچە ئايلىتىس ئىمتىھانىغا تەييارلىق قىلىۋاتىدۇ. ئۇنىڭ تۈركىيەدە داۋاملىق ئۆرلەپ ئوقۇغۇسى باكەن، ئىلتىماس قىلسا بولامدۇ؟ ئۇ تولۇق ئوتتۇرىدا ئوقۇمىغان، ئەمما تېخنىكومدىكى نەتىجىسى ياخشى ئىدى.
يېڭى بەلگىلىمىلەرگە قارىغاندا، تولۇق ئوتتۇرا مەكتەپنىڭ دىپلومى بولماي تۇرۇپ، ئىلتىماس قىلغىلى بولمايدىغان ئوخشايدۇ، سىلەر شۇنداقتىمۇ بىر ئىلتىماس قىلىپ بېقىڭلار، قوبۇل قىلىپ قالسا، ئەجەب ئەمەس.
تۇركىيەدىكى مەكتەپلەرنىڭ تىزىملىكىنى قەييەردىن تاپقىلى بولىدۇ؟. رەخمەت.
تور بېتىمىزدىكى بەزى يازمىلارنى ئوقۇسىڭىز، شۇلارنىڭ ئارىسىدا تۈركىيەدىكى ئۇنىۋېرسىتېتلارنىڭ تىزىملىكى بار.
ئەسسالامۇ ئەلەيكۇم، بۇنىڭغا ئىلتىماس قىلماقچى بولساق ماتىرىياللارنى سىلەرنىڭ بۇ تور بەتكىلا ئەۋەتىپ بەرسەك بولامدۇ؟ ئۇلارنىڭ تور بتىگە قانداق ئەۋەتىشنى بىلەلمىدىم. سىلەرنى يەنە ئاۋارە قىلىدىغان بولدۇم.
ۋەئەلەيكۇم ئەسسالام، بۇ ھەقتىكى يېڭى ئۇقتۇرۇشنى ئوقۇپ چىقىپ، تىزىملاتسىڭىز بولىدۇ.
ئەسسالامۇ-ئەلەيكوم ،مەن بىر تولوق ئوتتۇرا3-يىللقنىڭ ئوقۇغۇچىسى بولىمەن ،مەن بۇ قېتىمقى تاللاشقا قاتنىشاي دىگەن ئىدىم ،مېنىڭ دىپلومىم تىخى چىقمىغان ،لىكىن باشقا نەتىجىرىلىم تولۇق ،مەن قايسى ۋاقىتتا تېزىمغا ئالدۇرمەن ،بۇ توغورلۇق ماڭا چۈشەنچە بەرگەن بولساڭلار…
ۋەئەلەيكۇم ئەسسالام! دىپلومىڭىزنىڭ بولمىسىمۇ ھاجىتى يوق. ئۈچ يىللىق نەتىجىڭىزنى كۆرسەتسىڭىزمۇ بولىدۇ. بۇ ھەقتىكى يېڭى ئۇقتۇرۇشنى ئوقۇپ، شۇنىڭغا قارىتا تىزىملاتسىڭىز بولىدۇ.
تەلەپ قىلىنغان ماتېرىياللار قايسى؟ خاپا بولماي بىر يوللىۋېىتەمسىز . ئاللا رازى بولسۇن
بۇ ھەقتىكى يېڭى ئۇقتۇرۇش تۈنۈگۈن ئېلان قىلىندى، شۇنى ئوقۇپ چىقىپ، تىزىملاتسىڭىز بولىدۇ.
ئەسسالامۇ-ئەلەيكۇم! ئىلتىماس جەدۋىلى تېخى چىقمىدىمۇ نېمە؟بىز پەقەت تاپالمىدۇق مۇناسۋەتلىك توربېتىدىن.بىر قانچە مەكتەپ ۋە كەسىپنى تاللاش ئىمكانىيىتى بار دېگىنى بىر خاندەلىك ئىچىگە كىردىغان مەكتەپلەرنڭ سانىنى كۆرسىتەمدۇ ؟
ۋەئەلەيكۇم ئەسسالام! ئىلتىماس جەدۋىلى: http://www.turkiyeburslari.gov.tr دېگەن تور بەتتە بار. مۇشۇ تور بەتكە كىرىپ، باش بەتنىڭ يۇقىرى ئوڭ تەرىپىدە: Giriş yap | Üye ol دېگەن يەرگە كىرىسىز ۋە ئالدى بىلەن ئەزا بولىسىز (تىلىنى ئىنگىلىزچىگە تاللاپ قويسىڭىز بولىدۇ). ئاندىن سىزنىڭ ئېلخېتىڭىزگە بىر ئۇلىنىش ئەۋەتىدۇ، شۇ ئۇلىنىشنى باسقاندىن كېيىن، رەسمىي ئەزا بولغان بولىسىز. ئاندىن رەسمىي ئەزا سۈپىتىدە كىرسىڭىز، 9 بەتلىك جەدۋەل ئېچىلىدۇ، شۇ جەدۋەلنى تولدۇرسىڭىزلا بولغۇسى!
