سوئاللارغا بېرىلگەن جاۋابلار
سوئال: «ئادەم نېمە ئۈچۈن ياشايدۇ؟» دېگەن سوئالغا كېچە - كۈندۈز جاۋاب ئىزدەپ بېـشـىـم قـاتـتـى. شـۇڭـا، مـەن تـا ھازىرغىچە ئۆزۈمنىڭ نېمە ئۈچۈن ياشايدىغانلىقىمنى بىلەلمەي يۈرۈۋاتىمەن. بۇ سوئالغا جاۋاب تاپالماسلىقىم ئەيىپ سانىلارمدۇ؟
(ئۈرۈمچى «نۇر دىيار» تەربىيىلەش مەركىزىدىن ماھىرە غوپۇرنىڭ سوئالى)
1- جاۋاب: سائەتنىڭ ھەر بىر چىكىلدىشى ـــ ۋاقىتنىڭ ئۆتكەنلىكىنى، ئادەمنىڭ ھەر بىـر تـىـنـىـقـى ـــ ئۆمۈرنىڭ كەتكەنلىكىنى بىلدۈرىدۇ؛ قۇرۇق خىيال بىلەن جان بېقىش ئىنـسـانـنـىـڭ ئىـشـى ئەمـەس، پەقەت ئەجىر- مېھنەتلا ئادەمنى مەڭگۈلۈك كۈلدۈرىدۇ. ياخشىسـى سـىـز، قـانـداق ئادەم مـەڭـگـۈلـۈك ياشايدۇ، دېگەن سوئال بويىچە ئەستايىدىل ئويلىنىڭ ۋە ئىش قىلىڭ.
_ يېڭىساردىن: تۇرغۇن مۆمىن
2- جاۋاب: سىز بۇ دۇنياغا نېمە ئۈچۈن كەلگەنلىكىڭىزنى بىلسىڭىزلا، سوئالىڭىزنىڭ جاۋابى ئۆزلۈكىدىن تېپىلىدۇ.
_ قەشقەر شەھەر نەزەرباغ يېزا توققۇزتاش ئاھالە كومىتېتىدىن: مۇختار ئابلىز
سوئال: بىر چوكان ماڭا نەسىھەت قىلىپ: «كەپمۈتتىن سېغىز ياخشى، مېۋىدىن مېغىز ياخشى، قۇلاقتىن ئېغىز يـاخـشـى» دەيدۇ. مەن بۇنىڭ مەنىسىنى تازا بىلىپ كېتەلمىدىم، چۈشەندۈرۈپ قويساڭلار.
(ئۈرۈمچىدىن ئەركىننىڭ سوئالى)
جاۋاب: بۈگۈنكى كۈنلەردە، ئەنە شۇنداق چوكانلار كەمپۈتنىڭ تەمىنى سېغىزدىن، مېۋىنىڭ شىرنىسىنى مېغىزدىن، قۇلاقنىڭ رولىنى ئېغىزدىن ئىزدىگەچكە، بۇ گەپ سىزگە غەلىتە تۇيۇلۇپتۇ.
_ قاراقاش ناھىيە ئاقساراي يېزا ئاياغ جىلغا كەنت 1- مەھەللىدىن: نۇرمۇھەممەت تۇردىئەخمەت
سوئال: مەن بىر ماتېرىيالدىن «نامراتلىق _ جىنايەت» دېگەن گەپنـى كـۆرۈپ قـالـدىـم - دە، «مـەن ۋە مـاڭـا ئوخشاش نامراتلار جازالىنىپ كېتەرمىزمۇ؟ ساقچىلار بىزنى تۇتقـىـلـى قـاچـان كـېـلـەر؟» دەپ كـېـچـە - كـۈنـدۈز ئۇخلىيالمايۋاتىمەن. بىزدەك نامراتلارنى ساقچىلار بىلىپ قالسا، راستتىنلا تۇتۇپ كېتەرمۇ؟
(قاغىلىق ناھىيە كۆكيار يېزا ئېگىز يار كەنتىدىن ئابدۇللاجان قۇدرەتنىڭ سوئالى)
جاۋاب: نامراتلىقنىڭ جىنايەت ئىكەنلىكىنى «ساقچىلار» بىلىپ قالغۇچە، ھالال تەر تۆكۈپ تېزراق باي بولۇۋېلىڭ، بولمىسا ھامان «تۇتۇلۇپ»قالىسىز.
_ قەشقەر شەھەر نەزەرباغ يېزا توققۇزتاش ئاھالە كومىتېتىدىن: مۇختار ئابلىز
سوئال: كونىلار:«قولى ئاستا ھۈنەرۋەندىن پۇتى ئىتتىك قەلەندەر ياخشى» دەپتىكەن. مەن ھۈنەرۋەن بولاي دېسەم قولۇمنىڭ ئاستىلىقىدىن، قەلەندەر بولاي دېسەم پۇتۇمنىڭ ئاستىلىقىدىن ئەنسىرەپ ھېچنېمە بولالمىدىم. مەن زادى نېمە بولسام بولار؟
(قاغىلىق ناھىيە تېتىر يېزا 10- كەنت 5- مەھەللىدىن ئىلياس ئابلىمىتنىڭ سوئالى)
1- جاۋاب: سىز ئەڭ ياخشىسى كاللىڭىزنى ئىتتىك قىلىپ خوجايىن بولۇڭ، شۇنداق قىلالىسىڭىزلا پۇت- قولىڭىزنىڭ ئاستىلىقىدىن ئەنسىرەشنىڭ ھاجىتى قالمايدۇ.
_ پىچان ناھىيە لۈكچۈن بازارلىق رادىئو- تېلېۋىزىيە پونكىتىدىن: ئۆمەرجان رېشىت
2- جاۋاب: سىز «ئالدىرىغاننىڭ بۇرنى قاناپتۇ، ئاستا ماڭغاننىڭ كۆتىگە تاياق تېگىپتۇ» دېگەن گەپنى ئاڭلىمىغانمۇ؟ سىز ھۈنەرۋەن ياكى قەلەندەر بولۇشنى خىيال قىلىپ يۈرمەي، پۇت- قولىڭىزنىڭ ئاستىلىقىدىن ئەنسىرەشنىڭ ئورنىغا كاللىڭىزنىڭ ئىتتىك بولالمىغانلىقىدىن ئەنسىرىسىڭىز بولغىدەك.
_ «خوتەن گېزىتى» دىن: روزىئەخمەت تۇرا
3- جاۋاب: سىز ھېچ ئىشقا ئالدىراپ كەتمەي، ئاشۇنداق كۈتۈپ يۈرۈۋېرىڭ، بەلكىم كۈنلەرنىڭ بىرىدە قولىڭىز ئىتتىكلەپ ھۈنەرۋەن بولارسىز، قاملاشتۇرالمىسىڭىز پۇتىڭىز ئىتتىكلەپ قەلەندەر بولارسىز!
_ چىرا ناھىيە نۇرى يېزا چوڭكۆل كەنتىدىن: تاھىرجان ئابدۇرېھىم
ژۇرنىلىمىزغا مۇشتەرى بولۇڭ ... يېڭى سانلاردا بېرىلىۋاتقان ھەزىل سوئال - جاۋابلار سىزنى كۈلكىدىن توختاتمايدۇ، 24 سائەت مۇشتەرى قوبۇل قىلىش، قىزغىن مۇلازىمەت قىلىش تېلېفونى : 13579800944
|
تورداشلارنىڭ مۇنازىرىلىرى:
