قۇلاق ئاسىراش ھەركەتلىرى ھەم ساغلاملىق

ياشىنىش مەنبەلىك ئاڭلاش ئىقتىدرى چېكىنىش ياشانغانلارنى قىيناۋاتقان ئازابلارنىڭ بىرى ، گەرچە ھازىر ياشانغانلاردىكى ئاڭلاش سەزگۈسى چېكىنىشنىڭ ئالدىنى ئېلىشنىڭ تەدبىرى تېپىلمىغان بولسىمۇ ، ئەمما مۇنداق ئۇسۇللار بىلەن قۇلاقنى ئاسراش ھەركىتى ئىشلەپ بەرسە ، ھېچ بولمىسا ئاڭلاش ئىقتىدارى چېكىنىش ۋاقتىنى كەينىگە سۈرگىلى بولىدۇ :

 قۇلاق دەھلىزى : ئىككى قولنى بىر - بىرىگە سۈركەپ قىزىتقاندىن كېيىن ، ئالىقاننى ئىككى قۇلاقنىڭ دەھلىزىگە توغىرىلاپ چىڭ بېسىپ ئالدى بىلەن ئاستىدىن ئۈستىگە قارىتىپ ، ئاندىن ئالدى - كەينىگە ، ئەڭ ياخشىسى چەمبەر شەكلىدە تاكى قىزارغۇچە ئۇۋۇلاپ بەرسە بولىدۇ ؛

 قۇلاق يۇمشىقى : ئىككى قولنىڭ باش بارمىقى ۋە بىگىز بارمىقى بىلەن قۇلاق يۇمشىقىنى تۇتۇپ ، يېنىك سىقىپ باشتا ئاستى ئۈستىگە 50 قېتىم ، ئاندىن ئالدى كەينىگە 50 قېتىم ئوۋۇلاپ بەرسىلا بولىدۇ ؛

 قۇلاق تۆشۈكى : ئىككى چىمچىلاقنى قۇلاق تۆشۈكىگە تىقىپ ، ئوڭدىن سولغا خۇددى بىر نەرسىنى بۇرمىلىغاندەك 50 قېتىم ئۇۋۇلاپ بەرسىلا بولىدۇ ؛

 قۇلاق مۇنچىقى : ئىككى قولنىڭ كۆرسەتكۈچ بارمىقى بىلەن قۇلاق تۆشۈكىدىكى قۇلاق مۇنچىقىنى بىر بېسىپ ، بىر قويۇپ بەرسەك ، ھاۋا بېسىمى قۇلاق ناغرا پەردىسىنى ئۇۋۇلاش رولىنى ئوينايدۇ ، بۇنىمۇ 50 قېتىم ئىشلەپ بەرسىلا بولىدۇ ؛

 قۇلاق ئارقىسى : ئىككى بارماقنى جۈپلەپ قۇلاقنى ئارقىسىدىن ئالدىغا يىنىك ئىتتىرىپ قۇلاق تۆشۈكىنى ياپىمىز ، ئاندىن قويۇپ بېرىمىز ، بۇ ھەرىكەتنىمۇ 50 قېتىم ئىشلەپ بەرسەكلا بولىدۇ . بولۇپمۇ قاتتىق سوغۇق بولىدىغان قىش كۈنلىرى قۇلاققا ئاسانلا سوغۇق ئۆتۈپ قالىدۇ ، بۇنداق چاغدا پات - پات قۇلاقنى ئۇۋۇلاپ بەرسە ، تېبابەتچىلىك نۇقتىسىدىن ئېلىپ ئېيىتقاندا ، بۆرەكنى قۇۋەتلەپ ئۆمۈرنى ئۇزارتىش مەقسىتىگە يەتكىلى بولىدۇ .