مەخسۇس كۇرۇسنى پۈتتۈرگەنلەرگە ئۆز چىقىمى بىلەن ئوقۇشقا بولامدۇ ؟ پاسپورت ئېلىنىپ بولغاندىن كىيىن ۋىزا ئۈچۈن قايسى قەدەم بويىنچە ئىش قىلىمىز ؟ چاقىرىق قەغىزىنى قانداق ئەكەلدۈرىمىز ؟
مەخسۇس كۇرس دىپلومى بىلەن ئوقۇشقا كىرگىلى بولمايدۇ، چۈنكى ئۇ دىپلومنى پەقەتلا ئېتىراپ قىلمايدۇ. چاقىرىق ئەكەلدۈرۈپ، تۈركىيەگە كېلەلىگەن تەقدىردىمۇ پەقەت تۈركچە كۇرسلاردىلا ئوقۇيالايسىز، ئەمما مەيلى دۆلەت ياكى پۇل تۆلەپ ئوقۇيدىغان شەخسىي ئۇنىۋېرسىتېت بولسۇن، ھېچقايسىسىغا (مەخسۇس كۇرس دىپلومى بىلەن) كىرىپ ئوقۇيالمايسىز. يەنە بىر گەپ، ئەگەر نېمىلا بولسۇن، چوقۇم كېلىمەن دەيدىغان نىيىتىڭىز بولسا، تۈركچە كۇرسلارنىڭ چاقىرىقى ئۈچۈن ئارتۇقچە پۇل تۆلەپ ئولتۇرماڭ، چۈنكى ئۇنىڭغا پەقەت 50 ياۋرۇ پۇل كېتىدۇ، ئۇنىڭدىن ئارتۇقى ئالدامچىلىق، قويمىچىلىق.
、ئەسسالامۇ-ئەلەيكۇم!چىچەك ئىلتىماس ماتېرىيالى تولدۇرۇش جەريانىدا ئازراق مەسسىللەرگە يولۇقتى.بۇنى قايسى جايدىن مەسلىھەتكە سورىسا بولىدۇ؟رەخمەت!
ۋەئەلەيكۇم ئەسسالام، ھەرقانداق مەسىلە بولسا، بىزدىن ياكى بىۋاسىتە سىز ئىلتىماس قىلىۋاتقان يەردىن سورىسىڭىز بولىدۇ.
ئەسسالام ئەلەيكۇم مەن تۈركىيەدە ئوقۇماقچى ئىدىم .پاسپورتۇم بار چەتئەلدە تۇرۋاتىمەن.تۇلۇق ئوتتۇرا مەكتەپ دىپلومۇم بار .ئەمما مەن بۇيىل 7ئايدا 24ياشقا كىرىمەن .تۈركىيەدە بەكمۇ ئوقۇغۇم بار.مەن تىزىملاتسام بۇلامدۇ؟رەخمەت.
ۋەئەلەيكۇم ئەسسالام! قېنى بىر تىزىملىتىپ كۆرۈڭ، بەلكىم قوبۇل قىلىپ قالار.
ئەسسالامۇئەلەيكۇم!
(1)مەن ئاللاھ خاخلىسا 2013- يىلى 6-ئايدا تولۇق كۇرۇسنى پۈتتىرىمەن،مىنىڭ ئوقۇغىنىم ئالدىنى ئىلىش مىدىتسىناسى،لىكىن مىنىڭ ئاسپىرانتلىقنى يۈرەك تاشقى كىسەللىكلەر ئىلمىدە ئوقۇغۇم بار،كەسىپ ئالماشتۇرۇشقا ئىمكان بارمۇ؟
(2)ئاللاھ خاخلىسا مىنىڭ GRE,TOEFL نەتىجىللىرىم2012-يىلى 12-ئاي ياكى 2013-يىلى 1-ئاي ئەتراپىدا چىقىدۇ.مەن شۇۋاقىتتا ئىنگىلىزچە ۋە كەسپى نەتىجىللىرىمنى يوللىسام ئۈلگىرەلەمدىم؟
(3) تۈركىيە تىببى ساھەسىدە قايسى مەكتەپنىڭ سەۋىيىسى ئەڭ يۇقرى؟ ئەگەر ئىمكان بولسا بۇ توغرىسىدا ئۇچۇر بەرگەن بولساڭلار.
