چارچىدىم

گۇلشەن ئايقۇمۇلي

مەن چارچىدىم 

بۇ دۇنيادىن چارچىدىم…

يالغانلاردىن چارچىدىم

ئوزىنى مۇسۇلمان دەپ-

پىتنە قىلىشتىن قورقمايدىغان-

روھى زاۋال نىمجانلاردىن چارچىدىم.

بىلىمسىز، نادان ”مىللەت سويەرلەر” دىن-

ئاللاھ دەپ ئاللاھتىن قورقمايدىغان-

نائەقىل ئادەملەردىن چارچىدىم. 

ياخشىلاردىن ھەسەت قىلىۋاتقان-

زارلاش بىلەن كۈن ئۆتكۇزۋاتقان-
سۇخەنچىلىكتە-

لالما ئىت كەبى قاتىراۋاتقان-

ئارمىزدىكى ئادەمسىمان-

بىز بىلەن تىلداش بولغان-

ئەشۇ ساپاسىزلاردىن چارچىدىم.

مەن تامان چارچىدىم 

قەلبى قارا مەخلۇقلاردىن چارچىدىم 

دوستۇڭمەن دەپ ئارقاڭدىن پىچاق ئۇرىدىغان-

تۇزكور مەلئ‍ۇنلاردىن چارچىدىم. 

مەن چارچىدىم 

بۇ دۇنيادىن چارچىدىم… 

مەدەت بەرگىن مەن ئاجىزە بەندەڭگە-

ھەم شەپقەت ئەقىلسىزلەرگە-

شۇندا مەن ئەسلى چارچىماسمىدىم!

2014- يىلى 7- ماي

نيويورك

شىئېرنىڭ رەسىم شەكلى :  

يازما ھوقۇقى: لوندون ئۇيغۇر ئانسامبىلى توربېكىتى
يازما ئادىرىسى: چارچىدىم