ئۆز خەۋىرىمىز:ئاز سانلىق مىللەتلەر كىيىم-كېچەك كۆرگەزمىسى غۇلجا ناھىيەسىدە ئۆتكۈزۈلگەن 6-نۆۋەتلىك شىنجاڭ ئىلى ئۆرۈك چېچىكى ساياھەت بايرىمىدىكى بىر يارقىن نۇقتىغا ئايلاندى. «ئۆرۈك ماكانى» غۇلجا ناھىيەسىدە 33 مىللەت بار بولۇپ، ئاساسلىقى ئۇيغۇر، خەنزۇ، قازاق، خۇيزۇ قاتارلىقلار بار. بۇ ئىناق ماكاندىكى ئاز سانلىق مىللەتلەرنىڭ كىيىم-كېچەكلىرىنى بىر-بىرىدىن سەرخىل دېيىشكە بولىدۇ.

    كىيىم-كېچەك ــ مەدەنىيەتنىڭ بىر ئەينىكى بولۇپ، ئۇنىڭدىن بىر خىل مەدەنىيەت ئەنئەنىسىنىڭ ئەخلاق ئېتىكىسى (ئەدەپ-ئەخلاقى)نى، قىممەت قارىشىنى، پىسخىكا ئالاھىدىلىكىنى، ئۆرپ-ئادىتى ۋە ئېتىقادى قاتارلىقلارنى كۆرۈۋالغىلى بولىدۇ.