ئاللاھ تىنىڭلارنى سالامەت،ئىشلىرىڭلارنى ئاسان قىلىپ بەرسۇن!
ۋەئەلەيكۇم ئەسسالام! دوختۇرلۇققا ئۇنداق كەسىپلەرنى بەرمەپتۇ، ساپلا دورىگەرلىككە ئائىت كەسىپلەر ئىكەن. ئىنگىلىزچە نەتىجىلىرىڭىز ئەلۋەتتە ئۈلگۈرىدۇ. تۈركىيەدە تىببى ساھەدە ئەڭ داڭلىق ئۇنىۋېرسىتېتلار ئىستانبۇل ئۇنىۋېرسىتېتى، ھاجەتتەپە ئۇنىۋېرسىتېتى، ئاق دېڭىز ئۇنىۋېرسىتېتى… دېگەنلەر داڭلىق.
ئەسسالامۇ-ئەلەيكۇم ئەدمىن مەن بۇ يىل مۇلاقەتكە قاتناشقان ئىدىم .لىكىن قۇبۇل قىلىنماپتىمەن ،پاسپورتىم بار مەن ئقتىساتىم بىلەن چىقسام تەخمىنەن بىر يىلدا قانچىىلىك ئقتىساد كېتىدۇ،بىر يىل تىل ئۇقۇشقچۇ ؟ بەك ئۇقۇغۇم بار ئدى تۈركىيەدە
ئەسسالامۇئەلەيكۇم، مەن بۇ يىل مۇلاقەتكە قاتناشقان. لېكىن چاقىرىق كەلمىدى، پاسپورتىم چىقىپ بولدى. ئۆز ئىقتىسادىم بىلەن ئوقاي دېگەن، ئىمكان بولسا، بۇ يىل ماڭاي دېگەن، ماڭا چاقىرىقنىڭ ئشى توغرۇلۇق يول كۆرسەتكەن بولساڭلار، ئاللاھ رەھمەت قىلسۇن ….،،،،
2 – قېتىملىق تىزىملىتىش ۋاقتى قاچان باشلىنىدۇ؟ قاچان تىزىملاتساق بولار؟ رەھمەت…بەك ئالدىراپ كېتىپ بارىمەن…
كېلەر يىلى 4 – ئايلاردا باشلىشى مۇمكىن.
ئاللاھ رەھمەت قىلسۇن…
ئەسسالامۇئەلەيكۇم ھۆرمەتلىك ئادمىن! بۇ يىل مۇلاقەتكە قاتناشقان لېكىن قوبۇل قىلىنالمىدىم. مەن كېلەر يىل 6 – ئايدا ئۆزلىگىدىن ئۆگنىش بويىچە تولۇق كۇرسنى پۈتتۈرىمەن. تۇركىيەدە ماگىستىرلىكنى ئوقۇشقا ئلتىماس قىلىشقا بولامدۇ؟ پاسپورتىم بار. تۇغۇلغان ۋاقتىم 1991.9.15
ئاللا رەھمەت قىلسۇن…
ئەسسالامۇئەلەيكۇم، مەن بۇ يىل مۇلاقەتكە قاتناشقان. لېكىن چاقىرىق كەلمىدى، پاسپورتىم چىقىپ بولدى. ئۆز ئىقتىسادىم بىلەن ئوقاي دېگەن، ئىمكان بولسا، بۇ يىل ماڭاي دېگەن، ماڭا چاقىرىقنىڭ ئشى توغرۇلۇق يول كۆرسەتكەن بولساڭلار، ئاللاھ رەھمەت قىلسۇن ….،،،،
تىل ئۆگىنىش چاقىرىقى بىلەن بارساق ئۇنىۋېرسىتېتقا بىر يىلدىن كېيىن كىرەلەيمىزمۇ؟ جاۋاپ بەرگەن بولسىڭىز؟
ۋەئەلەيكۇم ئەسسالام! ئىنگىلىزچىسى يوق ئوخشايدۇ، مەنمۇ ئىزدەپ تاپالمىدىم. ئەگەر ئوقۇغۇچىلارغا مۇناسىۋەتلىك يېڭى ئۇقتۇرۇشلار بولۇپ قالسا، بىز دەرھال ئۇيغۇرچىغا تەرجىمە قىلىپ، تور بېتىمىزگە قويىمىز. مۇشۇ يەردىن ۋاقىپ بولسىڭىز بولىدۇ.
