دوستلۇققا يار ئادەم __ ھەممە جايدا دوست ئۇچرىتىپ تۇرىدۇ؛
قەدىناسلىققا يار ئادەم __ ھەر قاچان، ھەر جايدا يالغۇز قالمايدۇ؛
ئادالەتكە يار ئادەم __ ھەممە جايدا پىكىرداشلار بىلەن كۆرۈشۈپ تۇرىدۇ؛
ھەقىقەتكە يار ئادەم __ ھەممە جايدا گېپىنى قۇلاق سېلىپ ئاڭلايدىغانلارنى ئۇچرىتالايدۇ؛
مېھىر - شەپقەتكە يار ئادەم __ ھەر قاچان، ھەر جايدا ئۆزىگە ۋە ئۆزگىلەرگە تىنچلىق بەخش ئېتىدۇ؛
ئاق كۆڭۈللۈككە يار ئادەم __ ھەر قاچان، ھەر جايدا خۇشال ياشايدۇ ھەمدە كىشىلەرگە خۇشاللىق ئاتا قىلالايدۇ؛
سەمىمىيلىككە يار ئادەم __ ھەممە جايدا ئىشەنچكە ئېرىشەلەيدۇ؛
ئىجتىھاتقا يار ئادەم __ ھەر قاچان، ھەر جايدا نەتىجىگە ئىگە بولىدۇ؛
كەمتەرلىككە يار ئادەم __ ھەر قاچان، ھەر جايدا كىشىلەر بىلەن ئىناق ئۆتىدۇ؛
ھۇرۇنلۇققا يار ئادەم __ ھەممە جايدا پەس كۆرۈلىدۇ ۋە كەمسىتىلىدۇ؛
شەخسىيەتچىلىككە يار ئادەم __ ھەممە جايدا كىشىلەردىن ئاغرىنىپ، نارازى بولۇپ يۈرىدۇ؛
ئادالەتسىزلىككە يار ئادەم __ ھەممە جايدا ئىناقسىزلىق سۆز - چۆچەكلىرىنى تارقىتىدۇ.

(تۇرۇپ بارات تەييارلىغان)