ۋەئەلەيكۇم ئەسسالام، تىزىملاش باشلىدى. بۇ ھەقتىكى يېڭى يازمىمىزنى كۆرۈپ چىقىپ، تىزىمغا ئالدۇرسىڭىز بولىدۇ.
ۋەئەلەيكۇم ئەسسالام! تىزىملىتىش ئىشلىرى ئەمدى باشلاندى. يېڭى يازمىمىزنى ئوقۇپ چىقىپ، شۇنىڭغا قارىتا تىزىملاتسىڭىز بولىدۇ.
ۋەئەلەيكۇم ئەسسالام، سىڭلىمىز ئامىنە! خېتىڭىزنى تاپشۇرۇۋالدۇق ۋە تۈركىيەگ چىقىپ ئوقۇش ئارزۇيىڭىزدىن ۋاقىپ بولدۇق. راست، تۈركىيەدە ئوقۇش ۋە شارائىتلار بەكمۇ ياخشىلىنىۋاتىدۇ. بۇنىڭدىن كېين تۈركىيەگە چىقىپ ئوقۇيدىغان ئىشلارنى پۈتۈنلەي دۆلەت ئۆزى باشقۇرىدۇ. لېكىن سىزنىڭ ئوقۇش نەتىجىڭىز بەك ياخشى ئىكەن، بىزچە بولغاندا، ھازىرچە شۇ يەردىكى ئوقۇشىڭىزنى داۋاملاشتۇرۇپ، دوكتورلۇق ئۈچۈن تۈركىيەگە چىقسىڭىز، تېخىمۇ ياخشى بولارمىكىن دەپ ئويلايمىز. ئەگەر چوقۇم چىقىپ ئوقۇيتتىم دېسىڭىز، مەيلى ئىلتىماس قىلىپ باقسىڭىز بولىدۇ. بۇ ھەقتىكى يېڭى ئۇقتۇرۇشنى تور بېتىمىزگە تەرجىمە قىلىپ قويدۇق. شۇ يەردىن پايدىلىنالايسىز.
شۇنداق بوپتۇ، تازىلىساقمۇ خەت قوبۇل قىلغىلى ياكى خەت يازغىلى بولمايۋاتىدۇ. شۇڭا يېڭى ئېلخەت ئېچىپ قويدۇق، شۇ يەرگە خەت يازارسىز.
ۋەئەلەيكۇم ئەسسالام، تور ئادرىسىمىزدا بىر مەسىلە چىقىپ قالغانلىقى ئۈچۈن، ۋاقتىدا جاۋاب قايتۇرالمىدۇق، كەچۈرگەيسىز. دۆلەت تەرىپىدىن قوبۇل قىلىنىدىغان ئوقۇغۇچىلارنىڭ تىزىملىتىش خىزمىتى ئەمدى باشلاندى، تور بېتىمىزدىكى يېڭى يازمىنى ئوقۇپ، شۇ يەردىن تىزىملاتسىڭىز بولىدۇ.
ۋەئەلەيكۇم ئەسسالام! ماتېرىياللىرىڭىزنى بىزگە ئەۋەتىپ بېرىشىڭىزنىڭ ھاجىتى يوق، بىۋاسىتە دۆلەتنىڭ تور بېتىگە تىزىملاتسىڭىز بولىدۇ. بۇ ھەقتە ئېلان قىلىنغان يېڭى ئۇقتۇرۇشنى ئوقۇپ بېقىڭ.
ھەئە، شۇنداق بولۇپ قاپتۇ، چۈنكى سىغىمچانلىقى سەل كىچىك ئىكەن، توشۇپ كېتىپدۇ. ئۇنىڭ ئورنىغا يېڭى بىر ئېلخەت چىقىرىپ قويدۇق، شۇ يەردىن ئالاقىلاشسىڭىز بولىدۇ.
1991 – يىل 1 – ئاينىڭ 1 – كۈنىدىن كېيىن تۇغۇلغان بولسىڭىزلا ئىلتىماس قىلىپ باقسىڭىز بولىدۇ.
ئەگەر 60 نومۇر شۇنىڭغا توغرا كەلسە، بەلكىم بولىدىغاندۇ.